Ijoovu 36
36
Erihu aa yịị kà ịrẹyị
1Erihu maa yị kà ịrẹyị yị Ijoovu. Ộ kà, 2ọ jẹẹ che yị ọnị, dị ọ wụ́ ịsa ana vọ ọnị ọnị a vaa ka ịnị oze ịpa Ohomorihi yọ. 3Ọnị vaa sị ịsa ọnị ọnị yẹ hụrẹ aha ene noze dị ọnị ọ sị zụ Ijoovu ka Ohomorihi ana mẹ̀ ẹyị ọza vị ọnịrẹyịzẹyịza. 4Ẹ yị nyị ireche ịnị ịrẹyị anị. Ọyẹrẹyị obooro-obooro ee re ọvịdị aanị nị.
5Re, Ohomorihi ó chi ẹtẹ ẹngụ, ama ẹ yị nyị ọza ọnị ọ sị eyi wụ̀. Ẹ yị nyị ịsa ọnị ẹ yị yẹ. 6Ọ yị zẹ ka ọza ọhịmị ọ ra, ama ọnị aa vụ ịrẹvụ aza ana aa mẹ̀ ẹvaya yị nị. 7Ohomorihi ee sere aza anaa mẹ̀ ịzẹyịza nị. Ọnị ọ sị wa tụ́ udi ọbanyị beri ohinọyị nịnị, dị ụbanyị ẹnịnị ẹ yị vaa sa pooro zịna-zịna. 8Ama àa kụ́ ọnịzẹyịza hi ịnị ịchẹkẹchẹkẹ, dị ẹ rị ụya ịsa ọnị ệ mẹ̀ nị, 9Ohomorihi sị ịvị ọnịrị ọyị sị ẹngụ tụ́ ẹba ẹnịnị zụ wa avọọ nị. 10Ọ mẹ ka ẹnịnị ẹ wụ́ ọ̀nọ̀ ọnị aa ka wa, dị ẹ va hụụnị akụvị ẹnịnị nị. 11Ẹnịnị ẹ̀ẹ wụ́ chire Ohomorihi, dị ẹ hẹkẹ ẹ nị, dị ẹ ra ẹhẹ ẹngwọọrọ, di o ze yị wa. 12Ẹ yị vị avọọ, e vee su tụ́ ịnị eyogu ẹnịnị, dị ẹ hụụ ịnị ẹhẹ na ngụ ineku.
13Ama ẹnị ana vị aza ọhịmị vi ene vee du ayị. Ẹnịnị e yi me si ọgụvọ aa tụ́ wa ịchẹkẹchẹkẹ. 14Ọnị ozweyi ẹnịnị eē su nị. Ẹhẹ ọhịmị ọnị ẹ ra ee bo wa nị. 15Ama Ohomorihi vị anaā dọ onosiye ha hụụnị ụya. Ẹngụkata ana aa kụ́ tu wa vị anaā sịị eyi ẹnịnị hweyi.
16Ohomorihi ộ sị wụ hụụnị akanya awụ. Agụvị ka ee sere wụ, dị ọ rọ̀ wụ ẹngụ nị, ộ kụ́ ịsọyịrị gụ aha ọyị rị ịsa awụ. 17Ama booro aanị, waa rị ụya ọnị ụ sị ụvọ tụra tu ẹngụ awụ. 18Sị ụvọ za ẹngụ awụ asị ụ zẹ ka ochirerenu o vene wu, a vị ẹkẹhị ọ sị wụ nyeeyi. 19Ẹ yị nyị aha ịsị ọ vị ka waa jị òrèrè ka we si ọgụvọ. Avaba ụkata ọnị ụ nyị ọ yị zụ gụ wụ ụvọ booro aanị. 20Asị ụ vụva ka ịrahụ ò tù ọnị ọzọza ya aha anị. 21Sị eyi pe ẹtẹ, va hụụnị ebira odivi agụvị ka wa ra nyị ebira odivi, ọ sị ka ọnị vaa rị ụya.
