Ijona 2
2
Ijona ộ mẹ̀ aduwa ịnị ịnẹ ivovo
1Ịnị ịnẹ ivovo ọnọọ Ijona ya mẹ̀ aduwa hi Ẹnẹyịmavara ana vi Ohomorihi anị nị. 2Dị ọ ka, ịnị ẹngụkata anị ọnị ộ hị́ Ẹnẹyịmavara, dị ọ wụ́ aduwa anị nị. Ịnị akakana isu, ọnị ộ hị́ Ẹnẹyịmavara, dị ọ wụ́ ọngwẹ anị nị. 3Dị ọ rẹ ka, Ẹnẹyịmavara ô ne ọnị ngụ ịzị ẹ nyịnẹ ịnị oku, dị ọhaara enyi mụnẹ ọnị, dị avaba ẹganggu enyi aa há para ọnị huu nị. 4Ọ kà, ọnị ò ro ka Ẹnẹyịmavara ọ sị ọnị dụ hụrẹ ọvịdị anị, dị ọnị ẹ yị kụkụ zụ ngụ ịnị irehi ọnịnị anị nị. 5Ọ kà ịjị enyi ka kú ọnị, dị ọ mụnẹ ọnị, dị ọnị nọ iruvo enyi saka-saka nị, dị ịkẹ ene hi iruvo enyi para za ọnị ịrẹsụ nị. 6Ọnị ộ nọ iruvo ataba ene hi iruvo enyi. Ịzọọ vi ene e chire oze anị pooro. Ama dị Ẹnẹyịmavara sị ọnị hụụnị ụsị ọnọọ varẹma va yara nị. 7Dị ọ ka ụmẹ ọnị ọnị ro ka ụhwẹ anị ộ ta, dị ọnị tamayị Ẹnẹyịmavara nị, dị ọ wụ́ aduwa anị ịnị irehi ọnịnị anị nị. 8Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara. 9Ama ọnị vaa jị ahẹ gono Ẹnẹyịmavara, dị ọnị mẹ̀ ịsọvọọ yọ, dị ọnị jị ahẹ kụ́ ọ avọọ. Dị ọnị mẹ̀ ịsa ọnị ọnị zẹẹ ịzẹzẹ anịị yọ. Dị ọ ka Ẹnẹyịmavara ọọ̄ dọ ọzaa ha nị 10Dị Ẹnẹyịmavara mẹ̀ ọda yi ivovo ana mụnẹ Ijona ka ọ̀ na hẹrẹ ẹ tụ́ ụtọ enyi nị. Ịzẹyịza, dị ivovo ọnọọ na hẹrẹ ẹ tụ́ ịzọọ nị.
Currently Selected:
Ijona 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
