Ayịsaya ỌYỊSỊZỤ
ỌYỊSỊZỤ
Iwe ọnọnị vị ana a sị̀ ịrẹha ọnịsẹ ọbanyị ana a hị́ Ayịsaya hị́. Etore ịsa ana vaa mẹ hụrị ụmẹ anị tụ ọvịdị Ẹnẹyịmavara sị zụ ọ nị. Iwe ọnọọ vị ana a ga boobo-boobo hi oze ẹẹta.
Ịrẹyị ene hi ịrẹsụ 1-39 vị ọnị kà di a va yẹ ka Asiriya nịnị va sị ịrẹkụ hụ Anijuda nịnị. Ọ re ẹtẹ ịsị e vee tu wa agụvị ịvị ọnịrị akamawụ ẹngụ ẹnịnị. Ẹnịnị ẹ yị sị ayị tụra Ẹnẹyịmavara. Ộ ka wa ọnọ ka ẹnịnị ẹ yị ro ịnẹ Ohomorihi vi ene vu wa ẹtẹ. Ayịsaya ọ rẹẹ̀ ka ẹngwọọrọ ene vee tu ẹhẹ ịnị oze ozi Idevidi ana vaa vị ohinọyị obooro.
Etore ana ya ịnị ịrẹsụ 40-55 vị ọnị Ayịsaya kà ịnị ụmẹ ọnị Anijuda nịnị sị ya ahụ Anibabironi nịnị dị ẹnịnị ẹ yị nyị eyọtụra. Ọ kà yị wa Ẹnẹyịmavara vaa dọ wa ha, dị ọ kụ wa vẹ eehi ẹnịnị. Ana vị eyi ịrẹyị ịnị ịrẹyị ẹnịnị ọ vị ka Ohomorihi ọ nyị eto yị aza anị ịnị ụtụ ọnị ọ tụ wa hi anẹhẹ. Ịnị oze ịpa ẹnịnị o vee ze yị avaba anẹhẹ nị.
Uche ọhụta, ịrẹsụ 56-66 ọ ka enube ịsị Anisirẹrị nịnị ana vọ tụ Ijerusarẹmị ee re ọnịrị a mẹẹ mẹ̀ wa ọtụtụrụma. Ohomorihi kà a ọnị vaa sị oto ọnị ọnị wo yị wa gẹ. Ộ ka Ohomorihi ô sì ka ẹnịnị ẹ mẹ ịzẹyịza, dị ẹ mẹ̀ ọkarẹyị ịzẹyịza, ẹ sị ụvọ za ọda ụhwọọtụ ọnịrị ịsọvọ ne beri aduwa. Ịrẹyị ana ya 61.1-12 vị ọnị Ijeesu sị ka ịrẹyị ịnị ụmẹ ọnị ee si nyima ụkọrọ ẹdọha anị.
Eyi Ịrẹyị
Ọ̀nọ̀ ọnịrị oto irenyi-irenyi 1.1—12.6
Ụya ana vaa rị Anẹkụra nịnị 13.1—23.18
Ọkarẹyị Ohomorihi yị Anẹhẹ 24.1—27.13
Ọ̀nọ̀ ọnịrị oto irenyi-irenyi ana vọ 28.1—35.10
Ohinọyị Ihezekaya ọnịrị Anisiriya nịnị 36.1—39.8
Enube oto ọnịrị eyọtụra aza Ohomorihi 40.1—55.13
Ọ̀nọ̀ ọnịrị oto irenyi-irenyi 56.1—66.24
Currently Selected:
Ayịsaya ỌYỊSỊZỤ: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.