Ịrịka 11
11
Aza ê rị uhuhu
1Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị. 2Dị aza na owu va za Imosiisi ka ọ gụ ẹnị ụvọ nị. Ịzẹyịza, dị ọ da ịpẹ yị Ẹnẹyịmavara, dị ọ mi ịra ọnọọ nị. 3Avọọ aa hị́ ịzọọ Itabera ọnị iruvo anị vị ịzị ẹ rị ịra. Ẹnẹyịmavara ộ rị ajẹngụ ẹnịnị ịra.
Aza ê na owu ụngwẹ
4Anikinami nịnị ana saasa Anisirẹrị nịnị ẹ kwẹẹtẹ aa ha ọhọha ịsọyịrị, dị Anisirẹrị nịnị ẹnị ree sụ ùnè ka ẹnị e yi re uye rị. 5Ẹ ka ẹnị ẹ tamayị ivovo ọnị ẹnị vịdị aa rị kẹnẹ-kẹnẹ ịnị Ijipiti. Ẹnị aa rị avaba ikukumba, ịpapara, ireeki, arịvasa, ọnịrị ịsa ana vọ o mee zee ẹnị eyi nị. 6Ama booro aanị ẹnị e yi re ịsa rị, Imana kẹnẹ ẹnị wáá maanị vaa rị eyinị-eyinị nị. 7#Kụra 16.31Imana vị ọvwọọvụ yeere anka uhu ana a hị́ ịkọrịyanda avọọ. 8#Kụra 16.13-15Aza ẹ̀ẹ kụ ọ hụụnị eteesu, dị aa sị ịrẹta kụ ọ a vị dị aa sị ịnẹ tu ọ. Dị aa hụ ọ, dị aa mẹ Ịbụrẹẹdị patapata aanị. A vavọọ sị ọ mẹ, di o hine anka aa sị angwẹ orivi mẹ̀ ẹ avọọ. 9Imana ẹnẹnị vị anaā sụ beri eguhi ịrahụ hi ịzị Anisirẹrị nịnị jị ajẹngụ ẹnịnị hi.
Aduwa Imosiisi
10Imosiisi ộ wụ ka aza ẹ da jẹẹ ovwoovu-ovwoovu ẹ yaa jị òrèrè ọvịdị ajẹngụ Ẹnẹyịmavara nị. Ayị anị ô du agụvị ka Ẹnẹyịmavara vaa nyayịnẹ aa kụ ayị hi wa. 11Dị Imosiisi họ̀ Ẹnẹyịmavara kà sị ẹ vẹ dị ọ maanị aa mẹ̀ ọnị? Sị ọnị mẹ dị Ẹnẹyịmavara kune ẹnya aza ẹnịnị tụra ọnị booro aanị? 12Ọnị ọ́ọ́ ma wa nị? Ọnị ọ́ọ́ vị ada ẹnịnị nị? Sị ẹ vẹ dị ọ ka ọnị ọ sị wa rị ụvọ anka ozi anaa ka ịrẹva avọọ na ngụ ịnị ẹtẹ ọnị Ẹnẹyịmavara hị́ eku anị yị ohiku ẹnịnị? 13Imosiisi kà Anisirẹrị nịnị aa kụ ịrẹka ka a sị uye yị ọnị. Ịzị ọnị ee ne re uye ọnị ọnị aa sị wa. 14Ọnị ẹ yị zụ za ẹnya aza ẹnịnị. Ẹnya ẹnịnị ọ sị rata huna ọnị. 15Imosiisi ka aa vị aanị Ẹnẹyịmavara mẹ vaa mẹ̀ ọnị nị, ọ vana mẹ ka ọ wụ ọnị dị ọnị ọ hụụnị ụya.
