Ijoovu 33
33
Erihu ộ tụ́ Ijoovu ohuvọ
Erihu
1Erihu kà a Ijoovu o si ụtọ pe ẹtẹ dị ọ wụ ịsị ọnị vaa ka yọ. 2Ọ kà ọnị o tenyi ẹngụ ka ọnị à ka ịsị ẹ́ ya ọnị ayị. 3Ayị ọnyara ọnị aa sị ka avaba ịrẹyị anị nị. Ịzẹyịza ọnị vaa ka nị. 4Ohomorihi ọ nyị ụkata ọnị ọ sị mẹ̀ ọnị nị. Ọnị ọ sị ụhwẹ yị ọnị nị.
5Erihu ka Ijoovu o tenyi ẹngụ anị dị ọ tụ́ ohi ịrẹyị anị ọ̀ọ nyị ohi. 6Ọ kà ọnịrị Ijoovu vị ọnyọọnya ọvịdị Ohomorihi. Ụvụ a sị mẹ̀ ẹnị nị. 7Asị Ijoovu oo hí angwa anị. Ọnị ẹ yị vaa mẹ̀ ẹvayaa yọ.
8Ọ kà ọnị ộ wụ Ijoovu maa ka a ka 9Ọnị ọ yị rị ịvị. Ẹ yị nyị ebira odivi ọnị ọnị mẹ̀. Ayị anị ọ nị. 10Ama Ohomorihi ee sì oze ọnị ọ́ va zịị va eyi ịrazị ka ọnị. Dị ọ mẹ̀ ọnị ọnịvị anị nị. 11#Ijov 13.27Ộ kụ́ ịchẹkẹchẹkẹ hi ọnị ahụ dị ọ sị eyi pe oze ọnị ọnị aa zị nị.
12Erihu ka Ijoovu o si eyi nye, agụvị ka Ohomorihi ẹ yị vị ẹyị ọzarẹyịrẹsụ 13Sị ẹ vẹ dị a kụ̀ụ hịrẹ Ohomorihi dị ọ ka e yi be ọnị atọ? 14Ohomorihi aa ka ịrẹyị ịnị oze irenyi-irenyi ama ẹyị ẹ rẹẹ batọ nị. 15#Ijov 4.13Ịrahụ vị ana ka ịrẹyị ịnị ụra ọnịrị ịnị etore irenyi-irenyi. 16Ọ̀ọ mẹ̀ ka ẹ wụ́ ịrẹyị anị, dị ọ̀ ka wa ọnọ ene chire wa angwa nị. 17Ohomorihi vị anaa vavọọ ka a agụvị e ro ịnẹ hụụnị ebira odivi ẹnịnị, dị asị ẹ rẹ sị ẹngụ tụ ẹba. 18Ohomorihi e yi si ka ẹnịnị e vú ẹtẹ, dị ọ dọ wa ha hụrẹ ụvọ isu nị. 19Ọ zụ sị ụkụ sị ụya rị wa tụ ịrẹsụ ode, dị ẹngụ vavọọ aa zị wa na ngụ ịnị ẹchụkụ. 20Dị ịsọyịrị ọ yị zee wa eyi, dị ịsa ene sì ịrẹyị anị hu kụkụ ee gu wa ahẹrẹ. 21Dị ẹ kwọrọ na za agịga, dị ẹchụkụ ẹnịnị hi ẹhẹ gaaga. 22Ịjọnọọ ẹ yaa gụrị ụsị ẹnịnị na, ẹnịrị ịda aneku ẹ yị kụkụ noze rịrị ẹngụ.
23Ama àa nyị ọnya ịnị ẹnị anggẹẹrị akahị ana va dọ ụyụvọ anị, dị ọ̀ kà a ka ọ yị rị ịvị, 24Ohomorihi vaa vayị ẹngụ ọza ọnọọ, dị ọ kà asị a wụ agụvị ka ọnọ ó re ọza anaa dọ ụyụvọ anị. 25Dị ọchẹngụ anị vavẹ eehi anka ozwọọmụha avọọ; dị ọ nyị ụkata anka ọmụha avọọ. 26Ọ̀ọ mẹ̀ aduwa, dị Ohomorihi wụ́ aduwa anị. Dị ọ sị ayị ohine dọ ọ varẹma, dị ọ sị ọ varẹma nọ udi anị. 27Avọọ dị aa kà yị aza ka ọnị ọ mẹ̀ ịvị, dị ọnị mẹ̀ ịsị ẹ vọrọ, ama Ohomorihi ọ yị si ọnị atọ. 28Ohomorihi ọ̀ raa dọ ọnị ha ka asị ọnị su ka ọnị ọ yịị yara ọnị dị ọnị o re ẹtẹ.
29Ịzẹyịza Ohomorihi ọ maanịị mẹ avaba ịsa ọnọnịị, hi ọza, di o re tenyi ọ mẹ nị. 30Dị ọ sị dọ ọza hụrẹ isu ụvọ, dị ọ mẹ ka ayị anị oo hine ka ọnị yara.
31Ijoovu batọ wa wụ́ ịrẹyị ọnị maa ka. Sị irenu awụ ku oku, wa jẹẹ ma kà ịrẹyị. 32Ama wàa nyị ịrẹyị ọyịkà, kà a, dị ma wụ, ịrẹyị awụ ọ̀ọ vọrọ, mị vaa dọ ooho, dị ayị amị hine bẹẹ. 33Ẹ̀ yị vị avọọ, sị irenu awụ ku oku, dị we batọ ịrẹyị amị. Mị vaa zụ wụ ịrẹyọyẹ.
