Ayịsaya 3
3
Ẹngụkata ene vee tù Anijerusarẹmị
1O yi kuku vee kù dị Ananyị yị Ẹnẹyịmavara Ochẹtẹẹngụ Ochẹtẹngụ ọ̀ kụ́ avaba ịsa ọnịrị aza hụrẹ Ijerusarẹmị ọnịrị Ijuda. Avaba ịsa ẹnị ẹ sị eyi kà vị ọnị ọ vaa kụ́ụ kwooze saka-saka. 2Avọọ ọ mẹ̀ rẹ vaa kụ́ avaba ọnịrẹkụ ẹnịnị beri avaba ohinọyị ọnịrị ọnịsẹ nị. Ọvavo ene hi ịzọọ ne beri ọdọvịdị ẹkụra nịnị vị ọnị ọ rẹ vaa kụ́ụ kwooze saka-saka. 3Aza ana vọ ọnị ọ rẹ vaa kụ́ụ hụrẹ oze ẹ vị ọga isoja ọnịrị aza ẹbanyị ne beri aza ene eē pè azaa juwe ọnịrị aza ana zụ mẹ ụna ọnịrị aza ana aa sị ẹbẹẹ mẹ ịrẹyị. 4Ohomorihi vaa mẹ ka ezweyi ẹ̀ kụkụụ mẹ ịjọvaa tụra wa, dị ahịka ozweyi ẹ kụkụ vị ọga ẹnịnị nị. 5Aza vaa mẹ ẹchakaa yị ẹngụ, dị aza ẹnyị kwẹẹtẹ tù ọsa. Anokokooro vaa kwẹẹtẹ tù ẹngụ. Ezweyi rẹ vaa kwẹẹtẹ tù azọkụ, dị ẹ yị kụkụ nyị ka aza ẹ̀ sị ụbanyị yị aza ene huna wa.
6Aza vaa sị ụkata-ụkata za anda ẹnịnị ọnị ẹnịrịị vị ịrẹsụ ọnya dị ẹ ka ọ̀ vị ohinọyị ẹnịnị agụvị ka ọ daba nyị awuru. Dị ẹ ka ọ̀ va vị ohinọyị tụ́ ịrẹsụ eburu ene wu hi ẹtẹ. 7Dị ọza ọnọọ ọnị nowu za ẹtẹ dị ọ ka ẹ yị nyị ịsị ọnị zụ mẹ ịnị ịrẹyị ẹnẹnị. Dị ọ ka ọnị ọ yị hyakụ nyị ịsọyịrị àa vị ịta tụ́ ini eehi anị. Dị ọ ka asị a sị ọnị mẹ ohinọyị aza ẹnẹẹ.
8Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta. 9Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.
10Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ. 11Ama dị ụ kà a yị aza edivi ka ẹ sị dà. Ụya aa vẹ ịrẹsụ ẹnịnị agụvị ka ebira ẹnẹ mẹ, a vaa sị ọgụ anịị yị wa. 12Ọpa ezweyi aa mẹ ẹvaya yị aza amị, anyẹnẹẹ ẹ kụkụ vị ọdọvịdị ẹnịnị nị. Ẹwụ nịnị aza amị, aza ana ka ẹnị vị ọdọvịdị awụ nịnị vị ana aa kụ́ wụ nịnị nyeeyi. Ẹ raà kụ́ wụ nịnị nyeeyi hụrẹ oze.
Ẹnẹyịmavara vaa mẹ̀ ọkarẹyị yị aza anị
13Ẹnẹyịmavara o reè tenyi ẹngụ ịrẹyị anị, ọ sị kwẹẹtẹ aa vaa mẹ̀ ọkarẹyị aza anị. 14Ẹnẹyịmavara o reè tenyi ẹngụ ka ọnị ọ̀ mẹ̀ ọkarẹyị yị azọkụ ọnịrị ọdọvịdị aza anị. Ọ kà ẹwụ nịnị ọ sị aza anị gara ha. Ogu ene hi ini eehi awụ nịnị vị ẹnya ọnị ụ kụ́ hụrẹ ịda onosiye nịnị. 15Ẹmị Ananyị wụ, ẹmị Ẹnẹyịmavara Ochẹtẹẹngụ mee họ̀ use mị ka si u ro dị ụ maanị nyayịnẹ aa chamayịị yị aza amị nịnị? Sị ẹ vẹ dị ụ maanị aa za wa eyi kwọrọ ẹtẹ?