Aa nyị ọdọvịdị ẹtarẹwụ ka ẹ gụ Imosiisi ụvọ
16Ẹnẹyịmavara ộ kà yị Imosiisi ka ọ hị́ aza ẹnị ẹtarẹwụ ana hụụ mẹ ọdọvịdị Anisirẹrị. Ẹnịrị Imosiisi ẹ vẹ ịnị ajẹngụ anị ve tu ọnị. 17Ọnị vee chi vẹ, dị ọnị ọ ka ịrẹyị yị wa. Ọnị vaa ga ụkata ọnị ọnị sị Imosiisi yị wa agụvị di e pe e za ẹnya aza, dị asị ọ vị ọnị ịnyara. 18Ẹnẹyịmavara kà Imosiisi ọ̀ ka ẹ yị aza ka e tenyi ẹngụ ẹnịnị tu ụhwọọ ka ẹ vaa rị ịsa. Ộ ka ọnị ọ wụ ẹnịnị maa jị òrèrè dị ẹ yaa va ụva ka ẹnị e yi re ịsa rị. Ẹ ka ọ vana gụ yị ẹnị ka ẹnị ẹ yaa Ijipiti. Agụvị avọọ ọnị vaa sị ịsọyịrị yị wa dị ẹ rị. 19Ẹ yị vị ẹkụhị ọnya kẹnẹ, a vị ẹkụhị ẹẹva, a vị ẹkụhị ẹẹhị, a vị ẹkụhị ẹẹwụ a vị ẹkụhị oohu, 20ama ụhwẹ ọnya ọyịvụrụ. Ẹ vaa rị ịsa, dị ọ du wa eyi, ka ẹnịnị e yị dọ yị Ẹnẹyịmavara ana yaa pe wa, dị ẹ ya rị uhuhu hi ọnị, dị ẹ ka sị ẹ vẹ dị ẹnị daka hụrẹ Ijipiti? 21Dị Imosiisi ka anọrụ ana ya pe ọnị vị aza ẹnị (600,000). Ẹnẹyịmavara mẹmẹ nyẹngụ ka ka ọnị ọ zụ sị ịsọyịrị ana hụ wa rị ụhwẹ ọnya? 22Ẹnị ẹẹ daka wụ̀ avaba atẹmẹ ọnịrị ụnọ, a vị dị ẹnị za avaba ivovo ene hi ịnị oku, ẹnị ẹ yị vaa nyị ịsa ana zụ hụ pa wa. 23Dị Ẹnẹyịmavara tụ Imosiisi ohi ka ẹ yị ịsa ọnị ọnị ẹ yị zụ mẹ. O nee zi ka o vee re ka ịrẹyị ọnị ka vaa sẹ. 24Ịzẹyịza, dị Imosiisi ka yị aza ịsị Ẹnẹyịmavara kà nị. Dị ộ nyị ọdọvịdị ẹnị ẹtarẹwụ, dị ẹ tara kara ajẹngụ Ẹnẹyịmavara nị dị Imosiisi jẹẹ ịnị akakana ẹnịnị nị. 25Ịjị ẹ sị gụ, dị Ẹnẹyịmavara chi vẹ ịnị eguhi, dị ọ ka ịrẹyị yị Imosiisi nị. Dị Ẹnẹyịmavara sị ụkata Imosiisi dị ọ sị yị ọdọvịdị ẹnị ẹtarẹwụ ẹnẹẹ nị. Ẹnịnị ẹ ka ịsẹ ịzịzọọ ama ẹnịnị ẹ yị vaa vọ mẹ. 26Â nyị anọrụ ẹẹva ịnị ọdọvịdị ẹnẹẹ ẹnẹ ẹ yaa ịzọọ ịnị ụmẹ ọnọọ. Ama ụkata ọnọọ o tu wa ịzị ẹ yaa, dị ẹnị re na owu booro-booro anka ọnịsẹ nịnị avọọ nị. Ịrẹha ẹnịnị ẹ rị Eridadi ọnịrị Imedadi nị. 27Ẹ mẹ vavọọ aa ka ịsẹ, dị ọzwọọmụha ọnya aanị zwe echeechi na ka yị Imosiisi ka Eridadi ọnịrị Imedadi aa ka ịsẹ nị. 28Dị Ijosuwa ozi Inuni ana vị ozi ahụ Imosiisi hụụnị ozweyi na ka yị Imosiisi ka ọ za wa jẹẹ. 29Ama dị Imosiisi tụ ọ ohi ka ọ́ọ́ waa kụ ịhị agụvị anị aanị nị? Dị ọ ka ọnị o si ka avaba aza ẹ nyị ụkata dị ẹ ka ịsẹ. 30Dị Imosiisi ọnịrị ọdọvịdị ẹtarẹwụ ẹnẹẹ hahi, dị ọzọza aa nọ ịnị ajẹngụ anị nị.
