Ijoovu 31
31
Ijoovu aa yịị kà ịrẹyị ọdịrẹma anị
1Ijoovu ka ọnị ộ hị́ eku ka ọnị ẹ yị vaa sị eyi pe ozi ọnyẹnẹẹ. 2Aha ịsị ị vị ana vaa rị hụụnị ụvọ Ohomorihi ana ya ẹbẹẹba? Sị Ochẹtẹẹngụ ana ya ẹbẹẹba va ga tu yi kẹ? 3Ịzẹyịza, Ohomorihi vị anaā kụ ịrẹyị odivi tu aza ọhịmị, dị ọọ̄ kụ ịrẹsụ odivi tu aza anaa mẹ̀ ebira odivi nị. 4Ijoovu ka Ohomorihi ee re ịsa tụra ịsa ọnị aa mè ọnịrị avaba ahụ ọnị ọnị ee hu. 5Ọ kà ọnị ẹ yị cheeche, ọnị ọ yị vene ọza. 6Ohomorihi ọ̀ sị ịzẹyịza mẹ̀ ọkarẹyị anị, o vee re ka ọnị ẹ yị rị ịvị. 7Àa vị ka ọnị ọ́ọ ha hụrị oze, dị ahịka ịsa ana ya ịnị eyi kẹnẹ ọnị aa dụ nị, èe re akụvị ịnị ụvọ anị, 8dị ọza ẹnịsa kẹnẹ-kẹnẹ ọ rị ịsa ọnị mẹ tụ ịnị aarẹ anị, dị è hu avaba ịsa ọnị ọnị chire tụ ịnị aarẹ anị ha.
9A vị ka ọnị ọ mẹ eyọhụrẹ ka ose ọza na, 10ọzọga ọnị ọ rẹ vaa dọ ọnị ose anị, dị anọrụ ọsa ẹẹ sị ọ. 11Ijoovu ka ebira odivi ẹnẹmẹhị ọ vị ka ọnị ọ sị ose ọza nị. Aa si ụya ịvị anị rị ọnị. 12Ọ vavọọ ya, Ohomorihi ọ vu ọnị ẹtẹ, dị ịsa ịnị aarẹ anị ọ rị ịra va ha.
13Ezi ahụ amị ẹnyẹẹnyị ẹ̀ẹ ka ẹnị ee re ịrẹyị dị e ve tu mị nị, mịị̄ wụ́ ịrẹyị ẹnịnị, dị mị mẹ̀ ebira ana vọrọ hi wa. 14Mẹ̀ yị vavọọ mẹ, m mẹmẹ va zụụ jẹ ọvịdị Ohomorihi? Sị mị vaa kà ịhị Ohomorihi ộ vẹ aa vaa mẹ̀ ọkarẹyị yị mị? 15Aanị ka ẹ yị vị Ohomorihi ana tụ mị vẹ ẹhẹ ọ rẹ tụ ẹnị? Aanị ka ẹ yị vị Ohomorihi ọnya ọ mẹ ẹyị tụ ịnị ịnẹ ọnyị ayị?
16Meè yi yi da, dị a sị mị mẹ̀ ọgụvọ yị onosiye. Mẹ ma zẹẹ ka osoku nịnị ẹ̀ rị ụya. 17Ẹmị ịnyara ẹ ma rị ịsa dị a sị mị da yị ezi-oku. 18A mẹ̀ hụrẹ ma mị, mịị̄ tẹsị ezi-oku, dị mịị̄ mẹ ọgụvọọ yị osoku nịnị nị.
19Mèe re ọza anaa rị ụya, àa vị onosiye ẹnẹ ẹ̀ yị nyị ịta kú ẹngụ. 20Mịị̄ sị ịtaa yọ; ịta ana a sị ẹyị ana a kụ́ hụụnị ẹngụ atẹmẹ amị hí. Ọ̀vavẹ ịrẹma anị, dị ọ sị avaba ayị anị va kụ́ mị avọ.
