Ijoovu 37
37
Erihu aa yịị kà ịrẹyị
1Ịrẹyị ọnọnị ộ rẹ mẹ ka ayị amị oo jị bii-bii; ayị amị ọ sị tụ̀ bẹẹ. 2Avaba awụ nịnị ò batọ ọngwẹ Ohomorihi nịnị, wụ́ ịrẹyị irenu anị mẹ̀ sị mẹẹ anka apaana ihinẹba avọọ. 3Ộ rị ịnyanya ini eguhi hụrẹ eyi ẹnyị na ngụ eyi ọsa; avọọ ọ mẹ̀ rị hụrẹ aha ẹnyị na ngụ ọsa ịrẹsụ ẹtẹ nị. 4Dị ọngwẹ Ohomorihi va sụ́ bụrụgụdụ, dị a wụ ọ ịrẹyị nị. Ọngwẹ anị ộ sụ́ ịrẹyị anka apaana ihinẹba avọọ ịnyanya maa rị, dị mẹ̀ wụ ọngwẹ anị ịrẹyị nị. 5Óhomorihi mẹ̀ kà ịrẹyị, ịvọpa ệ mẹ. Ịsa ana mẹ ê hí ọza irenu; yẹ yị hyakụ yẹ iruvo anị. 6Ộ kà a ka ata orihi ẹẹ sụụ hi ẹtẹ, di orihi ọọ zụ̀ hara-hara, di oo sì vụụ-vụụ. 7Ộ za ụkọrọ ayị jẹẹ; ộ sị zụ̀ avaba aza ọnị ọ tụ ka, ọnị ộ maanị zụ mẹ. 8Dị uye edivi ene hi ịnị avị zwe na tẹ̀ aha ọyịsụ ẹnịnị nị. 9Opomi ộ tụ hụrẹ eyi-ụvẹtẹ, dị ahị ohunẹnẹ ana mẹ ka ahị ọọ za ọza hyo-hyo-hyo tụ hụrẹ eyi ẹbẹẹba vẹ nị. 10Ohomorihi mẹ tụ ụhwẹ, ộ mẹ̀ ka enyi ẹ̀ za avụsụ. Ệ za avụsụ anka ịrẹta avọọ. 11Ộ mẹ ka eguhi ọ̀ vị enyeenyi, dị ịnyanya aa rị vee-vee hụụnị eguhi nị. 12Ẹ yaa zịịzị Óhomorihi mè sì ọ, dị ẹ yaa mẹ ịsị Ohomorihi ka ẹẹ mẹ avaba ẹhẹ nị. 13Ohomorihiī zụ̀ orihi agụvị eteesu ò re enyi hú. Ọ́ rẹ zụ zụ̀ ọ ọ̀yịsị sị ụya rị yị, à vị ọ̀yịsị zụ yị ka oni ô sì ịrẹyị ayị.
14Ijoovu, batọ dị ụ wa wụ ọsọnị; jẹẹ di u we ro ịrẹyị ụkọrọ ịtọmatapa oni Ohomorihi mẹ. 15Wáá yẹ Ohomorihi mẹmẹ mẹ ọda, dị ịnyanya aa rịị hụụnị eguhi? 16Wáá yẹ eguhi mẹmẹ aa da hụrẹ aha ẹnyị naa ngụ ọsa ẹbẹẹba? Ụkọrọ ịtọmatapa oni Ohomorihi mẹ ọ vị ọnọọ nị. Ohomorihi oni ịrẹyọyẹ anị gụ pooro. 17Eyiye, ịjị ahị ịrịịra ọ̀ọ tụ hụrẹ eyi ụvẹtẹ, dị ẹngụ awụ ta ngụra tụ ịnịnẹ ẹnya oni u ku hi ẹngụ. 18Wáá nyẹngụ tana eguhi ẹbẹẹba, anka Ohomorihi mẹ̀ mẹ, dị ụ wa mẹ̀ ẹ katẹngụ anka enyusẹ? 19Zụ̀ yị ịsa a vọrọ ka ya kà yị Ohomorihi kẹ Ayị ayị vị osusu, ye yi re ịrẹyị kà. 20Mẹ yị vaa kà a ka mee pe Ohomorihi kụ́ ịrẹka, M méé sì ka ọ̀ wụ̀ mị nị?
21Booro aanị, ọyị yà ẹbẹẹba aa za ẹtẹ ẹtẹẹtẹrẹ. Ọ màa za ẹtẹ, ọza ẹ yị zụ ha eyi tụra a re. Ahị ọ raà kụ eguhi kwooze hụrẹ ẹbẹẹba. 22Â nyị ịsị aa za ẹtẹ anka igooru avọọ hụrẹ eyi ẹbẹẹba; I mè re igirima Ohomorihi, angwa ô hí yi. 23Ochẹtẹẹngụ ộ nyị ụkata ẹnẹmẹhị ana ahịka yẹ yị hyakụ zụ ka pe e. Oze ana vọrọ ọnịrị ịzẹyịza ọ sịị mẹ ebiraa hi yi nị. 24Agụvị avọọ avaba ọzaā hị́ angwa anị nị. Aza enee vene ẹngụ ẹnịnị ka vị ẹnị yẹ ịrẹyị nị, vị oni Ohomorihi sị eyi ịyẹyẹ re.