Ohomorihi ộ kà anyẹnẹẹ Ánijerusarẹmị ọ̀nọ̀
16Ẹnẹyịmavara kà ọnị ka eyi ana anyẹnẹẹ Anịzayọnị aa mẹ ọ sị vị ẹnẹmẹhị. Ẹ̀ẹ yaa zị ụsẹ dị ệ tana ọrọkọ ẹnịnị. Avọọ ẹ mẹ̀ dọ ọda ịrẹkọyịsẹ nị. Ẹ̀ẹ yaa na, dị ẹ tangwa ee hu ahụ dị ịsa ẹ si tụ́ ahụ ọnị aa sụ́ ịrẹyị; 17avọọ Ananyị yị vaa mẹ ka ịtahụ ẹ̀ chị hi ịnị ịrẹsụ anyẹnẹẹ Anịzayọnị, dị ọ mẹ ka ẹnịnị ọ̀ kụ́ ọmarị.
18Ụmẹ ọnya aa vẹ, ịhị ọnọọ Ananyị yị vaa dọ avaba ịsa ana anyẹnẹẹ Anịzayọnị aa sii mẹ eyii hụrẹ wa ụvọ. Ẹnya ẹnẹnị vị ọnị ọ vaa dọ wa: ọzwahụ, ubobo, ịsọbẹ, 19ịsụtọ ọnịrị ịsụvọ ne beri ubobo ene e siī kú ịrẹsụ. 20Ọ rẹ vaa dọ wa ịsị e siī kú ịrẹsụ ọnịrị ẹba ana a siī kara ataahụ ọnịrị ọtẹ ne beri ijogo eturare ọnịrị ahọ̀nọ ẹnị ẹẹ̄ za. 21Ịsa ọsa ọnị ọ rẹ vaa dọ wa ẹ vị ochirigege ẹnị ẹ sịị̄ tụ́ ụvọ ọnịrị ẹnị ẹ sịị̄ tụ́ ịnị aahị, 22avaba awuru ẹnịnị ene zoza ne beri ampo ẹnịnị ọnịrị 23ore na vaka ịsị ẹ sịị̄ kara ọrọkọ ọnịrị ubobo ọgọdọ eni e siī kú ịrẹsụ.
24Eturare e vịdị sii sisi ẹngụ nị, ama ẹngụ ẹnịnị kụkụ vaa ngụ agụ odivi. Ẹnịnị ẹ yị kụkụ vaa sị ịbanụ za ọtẹ, ama ẹda ana a sị tụ́ ọrịhị avọọ ẹ vanaa sịị za ọtẹ nị. Ẹyị ẹnịnị ene vịdị nyị ọyịza-ọyịza vaa ta, dị ẹ kụkụ kụ́ ọmarị. E yi kuku vee re ịta ozozaa kú ẹngụ, ụsẹ ẹ vanaa za nị. Ọvị ẹnẹ ẹ vịdị aa mẹ avọọ, ụhị ọ vanaa dọ ọ ịrẹsụ nị.
25Ọnọrụ awụ nịnị ana zụ kụ̀ ịrẹkụ vi ene vee sú ịnị ịrẹkụ. 26Kụkụ vaa nyị aza ana aa kụ́ụ gụ enoze; ịzọọ vị ana vaa tịtẹ anka ịzị a yà aa jị òrèrè oku avọọ. Dị ẹ tịtẹ kẹnẹ anka ọnẹẹ ana tụ́ ahwaahụ dị ọ yaayịtẹ ini eteesu avọọ.