21Mẹ̀ yị mẹ ehuna yị ozi oku da, agụvị ka maa yẹ ka àa kụ́ ọ tụ́ ikootu mị vaa rị ịhị. 22Màa vavọọ mẹ, jẹẹ è che mi ụvọ, dị à hụrẹ ụvọ amị hụụnị ịza amị. 23Mẹ yị nyayịnẹ vavọọ mẹ̀ ebira, agụvị ka angwa ọkarẹyị Ohomorihi ee hí mi.
24Mẹ yị sị ayị tụra ẹkẹhị amị, à vị ka me che ayị za ẹkẹhị ọnị mị nyị. 25Mẹ yị me eyi agụvị ka maa nyị ogu, à vị agụvị ka mâ nyị ịsa rị ụvọ. 26Mệ yị tana tụra ẹtẹ yị ọyị da aa za ẹtẹ, dị mẹ̀ẹẹ̀ yị rẹ tana tụra ẹtẹ yị ụhwẹ anaa za ẹtẹ da. 27Ẹ́ẹ yị nyị ịsị e vene mi da, ka ma sị ụbanyị yị wa, di ma hụvị ẹnịnị kú ụvọ amị irenu. 28Ẹngụ ọnọnị vị ịvị ana a vọrọ ka à hụvị anị wụ̀ ọza, agụvị ka ọza ọnọọ o reè yị Ohomorihi tịtẹ.
29Mẹ ma jẹ agụvị ka ọnịvị amị nịnị aa rị ụya, ịrẹyị odivi òo tu wa, ayị amị o yi hine. 30Mẹ yị dọ ka ma sị irenu amị mẹ ịvị, dị ma naa mẹ̀ aduwa ka ọnịvị amị nịnị è sú. 31Avaba anineehi amị ệ yẹ ka miī sì azọga ẹtẹẹtẹrẹ. 32Mịị̄ dọ azọga ka è ve chí ini eehi amị, mẹ ma dọ ka ẹnịnị ẹ̀ sụ̀ ụtọ oze.
33Aza ana vọ e sì ka ẹnị ẹ̀ sị ịvị ẹnịnị tẹ̀, ama ẹmị ẹ́ yị ma sị aamị tẹ. 34Mé me hí angwa ka ịsị aza vaa kà; mẹ̀ ma sị irenu ku oku, à vị ka à sị mị nyayịnẹ jịnẹ hụụnị eehi, agụvị ka aza vaa kụ mị isiya.
35Ho! mẹ yị nyị ọza ana vọrọ ka ọ wụ́ ịrẹyị ọnị maa kà aanị? Mâ hị́ eku ka avaba ịrẹyị ọnị mị kà vị ịzẹyịza, agụvị avọọ, Ohomorihi Ochẹtẹẹngụ ọ̀ navọ o tu mi ohi.
Àa yẹ a chẹrẹ ịsa ọnị ọnịvị amị nịnị ka mâ mẹ tịtẹ, dị me re e. 36Ịsị ẹ̀ẹ ka mâ mẹ, mâ dọ ka ma sị ẹnya anịị hí ịza. Maa dọ ka ma sị o hi ịrẹsụ, anka a mee kú ọkẹkẹrẹkụ avọọ. 37Mị yaanị ka yị Ohomorihi avaba ịsị mị mẹ̀. Mị yaanị ee hu ahụ kaada-kaada anka ozi ohinọyị avọọ ọvịdị anị nị.
38Àa vị mị yi ẹtẹ ọnị mị da aarẹ tụ, dị mị dọ ọ hụụnị ụvọ ọza ana nyị nị, 39màa rị ịsa ana a mẹ tụ ịnị ẹtẹ ọnọọ ọọhẹ, dị mị ka ụngwẹ ọ̀ wụ̀ aza ana nyị ẹtẹ nị, 40Mèe chire ihwiiti ọnịrị ibaari tụ ịnị aarẹ, ẹ̀ vara avị ọnịrị ikeyi.
Ịrẹyị Ijoovu ộ ta.
