Imika 6
6
Ohomorihi ộ họ̀ Anisirẹrị use ịrẹyị
1Batọ wa wụ́ ịrẹyị ọnị Ẹnẹyịmavara kà nịnị:
“Kwẹẹtẹ jẹẹ, dị wa kụ́ irenu awụ nịnị,
dị ataba ọnịrị otutu nịnị ẹ vị onivenu ịrẹyị awụ nịnị.
2Ẹwụ nịnị ataba,
wụ́ ịsa ọnị Ẹnẹyịmavara kà oni ô re.
Ẹwụ nịnị ịsị ẹhẹ jẹẹ ịrẹsụ anị ọ̀ wụ́ ịrẹyị Ẹnẹyịmavara
Ộ kà a nyị ịsị aza anị mẹ̀ ọnị.
Aa vaa kà a ịsị Anisirẹrị mẹ̀ ọnị.
3“Ọ kà ẹwụ nịnị aza amị, sị mị mẹ̀ wụ nịnị kẹ?
Sị mị mẹ̀ ene du wu nini eyi?
Tụ́ mị ohi nini.
4 #
Kụra 12.50,51;
Kụra 4.10-16;
Kụra 15.20
Ẹma kụ́ wụ nịnị hụrẹ ẹtẹ Ijipiti vẹ nị,
dị mị kụ́ wụ nịnị hụụnị udi ọrịhị nị.
Ẹma tụ́ Imosiisi ọnịrị Eerọnị beri Imeriyamị ka ẹ gụ nịnị ụvọ nị.
5 #
Ịrị 22.2—24.25;
Ijos 3.1—4.19
Aza amị, wẹ yị tamayị ịrẹyị
Ịbarakị ohinọyị Imowabi ana sị vụrị ka e chi hi wu nịnị.
Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị.
Tamayị ụ mẹmẹ zị ụsẹ hụrẹ Isitimi na ngụ Igirigari,
Ọnị ẹmị Ẹnẹyịmavara mẹ̀ avaba ịsa ọnị mị zụ mẹ
dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”
Ịsị Ẹnẹyịmavara ee si
6Sị ị nyẹngụ sịị va yị Ẹnẹyịmavara kẹ?
Sị ẹ vị ịsọvọ ọnị vaa sị va yọ?
Ị yaa vaa tana tụra ẹtẹ ọvịdị anị
beri ịsọvọ ezi imaaru ịrayị ọnya ana aā rị ịraa yọ?
7Wáá vaa hara ịdẹba va yi Ẹnẹyịmavara òo zee e eyi?
Wáá vaa hara angwẹ ịgarụwa ọnịrị akụ va yọ óó zee e eyi?
À vi ezi ọzọkụ awụ ụ vaa sii mẹ̀ ịsọvọ
si ụta ịvị ọnị ụ mẹ̀ nị?
8Eyiye, Ẹnẹyịmavara ọ raa kà īsa vọrọ yị wụ nịnị anẹhẹ
Ịsị e si hụụnị ụvọ awụ nịnị ọ vị ọnọọ nị.
Waā kà ịzẹyịza, dị waā vayị ọza.
Dị waa mẹ̀ ịsa oni Ohomorihi sì ịnị ịrẹsụ ọkahi.
Ebira odivi Anisirẹrị ọnịrị ụya ana vaa rị wa
9Ẹnẹyịmavara ee nowuu hị́ anẹkụra
Ọza ana àa yẹ ịrẹyị ọ sị ụbanyị yị Ẹnẹyịmavara
Ụya awụ nịnị aa vẹ.
Ẹnẹyịmavara aa tụ́ ọ hi wu nini.
10Ẹwụ nịnị aza edivi ene yi oyi
dị ụ kụ́ ọ na na tẹ̀
Ẹwụ nịnị óó ro ka Ẹnẹyịmavara ọ yị tamayị?
Wàa ná ịsa yị ọza ụ sị ọ mẹrị, o du wu kù.
11Ụ́ mẹ̀ sị ịchacha ọnịrị ampo amẹrị di waa sị ná ịsa
Ẹngụ ịrẹyị ọnọnị, wéé ro ka ma nyẹngụ và ịnị anị?
12Ọzọbanyị awụ nịnị ẹ sị vara ọnyẹkẹhị ọdẹngụ,
ẹ maa sị ụkata ọnịrị ako dọ aza ịsa.
Ireche ọ sị aza awụ nịnị yẹ ẹngụ.
Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.
13Agụvị avọọ, ụ vaa rị ụya m maa pá ịvaa wụ
Mi vee vu wu ẹtẹ saka-saka agụvị ebira odivi awụ.
14Ụ vaa vị ịsa, ama ịnẹ ọ yị vaa há wụ nịnị
wàa daka rị ịsa ịrẹka awụ vị ana va tù osusu.
Wàa kụ́ ịsa gụ, dị ahịka vị ọ ta hi ụvọ kẹnẹ nị.
Ịsị wàa nyị dị ahịka ịrẹkụ o ve du ọ ha nị.
15Wàa dà aarẹ pooro
we yi yèe re ịsa sị ịnị anị.
Ụ vaa mẹ angwẹ,
ama we yi ve da sisi ẹngụ awụ.
Ẹtụtụ ana a si mẹ eche wàa mẹ̀ ẹ,
we yi re hú ịnị anị.
16 #
1 Ohi 16.23-28;
1 Ohi 16.29-34; 21.25,26 Ọda udivi Omiri Ohinọyị kẹnẹ ụ ta ụvọ ku nị.
Waa hama ebira odivi Ahabị ọnịrị Omiri,
Agụvị mị vaa sị wụ mẹ̀ apojuwe yị aza ana vọ
avọọ mi vee vú ẹtẹ.
Aza awụ vị ana a vaa sị mẹ̀ isiya.
Aza ene ee re vị ene vee nyi wu unyi.
Currently Selected:
Imika 6: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
