Ayịsaya 2
2
Ẹngwọọrọ ẹnẹ ẹ yị ma ta
(Imi 4.1-3)
1Ịrẹyị ene vee tù Ijuda ọnịrị Ijerusarẹmị yị. Ohomorihi ộ sị́ ẹtore ọnọọ zụ̀ Ayịsaya ana vi ozi Amozi.
2Ụmẹ aa vẹ,
ịrẹsụ ataba ọnị irehi Ẹnẹyịmavara ya
vaa vị Ataba ana nẹba hu kerekere,
dị ọ va avaba ataba ana vọ chire.
Anẹkụra ọrụrụ-ọrụrụ vee turaa hi ịzọọ,
3dị ẹ kà,
vẹ ya nọ ịnị ataba Ẹnẹyịmavara nịnị,
dị ya nọ ịnị irehi Ohomorihi Ijekọvụ.
Ohomorihi vaa sịị zụ̀ yị ịsị a vọrọ ka ya mẹ
yị vaa saasa ịrẹyị ọnị ọọ ka.
Íjerusarẹmị Ẹnẹyịmavara vaa yà aa sị ọda anịị zụ̀ nị,
Hụrị Ịzayọnị ọ vaa kà ịrẹyị yị aza anị nị.
4 #
Ijow 3.10; Imi 4.3 Ohomorihi vaa mẹ̀ ọkarẹyị yị anẹkụra ẹbanyị-ẹbanyị ana àa nyị ahankata.
Ụhwọ ana aza ẹnẹẹ vịdị aa sịị kụ̀ ịrẹkụ vi eni e vene sii tụ́ ẹdụ,
dị ẹ rẹ sị ọha ẹnịnị tụ́ ụhwọ́ ana a sịị mẹ̀ ụkọrọ ịnị aarẹ.
Anẹkụra nịnị ẹ mā vana kwẹẹtẹ tù ẹngụ ka vị ẹnị aa kụ̀ ịrẹkụ nị.
Ẹnịnị ẹ yị kụkụ vaa jị ẹnya ịrẹkụ.
5Ẹwụ nịnị ezi Ijekọvụ, vẹ yaa mẹ̀ ebira ẹtohweyi ọnị Ẹnẹyịmavara raà sị zụ̀ yị.
Aza ana aa mẹ eyi vaa tẹ
6Ohomorihi, wa raà hụrẹ aza awụ ụvọ, aza awụ ana vị irima ezi Ijekọvụ. Avaba ẹnịnị vị ana hụrẹ eyi ọnị ọyị zịị hụrẹẹ vẹ. Irima ezi Ijekọvụ vị ana kụkụ aa ha ẹva anka Anihwirisiti nịnị avọọ, dị ẹnịrị aza ẹnẹ ẹ yị yẹ Ohomorihi aa kụ́ ụvọọ gẹ ẹngụụ zị. 7Enyusẹ ẹkẹhị ọnịrị igooru vị ana nya ẹtẹ ha ịnị ẹkụra Anisirẹrị nịnị. Ogu ẹnị ẹ nyị vị ẹnẹ mẹ hị́. Ẹnịnị ệ nyị umaata gụ ẹtẹ, umaata ana a sịị̄ kụ̀ ịrẹkụ vị ana gụ kẹnẹ. 8Avaba ẹtẹ ẹnịnị vị ori-ori. Ịsa ọnị ẹ sị ụvọ ẹnịnị mẹ di e re yee kú ẹtẹẹ kụ́ ọ. Mị ka eyee kú ẹtẹẹ kụ́ ịsị ẹ sị igege ẹnịnị mẹ. 9Avaba aza vị ọnị Ohomorihi vaa kà a chị, dị ọ maanị tẹ wa. Ohomorihi, asị ụ vagu wa. 10#Ẹtẹ 6.15; 2 Ịtẹ 1.9Ẹnẹyịmavara aa vẹ. Ộ nyị ụbanyị ẹtẹẹtẹrẹ. Zwe na tẹ̀ ịnị ụtẹha à yị vị avọọ ụ chị ịsị tụ́ ịnị ẹtẹ dị wa ngụ ọ agụvị ka wẹ yị va zụụ jẹẹ re ụbanyị anị. 11Ụmẹ ọnya aa vẹ, avaba aza ene ee wu ịkaa zị, dị Ẹnẹyịmavara kà wa chị, dị ọ tẹ avaba aza ana aa mẹ eyii zi. Ịnị ụmẹ ọnọọ, Ẹnẹyịmavara ịnya kẹnẹ aza vaa sị ụbanyịị yị nị. 12Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa. 13Avaba ọchị ọgọdọ-ọgọdọ ene hi Ịrẹbanọnị ọnịrị ọchị ẹbanyị-ẹbanyị ene hi Ịbasanị vi oni Ohomorihi vee huu vaa ha. 14Avaba ataba ẹbanyị-ẹbanyị vị ọnị ọ vaa chaka nẹrẹ-nẹrẹ. 15Avọọ ọ mẹ̀ rẹ vaa chaka avaba irehi ọgọdọ oni oserẹtẹẹ yà, dị ọ rẹ chaka ọvọ ọbanyị-ọbanyị ana a jị kara ẹkụra. 16Ọ vaa za ẹpa ẹbanyị ene zoza oni osohu nịnị aa ngụ di o du wa ngụ enyi. 17Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị. 18Ọza ọ mā vana wụ́ ịrẹha ịsa ana aa hị́ ori. 19Ịhị Ẹnẹyịmavara ọ̀ọ vẹ, o vee henyi ẹhẹ. Aza vee re ụbanyị anị, di eyee zwe naa ngụ ịnị ụtẹha ọnịrị ụsị ini eteesu, ángwa òo mèe hí wa. 20Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga. 21Ịhị Ẹnẹyịmavara ọ̀ọ kwẹẹtẹ di o henyi ẹhẹ nị, aza vee re ụbanyị anị dị eyee zwe naa ngụ ịnị ụtẹha ọnịrị ụsị ini eteesu ángwa òo mèe hí wa. 22Avọọ asị ụ rẹ sị ayị tụra ọzarẹyịrẹsụ. Ẹ yị nyị ịsị ọza vị.
Currently Selected:
Ayịsaya 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 2
2
Ẹngwọọrọ ẹnẹ ẹ yị ma ta
(Imi 4.1-3)
1Ịrẹyị ene vee tù Ijuda ọnịrị Ijerusarẹmị yị. Ohomorihi ộ sị́ ẹtore ọnọọ zụ̀ Ayịsaya ana vi ozi Amozi.
2Ụmẹ aa vẹ,
ịrẹsụ ataba ọnị irehi Ẹnẹyịmavara ya
vaa vị Ataba ana nẹba hu kerekere,
dị ọ va avaba ataba ana vọ chire.
Anẹkụra ọrụrụ-ọrụrụ vee turaa hi ịzọọ,
3dị ẹ kà,
vẹ ya nọ ịnị ataba Ẹnẹyịmavara nịnị,
dị ya nọ ịnị irehi Ohomorihi Ijekọvụ.
Ohomorihi vaa sịị zụ̀ yị ịsị a vọrọ ka ya mẹ
yị vaa saasa ịrẹyị ọnị ọọ ka.
Íjerusarẹmị Ẹnẹyịmavara vaa yà aa sị ọda anịị zụ̀ nị,
Hụrị Ịzayọnị ọ vaa kà ịrẹyị yị aza anị nị.
4 #
Ijow 3.10; Imi 4.3 Ohomorihi vaa mẹ̀ ọkarẹyị yị anẹkụra ẹbanyị-ẹbanyị ana àa nyị ahankata.
Ụhwọ ana aza ẹnẹẹ vịdị aa sịị kụ̀ ịrẹkụ vi eni e vene sii tụ́ ẹdụ,
dị ẹ rẹ sị ọha ẹnịnị tụ́ ụhwọ́ ana a sịị mẹ̀ ụkọrọ ịnị aarẹ.
Anẹkụra nịnị ẹ mā vana kwẹẹtẹ tù ẹngụ ka vị ẹnị aa kụ̀ ịrẹkụ nị.
Ẹnịnị ẹ yị kụkụ vaa jị ẹnya ịrẹkụ.
