Ayịsaya 1
1
Ayịsaya ô nowu ebira odivi ana aza aa mẹ ẹtẹ Ijuda
1 #
2 Ohi 15.1-7; 2 Ịtọ 26.1-23;
2 Ohi 15.32-38; 2 Ịtọ 27.1-9;
2 Ohi 16.1-20; 2 Ịtọ 28.1-27;
2 Ohi 18.1—20.21; 2 Ịtọ 29.1—32.33 Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.
2Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị. 3Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.
4Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.
5Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba. 6Hụrẹ ịrẹsụ awụ huu na ngụ ahẹtẹ awụ, ẹ yị nyị ịzị ẹ dà tịtẹ ẹnẹ ẹ̀ yị nyị ụnava. Avaba ẹngụ awụ vị ịtahụ-ịtahụ dị ẹ yaa và nị. Ọza ọ yị nyee yọ dị à hyakụ va sụ́ ọ. Ọza ọ yị sị ahọ̀nọ tụ́ ọ. 7A sị ẹkụra awụ nịnị tụ́ osusu, dị a maanị rị ọ ịra saka-saka nị. Ịnị eyi awụ googoro, ọzọga nịnị ệ ngụ ịnị aarẹ awụ di e du avaba anị ha nị. 8Ijerusarẹmị kẹnẹ ọ kụkụ vọ nị. Ọnị vị ana sị mẹẹ anka ajẹngụ ọnịịnya ene ee sere aparị ana a jị tụ́ ịnị aarẹ ana a kụ́ ịpapara tụ́ avọọ. Mị ka Ijerusarẹmị vị ana yà anka ẹkụra ọnị ọnịrị kara okiri-okiri avọọ. 9#Oyn 19.24; Iro 9.29À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.
10Ẹwụ nịnị Anijerusarẹmị ẹwụrị ohinọyị awụ nịnị vị ana aa mẹ̀ ebira odivi anka Anisodọmị ọnịrị Anigomora avọọ. Batọ ịrẹyị ẹnị Ẹnẹyịmavara aa kà wụ nịnị. Sị ụtọ pe ọda Ohomorihi ayị ana aa sịị zụ̀ wụ nịnị. 11#Emọ 5.21,22Ẹnẹyịmavara kà sị ọnị aa sị avaba ịsọvọ ọnị ụ maanị aa mẹ nịnị aanịị mẹ? Ọ kà atẹmẹ ọnịrị ụhị uye ọnị ụ waa rị ịraa mẹ̀ ịsọvọ yị ọnị o kú dụ oni eyi. Ọ kà ẹ yị nyị ịsị ọnị aa sị ịdẹba ọnịrị atẹmẹ ne beri ẹvụ mẹ. 12Wàa ka waa vaa hẹkẹ mị nịnị, ẹnị ẹ kà ka wa maanịị du irehi amị ẹngụ nịnị? 13Avaba ịsị waa kụ́ụ vẹ ka ụ waa sịị vaa mị nịnị vị ịrẹyị ịyẹyẹ ini eyi amị. Eturare ọnị ụ waa sị ịraa yị mị nịnị vi ene ee gu mi ahẹrẹ. Waa kúu gụ nịnị agụvị eche ụhwẹ ọwọọwa ọnịrị ẹkụhị ụhwọtụ. Ebira odivi awụ nịnị o sị eche ẹnẹẹ du ha. Ẹnịnị aa nyị mị ịhyẹrẹ. 14Eche ụhwẹ ọwọọwa ọnịrị eche ana vọ ọnị ụụ̄ rị nịnị vi eni ee gu mị ahẹrẹ. Eche ẹnẹẹ ẹ sị vara ịrẹyị ẹngụkata yị mị mẹ yị kụkụ zụ sị ẹngụ dọ ọ. 15Wàa kụkụ kụ́ ụvọ hi ẹba dị waa mẹ̀ aduwa nịnị nị, di mi jesi eyi kwooze. Òo zee e eyi wa mẹ̀ aduwa nịnị pooro, me yi vee tụ́ ohi, agụvị ka wa sị aza wụ̀ ha baaba. 16Na tụ̀ ụvọ hụụnị avaba ebira odivi ẹnẹẹ, mị ka avaba ịsa edivi ọnị ụ waa mẹ oni mee re aanị, na và hụụnị anị. Hụụnị ebira odivi 17dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.
18Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ. 19Wàa zẹẹ ka wa wụ́ ịrẹyị amị, ụ vaa rị ịsa ozoza ịnị ẹhẹ. 20Ama wàa si eyi wụ̀ mị, ịrẹkụ ọ vaa wụ̀ wụ nị.
Ebira odivi Anisirẹrị ộ zị Ohomorihi ẹngụ
21Anẹkụra ana maanị nyị ayị ọnya ịjọnọọ wáá yị? Ẹnị ẹ kụkụ maanị aa dụ ori zị anka ọnẹẹ ana navọ ọva anị, dị aa sẹ̀ ịrẹka zị avọọ nịị? Ịyẹyẹ anẹkụra ọnọnị vị ana vịdị aa mẹ ịzẹyịza, ama booro aanị, avaba ẹnịnị kụkụ vị ọwọọza. 22Ẹwụ nịnị Anijerusarẹmị, wê vịdị zoza nịnị anka enyusẹ ana a sịị mẹ ẹkẹhị avọọ, ama booro aanị, wẹ yị kụkụ bẹrị nịnị. Ịrẹyị awụ nịnị ô vịdị hine ọza anka eche avọọ, ama booro aanị vị ụ kụkụ sị mẹẹ anka eche ana a dà enyi hi avọọ nị. 23Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.
24Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ. 25Ọ kà ụvọ anị vaa za wụ nịnị, dị ọnị ọ̀ hara ẹ̀vụ̀vụ̀ awụ nịnị ha. 26Ọ rẹ ka ọnị vaa sị ẹngụ ọmọkarẹyị anịyẹẹyẹ vaa wụ̀ nịnị ne beri ẹngụ onuwọjị ịyẹẹyẹ. Ịjọnọọ a rẹ vanaa hị́ wụ anẹkụra ana aa mẹ ịzẹyịza, dị a ka wâ nyị ayị ọnya. 27Ọza ana àa vara ebira anị, Ẹnẹyịmavara vaa dọ ọ ha agụvị ka ọnị vị ana aa mẹ̀ ịsa ana vọrọ. 28Ama aza ana aa kụ̀ụ hịrẹ ẹ dị ẹ yaa mẹ̀ ebira odivi vị ọnị ọ vaa garaa ha. Avaba aza ana ka ẹnị ẹ yị saasa a vị ọnị ọ vaa wụ̀ vaa ha.
29Avaba ẹwụ nịnị ana na hẹkẹ ọdụ ọnịrị ịsa ana mẹ hi ịnị ụbazị vaa sị ụmayịyẹ. Ụ mẹ ka ịnị ụbazị ayị awụ nịnị kụkụ yà aanị nị, ụhị ọ vaa nyị wụ nịnị nị. 30Vị ụ vaa sị mẹẹ anka ọchị ene su dị avị anị sị wọrọ avọọ nị. Mị ka vị ụ vaa yà anka ịsa ene hi ini ụbazị ọnị ọza ọ̀ yị ká enyi hi avọọ nị. 31Aza awụ nịnị ana nyị ụkata vị ana vaa sị mẹẹ anka avị ana sị wụ avọọ. Ogu ọnị ọ kụ́ gụ vị ana vaa sị mẹẹ anka ịra avọọ. Dị ẹnị ẹyịva rị ịra va ha, dị ẹ yị nyị ọza ene zụ mi ọ.
Currently Selected:
Ayịsaya 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 1
1
Ayịsaya ô nowu ebira odivi ana aza aa mẹ ẹtẹ Ijuda
1 #
2 Ohi 15.1-7; 2 Ịtọ 26.1-23;
2 Ohi 15.32-38; 2 Ịtọ 27.1-9;
2 Ohi 16.1-20; 2 Ịtọ 28.1-27;
2 Ohi 18.1—20.21; 2 Ịtọ 29.1—32.33 Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.
2Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị. 3Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.
4Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.
5Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba. 6Hụrẹ ịrẹsụ awụ huu na ngụ ahẹtẹ awụ, ẹ yị nyị ịzị ẹ dà tịtẹ ẹnẹ ẹ̀ yị nyị ụnava. Avaba ẹngụ awụ vị ịtahụ-ịtahụ dị ẹ yaa và nị. Ọza ọ yị nyee yọ dị à hyakụ va sụ́ ọ. Ọza ọ yị sị ahọ̀nọ tụ́ ọ. 7A sị ẹkụra awụ nịnị tụ́ osusu, dị a maanị rị ọ ịra saka-saka nị. Ịnị eyi awụ googoro, ọzọga nịnị ệ ngụ ịnị aarẹ awụ di e du avaba anị ha nị. 8Ijerusarẹmị kẹnẹ ọ kụkụ vọ nị. Ọnị vị ana sị mẹẹ anka ajẹngụ ọnịịnya ene ee sere aparị ana a jị tụ́ ịnị aarẹ ana a kụ́ ịpapara tụ́ avọọ. Mị ka Ijerusarẹmị vị ana yà anka ẹkụra ọnị ọnịrị kara okiri-okiri avọọ. 9#Oyn 19.24; Iro 9.29À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.