Currently Selected:
Ijoovu 33: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 33
33
Erihu ộ tụ́ Ijoovu ohuvọ
Erihu
1Erihu kà a Ijoovu o si ụtọ pe ẹtẹ dị ọ wụ ịsị ọnị vaa ka yọ. 2Ọ kà ọnị o tenyi ẹngụ ka ọnị à ka ịsị ẹ́ ya ọnị ayị. 3Ayị ọnyara ọnị aa sị ka avaba ịrẹyị anị nị. Ịzẹyịza ọnị vaa ka nị. 4Ohomorihi ọ nyị ụkata ọnị ọ sị mẹ̀ ọnị nị. Ọnị ọ sị ụhwẹ yị ọnị nị.
5Erihu ka Ijoovu o tenyi ẹngụ anị dị ọ tụ́ ohi ịrẹyị anị ọ̀ọ nyị ohi. 6Ọ kà ọnịrị Ijoovu vị ọnyọọnya ọvịdị Ohomorihi. Ụvụ a sị mẹ̀ ẹnị nị. 7Asị Ijoovu oo hí angwa anị. Ọnị ẹ yị vaa mẹ̀ ẹvayaa yọ.
8Ọ kà ọnị ộ wụ Ijoovu maa ka a ka 9Ọnị ọ yị rị ịvị. Ẹ yị nyị ebira odivi ọnị ọnị mẹ̀. Ayị anị ọ nị. 10Ama Ohomorihi ee sì oze ọnị ọ́ va zịị va eyi ịrazị ka ọnị. Dị ọ mẹ̀ ọnị ọnịvị anị nị. 11#Ijov 13.27Ộ kụ́ ịchẹkẹchẹkẹ hi ọnị ahụ dị ọ sị eyi pe oze ọnị ọnị aa zị nị.
12Erihu ka Ijoovu o si eyi nye, agụvị ka Ohomorihi ẹ yị vị ẹyị ọzarẹyịrẹsụ 13Sị ẹ vẹ dị a kụ̀ụ hịrẹ Ohomorihi dị ọ ka e yi be ọnị atọ? 14Ohomorihi aa ka ịrẹyị ịnị oze irenyi-irenyi ama ẹyị ẹ rẹẹ batọ nị. 15#Ijov 4.13Ịrahụ vị ana ka ịrẹyị ịnị ụra ọnịrị ịnị etore irenyi-irenyi. 16Ọ̀ọ mẹ̀ ka ẹ wụ́ ịrẹyị anị, dị ọ̀ ka wa ọnọ ene chire wa angwa nị. 17Ohomorihi vị anaa vavọọ ka a agụvị e ro ịnẹ hụụnị ebira odivi ẹnịnị, dị asị ẹ rẹ sị ẹngụ tụ ẹba. 18Ohomorihi e yi si ka ẹnịnị e vú ẹtẹ, dị ọ dọ wa ha hụrẹ ụvọ isu nị. 19Ọ zụ sị ụkụ sị ụya rị wa tụ ịrẹsụ ode, dị ẹngụ vavọọ aa zị wa na ngụ ịnị ẹchụkụ. 20Dị ịsọyịrị ọ yị zee wa eyi, dị ịsa ene sì ịrẹyị anị hu kụkụ ee gu wa ahẹrẹ. 21Dị ẹ kwọrọ na za agịga, dị ẹchụkụ ẹnịnị hi ẹhẹ gaaga. 22Ịjọnọọ ẹ yaa gụrị ụsị ẹnịnị na, ẹnịrị ịda aneku ẹ yị kụkụ noze rịrị ẹngụ.
23Ama àa nyị ọnya ịnị ẹnị anggẹẹrị akahị ana va dọ ụyụvọ anị, dị ọ̀ kà a ka ọ yị rị ịvị, 24Ohomorihi vaa vayị ẹngụ ọza ọnọọ, dị ọ kà asị a wụ agụvị ka ọnọ ó re ọza anaa dọ ụyụvọ anị. 25Dị ọchẹngụ anị vavẹ eehi anka ozwọọmụha avọọ; dị ọ nyị ụkata anka ọmụha avọọ. 26Ọ̀ọ mẹ̀ aduwa, dị Ohomorihi wụ́ aduwa anị. Dị ọ sị ayị ohine dọ ọ varẹma, dị ọ sị ọ varẹma nọ udi anị. 27Avọọ dị aa kà yị aza ka ọnị ọ mẹ̀ ịvị, dị ọnị mẹ̀ ịsị ẹ vọrọ, ama Ohomorihi ọ yị si ọnị atọ. 28Ohomorihi ọ̀ raa dọ ọnị ha ka asị ọnị su ka ọnị ọ yịị yara ọnị dị ọnị o re ẹtẹ.
29Ịzẹyịza Ohomorihi ọ maanịị mẹ avaba ịsa ọnọnịị, hi ọza, di o re tenyi ọ mẹ nị. 30Dị ọ sị dọ ọza hụrẹ isu ụvọ, dị ọ mẹ ka ayị anị oo hine ka ọnị yara.
31Ijoovu batọ wa wụ́ ịrẹyị ọnị maa ka. Sị irenu awụ ku oku, wa jẹẹ ma kà ịrẹyị. 32Ama wàa nyị ịrẹyị ọyịkà, kà a, dị ma wụ, ịrẹyị awụ ọ̀ọ vọrọ, mị vaa dọ ooho, dị ayị amị hine bẹẹ. 33Ẹ̀ yị vị avọọ, sị irenu awụ ku oku, dị we batọ ịrẹyị amị. Mị vaa zụ wụ ịrẹyọyẹ.
Ebira First Bible © Bible Society of Nigeria, 2014.