Ijoovu 34
34
Erihu aa yịị Kà ịrẹyị anị naa
1Erihu kà, 2Ẹwụnị ene rò ka waa nyị ịrẹyọyẹ batọ, ẹwụnị oneyohweyi sị̀ ụtọ pe ịrẹyị amị. 3Ro ịrẹyị ọnị mi kà aanị anka a mẹẹ̄ zama uhine ịsa re avọọ. 4Ọ sị vọ tụ́ ịnị ụvọ ayị ka ya kà ịsị ẹ vị ịzẹyịza. 5Ijoovu kà ọnị ẹ yị rị ịvị ka Ohomorihi yi kẹnẹ dị ẹ yị hụrẹ ọnị ụvọ nị. 6Ọ kà a ẹ yị nyị ịsị ọnị mẹ̀ dị aa hị́ ọnị onireche. A raà tọ̀ ọnị ụnava divi-divi ama ọnị ẹ yị rị ịvị.
7Wáá maanị re ọza anka Ijoovu ọnọnị da? Ẹ yị sị ụbanyị yị Ohomorihi vụrụ-vụrụ. 8Oo sì ịrẹyị ogu aza edivi nịnị, dị aa saasa wa zịị nị. 9Ọ kà a yị nyị ọgụ ịsị ọ vị yị ọza ka ọ saasa oze Ohomorihi.
10Wụ́ ịrẹyị amị ẹwụ nịnị ọyẹrẹyị, ọchọnọyịrẹsụ Ohomorihi Ochẹtẹẹngụ ọ yị mā mẹ ọhịmị. 11#Ahẹ 62.12Ịsa ọnị ọzọza mẹ̀, o vee si si ọ atọ nị. 12Ịzẹyịza Ohomorihi ẹ yị mā mẹ rị ịrẹyị ọhịmị. Ochẹtẹẹngụ ọ yị mā mẹ̀ ọkarẹyị ọ mẹ vọrọ tụra. 13Ẹnẹ ka ọnị ọ sị ụkata yị Ohomorihi nị? Ẹnẹ kà ọnị ọ sị Ohomorihi ka ọ̀ sị eyi pe ẹhẹ nị? 14Ohomorihi ọ̀ọ dọ ụhwẹ anị varẹma, avaba ayị vị ene su, dị ẹ varẹma nọ ịnị eteesu.
15Avaba aza ana yara vee ene su, dị o vara ezi ini eteesu. 16Booro aanị, wàa yẹ ịrẹyị si ụtọ pe ẹtẹ. 17Ụ wáá jị ịvị yị Ohomorihi ana vị ọnịrẹyịzẹyịza nị? U wéé rò ka ọ nyị ịhyẹrẹ ịzẹyịza nị? 18Ohomorihi oō jị ịvị yị ohinọyị ọnịrị ọdọvịdị nịnị ana a mẹ̀ ebira odivi nị. 19Ọ yị jẹẹ pe ọdọvịdị nịnị, a vị dị ọ̀ re opisa huu onosiye agụvị ka ọnị ọ tụ̀ avaba ẹnịnị vẹ ẹhẹ nị. 20Aza ẹnyị vene su asigiri ịrahụ, Ohomorihi ô vu wa ẹtẹ dị ẹ ta hi ẹtẹ. Ẹngwọọrọ-ẹngwọọrọ ọ sị wụ̀ ọnụkata ẹnịnị nị. 21Ẹnẹyịmavara e re avaba ahụ ọnị yee hu. 22Ẹ yị nyị ịrahụ me hozi, ana nyẹngụ sị ọnịvị tẹ̀ yị Ohomorihi. 23Ẹ yị nyị ka ọ jị ụmẹ ọnị i ee si ne tù ọ dị ọ mẹ̀ ọkarẹyị yị yị. 24Ẹ yị nyị ka Ohomorihi o si iruvo, dị ọ jị ọdọvịdị nịnị, dị ọ kụ́ aza hi udi ẹnịnị. 25Agụvị ka ọ yẹ ịsị ẹ yaa mẹ̀. Ọnị aa hụrẹ wa hi ẹtẹ, di o vu wa ẹtẹ ịrahụ. 26Agụvị ebira odivi ẹnịnị, Ohomorihi vaa sị ụya rị wa eyi avaba aza ka ee re e nị. 27Ẹnịnị é yi ka ẹnị ẹ yị saasa a, dị ẹ si eyi wụ̀ avaba ọda anị nị. 28Ẹnịnị ệ sị ụkata-ụkata za onosiye ka ẹ nowu na za Ohomorihi, dị ọ wụ́ owu ẹnịnị nị.