22Ụkata ọnị Ohomorihi nyị ẹ yị nyị ẹhị. Ọnị o huna avaba ọzwọzịsa ana vọ nị. 23Ẹnẹ nyẹngụ zụ ọ oze ana vọrọ ka ọ zị? Ẹnẹ zụ kà a yọ ka ô mẹ̀ akụvị. 24Tamayị ka a vọrọ ka wa ga ụkọrọ ọnị ộ mẹ̀ nị. Aza ệ raà jị ahẹ gono o. 25Ọzọza o reè re ịsa ọnị ộ mẹ̀, ama ẹ yị nyị ọza ana yẹ ẹ ta. 26Yẹ yị zụ yẹ avaba ụbanyị anị, a vị yaa za ịrayị anị ịrịka.
27Ohomorihi oō sị enyi hụụnị eteesu nọ ẹbẹẹba, dị ọ varẹma zụ ọ orihi nị. 28Dị ọ navọ ka orihi ọ zụ hụụnị eguhi yị avaba aza nị. 29Ẹ yị nyị ọza ana yẹ eguhi mẹmẹ zị ụsẹ, a vị ọ mẹmẹ ha apaana ihinẹba hụrẹ ẹbẹẹba ịzị Ohomorihi ya. 30Ọnị ọ tụ́ ịnyaanya ka ọ̀ rị ịnị avaba ẹbẹẹba, ama dị iruvo oku vị ọyị hozi. 31Aanị Ohomorihi mẹmẹ aa pa avaba anẹhẹ, dị ọ mẹ̀ ịsọyịrị gwẹẹtẹ hi ẹtẹ nị. 32Ọnị ọọ̄ sị ụvọ za ịnyaanya, dị ọ mẹ̀ ọda yị ọ ịzị o si ka ọ na nya ẹtẹ nị. 33Apaana ihinẹba vị anaā nọ̀ ka opomi aa vẹ.
Currently Selected:
Ijoovu 36: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 36
36
Erihu aa yịị kà ịrẹyị
1Erihu maa yị kà ịrẹyị yị Ijoovu. Ộ kà, 2ọ jẹẹ che yị ọnị, dị ọ wụ́ ịsa ana vọ ọnị ọnị a vaa ka ịnị oze ịpa Ohomorihi yọ. 3Ọnị vaa sị ịsa ọnị ọnị yẹ hụrẹ aha ene noze dị ọnị ọ sị zụ Ijoovu ka Ohomorihi ana mẹ̀ ẹyị ọza vị ọnịrẹyịzẹyịza. 4Ẹ yị nyị ireche ịnị ịrẹyị anị. Ọyẹrẹyị obooro-obooro ee re ọvịdị aanị nị.
5Re, Ohomorihi ó chi ẹtẹ ẹngụ, ama ẹ yị nyị ọza ọnị ọ sị eyi wụ̀. Ẹ yị nyị ịsa ọnị ẹ yị yẹ. 6Ọ yị zẹ ka ọza ọhịmị ọ ra, ama ọnị aa vụ ịrẹvụ aza ana aa mẹ̀ ẹvaya yị nị. 7Ohomorihi ee sere aza anaa mẹ̀ ịzẹyịza nị. Ọnị ọ sị wa tụ́ udi ọbanyị beri ohinọyị nịnị, dị ụbanyị ẹnịnị ẹ yị vaa sa pooro zịna-zịna. 8Ama àa kụ́ ọnịzẹyịza hi ịnị ịchẹkẹchẹkẹ, dị ẹ rị ụya ịsa ọnị ệ mẹ̀ nị, 9Ohomorihi sị ịvị ọnịrị ọyị sị ẹngụ tụ́ ẹba ẹnịnị zụ wa avọọ nị. 10Ọ mẹ ka ẹnịnị ẹ wụ́ ọ̀nọ̀ ọnị aa ka wa, dị ẹ va hụụnị akụvị ẹnịnị nị. 11Ẹnịnị ẹ̀ẹ wụ́ chire Ohomorihi, dị ẹ hẹkẹ ẹ nị, dị ẹ ra ẹhẹ ẹngwọọrọ, di o ze yị wa. 12Ẹ yị vị avọọ, e vee su tụ́ ịnị eyogu ẹnịnị, dị ẹ hụụ ịnị ẹhẹ na ngụ ineku.
