Ịrịka 9
9
Eche ọyịparahu ọhụva
1 #
Kụra 12.1-13
Ịnị ụhwẹ ịpaapa ịnị ịrayị ọhụva ọnị Anisirẹrị nịnị jịnẹ hụrị Ijipiti va ngụ ịnị ụnọmị Ịsịnayị, Ẹnẹyịmavara ô pe Imosiisi kà ịrẹyị. 2Ọ kà Imosiisi ọ ka yị Anisirẹrị nịnị ẹ rị eche ọyịparahu ịnị ụmẹ anị. 3Oruva ẹkụhị ẹwụrẹna ịnị ụhwẹ ọnọọ ọ vị ụmẹ ana a sị rị eche ọnọọ nị. Di o hu wa ụvọ ka ẹ za avaba ido anaā sịị rị ọ nị. 4Ịzẹyịza, dị Imosiisi kà yị wa ẹ bẹdọ rị eche ọyịparahu ọnọọ nị. 5Dị ẹnịnị rị eche ọnọọ oruva ịnị ẹkụhị ẹwụrẹna ịnị ụhwẹ ịpaapa anka Ẹnẹyịmavara mẹ ọda anị tụ Imosiisi hi wa nị. 6Â nyị aza ẹnyị ịnị ẹngụ Anisirẹrị ẹnẹ ẹ yị rị eche ọyịparahu beri aza ana vọ. Ẹnịnị ẹ kanyị oku ọza ene du wa ẹngụ. Dị ẹnịnị họ̀ Imosiisi ọnịrị Eerọnị ka, 7sị ẹ vẹ dị ẹnị ana kanyị oku ẹ yị zụ rị eche ọyịparahu, dị ẹnị mẹ̀ ịsọvọ hi Ẹnẹyịmavara anka aza ana vọ ụmẹ ọnyọọnya? 8Dị Imosiisi tụ wa ohi ka, ẹnịnị ẹ jẹẹ zi ụmẹ ọnị Ẹnẹyịmavara ọ̀ọ ka yị ọnị. 9Ẹnẹyịmavara ộ ka yị Imosiisi ka, 10ọ ka yị ịragụ Anisirẹrị ka, ụmẹ tụra ụmẹ ọnị àa nyị ọza ẹnẹ ẹ yị zụ rị eche ọyịparahu agụvị ka ọ̀ kanyị oku ene du ọ ẹngụ, a vị ka ọ jịnẹ na aha onoze, ọ zụ varẹma rị ọ. 11Ẹngụ aza ẹnẹẹ ẹ zụ rị eche ọnọọ ịnị oruva ẹkụhị ẹwụrẹna ịnị ụhwẹ ọhụva anị. Dị ẹ rị ọ beri ịbụrẹdị ẹnẹ ẹ nyị owu vaka avị ọnyịrẹyị. 12#Kụra 12.46; Ịjọ 19.36Ẹ za avaba ido eche ọyịparahu. Asị a nyị ịsị ẹ vọ ẹtẹ tịtẹ tu eyinẹhẹ anị, dị asị ẹ chaka ẹchụkụ uye anị. 13Àa nyị ọza ọnị ẹ yị nị, a vị dị ẹ yị jịnẹ nị, dị o yi ka ọnị ẹ yị rị eche ọnọọ nị, ọ vaa rị ụya ịvị anị, kụkụ vaa za ọza ọnọọ ịrịka beri aza Ohomorihi agụvị ka ẹ yị sị ịsọvọ va yị Ẹnẹyịmavara ịnị ụmẹ anị. 14Anikinami ana ra beri wa ẹẹ ka ẹnị aa rị eche beri wa, ẹ za avaba ido eche ọnọọ.