5Ẹwụ nịnị ezi Ijekọvụ, vẹ yaa mẹ̀ ebira ẹtohweyi ọnị Ẹnẹyịmavara raà sị zụ̀ yị.
Aza ana aa mẹ eyi vaa tẹ
6Ohomorihi, wa raà hụrẹ aza awụ ụvọ, aza awụ ana vị irima ezi Ijekọvụ. Avaba ẹnịnị vị ana hụrẹ eyi ọnị ọyị zịị hụrẹẹ vẹ. Irima ezi Ijekọvụ vị ana kụkụ aa ha ẹva anka Anihwirisiti nịnị avọọ, dị ẹnịrị aza ẹnẹ ẹ yị yẹ Ohomorihi aa kụ́ ụvọọ gẹ ẹngụụ zị. 7Enyusẹ ẹkẹhị ọnịrị igooru vị ana nya ẹtẹ ha ịnị ẹkụra Anisirẹrị nịnị. Ogu ẹnị ẹ nyị vị ẹnẹ mẹ hị́. Ẹnịnị ệ nyị umaata gụ ẹtẹ, umaata ana a sịị̄ kụ̀ ịrẹkụ vị ana gụ kẹnẹ. 8Avaba ẹtẹ ẹnịnị vị ori-ori. Ịsa ọnị ẹ sị ụvọ ẹnịnị mẹ di e re yee kú ẹtẹẹ kụ́ ọ. Mị ka eyee kú ẹtẹẹ kụ́ ịsị ẹ sị igege ẹnịnị mẹ. 9Avaba aza vị ọnị Ohomorihi vaa kà a chị, dị ọ maanị tẹ wa. Ohomorihi, asị ụ vagu wa. 10#Ẹtẹ 6.15; 2 Ịtẹ 1.9Ẹnẹyịmavara aa vẹ. Ộ nyị ụbanyị ẹtẹẹtẹrẹ. Zwe na tẹ̀ ịnị ụtẹha à yị vị avọọ ụ chị ịsị tụ́ ịnị ẹtẹ dị wa ngụ ọ agụvị ka wẹ yị va zụụ jẹẹ re ụbanyị anị. 11Ụmẹ ọnya aa vẹ, avaba aza ene ee wu ịkaa zị, dị Ẹnẹyịmavara kà wa chị, dị ọ tẹ avaba aza ana aa mẹ eyii zi. Ịnị ụmẹ ọnọọ, Ẹnẹyịmavara ịnya kẹnẹ aza vaa sị ụbanyịị yị nị. 12Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa. 13Avaba ọchị ọgọdọ-ọgọdọ ene hi Ịrẹbanọnị ọnịrị ọchị ẹbanyị-ẹbanyị ene hi Ịbasanị vi oni Ohomorihi vee huu vaa ha. 14Avaba ataba ẹbanyị-ẹbanyị vị ọnị ọ vaa chaka nẹrẹ-nẹrẹ. 15Avọọ ọ mẹ̀ rẹ vaa chaka avaba irehi ọgọdọ oni oserẹtẹẹ yà, dị ọ rẹ chaka ọvọ ọbanyị-ọbanyị ana a jị kara ẹkụra. 16Ọ vaa za ẹpa ẹbanyị ene zoza oni osohu nịnị aa ngụ di o du wa ngụ enyi. 17Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị. 18Ọza ọ mā vana wụ́ ịrẹha ịsa ana aa hị́ ori. 19Ịhị Ẹnẹyịmavara ọ̀ọ vẹ, o vee henyi ẹhẹ. Aza vee re ụbanyị anị, di eyee zwe naa ngụ ịnị ụtẹha ọnịrị ụsị ini eteesu, ángwa òo mèe hí wa. 20Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga. 21Ịhị Ẹnẹyịmavara ọ̀ọ kwẹẹtẹ di o henyi ẹhẹ nị, aza vee re ụbanyị anị dị eyee zwe naa ngụ ịnị ụtẹha ọnịrị ụsị ini eteesu ángwa òo mèe hí wa. 22Avọọ asị ụ rẹ sị ayị tụra ọzarẹyịrẹsụ. Ẹ yị nyị ịsị ọza vị.
Ebira First Bible © Bible Society of Nigeria, 2014.