13Ama ẹnị ana vị aza ọhịmị vi ene vee du ayị. Ẹnịnị e yi me si ọgụvọ aa tụ́ wa ịchẹkẹchẹkẹ. 14Ọnị ozweyi ẹnịnị eē su nị. Ẹhẹ ọhịmị ọnị ẹ ra ee bo wa nị. 15Ama Ohomorihi vị anaā dọ onosiye ha hụụnị ụya. Ẹngụkata ana aa kụ́ tu wa vị anaā sịị eyi ẹnịnị hweyi.
16Ohomorihi ộ sị wụ hụụnị akanya awụ. Agụvị ka ee sere wụ, dị ọ rọ̀ wụ ẹngụ nị, ộ kụ́ ịsọyịrị gụ aha ọyị rị ịsa awụ. 17Ama booro aanị, waa rị ụya ọnị ụ sị ụvọ tụra tu ẹngụ awụ. 18Sị ụvọ za ẹngụ awụ asị ụ zẹ ka ochirerenu o vene wu, a vị ẹkẹhị ọ sị wụ nyeeyi. 19Ẹ yị nyị aha ịsị ọ vị ka waa jị òrèrè ka we si ọgụvọ. Avaba ụkata ọnị ụ nyị ọ yị zụ gụ wụ ụvọ booro aanị. 20Asị ụ vụva ka ịrahụ ò tù ọnị ọzọza ya aha anị. 21Sị eyi pe ẹtẹ, va hụụnị ebira odivi agụvị ka wa ra nyị ebira odivi, ọ sị ka ọnị vaa rị ụya.
22Ụkata ọnị Ohomorihi nyị ẹ yị nyị ẹhị. Ọnị o huna avaba ọzwọzịsa ana vọ nị. 23Ẹnẹ nyẹngụ zụ ọ oze ana vọrọ ka ọ zị? Ẹnẹ zụ kà a yọ ka ô mẹ̀ akụvị. 24Tamayị ka a vọrọ ka wa ga ụkọrọ ọnị ộ mẹ̀ nị. Aza ệ raà jị ahẹ gono o. 25Ọzọza o reè re ịsa ọnị ộ mẹ̀, ama ẹ yị nyị ọza ana yẹ ẹ ta. 26Yẹ yị zụ yẹ avaba ụbanyị anị, a vị yaa za ịrayị anị ịrịka.
27Ohomorihi oō sị enyi hụụnị eteesu nọ ẹbẹẹba, dị ọ varẹma zụ ọ orihi nị. 28Dị ọ navọ ka orihi ọ zụ hụụnị eguhi yị avaba aza nị. 29Ẹ yị nyị ọza ana yẹ eguhi mẹmẹ zị ụsẹ, a vị ọ mẹmẹ ha apaana ihinẹba hụrẹ ẹbẹẹba ịzị Ohomorihi ya. 30Ọnị ọ tụ́ ịnyaanya ka ọ̀ rị ịnị avaba ẹbẹẹba, ama dị iruvo oku vị ọyị hozi. 31Aanị Ohomorihi mẹmẹ aa pa avaba anẹhẹ, dị ọ mẹ̀ ịsọyịrị gwẹẹtẹ hi ẹtẹ nị. 32Ọnị ọọ̄ sị ụvọ za ịnyaanya, dị ọ mẹ̀ ọda yị ọ ịzị o si ka ọ na nya ẹtẹ nị. 33Apaana ihinẹba vị anaā nọ̀ ka opomi aa vẹ.
Ebira First Bible © Bible Society of Nigeria, 2014.