Eguhi ọnịrị ịra ịrẹsụ ajẹngụ
(Kụra 40.34-38)
15Ịhị ọnị a jị ajẹngụ Ẹnẹyịmavara, eguhi vị ene ku ọ ịrẹsụ pooro na ngụ oruva, dị ọ vara ịra ku ọ ịrahụ nị. 16Avọọ ẹtẹ mẹ vana ya ịnị avaba ụmẹ nị. 17Ụmẹ ọnị eguhi ọ̀ọ va hịrẹ ịrẹsụ ajẹngụ, dị aza aa saasa a ịzị ọ zị pooro ne tu ịzị ọ jẹẹ, dị ẹ ka ahụ jẹẹ ịzọọ. 18Ẹnẹyịmavara ọ̀ọ ka ẹ kwẹẹtẹ, dị ẹ kwẹẹtẹ, ọ̀ọ ka ẹ jị udi tụ ịzọọ, dị ẹ ka ahụ jẹẹ. Ụmẹ tụra ụmẹ ọnị eguhi ọ ya ịrẹsụ ajẹngụ, ẹ yị nyị ọza ana kwẹẹtẹ. 19Eguhi ọnọọ ọ daka ku ịrẹsụ ajẹngụ anị, ẹnịnị vị ana yịị jẹẹ ịzọọ anka Ẹnẹyịmavara mẹ mẹ̀ ọda anị yị wa. 20Ụmẹ ẹnyị eguhi vị ana mẹ ẹkụhị che kẹnẹ ịrẹsụ ajẹngụ, dị Ẹnẹyịmavara ọ kà a ka ẹẹ kwẹẹtẹ, dị ẹ rẹ kwẹẹtẹ. 21Ụmẹ ẹnyị eguhi vị ana mẹ eyinẹhẹ kẹnẹ, dị aza kwẹẹtẹ obobooro ọnịrị ụmẹ tụra ụmẹ ọnị eguhi oo hu ahụ. 22Ọ̀ọ daka vị ẹkụhị ẹẹva, ọ vị ụhwẹ, a vị ịrayị eguhi mẹ ịrẹsụ ajẹngụ nị, Avaba Anisirẹrị vị ana vavọọ e zi ọ. Ịhị ọ̀ọ kwẹẹtẹ kẹnẹ ẹnị re wu ẹnịnị dị ẹ yaa zị ụsẹ nị. 23Ịsị Ẹnẹyịmavara ọ ka yị Imosiisi tụ hi wa kẹnẹ ẹ yaa saasa nị. Ọ̀ọ ka ẹ kwẹẹtẹ, dị ẹ kwẹẹtẹ, ọ̀ọ kà a ẹ jẹẹ dị ẹ jẹẹ.
Currently Selected:
Ịrịka 9: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 9
9
Eche ọyịparahu ọhụva
1 #
Kụra 12.1-13
Ịnị ụhwẹ ịpaapa ịnị ịrayị ọhụva ọnị Anisirẹrị nịnị jịnẹ hụrị Ijipiti va ngụ ịnị ụnọmị Ịsịnayị, Ẹnẹyịmavara ô pe Imosiisi kà ịrẹyị. 2Ọ kà Imosiisi ọ ka yị Anisirẹrị nịnị ẹ rị eche ọyịparahu ịnị ụmẹ anị. 3Oruva ẹkụhị ẹwụrẹna ịnị ụhwẹ ọnọọ ọ vị ụmẹ ana a sị rị eche ọnọọ nị. Di o hu wa ụvọ ka ẹ za avaba ido anaā sịị rị ọ nị. 4Ịzẹyịza, dị Imosiisi kà yị wa ẹ bẹdọ rị eche ọyịparahu ọnọọ nị. 5Dị ẹnịnị rị eche ọnọọ oruva ịnị ẹkụhị ẹwụrẹna ịnị ụhwẹ ịpaapa anka Ẹnẹyịmavara mẹ ọda anị tụ Imosiisi hi wa nị. 6Â nyị aza ẹnyị ịnị ẹngụ Anisirẹrị ẹnẹ ẹ yị rị eche ọyịparahu beri aza ana vọ. Ẹnịnị ẹ kanyị oku ọza ene du wa ẹngụ. Dị ẹnịnị họ̀ Imosiisi ọnịrị Eerọnị ka, 7sị ẹ vẹ dị ẹnị ana kanyị oku ẹ yị zụ rị eche ọyịparahu, dị ẹnị mẹ̀ ịsọvọ hi Ẹnẹyịmavara anka aza ana vọ ụmẹ ọnyọọnya? 