Ẹnẹyịmavara ộ sị ụnọmị ana a hị́ Ikweeri vaa yị wa.
31Ẹ yị nyịnyịnyị dị Ẹnẹyịmavara tụ ahị ọbanyị ana kụ inomi ana aà ikweeri hụụnị òkū vẹ nị. Dị ẹ chaka ku ẹtẹ hi ozi ene noze ẹhụ ụsẹ ẹkụhị hụrị ẹ yaa. Dị ẹ vavọọ jesi kara udi ẹnịnị, dị e hira gụrị ẹtẹ ẹhụ ahụ ẹẹta avọọ nị. 32Dị ọzọza za irekwose ẹkụhị ẹẹva ana rata ikirogirami (1,000). Dị ẹ gara a hịrẹ ọyị ẹkara udi ka ọ wụ nị. 33Ama ẹnịnị mẹ da tụ irenu kẹnẹ ka ẹnị ẹ rị ọ, dị ayị Ẹnẹyịmavara du hi wa, dị ộ tụ ụkụ ka ọ za wa nị. 34Avọọ aa hị́ ịzọọ Ikibiroti-Ihataava ọnị iruvo vị ụsị ọnọhọha. 35Dị Anisirẹrị nịnị kwẹẹtẹ hụụ ịzọọ na ngụ Ihazeroti nị.
Currently Selected:
Ịrịka 11: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrịka 11
11
Aza ê rị uhuhu
1Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị. 2Dị aza na owu va za Imosiisi ka ọ gụ ẹnị ụvọ nị. Ịzẹyịza, dị ọ da ịpẹ yị Ẹnẹyịmavara, dị ọ mi ịra ọnọọ nị. 3Avọọ aa hị́ ịzọọ Itabera ọnị iruvo anị vị ịzị ẹ rị ịra. Ẹnẹyịmavara ộ rị ajẹngụ ẹnịnị ịra.
Aza ê na owu ụngwẹ
4Anikinami nịnị ana saasa Anisirẹrị nịnị ẹ kwẹẹtẹ aa ha ọhọha ịsọyịrị, dị Anisirẹrị nịnị ẹnị ree sụ ùnè ka ẹnị e yi re uye rị. 5Ẹ ka ẹnị ẹ tamayị ivovo ọnị ẹnị vịdị aa rị kẹnẹ-kẹnẹ ịnị Ijipiti. Ẹnị aa rị avaba ikukumba, ịpapara, ireeki, arịvasa, ọnịrị ịsa ana vọ o mee zee ẹnị eyi nị. 6Ama booro aanị ẹnị e yi re ịsa rị, Imana kẹnẹ ẹnị wáá maanị vaa rị eyinị-eyinị nị. 7#Kụra 16.31Imana vị ọvwọọvụ yeere anka uhu ana a hị́ ịkọrịyanda avọọ. 8#Kụra 16.13-15Aza ẹ̀ẹ kụ ọ hụụnị eteesu, dị aa sị ịrẹta kụ ọ a vị dị aa sị ịnẹ tu ọ. Dị aa hụ ọ, dị aa mẹ Ịbụrẹẹdị patapata aanị. A vavọọ sị ọ mẹ, di o hine anka aa sị angwẹ orivi mẹ̀ ẹ avọọ. 9Imana ẹnẹnị vị anaā sụ beri eguhi ịrahụ hi ịzị Anisirẹrị nịnị jị ajẹngụ ẹnịnị hi.