Currently Selected:
Ijoovu 31: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ijoovu 31
31
Ijoovu aa yịị kà ịrẹyị ọdịrẹma anị
1Ijoovu ka ọnị ộ hị́ eku ka ọnị ẹ yị vaa sị eyi pe ozi ọnyẹnẹẹ. 2Aha ịsị ị vị ana vaa rị hụụnị ụvọ Ohomorihi ana ya ẹbẹẹba? Sị Ochẹtẹẹngụ ana ya ẹbẹẹba va ga tu yi kẹ? 3Ịzẹyịza, Ohomorihi vị anaā kụ ịrẹyị odivi tu aza ọhịmị, dị ọọ̄ kụ ịrẹsụ odivi tu aza anaa mẹ̀ ebira odivi nị. 4Ijoovu ka Ohomorihi ee re ịsa tụra ịsa ọnị aa mè ọnịrị avaba ahụ ọnị ọnị ee hu. 5Ọ kà ọnị ẹ yị cheeche, ọnị ọ yị vene ọza. 6Ohomorihi ọ̀ sị ịzẹyịza mẹ̀ ọkarẹyị anị, o vee re ka ọnị ẹ yị rị ịvị. 7Àa vị ka ọnị ọ́ọ ha hụrị oze, dị ahịka ịsa ana ya ịnị eyi kẹnẹ ọnị aa dụ nị, èe re akụvị ịnị ụvọ anị, 8dị ọza ẹnịsa kẹnẹ-kẹnẹ ọ rị ịsa ọnị mẹ tụ ịnị aarẹ anị, dị è hu avaba ịsa ọnị ọnị chire tụ ịnị aarẹ anị ha.
9A vị ka ọnị ọ mẹ eyọhụrẹ ka ose ọza na, 10ọzọga ọnị ọ rẹ vaa dọ ọnị ose anị, dị anọrụ ọsa ẹẹ sị ọ. 11Ijoovu ka ebira odivi ẹnẹmẹhị ọ vị ka ọnị ọ sị ose ọza nị. Aa si ụya ịvị anị rị ọnị. 12Ọ vavọọ ya, Ohomorihi ọ vu ọnị ẹtẹ, dị ịsa ịnị aarẹ anị ọ rị ịra va ha.
13Ezi ahụ amị ẹnyẹẹnyị ẹ̀ẹ ka ẹnị ee re ịrẹyị dị e ve tu mị nị, mịị̄ wụ́ ịrẹyị ẹnịnị, dị mị mẹ̀ ebira ana vọrọ hi wa. 14Mẹ̀ yị vavọọ mẹ, m mẹmẹ va zụụ jẹ ọvịdị Ohomorihi? Sị mị vaa kà ịhị Ohomorihi ộ vẹ aa vaa mẹ̀ ọkarẹyị yị mị? 15Aanị ka ẹ yị vị Ohomorihi ana tụ mị vẹ ẹhẹ ọ rẹ tụ ẹnị? Aanị ka ẹ yị vị Ohomorihi ọnya ọ mẹ ẹyị tụ ịnị ịnẹ ọnyị ayị?
16Meè yi yi da, dị a sị mị mẹ̀ ọgụvọ yị onosiye. Mẹ ma zẹẹ ka osoku nịnị ẹ̀ rị ụya. 17Ẹmị ịnyara ẹ ma rị ịsa dị a sị mị da yị ezi-oku. 18A mẹ̀ hụrẹ ma mị, mịị̄ tẹsị ezi-oku, dị mịị̄ mẹ ọgụvọọ yị osoku nịnị nị.
19Mèe re ọza anaa rị ụya, àa vị onosiye ẹnẹ ẹ̀ yị nyị ịta kú ẹngụ. 20Mịị̄ sị ịtaa yọ; ịta ana a sị ẹyị ana a kụ́ hụụnị ẹngụ atẹmẹ amị hí. Ọ̀vavẹ ịrẹma anị, dị ọ sị avaba ayị anị va kụ́ mị avọ.
