Ijoovu 38
38
Ẹnẹyịmavara ô tụ Ijoovu ohi ịrẹyị
Ẹnẹyịmavara
1Ẹnẹyịmavara ộ ka ịrẹyị Ijoovu hụụnị opomi 2Ọ kà sị ẹ vị dị Ijoovu aa nyị ahankata kẹnẹ-kẹnẹ tị ịnị ịsị ọnị ọ yị yẹ. 3Dị ọ ka Ijoovu ọ kwẹẹtẹ ịzịzọọ, dị ọ tụ ọnị ohi ịrẹyị ọnị ọnị aa vaa họ̀ use aanị. 4Ijoovu wáá ya ịzọọ ụmẹ ọnị ọnị aa sị tụ ẹhẹ? 5Ẹnẹ ẹ ka a mẹ vọrọ ka ẹhẹ ọ gana? Ẹnẹ ẹ tana ịsa ana a sị mọ́ ọ? 6Sị ẹ za ọtụ ana a sị ka ẹhẹ jẹẹ? Ẹnẹ ẹ sị ịrẹta kẹ ẹhẹ? 7Yere ụmẹ ọnị ụhwẹ azị ọnịrị anggẹẹrị nịnị sị jị ahẹ? 8#Ijer 5.22Ene e sị oze chire oku ka asị ọ kụ ọhaara hụrẹ ụmẹ ana a sị mẹ̀ ẹ? 9Ẹnẹyịmavara kà ọnị ọ̀ sị eguhi ojooji piri para enyi oku tụ ẹbẹẹba nị. 10Ọnị ọ tẹ ẹhị yị oku dị ọ sị ọchị chire oze anị ịrẹma anị nị. 11Dị ộ ka yị oku ịzị ẹ vị ẹhị ọnị ọ zụ tu jẹẹ nị. Ẹhụ ẹhị ọnọọ ẹganggu zị tu jẹẹ nị. 12Dị Ẹnẹyịmavara họ̀ Ijoovu ka ọnị ọ́ọ́ mẹ ọda yị ọyị ka ọ ha dị ọ wụ nị? 13Áá nyị ụmẹ ọnị ọ sị mẹ ka ẹtohweyi ẹnẹnẹ ọ zẹtẹ ịrẹsụ avaba ẹtẹ, dị ọ dụ aza edivi hụrẹ ịzị ẹ̀ tẹ tụ? 14Etohweyi vị anaā mẹ ka ataba nịnị ọnịrị upoporo nịnị ẹ hụrẹ tụ ẹhẹ chengede anka ọgọọgọ awuru anaa jị mẹ̀ tụ ẹhẹ avọọ, a vị achẹrẹ ụmọpa anaa za tere ịrẹsụ ịsa avọọ. 15Etohweyi ọ sị zẹtẹ baaba yị aza edivi agụvị ka aa za wa ka asị e re oze mẹ ezigi.
16Ẹnẹyịmavara kà Ijoovu ọ́ọ́ zị ụsẹ ini eteesu ana ya iruvo oku da? 17Óó re oze ịda aneku ịzị aza ene su hi daa? 18Ọ́ọ́ yẹ ẹtẹ mẹmẹ gana? Ijoovu o tụ ohi ọ̀ọ ka ọnị ọ̀ yẹ.
19Ọ kà Ijoovu ọ́ọ́ yẹ ịzị ẹtohweyi hụrẹ vẹ? Ọ́ọ́ yẹ ịzị etohozi ra? 20Ọ́ọ́ zụ sị wa nọ eehi ẹnịnị? 21Ẹnẹyịmavara kà indee, ọnị ọ yẹ ka Ijoovu ọ zụ mẹ̀ ẹ agụvị ka a sị ọ ma dị ọnị vaa tụ ẹhẹ.
22Ọ kà Ijoovu ọ́ọ́ nọ ịzị a kụ ata orihi ọnịrị eguhi eneē chire hi nee re wa da? 23Ohomorihi ka ọnị kụ wa hi ịzọọ ee zi ẹkụhị ịrẹyị. Ọnị a sị waa zi ịhị ịrazị vaa vẹ ọnịrị ẹkụhị ịrẹkụ nị. 24Ọ kà Ijoovu wáá ka ọnị ọ yẹ ịzị etohweyiī zẹtẹẹ hụrẹ nị, a vị ịzị ahị anaā tụ hụrẹ eyi ịzị ọyịị̄ zịị hụrẹ vẹ.