29Ohomorihi ọ̀ọ ka ẹ yị nyị ịsị ọnị a mẹ̀ vụrụ-vụrụ. Ẹnẹ hwọ jị ịvị yọ? Ọ̀ọ ka ọnị aa sị̀ eyi tẹ̀, ẹ yị nyị ịsị ị zụ mẹ 30Ẹ yị nyị ịsị anẹkụra nịnị zụ mẹ̀, dị ẹ zụ za aza ọhịmị ana chamayị yị wa jẹẹ ka asị ẹ mẹ̀ ịjọva tụra wa ịrẹsụ.
31Ijoovu, wáá ra dọ irenu ịvị awụ yị Ohomorihi, di u we wo oto ka wẹ yị vana mẹ̀ ịvị. 32Wáá ra họ̀ Ohomorihi ka ọ sị zụ́ wụ ịzị ụ ya ee nyeeyi? Wáá sị dọ ka wa hụụnị ebira odivi. 33Ịrẹma ọnị wẹ yị dọ beri Ohomorihi, wéé zụ zị ọ ka ọ mẹ̀ ịsị wee sì yị wụ. Ẹwụ ụvọta ọ nyị ịsị wa mẹ̀, Erihu kà ọnị ẹ yị zụ́ mẹ̀ yọ.
34Ọza anaā yẹ ịrẹyị vaa dọ: Ọyẹrẹyị ana wụ́ mị ịrẹyị vaa kà a ka 35Ijoovu vị ana aa kà eyogu, ẹ yị nyị ịrẹyị ana nyị ịrẹyọyẹ. 36Wee rò avaba ịsa ọnị Ijoovu kà, u vee re ka aa kà ịrẹyị anka ọza ọhịmị avọọ nị. 37Akamawụ vị ọnị ọ sị beri ịvị anị. Eyi ayị ọ yaa du Ohomorihi.
Currently Selected:
Ijoovu 34: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 34
34
Erihu aa yịị Kà ịrẹyị anị naa
1Erihu kà, 2Ẹwụnị ene rò ka waa nyị ịrẹyọyẹ batọ, ẹwụnị oneyohweyi sị̀ ụtọ pe ịrẹyị amị. 3Ro ịrẹyị ọnị mi kà aanị anka a mẹẹ̄ zama uhine ịsa re avọọ. 4Ọ sị vọ tụ́ ịnị ụvọ ayị ka ya kà ịsị ẹ vị ịzẹyịza. 5Ijoovu kà ọnị ẹ yị rị ịvị ka Ohomorihi yi kẹnẹ dị ẹ yị hụrẹ ọnị ụvọ nị. 6Ọ kà a ẹ yị nyị ịsị ọnị mẹ̀ dị aa hị́ ọnị onireche. A raà tọ̀ ọnị ụnava divi-divi ama ọnị ẹ yị rị ịvị.
7Wáá maanị re ọza anka Ijoovu ọnọnị da? Ẹ yị sị ụbanyị yị Ohomorihi vụrụ-vụrụ. 8Oo sì ịrẹyị ogu aza edivi nịnị, dị aa saasa wa zịị nị. 9Ọ kà a yị nyị ọgụ ịsị ọ vị yị ọza ka ọ saasa oze Ohomorihi.
10Wụ́ ịrẹyị amị ẹwụ nịnị ọyẹrẹyị, ọchọnọyịrẹsụ Ohomorihi Ochẹtẹẹngụ ọ yị mā mẹ ọhịmị. 11#Ahẹ 62.12Ịsa ọnị ọzọza mẹ̀, o vee si si ọ atọ nị. 12Ịzẹyịza Ohomorihi ẹ yị mā mẹ rị ịrẹyị ọhịmị. Ochẹtẹẹngụ ọ yị mā mẹ̀ ọkarẹyị ọ mẹ vọrọ tụra. 13Ẹnẹ ka ọnị ọ sị ụkata yị Ohomorihi nị? Ẹnẹ kà ọnị ọ sị Ohomorihi ka ọ̀ sị eyi pe ẹhẹ nị? 14Ohomorihi ọ̀ọ dọ ụhwẹ anị varẹma, avaba ayị vị ene su, dị ẹ varẹma nọ ịnị eteesu.