Currently Selected:
Ayịsaya 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 3
3
Ẹngụkata ene vee tù Anijerusarẹmị
1O yi kuku vee kù dị Ananyị yị Ẹnẹyịmavara Ochẹtẹẹngụ Ochẹtẹngụ ọ̀ kụ́ avaba ịsa ọnịrị aza hụrẹ Ijerusarẹmị ọnịrị Ijuda. Avaba ịsa ẹnị ẹ sị eyi kà vị ọnị ọ vaa kụ́ụ kwooze saka-saka. 2Avọọ ọ mẹ̀ rẹ vaa kụ́ avaba ọnịrẹkụ ẹnịnị beri avaba ohinọyị ọnịrị ọnịsẹ nị. Ọvavo ene hi ịzọọ ne beri ọdọvịdị ẹkụra nịnị vị ọnị ọ rẹ vaa kụ́ụ kwooze saka-saka. 3Aza ana vọ ọnị ọ rẹ vaa kụ́ụ hụrẹ oze ẹ vị ọga isoja ọnịrị aza ẹbanyị ne beri aza ene eē pè azaa juwe ọnịrị aza ana zụ mẹ ụna ọnịrị aza ana aa sị ẹbẹẹ mẹ ịrẹyị. 4Ohomorihi vaa mẹ ka ezweyi ẹ̀ kụkụụ mẹ ịjọvaa tụra wa, dị ahịka ozweyi ẹ kụkụ vị ọga ẹnịnị nị. 5Aza vaa mẹ ẹchakaa yị ẹngụ, dị aza ẹnyị kwẹẹtẹ tù ọsa. Anokokooro vaa kwẹẹtẹ tù ẹngụ. Ezweyi rẹ vaa kwẹẹtẹ tù azọkụ, dị ẹ yị kụkụ nyị ka aza ẹ̀ sị ụbanyị yị aza ene huna wa.
6Aza vaa sị ụkata-ụkata za anda ẹnịnị ọnị ẹnịrịị vị ịrẹsụ ọnya dị ẹ ka ọ̀ vị ohinọyị ẹnịnị agụvị ka ọ daba nyị awuru. Dị ẹ ka ọ̀ va vị ohinọyị tụ́ ịrẹsụ eburu ene wu hi ẹtẹ. 7Dị ọza ọnọọ ọnị nowu za ẹtẹ dị ọ ka ẹ yị nyị ịsị ọnị zụ mẹ ịnị ịrẹyị ẹnẹnị. Dị ọ ka ọnị ọ yị hyakụ nyị ịsọyịrị àa vị ịta tụ́ ini eehi anị. Dị ọ ka asị a sị ọnị mẹ ohinọyị aza ẹnẹẹ.
8Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta. 9Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.
10Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ. 11Ama dị ụ kà a yị aza edivi ka ẹ sị dà. Ụya aa vẹ ịrẹsụ ẹnịnị agụvị ka ebira ẹnẹ mẹ, a vaa sị ọgụ anịị yị wa. 12Ọpa ezweyi aa mẹ ẹvaya yị aza amị, anyẹnẹẹ ẹ kụkụ vị ọdọvịdị ẹnịnị nị. Ẹwụ nịnị aza amị, aza ana ka ẹnị vị ọdọvịdị awụ nịnị vị ana aa kụ́ wụ nịnị nyeeyi. Ẹ raà kụ́ wụ nịnị nyeeyi hụrẹ oze.
Ẹnẹyịmavara vaa mẹ̀ ọkarẹyị yị aza anị
13Ẹnẹyịmavara o reè tenyi ẹngụ ịrẹyị anị, ọ sị kwẹẹtẹ aa vaa mẹ̀ ọkarẹyị aza anị. 14Ẹnẹyịmavara o reè tenyi ẹngụ ka ọnị ọ̀ mẹ̀ ọkarẹyị yị azọkụ ọnịrị ọdọvịdị aza anị. Ọ kà ẹwụ nịnị ọ sị aza anị gara ha. Ogu ene hi ini eehi awụ nịnị vị ẹnya ọnị ụ kụ́ hụrẹ ịda onosiye nịnị. 15Ẹmị Ananyị wụ, ẹmị Ẹnẹyịmavara Ochẹtẹẹngụ mee họ̀ use mị ka si u ro dị ụ maanị nyayịnẹ aa chamayịị yị aza amị nịnị? Sị ẹ vẹ dị ụ maanị aa za wa eyi kwọrọ ẹtẹ?
