Ijoovu 32
32
Ịrẹyị ọnị Erihu kà
(32.1—37.24)
1Ọta Ijoovu ẹyịta e yi vene tụ́ o ohi hu avọọ, agụvị ka Ijoovu vị ana yị sị ahụ kà aba ka ọnị ẹ yị rị ịvị. 2Dị ayị raà kụ Erihu ozi Ịbarakẹrị, ana vị Anibuuzi nị. Anovwoovu Ịramị ọ̀ vị nị. Ayị ộ kụ ọ agụvị ka ẹ yị jị ịhị yị Ohomorihi, ama ộ jị ịhị yị ẹngụ anị. 3Ayị ộ rẹ kụ́ ọ tụ ọta Ijoovu ẹyịta agụvị ka ẹnịnị ẹ yị yẹ ohi sị yị Ijoovu, ama ẹnịnị ệ vịdị kà a yị Ijoovu ộ mẹ̀ divi. 4Erihu ọ vị ozweyi ini ẹnị ene hi ịzọọ nị, agụvị avọọ, dị ọ jẹẹ ka ọzọza kà ịrẹyị da, dị ọnị ọ̀ va kà ịrẹyị yị Ijoovu nị. 5Ama ịjị Erihu re ka aza ẹnị ẹyịta ẹnẹnị ẹ yị nyị ohi sị yị Ijoovu, dị ayị sị kụ ọ nị. 6Erihu ozi Ịbarakẹrị, ana vị Anibuuzi ô tụ́ ohi ka, Ozweyi mị vị, dị ẹwụ nịnị vị ọzọkụ nị; ọnị ọ vị angwa ene hí mị, dị mẹ̀ yị kà a ịsị mi ro ịnị ịrẹyị ọnọnị nị. 7Ẹmị vị ana ka wa kà ịrẹyị nịnị, ẹwụ nịnị ọzọkụ ẹ sị ịrẹyọyẹ awụ nịnị zụ. 8Ama a nyị ụhwẹ ịnị ẹngụ aza, ụhwẹ Ohomorihi Ochẹtẹẹngụ ana mẹ̀ ka ọza ọ nyị ịrẹyọyẹ yọ nị. 9Ẹ yị vị ọza mẹ̀ sị vịra ọ sịị yẹ ịrẹyị. Ẹ yị unobo ọọ̄ sị ọzaa yẹ ịsa ana vọrọ. 10Agụvị avọọ, batọ ịrẹyị amị nịnị; jẹẹ ma kà a ịsị mi ro ịnị ịrẹyị ọnọnị nịnị. 11“Maa raà sị avaba ụmẹ ọnọnị jẹẹ, dị mị nyayịnẹ sị ụto pe ahankata awụ nịnị, dị maa wụ́ u mee sì ịrẹyị ọnị ụ waa kà nịnị.” 12Mê batọ ịrẹyị awụ nịnị ẹtẹẹtẹrẹ, ama ẹ yị nyị ọza ana zụ kụ́ Ijoovu hi ireche; ẹ yị nyị ọza ịnị awụ nịnị ene ve zụ tụ́ Ijoovu ohi ịrẹyị anị. 13Agụvị avọọ, a sị ụ kà a ka waa yẹ ịrẹyị nịnị. Ọza ẹ̀ẹ yị zụ tụ́ Ijoovu ohi, jẹẹ vị Ohomorihi ò tu o ohi nịnị. 14Ẹwụ nịnị Ijoovu aa kà ịrẹyịị yị nị, ẹ yị vị ẹmị. Me yi vee tụ́ ọ ẹngụ ohi ọnị ụ tụ́ ọ nịnị avọọ. 15Ijoovu, ịrẹyị ọ sị wụ za wa irenu ọ, ẹnịnị ẹ yị kụkụ re ịrẹyị kà o. 16Vị̀ ẹmị waa rẹ vaa maanị jẹẹ zi, agụvị ka ẹnịnị ẹ yị kụkụ zụ kà ịrẹyị nị? Agụvị ka ẹnịnị jẹẹ e yi kuku re ịrẹyị kà a? 17Eyiye de, emi ree tụ́ ohi aamị; ẹmị rẹ vaa kà a ịsị mi ro tụ ịnị ịrẹyị ọnọnị. 18Agụvị ka ịrẹyị vị ene hí mi ịnẹ booro aanị, mẹ yị zụ za a ka mẹ yị kà a. 19Mè yi re oze kà ịrẹyị, m maa garaa ha anka okoko ana a sị eche ọwọọwa tụ avọọ nị. 20Â nyị ka ma kà ịrẹyị ụvị ẹngụ amị ọ̀ rọ̀. Maa ha irenu amị, di me tụ́ ohi. 21Mẹ yị vaa me eyida ịnị ịrẹyị ọnọnị; mẹ yị vaa mẹ apẹẹ gono ọzọnyị-ọzọnyị. 22Agụvị ka mẹ ma yara mẹ apẹ gono ọza, di Ohomorihi ọ̀ va sị ụya rị mị eyiha-eyiha.