21Mẹ̀ yị mẹ ehuna yị ozi oku da, agụvị ka maa yẹ ka àa kụ́ ọ tụ́ ikootu mị vaa rị ịhị. 22Màa vavọọ mẹ, jẹẹ è che mi ụvọ, dị à hụrẹ ụvọ amị hụụnị ịza amị. 23Mẹ yị nyayịnẹ vavọọ mẹ̀ ebira, agụvị ka angwa ọkarẹyị Ohomorihi ee hí mi.
24Mẹ yị sị ayị tụra ẹkẹhị amị, à vị ka me che ayị za ẹkẹhị ọnị mị nyị. 25Mẹ yị me eyi agụvị ka maa nyị ogu, à vị agụvị ka mâ nyị ịsa rị ụvọ. 26Mệ yị tana tụra ẹtẹ yị ọyị da aa za ẹtẹ, dị mẹ̀ẹẹ̀ yị rẹ tana tụra ẹtẹ yị ụhwẹ anaa za ẹtẹ da. 27Ẹ́ẹ yị nyị ịsị e vene mi da, ka ma sị ụbanyị yị wa, di ma hụvị ẹnịnị kú ụvọ amị irenu. 28Ẹngụ ọnọnị vị ịvị ana a vọrọ ka à hụvị anị wụ̀ ọza, agụvị ka ọza ọnọọ o reè yị Ohomorihi tịtẹ.
29Mẹ ma jẹ agụvị ka ọnịvị amị nịnị aa rị ụya, ịrẹyị odivi òo tu wa, ayị amị o yi hine. 30Mẹ yị dọ ka ma sị irenu amị mẹ ịvị, dị ma naa mẹ̀ aduwa ka ọnịvị amị nịnị è sú. 31Avaba anineehi amị ệ yẹ ka miī sì azọga ẹtẹẹtẹrẹ. 32Mịị̄ dọ azọga ka è ve chí ini eehi amị, mẹ ma dọ ka ẹnịnị ẹ̀ sụ̀ ụtọ oze.
33Aza ana vọ e sì ka ẹnị ẹ̀ sị ịvị ẹnịnị tẹ̀, ama ẹmị ẹ́ yị ma sị aamị tẹ. 34Mé me hí angwa ka ịsị aza vaa kà; mẹ̀ ma sị irenu ku oku, à vị ka à sị mị nyayịnẹ jịnẹ hụụnị eehi, agụvị ka aza vaa kụ mị isiya.
35Ho! mẹ yị nyị ọza ana vọrọ ka ọ wụ́ ịrẹyị ọnị maa kà aanị? Mâ hị́ eku ka avaba ịrẹyị ọnị mị kà vị ịzẹyịza, agụvị avọọ, Ohomorihi Ochẹtẹẹngụ ọ̀ navọ o tu mi ohi.
Àa yẹ a chẹrẹ ịsa ọnị ọnịvị amị nịnị ka mâ mẹ tịtẹ, dị me re e. 36Ịsị ẹ̀ẹ ka mâ mẹ, mâ dọ ka ma sị ẹnya anịị hí ịza. Maa dọ ka ma sị o hi ịrẹsụ, anka a mee kú ọkẹkẹrẹkụ avọọ. 37Mị yaanị ka yị Ohomorihi avaba ịsị mị mẹ̀. Mị yaanị ee hu ahụ kaada-kaada anka ozi ohinọyị avọọ ọvịdị anị nị.
38Àa vị mị yi ẹtẹ ọnị mị da aarẹ tụ, dị mị dọ ọ hụụnị ụvọ ọza ana nyị nị, 39màa rị ịsa ana a mẹ tụ ịnị ẹtẹ ọnọọ ọọhẹ, dị mị ka ụngwẹ ọ̀ wụ̀ aza ana nyị ẹtẹ nị, 40Mèe chire ihwiiti ọnịrị ibaari tụ ịnị aarẹ, ẹ̀ vara avị ọnịrị ikeyi.
Ịrẹyị Ijoovu ộ ta.
Ebira First Bible © Bible Society of Nigeria, 2014.