Ohomorihi ộ kà anyẹnẹẹ Ánijerusarẹmị ọ̀nọ̀
16Ẹnẹyịmavara kà ọnị ka eyi ana anyẹnẹẹ Anịzayọnị aa mẹ ọ sị vị ẹnẹmẹhị. Ẹ̀ẹ yaa zị ụsẹ dị ệ tana ọrọkọ ẹnịnị. Avọọ ẹ mẹ̀ dọ ọda ịrẹkọyịsẹ nị. Ẹ̀ẹ yaa na, dị ẹ tangwa ee hu ahụ dị ịsa ẹ si tụ́ ahụ ọnị aa sụ́ ịrẹyị; 17avọọ Ananyị yị vaa mẹ ka ịtahụ ẹ̀ chị hi ịnị ịrẹsụ anyẹnẹẹ Anịzayọnị, dị ọ mẹ ka ẹnịnị ọ̀ kụ́ ọmarị.
18Ụmẹ ọnya aa vẹ, ịhị ọnọọ Ananyị yị vaa dọ avaba ịsa ana anyẹnẹẹ Anịzayọnị aa sii mẹ eyii hụrẹ wa ụvọ. Ẹnya ẹnẹnị vị ọnị ọ vaa dọ wa: ọzwahụ, ubobo, ịsọbẹ, 19ịsụtọ ọnịrị ịsụvọ ne beri ubobo ene e siī kú ịrẹsụ. 20Ọ rẹ vaa dọ wa ịsị e siī kú ịrẹsụ ọnịrị ẹba ana a siī kara ataahụ ọnịrị ọtẹ ne beri ijogo eturare ọnịrị ahọ̀nọ ẹnị ẹẹ̄ za. 21Ịsa ọsa ọnị ọ rẹ vaa dọ wa ẹ vị ochirigege ẹnị ẹ sịị̄ tụ́ ụvọ ọnịrị ẹnị ẹ sịị̄ tụ́ ịnị aahị, 22avaba awuru ẹnịnị ene zoza ne beri ampo ẹnịnị ọnịrị 23ore na vaka ịsị ẹ sịị̄ kara ọrọkọ ọnịrị ubobo ọgọdọ eni e siī kú ịrẹsụ.
24Eturare e vịdị sii sisi ẹngụ nị, ama ẹngụ ẹnịnị kụkụ vaa ngụ agụ odivi. Ẹnịnị ẹ yị kụkụ vaa sị ịbanụ za ọtẹ, ama ẹda ana a sị tụ́ ọrịhị avọọ ẹ vanaa sịị za ọtẹ nị. Ẹyị ẹnịnị ene vịdị nyị ọyịza-ọyịza vaa ta, dị ẹ kụkụ kụ́ ọmarị. E yi kuku vee re ịta ozozaa kú ẹngụ, ụsẹ ẹ vanaa za nị. Ọvị ẹnẹ ẹ vịdị aa mẹ avọọ, ụhị ọ vanaa dọ ọ ịrẹsụ nị.
25Ọnọrụ awụ nịnị ana zụ kụ̀ ịrẹkụ vi ene vee sú ịnị ịrẹkụ. 26Kụkụ vaa nyị aza ana aa kụ́ụ gụ enoze; ịzọọ vị ana vaa tịtẹ anka ịzị a yà aa jị òrèrè oku avọọ. Dị ẹ tịtẹ kẹnẹ anka ọnẹẹ ana tụ́ ahwaahụ dị ọ yaayịtẹ ini eteesu avọọ.
Ebira First Bible © Bible Society of Nigeria, 2014.