Currently Selected:
Ijoovu 32: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 32
32
Ịrẹyị ọnị Erihu kà
(32.1—37.24)
1Ọta Ijoovu ẹyịta e yi vene tụ́ o ohi hu avọọ, agụvị ka Ijoovu vị ana yị sị ahụ kà aba ka ọnị ẹ yị rị ịvị. 2Dị ayị raà kụ Erihu ozi Ịbarakẹrị, ana vị Anibuuzi nị. Anovwoovu Ịramị ọ̀ vị nị. Ayị ộ kụ ọ agụvị ka ẹ yị jị ịhị yị Ohomorihi, ama ộ jị ịhị yị ẹngụ anị. 3Ayị ộ rẹ kụ́ ọ tụ ọta Ijoovu ẹyịta agụvị ka ẹnịnị ẹ yị yẹ ohi sị yị Ijoovu, ama ẹnịnị ệ vịdị kà a yị Ijoovu ộ mẹ̀ divi. 4Erihu ọ vị ozweyi ini ẹnị ene hi ịzọọ nị, agụvị avọọ, dị ọ jẹẹ ka ọzọza kà ịrẹyị da, dị ọnị ọ̀ va kà ịrẹyị yị Ijoovu nị. 5Ama ịjị Erihu re ka aza ẹnị ẹyịta ẹnẹnị ẹ yị nyị ohi sị yị Ijoovu, dị ayị sị kụ ọ nị. 6Erihu ozi Ịbarakẹrị, ana vị Anibuuzi ô tụ́ ohi ka, Ozweyi mị vị, dị ẹwụ nịnị vị ọzọkụ nị; ọnị ọ vị angwa ene hí mị, dị mẹ̀ yị kà a ịsị mi ro ịnị ịrẹyị ọnọnị nị. 7Ẹmị vị ana ka wa kà ịrẹyị nịnị, ẹwụ nịnị ọzọkụ ẹ sị ịrẹyọyẹ awụ nịnị zụ. 8Ama a nyị ụhwẹ ịnị ẹngụ aza, ụhwẹ Ohomorihi Ochẹtẹẹngụ ana mẹ̀ ka ọza ọ nyị ịrẹyọyẹ yọ nị. 9Ẹ yị vị ọza mẹ̀ sị vịra ọ sịị yẹ ịrẹyị. Ẹ yị unobo ọọ̄ sị ọzaa yẹ ịsa ana vọrọ. 10Agụvị avọọ, batọ ịrẹyị amị nịnị; jẹẹ ma kà a ịsị mi ro ịnị ịrẹyị ọnọnị nịnị. 11“Maa raà sị avaba ụmẹ ọnọnị jẹẹ, dị mị nyayịnẹ sị ụto pe ahankata awụ nịnị, dị maa wụ́ u mee sì ịrẹyị ọnị ụ waa kà nịnị.” 12Mê batọ ịrẹyị awụ nịnị ẹtẹẹtẹrẹ, ama ẹ yị nyị ọza ana zụ kụ́ Ijoovu hi ireche; ẹ yị nyị ọza ịnị awụ nịnị ene ve zụ tụ́ Ijoovu ohi ịrẹyị anị. 13Agụvị avọọ, a sị ụ kà a ka waa yẹ ịrẹyị nịnị. Ọza ẹ̀ẹ yị zụ tụ́ Ijoovu ohi, jẹẹ vị Ohomorihi ò tu o ohi nịnị. 14Ẹwụ nịnị Ijoovu aa kà ịrẹyịị yị nị, ẹ yị vị ẹmị. Me yi vee tụ́ ọ ẹngụ ohi ọnị ụ tụ́ ọ nịnị avọọ. 15Ijoovu, ịrẹyị ọ sị wụ za wa irenu ọ, ẹnịnị ẹ yị kụkụ re ịrẹyị kà o. 16Vị̀ ẹmị waa rẹ vaa maanị jẹẹ zi, agụvị ka ẹnịnị ẹ yị kụkụ zụ kà ịrẹyị nị? Agụvị ka ẹnịnị jẹẹ e yi kuku re ịrẹyị kà a? 17Eyiye de, emi ree tụ́ ohi aamị; ẹmị rẹ vaa kà a ịsị mi ro tụ ịnị ịrẹyị ọnọnị. 18Agụvị ka ịrẹyị vị ene hí mi ịnẹ booro aanị, mẹ yị zụ za a ka mẹ yị kà a. 19Mè yi re oze kà ịrẹyị, m maa garaa ha anka okoko ana a sị eche ọwọọwa tụ avọọ nị. 20Â nyị ka ma kà ịrẹyị ụvị ẹngụ amị ọ̀ rọ̀. Maa ha irenu amị, di me tụ́ ohi. 21Mẹ yị vaa me eyida ịnị ịrẹyị ọnọnị; mẹ yị vaa mẹ apẹẹ gono ọzọnyị-ọzọnyị. 22Agụvị ka mẹ ma yara mẹ apẹ gono ọza, di Ohomorihi ọ̀ va sị ụya rị mị eyiha-eyiha.
Ebira First Bible © Bible Society of Nigeria, 2014.