8Dị Imosiisi tụ wa ohi ka, ẹnịnị ẹ jẹẹ zi ụmẹ ọnị Ẹnẹyịmavara ọ̀ọ ka yị ọnị. 9Ẹnẹyịmavara ộ ka yị Imosiisi ka, 10ọ ka yị ịragụ Anisirẹrị ka, ụmẹ tụra ụmẹ ọnị àa nyị ọza ẹnẹ ẹ yị zụ rị eche ọyịparahu agụvị ka ọ̀ kanyị oku ene du ọ ẹngụ, a vị ka ọ jịnẹ na aha onoze, ọ zụ varẹma rị ọ. 11Ẹngụ aza ẹnẹẹ ẹ zụ rị eche ọnọọ ịnị oruva ẹkụhị ẹwụrẹna ịnị ụhwẹ ọhụva anị. Dị ẹ rị ọ beri ịbụrẹdị ẹnẹ ẹ nyị owu vaka avị ọnyịrẹyị. 12#Kụra 12.46; Ịjọ 19.36Ẹ za avaba ido eche ọyịparahu. Asị a nyị ịsị ẹ vọ ẹtẹ tịtẹ tu eyinẹhẹ anị, dị asị ẹ chaka ẹchụkụ uye anị. 13Àa nyị ọza ọnị ẹ yị nị, a vị dị ẹ yị jịnẹ nị, dị o yi ka ọnị ẹ yị rị eche ọnọọ nị, ọ vaa rị ụya ịvị anị, kụkụ vaa za ọza ọnọọ ịrịka beri aza Ohomorihi agụvị ka ẹ yị sị ịsọvọ va yị Ẹnẹyịmavara ịnị ụmẹ anị. 14Anikinami ana ra beri wa ẹẹ ka ẹnị aa rị eche beri wa, ẹ za avaba ido eche ọnọọ.
Eguhi ọnịrị ịra ịrẹsụ ajẹngụ
(Kụra 40.34-38)
15Ịhị ọnị a jị ajẹngụ Ẹnẹyịmavara, eguhi vị ene ku ọ ịrẹsụ pooro na ngụ oruva, dị ọ vara ịra ku ọ ịrahụ nị. 16Avọọ ẹtẹ mẹ vana ya ịnị avaba ụmẹ nị. 17Ụmẹ ọnị eguhi ọ̀ọ va hịrẹ ịrẹsụ ajẹngụ, dị aza aa saasa a ịzị ọ zị pooro ne tu ịzị ọ jẹẹ, dị ẹ ka ahụ jẹẹ ịzọọ. 18Ẹnẹyịmavara ọ̀ọ ka ẹ kwẹẹtẹ, dị ẹ kwẹẹtẹ, ọ̀ọ ka ẹ jị udi tụ ịzọọ, dị ẹ ka ahụ jẹẹ. Ụmẹ tụra ụmẹ ọnị eguhi ọ ya ịrẹsụ ajẹngụ, ẹ yị nyị ọza ana kwẹẹtẹ. 19Eguhi ọnọọ ọ daka ku ịrẹsụ ajẹngụ anị, ẹnịnị vị ana yịị jẹẹ ịzọọ anka Ẹnẹyịmavara mẹ mẹ̀ ọda anị yị wa. 20Ụmẹ ẹnyị eguhi vị ana mẹ ẹkụhị che kẹnẹ ịrẹsụ ajẹngụ, dị Ẹnẹyịmavara ọ kà a ka ẹẹ kwẹẹtẹ, dị ẹ rẹ kwẹẹtẹ. 21Ụmẹ ẹnyị eguhi vị ana mẹ eyinẹhẹ kẹnẹ, dị aza kwẹẹtẹ obobooro ọnịrị ụmẹ tụra ụmẹ ọnị eguhi oo hu ahụ. 22Ọ̀ọ daka vị ẹkụhị ẹẹva, ọ vị ụhwẹ, a vị ịrayị eguhi mẹ ịrẹsụ ajẹngụ nị, Avaba Anisirẹrị vị ana vavọọ e zi ọ. Ịhị ọ̀ọ kwẹẹtẹ kẹnẹ ẹnị re wu ẹnịnị dị ẹ yaa zị ụsẹ nị. 23Ịsị Ẹnẹyịmavara ọ ka yị Imosiisi tụ hi wa kẹnẹ ẹ yaa saasa nị. Ọ̀ọ ka ẹ kwẹẹtẹ, dị ẹ kwẹẹtẹ, ọ̀ọ kà a ẹ jẹẹ dị ẹ jẹẹ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.