Ayịsaya 23

Ịrẹyị ene vee tù Anitaya

1 # Ezk 26.1—28.19; Ijow 3.4-8; Emọ 1.9,10; Iza 9.1-4; Imt 11.21,22; Irk 10.13,14 Ẹwụ nịnị ana aā ngụ ẹpaa nọ Itasisi, và ụvọ kú ịrẹsụ dị waa jị òrèrè nịnị. Wéē re a mẹ̀ za avaba ẹkụra Itíre dị a chaka a va ha, hyakụ kụkụ nyị irehi ikonya ana vọ jẹẹ. Avaba ịzị ẹpa vịdịị jẹẹ ệ ta saka-saka. Mâ yẹ ka mâ wụ́ ózee nịnị ẹpa awụ nịnị mẹ̀ hụrẹ Ikitimi aa vẹ.

2Ẹwụ nịnị anẹkụra ẹnị enyi kara, angwaa ò hi wu nịnị dị wa sị irenu awụ nịnị kú oku. Ẹwụ nịnị Anisidoni, angwa ò re hí ẹwụ nịnị dị wa sị irenu awụ nịnị kú oku. Waa tụ́ azaa nọ 3akẹnẹ enyi nịnị ka ẹ̀ na hị́ akụ ana mẹ hi ụtọ okuha Ijipiti, dị ẹ̀ rẹ vara eyi ná a. Ụ ka ẹnịrị avaba anẹkụra ẹ̀ẹ sẹ̀ ohu. Ohu ọnọọ ọ raà sị wụ nịnị vara aza ẹbanyị. 4Ẹwụ nịnị Anisidoni, ụhị ọ sị wụ nịnị nyị, ẹwụ ana vị ẹkụra ịrẹsụ enyi ana vịdị vị ohirẹsụ avaba ẹkụra. Enyi ọ sị ọ kà ka ọnị ọ yị hyakụ barẹẹ da dị ọ̀ va ma ozi. Ọ kà ọnị ộ yị pa ozi da. 5Ịhị Anijipiti ẹ̀ẹ wụ́ ịrẹyị ene tù Anitaya, ọ vaa kata wa ẹngụ. 6Kụ́ ẹnya awụ we zwee nọ Itasisi ẹwụ nịnị Anitaya. 7Anitaya ana aā maanịị rị ẹhẹ ịjọnọọ wáá yị? O si kù ẹnị ẹkụra Ịtaya hụrẹ yà ẹhẹ. Anịzọọ ẹ raà nọ aha ene noze na ra. 8Anitaya ẹ raà mẹ ịjọva tụra ẹkụra ọrụrụ-ọrụrụ, osohu ẹnịnị vị ọnị avaba anẹhẹ ẹ sị ụbanyịị yị. Ẹ̀nẹ va maanị mẹ ka ịrẹyị ẹnẹnị è tù Anitaya? 9Ẹnẹyịmavara Ochẹtẹẹngụ ọ vavọọ mẹ nị, ka ọnị ọ̀ tẹ avaba aza ana aā mẹ eyi, dị ọnị ọ̀ rẹ mẹ̀ ụhị nyị avaba aza anị anẹhẹ aa sị ụbanyị yị. 10Ẹwụ nịnị Anitasisi, weē che ẹtẹ ọnọọ naa parahu anka okuha Ịnayịrị mè che e na para hu avọọ, kụkụ nyị ọza ana aa dọ wụ nịnị oro. 11Ẹnẹyịmavara o reè tenyi ẹngụ tù òkū nịnị. Ộ mẹ ka anẹkụra ẹ̀ẹ banyị ángwa meè hi wa. Ọ rẹ sị ọda mẹ ka à chaka ohu ọbanyị ana yà Ikanaani. 12Ọ kà ẹwụ nịnị Anisidoni, ẹhẹ ọnị waa rịrị ộ ta. A raà sị ụya rị wụ nịnị. Ọ kà òo zee wu nini eyi wa kwẹẹtẹ di we zwe nọ Ịsayịpịrụsị, we yi yèe re ẹngwọọrọ ịzọọ nịnị. 13Wâ yẹ Anikaridi nịnị. Ẹnị ẹ mẹ ka ẹtẹ Ịtaya ọ̀ vara ụnọmị di uye ịnị avị ẹ̀ kuku hi ịnị anị nị, vị Anibabironi ẹ vavọọ mẹ. Ẹnị ẹ tụra ọvọ dị ẹ zị oze avọọ kụ́ ịrẹkụ va ngụ ịnị ẹkụra nị. Dị ẹ za avaba ịzị ẹ vị ụkata Ịtaya dị ẹ chaka a ha nị. Dị ẹ jị ẹkụra ọnọọ eburu nị.

14Ẹwụ nịnị osohu ana aa ngụ ẹpaa nọ Itasisi, và ụvọ kú ịrẹsụ di wee sụ ùnè nịnị. Ẹkụra oni u che ayị za nịnị, a sị ọ chaka ha. 15Ụmẹ aa vẹ ana ahịka ọza ọ mā vana wụ́ ịrẹyị Ịtaya pooro dị ịrayị ẹtarẹwụ ọ̀ mẹ ana vị ẹhụ ịrayị oni ohinọyịị̄ mẹ ẹhẹ. Ịjị ịrayị ẹtarẹwụ ọ̀ọ sị gụ, â nyị ịsị ẹ vaa mẹ Anitaya. Ịrẹyị ọnọọ vị ana vaa sị mẹẹ anka ịrẹyị ọsẹrẹka ọnya ana a sị jị ahẹ ka: 16“Sị ọkangga awụ di wee hú ọ ngụ ịnị ẹkụraa zị, ẹwụ ọsẹrẹka eni e reè hi ayị anị. Hú ọkangga awụ ẹtẹẹrẹ dị waa jị ahẹ ịsavọọ à tamayị awụ.” 17Ịrayị ẹtarẹwụ ọ̀ọ sị para hu, Ẹnẹyịmavara vaa navọ Ịtaya ka ò re nyima ohu anị, ọnịrị avaba anẹhẹ rẹ vaa sẹ ohu. 18Ama ọgụ ọnị ọ̀ọ rị vị ọnị ọ vaa sịị yị Ẹnẹyịmavara. Ọza ọ yị kụkụ vaa kụ́ ọ tẹ. Aza ana ra ịda Ẹnẹyịmavara a vaa kụ́ ọgụ ẹnẹẹ naa yị nị. Dị ẹnịnị aa sị rị ịsa ẹtẹẹtẹrẹ, dị ẹ rẹ yaa sịị hị́ ịta ozozaa kú ẹngụ.

Currently Selected:

Ayịsaya 23: EBTP

Highlight

Copy

Compare