Aduwa Imosiisi
10Imosiisi ộ wụ ka aza ẹ da jẹẹ ovwoovu-ovwoovu ẹ yaa jị òrèrè ọvịdị ajẹngụ Ẹnẹyịmavara nị. Ayị anị ô du agụvị ka Ẹnẹyịmavara vaa nyayịnẹ aa kụ ayị hi wa. 11Dị Imosiisi họ̀ Ẹnẹyịmavara kà sị ẹ vẹ dị ọ maanị aa mẹ̀ ọnị? Sị ọnị mẹ dị Ẹnẹyịmavara kune ẹnya aza ẹnịnị tụra ọnị booro aanị? 12Ọnị ọ́ọ́ ma wa nị? Ọnị ọ́ọ́ vị ada ẹnịnị nị? Sị ẹ vẹ dị ọ ka ọnị ọ sị wa rị ụvọ anka ozi anaa ka ịrẹva avọọ na ngụ ịnị ẹtẹ ọnị Ẹnẹyịmavara hị́ eku anị yị ohiku ẹnịnị? 13Imosiisi kà Anisirẹrị nịnị aa kụ ịrẹka ka a sị uye yị ọnị. Ịzị ọnị ee ne re uye ọnị ọnị aa sị wa. 14Ọnị ẹ yị zụ za ẹnya aza ẹnịnị. Ẹnya ẹnịnị ọ sị rata huna ọnị. 15Imosiisi ka aa vị aanị Ẹnẹyịmavara mẹ vaa mẹ̀ ọnị nị, ọ vana mẹ ka ọ wụ ọnị dị ọnị ọ hụụnị ụya.
Aa nyị ọdọvịdị ẹtarẹwụ ka ẹ gụ Imosiisi ụvọ
16Ẹnẹyịmavara ộ kà yị Imosiisi ka ọ hị́ aza ẹnị ẹtarẹwụ ana hụụ mẹ ọdọvịdị Anisirẹrị. Ẹnịrị Imosiisi ẹ vẹ ịnị ajẹngụ anị ve tu ọnị. 17Ọnị vee chi vẹ, dị ọnị ọ ka ịrẹyị yị wa. Ọnị vaa ga ụkata ọnị ọnị sị Imosiisi yị wa agụvị di e pe e za ẹnya aza, dị asị ọ vị ọnị ịnyara. 18Ẹnẹyịmavara kà Imosiisi ọ̀ ka ẹ yị aza ka e tenyi ẹngụ ẹnịnị tu ụhwọọ ka ẹ vaa rị ịsa. Ộ ka ọnị ọ wụ ẹnịnị maa jị òrèrè dị ẹ yaa va ụva ka ẹnị e yi re ịsa rị. Ẹ ka ọ vana gụ yị ẹnị ka ẹnị ẹ yaa Ijipiti. Agụvị avọọ ọnị vaa sị ịsọyịrị yị wa dị ẹ rị. 19Ẹ yị vị ẹkụhị ọnya kẹnẹ, a vị ẹkụhị ẹẹva, a vị ẹkụhị ẹẹhị, a vị ẹkụhị ẹẹwụ a vị ẹkụhị oohu, 20ama ụhwẹ ọnya ọyịvụrụ. Ẹ vaa rị ịsa, dị ọ du wa eyi, ka ẹnịnị e yị dọ yị Ẹnẹyịmavara ana yaa pe wa, dị ẹ ya rị uhuhu hi ọnị, dị ẹ ka sị ẹ vẹ dị ẹnị daka hụrẹ Ijipiti? 