25Ẹnẹ ka ọnị ọ tụ́ oze yị orihi a vị apaana ihinẹba ka ẹẹ vaa tụra? 26Ẹnẹ mẹ ka orihi ọọ̄ zụ hi ịzị aza ẹyị ra, 27dị ọ rẹ mẹ ka ẹtẹ ọyịwụ ọ varẹma nyị avị? 28Ẹnẹ vị ada orihi a vị eguhi? 29Ẹnẹ vị ọnyị ata orihi 30ana za anka ịrẹta avọọ, dị ọ rẹ za enyi ini òkū sụ?
31 #
Ijov 9.9; Emọ 5.8 Ijoovu ọ́ọ́ zụ to ụzọmị nịnị hi aha ọzọza? 32Ọ́ọ́ zụ ụzọmị nịnị ụmẹ ana vọrọ ka ọzọza ọ sịị̄ tụ ẹhẹ, a vị dị ọ zụ ụzọmị ene hi eyi oze ẹbẹẹba ẹnịrị ezi anị oze? 33Ọ́ọ́ yẹ ọda ana a sị sere ihinẹba? Ọ́ọ́ zụ mẹ ka ọda ẹnẹẹ ẹ mẹ̀ ụkọrọ ịrẹsụ ẹtẹ? 34Ọ́ọ́ zụ mẹ ọda ka eguhi ọ zụ̀ orihi? 35Ọ́ọ́ zụ mẹ ọda dị ịnyanya ọ rị? 36Ẹnẹ sị ịrẹyọyẹ tụ ọza ayị dị ọ yẹ ịsa anaa na? 37Ẹnẹ nyị ịrẹyọyẹ ana zụ sị za eguhi ịrịka, a vị dị ọ ka a ịrẹsụ hi dị enyi ọọ va hi ẹtẹ?
38Ọ̀ vavọọ zụ̀ dị enyi anị tọ edudu ẹtẹ ọyịwụ ụvụ. 39Ẹnẹyịmavara kà Ijoovu ọ wáá zụ ube yị idu nịnị ụngwẹ aa kụ̀ wa nị? 40Ọnị ọ wáá za uye nee tu wa ini irehi ẹnịnị nị? 41Ọnị ọ wáá sị ịsọyịrị yị ezi ọrụ ene na owu ụngwẹ nị?
Currently Selected:
Ijoovu 38: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 38
38
Ẹnẹyịmavara ô tụ Ijoovu ohi ịrẹyị
Ẹnẹyịmavara
1Ẹnẹyịmavara ộ ka ịrẹyị Ijoovu hụụnị opomi 2Ọ kà sị ẹ vị dị Ijoovu aa nyị ahankata kẹnẹ-kẹnẹ tị ịnị ịsị ọnị ọ yị yẹ. 3Dị ọ ka Ijoovu ọ kwẹẹtẹ ịzịzọọ, dị ọ tụ ọnị ohi ịrẹyị ọnị ọnị aa vaa họ̀ use aanị. 4Ijoovu wáá ya ịzọọ ụmẹ ọnị ọnị aa sị tụ ẹhẹ? 5Ẹnẹ ẹ ka a mẹ vọrọ ka ẹhẹ ọ gana? Ẹnẹ ẹ tana ịsa ana a sị mọ́ ọ? 6Sị ẹ za ọtụ ana a sị ka ẹhẹ jẹẹ? Ẹnẹ ẹ sị ịrẹta kẹ ẹhẹ? 7Yere ụmẹ ọnị ụhwẹ azị ọnịrị anggẹẹrị nịnị sị jị ahẹ? 8#Ijer 5.22Ene e sị oze chire oku ka asị ọ kụ ọhaara hụrẹ ụmẹ ana a sị mẹ̀ ẹ? 9Ẹnẹyịmavara kà ọnị ọ̀ sị eguhi ojooji piri para enyi oku tụ ẹbẹẹba nị. 10Ọnị ọ tẹ ẹhị yị oku dị ọ sị ọchị chire oze anị ịrẹma anị nị. 11Dị ộ ka yị oku ịzị ẹ vị ẹhị ọnị ọ zụ tu jẹẹ nị. Ẹhụ ẹhị ọnọọ ẹganggu zị tu jẹẹ nị. 12Dị Ẹnẹyịmavara họ̀ Ijoovu ka ọnị ọ́ọ́ mẹ ọda yị ọyị ka ọ ha dị ọ wụ nị? 13Áá nyị ụmẹ ọnị ọ sị mẹ ka ẹtohweyi ẹnẹnẹ ọ zẹtẹ ịrẹsụ avaba ẹtẹ, dị ọ dụ aza edivi hụrẹ ịzị ẹ̀ tẹ tụ? 14Etohweyi vị anaā mẹ ka ataba nịnị ọnịrị upoporo nịnị ẹ hụrẹ tụ ẹhẹ chengede anka ọgọọgọ awuru anaa jị mẹ̀ tụ ẹhẹ avọọ, a vị achẹrẹ ụmọpa anaa za tere ịrẹsụ ịsa avọọ. 15Etohweyi ọ sị zẹtẹ baaba yị aza edivi agụvị ka aa za wa ka asị e re oze mẹ ezigi.