Currently Selected:
Ijoovu 37: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 37
37
Erihu aa yịị kà ịrẹyị
1Ịrẹyị ọnọnị ộ rẹ mẹ ka ayị amị oo jị bii-bii; ayị amị ọ sị tụ̀ bẹẹ. 2Avaba awụ nịnị ò batọ ọngwẹ Ohomorihi nịnị, wụ́ ịrẹyị irenu anị mẹ̀ sị mẹẹ anka apaana ihinẹba avọọ. 3Ộ rị ịnyanya ini eguhi hụrẹ eyi ẹnyị na ngụ eyi ọsa; avọọ ọ mẹ̀ rị hụrẹ aha ẹnyị na ngụ ọsa ịrẹsụ ẹtẹ nị. 4Dị ọngwẹ Ohomorihi va sụ́ bụrụgụdụ, dị a wụ ọ ịrẹyị nị. Ọngwẹ anị ộ sụ́ ịrẹyị anka apaana ihinẹba avọọ ịnyanya maa rị, dị mẹ̀ wụ ọngwẹ anị ịrẹyị nị. 5Óhomorihi mẹ̀ kà ịrẹyị, ịvọpa ệ mẹ. Ịsa ana mẹ ê hí ọza irenu; yẹ yị hyakụ yẹ iruvo anị. 6Ộ kà a ka ata orihi ẹẹ sụụ hi ẹtẹ, di orihi ọọ zụ̀ hara-hara, di oo sì vụụ-vụụ. 7Ộ za ụkọrọ ayị jẹẹ; ộ sị zụ̀ avaba aza ọnị ọ tụ ka, ọnị ộ maanị zụ mẹ. 8Dị uye edivi ene hi ịnị avị zwe na tẹ̀ aha ọyịsụ ẹnịnị nị. 9Opomi ộ tụ hụrẹ eyi-ụvẹtẹ, dị ahị ohunẹnẹ ana mẹ ka ahị ọọ za ọza hyo-hyo-hyo tụ hụrẹ eyi ẹbẹẹba vẹ nị. 10Ohomorihi mẹ tụ ụhwẹ, ộ mẹ̀ ka enyi ẹ̀ za avụsụ. Ệ za avụsụ anka ịrẹta avọọ. 11Ộ mẹ ka eguhi ọ̀ vị enyeenyi, dị ịnyanya aa rị vee-vee hụụnị eguhi nị. 12Ẹ yaa zịịzị Óhomorihi mè sì ọ, dị ẹ yaa mẹ ịsị Ohomorihi ka ẹẹ mẹ avaba ẹhẹ nị. 13Ohomorihiī zụ̀ orihi agụvị eteesu ò re enyi hú. Ọ́ rẹ zụ zụ̀ ọ ọ̀yịsị sị ụya rị yị, à vị ọ̀yịsị zụ yị ka oni ô sì ịrẹyị ayị.
14Ijoovu, batọ dị ụ wa wụ ọsọnị; jẹẹ di u we ro ịrẹyị ụkọrọ ịtọmatapa oni Ohomorihi mẹ. 15Wáá yẹ Ohomorihi mẹmẹ mẹ ọda, dị ịnyanya aa rịị hụụnị eguhi? 16Wáá yẹ eguhi mẹmẹ aa da hụrẹ aha ẹnyị naa ngụ ọsa ẹbẹẹba? Ụkọrọ ịtọmatapa oni Ohomorihi mẹ ọ vị ọnọọ nị. Ohomorihi oni ịrẹyọyẹ anị gụ pooro. 17Eyiye, ịjị ahị ịrịịra ọ̀ọ tụ hụrẹ eyi ụvẹtẹ, dị ẹngụ awụ ta ngụra tụ ịnịnẹ ẹnya oni u ku hi ẹngụ. 18Wáá nyẹngụ tana eguhi ẹbẹẹba, anka Ohomorihi mẹ̀ mẹ, dị ụ wa mẹ̀ ẹ katẹngụ anka enyusẹ? 19Zụ̀ yị ịsa a vọrọ ka ya kà yị Ohomorihi kẹ Ayị ayị vị osusu, ye yi re ịrẹyị kà. 20Mẹ yị vaa kà a ka mee pe Ohomorihi kụ́ ịrẹka, M méé sì ka ọ̀ wụ̀ mị nị?
21Booro aanị, ọyị yà ẹbẹẹba aa za ẹtẹ ẹtẹẹtẹrẹ. Ọ màa za ẹtẹ, ọza ẹ yị zụ ha eyi tụra a re. Ahị ọ raà kụ eguhi kwooze hụrẹ ẹbẹẹba. 22Â nyị ịsị aa za ẹtẹ anka igooru avọọ hụrẹ eyi ẹbẹẹba; I mè re igirima Ohomorihi, angwa ô hí yi. 23Ochẹtẹẹngụ ộ nyị ụkata ẹnẹmẹhị ana ahịka yẹ yị hyakụ zụ ka pe e. Oze ana vọrọ ọnịrị ịzẹyịza ọ sịị mẹ ebiraa hi yi nị. 24Agụvị avọọ avaba ọzaā hị́ angwa anị nị. Aza enee vene ẹngụ ẹnịnị ka vị ẹnị yẹ ịrẹyị nị, vị oni Ohomorihi sị eyi ịyẹyẹ re.
Ebira First Bible © Bible Society of Nigeria, 2014.