21Dị Imosiisi ka anọrụ ana ya pe ọnị vị aza ẹnị (600,000). Ẹnẹyịmavara mẹmẹ nyẹngụ ka ka ọnị ọ zụ sị ịsọyịrị ana hụ wa rị ụhwẹ ọnya? 22Ẹnị ẹẹ daka wụ̀ avaba atẹmẹ ọnịrị ụnọ, a vị dị ẹnị za avaba ivovo ene hi ịnị oku, ẹnị ẹ yị vaa nyị ịsa ana zụ hụ pa wa. 23Dị Ẹnẹyịmavara tụ Imosiisi ohi ka ẹ yị ịsa ọnị ọnị ẹ yị zụ mẹ. O nee zi ka o vee re ka ịrẹyị ọnị ka vaa sẹ. 24Ịzẹyịza, dị Imosiisi ka yị aza ịsị Ẹnẹyịmavara kà nị. Dị ộ nyị ọdọvịdị ẹnị ẹtarẹwụ, dị ẹ tara kara ajẹngụ Ẹnẹyịmavara nị dị Imosiisi jẹẹ ịnị akakana ẹnịnị nị. 25Ịjị ẹ sị gụ, dị Ẹnẹyịmavara chi vẹ ịnị eguhi, dị ọ ka ịrẹyị yị Imosiisi nị. Dị Ẹnẹyịmavara sị ụkata Imosiisi dị ọ sị yị ọdọvịdị ẹnị ẹtarẹwụ ẹnẹẹ nị. Ẹnịnị ẹ ka ịsẹ ịzịzọọ ama ẹnịnị ẹ yị vaa vọ mẹ. 26Â nyị anọrụ ẹẹva ịnị ọdọvịdị ẹnẹẹ ẹnẹ ẹ yaa ịzọọ ịnị ụmẹ ọnọọ. Ama ụkata ọnọọ o tu wa ịzị ẹ yaa, dị ẹnị re na owu booro-booro anka ọnịsẹ nịnị avọọ nị. Ịrẹha ẹnịnị ẹ rị Eridadi ọnịrị Imedadi nị. 27Ẹ mẹ vavọọ aa ka ịsẹ, dị ọzwọọmụha ọnya aanị zwe echeechi na ka yị Imosiisi ka Eridadi ọnịrị Imedadi aa ka ịsẹ nị. 28Dị Ijosuwa ozi Inuni ana vị ozi ahụ Imosiisi hụụnị ozweyi na ka yị Imosiisi ka ọ za wa jẹẹ. 29Ama dị Imosiisi tụ ọ ohi ka ọ́ọ́ waa kụ ịhị agụvị anị aanị nị? Dị ọ ka ọnị o si ka avaba aza ẹ nyị ụkata dị ẹ ka ịsẹ. 30Dị Imosiisi ọnịrị ọdọvịdị ẹtarẹwụ ẹnẹẹ hahi, dị ọzọza aa nọ ịnị ajẹngụ anị nị.
Ẹnẹyịmavara ộ sị ụnọmị ana a hị́ Ikweeri vaa yị wa.
31Ẹ yị nyịnyịnyị dị Ẹnẹyịmavara tụ ahị ọbanyị ana kụ inomi ana aà ikweeri hụụnị òkū vẹ nị. Dị ẹ chaka ku ẹtẹ hi ozi ene noze ẹhụ ụsẹ ẹkụhị hụrị ẹ yaa. Dị ẹ vavọọ jesi kara udi ẹnịnị, dị e hira gụrị ẹtẹ ẹhụ ahụ ẹẹta avọọ nị. 32Dị ọzọza za irekwose ẹkụhị ẹẹva ana rata ikirogirami (1,000). Dị ẹ gara a hịrẹ ọyị ẹkara udi ka ọ wụ nị. 33Ama ẹnịnị mẹ da tụ irenu kẹnẹ ka ẹnị ẹ rị ọ, dị ayị Ẹnẹyịmavara du hi wa, dị ộ tụ ụkụ ka ọ za wa nị. 34Avọọ aa hị́ ịzọọ Ikibiroti-Ihataava ọnị iruvo vị ụsị ọnọhọha. 35Dị Anisirẹrị nịnị kwẹẹtẹ hụụ ịzọọ na ngụ Ihazeroti nị.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.