16Ẹnẹyịmavara kà Ijoovu ọ́ọ́ zị ụsẹ ini eteesu ana ya iruvo oku da? 17Óó re oze ịda aneku ịzị aza ene su hi daa? 18Ọ́ọ́ yẹ ẹtẹ mẹmẹ gana? Ijoovu o tụ ohi ọ̀ọ ka ọnị ọ̀ yẹ.
19Ọ kà Ijoovu ọ́ọ́ yẹ ịzị ẹtohweyi hụrẹ vẹ? Ọ́ọ́ yẹ ịzị etohozi ra? 20Ọ́ọ́ zụ sị wa nọ eehi ẹnịnị? 21Ẹnẹyịmavara kà indee, ọnị ọ yẹ ka Ijoovu ọ zụ mẹ̀ ẹ agụvị ka a sị ọ ma dị ọnị vaa tụ ẹhẹ.
22Ọ kà Ijoovu ọ́ọ́ nọ ịzị a kụ ata orihi ọnịrị eguhi eneē chire hi nee re wa da? 23Ohomorihi ka ọnị kụ wa hi ịzọọ ee zi ẹkụhị ịrẹyị. Ọnị a sị waa zi ịhị ịrazị vaa vẹ ọnịrị ẹkụhị ịrẹkụ nị. 24Ọ kà Ijoovu wáá ka ọnị ọ yẹ ịzị etohweyiī zẹtẹẹ hụrẹ nị, a vị ịzị ahị anaā tụ hụrẹ eyi ịzị ọyịị̄ zịị hụrẹ vẹ.
25Ẹnẹ ka ọnị ọ tụ́ oze yị orihi a vị apaana ihinẹba ka ẹẹ vaa tụra? 26Ẹnẹ mẹ ka orihi ọọ̄ zụ hi ịzị aza ẹyị ra, 27dị ọ rẹ mẹ ka ẹtẹ ọyịwụ ọ varẹma nyị avị? 28Ẹnẹ vị ada orihi a vị eguhi? 29Ẹnẹ vị ọnyị ata orihi 30ana za anka ịrẹta avọọ, dị ọ rẹ za enyi ini òkū sụ?
31 #
Ijov 9.9; Emọ 5.8 Ijoovu ọ́ọ́ zụ to ụzọmị nịnị hi aha ọzọza? 32Ọ́ọ́ zụ ụzọmị nịnị ụmẹ ana vọrọ ka ọzọza ọ sịị̄ tụ ẹhẹ, a vị dị ọ zụ ụzọmị ene hi eyi oze ẹbẹẹba ẹnịrị ezi anị oze? 33Ọ́ọ́ yẹ ọda ana a sị sere ihinẹba? Ọ́ọ́ zụ mẹ ka ọda ẹnẹẹ ẹ mẹ̀ ụkọrọ ịrẹsụ ẹtẹ? 34Ọ́ọ́ zụ mẹ ọda ka eguhi ọ zụ̀ orihi? 35Ọ́ọ́ zụ mẹ ọda dị ịnyanya ọ rị? 36Ẹnẹ sị ịrẹyọyẹ tụ ọza ayị dị ọ yẹ ịsa anaa na? 37Ẹnẹ nyị ịrẹyọyẹ ana zụ sị za eguhi ịrịka, a vị dị ọ ka a ịrẹsụ hi dị enyi ọọ va hi ẹtẹ?
38Ọ̀ vavọọ zụ̀ dị enyi anị tọ edudu ẹtẹ ọyịwụ ụvụ. 39Ẹnẹyịmavara kà Ijoovu ọ wáá zụ ube yị idu nịnị ụngwẹ aa kụ̀ wa nị? 40Ọnị ọ wáá za uye nee tu wa ini irehi ẹnịnị nị? 41Ọnị ọ wáá sị ịsọyịrị yị ezi ọrụ ene na owu ụngwẹ nị?
Ebira First Bible © Bible Society of Nigeria, 2014.