Ijeremaya ỌYỊSỊZỤ
ỌYỊSỊZỤ
Ọnịsẹ Ijeremaya vị ana kà etore ọnị Ohomorihi sị zụ ọ ịnị ụmẹ ọnị aa vaa sị za Anisirẹrị nịnị ọrịhị nọ ẹtẹ Ịbabịrọnị. Ộ ka aza Ohomorihi ọ̀nọ̀ ka ẹngụkata vee tu wa agụvị ori ọnị ẹ yaa hẹkẹ ọnịrị ebira odivi ẹnịnị. Eyi anị a va kụ wa nọ Ịbabịrọnị, dị Inebukadineza ohinọyị Ịbabịrọnị du avaba Ijerusarẹmị ọnịrị irehi Ohomorihi dị ọ kụ ohinọyị Ijuda ọnịrị aza ọrụrụ-ọrụrụ nọ Ịbabịrọnị. Ijeremaya ọ rẹ kà a ka ẹ vaa vavẹ eehi ẹnịnị, Ohomorihi va wa nọ udi ẹnịnị.
Ijeremaya ô sì ịrẹyị aza anị ẹnẹmẹhị. Ô yi si ka ọnị ọ tụ ozirenu hi wa. Aha ọrụrụ-ọrụrụ vị ana a ka enube dị aa zị ẹngụ yị wa. Ộ rị ụya ẹtẹẹtẹrẹ agụvị ụkọrọ ọnị Ohomorihi hị́ ọ tụ ịnị anị. Ọ kà ịrẹyị Ohomorihi vị ana sị mẹẹ anka ịra tụ ọnị ẹngụ avọọ. Agụvị avọọ ọnị ẹ yị zụ sị irenu anị kwoku nị.
Ịsa ene hụụnị akanya ene tù Ijeremaya ọ vị oyisì ọnị Ohomorihi nyị yị aza anị. Ọ kà ọnị vaa chẹrẹ ịrẹyị anị tụ ịnị ayị ẹnịnị, dị ẹ yị nyị ka ọza ọ kụkụ tama wa ayị. 31.31-34
Eyi Ịrẹyị
Ohomorihi ộ hị́ Ijeremaya 1.1-19
Ẹtẹ ọnị o re ịnị ụmẹ ohinọyị Ijosaya, Ijehoyakimi, Ijehoyakini ọnịrị Ịzẹdẹkaya. 2.1—25.38
Avaba ịsa ana mẹ ịnị ẹhẹ Ijeremaya 26.1—45.5
Etore ịsa ene vee tu avaba anẹkụra ọsa nịnị 46.1—51.64
Ọyị hyẹdụ Ijerusarẹmị 52.1-34
Currently Selected:
Ijeremaya ỌYỊSỊZỤ: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.