15Avaba aza ana yara vee ene su, dị o vara ezi ini eteesu. 16Booro aanị, wàa yẹ ịrẹyị si ụtọ pe ẹtẹ. 17Ụ wáá jị ịvị yị Ohomorihi ana vị ọnịrẹyịzẹyịza nị? U wéé rò ka ọ nyị ịhyẹrẹ ịzẹyịza nị? 18Ohomorihi oō jị ịvị yị ohinọyị ọnịrị ọdọvịdị nịnị ana a mẹ̀ ebira odivi nị. 19Ọ yị jẹẹ pe ọdọvịdị nịnị, a vị dị ọ̀ re opisa huu onosiye agụvị ka ọnị ọ tụ̀ avaba ẹnịnị vẹ ẹhẹ nị. 20Aza ẹnyị vene su asigiri ịrahụ, Ohomorihi ô vu wa ẹtẹ dị ẹ ta hi ẹtẹ. Ẹngwọọrọ-ẹngwọọrọ ọ sị wụ̀ ọnụkata ẹnịnị nị. 21Ẹnẹyịmavara e re avaba ahụ ọnị yee hu. 22Ẹ yị nyị ịrahụ me hozi, ana nyẹngụ sị ọnịvị tẹ̀ yị Ohomorihi. 23Ẹ yị nyị ka ọ jị ụmẹ ọnị i ee si ne tù ọ dị ọ mẹ̀ ọkarẹyị yị yị. 24Ẹ yị nyị ka Ohomorihi o si iruvo, dị ọ jị ọdọvịdị nịnị, dị ọ kụ́ aza hi udi ẹnịnị. 25Agụvị ka ọ yẹ ịsị ẹ yaa mẹ̀. Ọnị aa hụrẹ wa hi ẹtẹ, di o vu wa ẹtẹ ịrahụ. 26Agụvị ebira odivi ẹnịnị, Ohomorihi vaa sị ụya rị wa eyi avaba aza ka ee re e nị. 27Ẹnịnị é yi ka ẹnị ẹ yị saasa a, dị ẹ si eyi wụ̀ avaba ọda anị nị. 28Ẹnịnị ệ sị ụkata-ụkata za onosiye ka ẹ nowu na za Ohomorihi, dị ọ wụ́ owu ẹnịnị nị.
29Ohomorihi ọ̀ọ ka ẹ yị nyị ịsị ọnị a mẹ̀ vụrụ-vụrụ. Ẹnẹ hwọ jị ịvị yọ? Ọ̀ọ ka ọnị aa sị̀ eyi tẹ̀, ẹ yị nyị ịsị ị zụ mẹ 30Ẹ yị nyị ịsị anẹkụra nịnị zụ mẹ̀, dị ẹ zụ za aza ọhịmị ana chamayị yị wa jẹẹ ka asị ẹ mẹ̀ ịjọva tụra wa ịrẹsụ.
31Ijoovu, wáá ra dọ irenu ịvị awụ yị Ohomorihi, di u we wo oto ka wẹ yị vana mẹ̀ ịvị. 32Wáá ra họ̀ Ohomorihi ka ọ sị zụ́ wụ ịzị ụ ya ee nyeeyi? Wáá sị dọ ka wa hụụnị ebira odivi. 33Ịrẹma ọnị wẹ yị dọ beri Ohomorihi, wéé zụ zị ọ ka ọ mẹ̀ ịsị wee sì yị wụ. Ẹwụ ụvọta ọ nyị ịsị wa mẹ̀, Erihu kà ọnị ẹ yị zụ́ mẹ̀ yọ.
34Ọza anaā yẹ ịrẹyị vaa dọ: Ọyẹrẹyị ana wụ́ mị ịrẹyị vaa kà a ka 35Ijoovu vị ana aa kà eyogu, ẹ yị nyị ịrẹyị ana nyị ịrẹyọyẹ. 36Wee rò avaba ịsa ọnị Ijoovu kà, u vee re ka aa kà ịrẹyị anka ọza ọhịmị avọọ nị. 37Akamawụ vị ọnị ọ sị beri ịvị anị. Eyi ayị ọ yaa du Ohomorihi.
Ebira First Bible © Bible Society of Nigeria, 2014.