Ijona 4
4
Ijona ô du ayị ka Ohomorihi ộ vayị Anininivẹ nịnị.
1Agụvị ka Ohomorihi ọ yị vu Anininivẹ nịnị ẹtẹ, dị ayị kụ Ijona, dị ayị anị du chuku-chuku nị. 2#Kụra 34.6Dị ọ mẹ̀ aduwa hị́ Ẹnẹyịmavara, dị ọ ka; taarụ Ẹnẹyịmavara! Á vị ịsị ọnị ọnị vịdị kà ka ọ vaa mẹ dị ọnị va hụrị ẹkụra anị yịị? Agụvị avọọ ọnị vịdị zwe nọ Itasisii agụvị ka ọnị ọ yẹ ka ẹwụ Ohomorihi vị ọza anaā vayị ọza. Wẹ yị mā hụra kụ ayị, dị ọọ̄ ngwayị ọza ẹtẹẹtẹrẹ, dị ọọ̄ vaa hụụnị ụya ọnị ọ̀ọ ka ọnị a sịị rị ọza nị. 3#1 Ohi 19.4Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra. 4Dị Ẹnẹyịmavara kà ọ́ọ́ vọrọ ka ọ maanị du ayị? 5Ụmẹ ọnọọ Ijona ọ raà hụụnị ubooro na yị ịrẹma ẹkụra, oze ịzị ọyị zị hụrẹ vẹ. Dị ọ jị ajẹngụ tụ ịzọọ, dị ọ yaayịtẹ ịnị anị, dị ee be atọ ka ọnị vaa wụ́ ịsị e vee tù ẹkụra ọnọọ nị. 6Dị Ẹnẹyịmavara Ohomorihi mẹ̀ ka avị ẹnya ọ̀ chị, dị ọ̀ hụ, di ò tura ku ajẹngụ anị, dị ọyị e yị kụkụ rị ọ nị. Di uhuhu avị ọnọọ hine ayị ẹtẹẹtẹrẹ nị. 7Ịnị ịrahụ eyinẹhẹ anị, dị Ohomorihi mẹ ka ukukurumi ọ rị avị ọnọọ, di o su nị. 8Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị. 9Ụmẹ ọnọọ dị Ohomorihi họ̀ ọ use ka, áá vọrọ ka ọọ kụ́ ayị agụvị avị ọnọọ? Dị Ijona tụ ọ ohi ka hịịn! A vọrọ ka ọnị ọ kụ́ ayị dị ọnị ọ hyakụ va ụva isu. 10Dị Ẹnẹyịmavara kà, avị ọnị ọ̀ yị mẹ akanya anị, dị ọ̀ yị yẹ, ọ mẹmẹ hụ, ọ maanị zị ẹngụ anị aanị nị. Avị ana chi ịrahụ di o re sú ịrahụ 11Ọ̀ọ maanị aa zị ẹngụ yị avị ọnọnị, aanịka ẹ yị vọrọ ka ọnị ọ tẹsị Anininivẹ, ẹkụra ọbanyị ọnọọ, ịzịị aza ene hụụnị ịrịka akahị-akahị oze ẹchẹhị tụra oohu raa hị́? Aza ẹnẹnị ẹ yị yẹ ọyịza, yẹ ọhịmị, dị a hyakụ vaa ka ịsụpa ẹnịnị.
Currently Selected:
Ijona 4: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