10Ẹwụ nịnị Anijerusarẹmị ẹwụrị ohinọyị awụ nịnị vị ana aa mẹ̀ ebira odivi anka Anisodọmị ọnịrị Anigomora avọọ. Batọ ịrẹyị ẹnị Ẹnẹyịmavara aa kà wụ nịnị. Sị ụtọ pe ọda Ohomorihi ayị ana aa sịị zụ̀ wụ nịnị. 11#Emọ 5.21,22Ẹnẹyịmavara kà sị ọnị aa sị avaba ịsọvọ ọnị ụ maanị aa mẹ nịnị aanịị mẹ? Ọ kà atẹmẹ ọnịrị ụhị uye ọnị ụ waa rị ịraa mẹ̀ ịsọvọ yị ọnị o kú dụ oni eyi. Ọ kà ẹ yị nyị ịsị ọnị aa sị ịdẹba ọnịrị atẹmẹ ne beri ẹvụ mẹ. 12Wàa ka waa vaa hẹkẹ mị nịnị, ẹnị ẹ kà ka wa maanịị du irehi amị ẹngụ nịnị? 13Avaba ịsị waa kụ́ụ vẹ ka ụ waa sịị vaa mị nịnị vị ịrẹyị ịyẹyẹ ini eyi amị. Eturare ọnị ụ waa sị ịraa yị mị nịnị vi ene ee gu mi ahẹrẹ. Waa kúu gụ nịnị agụvị eche ụhwẹ ọwọọwa ọnịrị ẹkụhị ụhwọtụ. Ebira odivi awụ nịnị o sị eche ẹnẹẹ du ha. Ẹnịnị aa nyị mị ịhyẹrẹ. 14Eche ụhwẹ ọwọọwa ọnịrị eche ana vọ ọnị ụụ̄ rị nịnị vi eni ee gu mị ahẹrẹ. Eche ẹnẹẹ ẹ sị vara ịrẹyị ẹngụkata yị mị mẹ yị kụkụ zụ sị ẹngụ dọ ọ. 15Wàa kụkụ kụ́ ụvọ hi ẹba dị waa mẹ̀ aduwa nịnị nị, di mi jesi eyi kwooze. Òo zee e eyi wa mẹ̀ aduwa nịnị pooro, me yi vee tụ́ ohi, agụvị ka wa sị aza wụ̀ ha baaba. 16Na tụ̀ ụvọ hụụnị avaba ebira odivi ẹnẹẹ, mị ka avaba ịsa edivi ọnị ụ waa mẹ oni mee re aanị, na và hụụnị anị. Hụụnị ebira odivi 17dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.
18Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ. 19Wàa zẹẹ ka wa wụ́ ịrẹyị amị, ụ vaa rị ịsa ozoza ịnị ẹhẹ. 20Ama wàa si eyi wụ̀ mị, ịrẹkụ ọ vaa wụ̀ wụ nị.
Ebira odivi Anisirẹrị ộ zị Ohomorihi ẹngụ
21Anẹkụra ana maanị nyị ayị ọnya ịjọnọọ wáá yị? Ẹnị ẹ kụkụ maanị aa dụ ori zị anka ọnẹẹ ana navọ ọva anị, dị aa sẹ̀ ịrẹka zị avọọ nịị? Ịyẹyẹ anẹkụra ọnọnị vị ana vịdị aa mẹ ịzẹyịza, ama booro aanị, avaba ẹnịnị kụkụ vị ọwọọza. 22Ẹwụ nịnị Anijerusarẹmị, wê vịdị zoza nịnị anka enyusẹ ana a sịị mẹ ẹkẹhị avọọ, ama booro aanị, wẹ yị kụkụ bẹrị nịnị. Ịrẹyị awụ nịnị ô vịdị hine ọza anka eche avọọ, ama booro aanị vị ụ kụkụ sị mẹẹ anka eche ana a dà enyi hi avọọ nị. 23Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.
24Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ. 25Ọ kà ụvọ anị vaa za wụ nịnị, dị ọnị ọ̀ hara ẹ̀vụ̀vụ̀ awụ nịnị ha. 26Ọ rẹ ka ọnị vaa sị ẹngụ ọmọkarẹyị anịyẹẹyẹ vaa wụ̀ nịnị ne beri ẹngụ onuwọjị ịyẹẹyẹ. Ịjọnọọ a rẹ vanaa hị́ wụ anẹkụra ana aa mẹ ịzẹyịza, dị a ka wâ nyị ayị ọnya. 27Ọza ana àa vara ebira anị, Ẹnẹyịmavara vaa dọ ọ ha agụvị ka ọnị vị ana aa mẹ̀ ịsa ana vọrọ. 28Ama aza ana aa kụ̀ụ hịrẹ ẹ dị ẹ yaa mẹ̀ ebira odivi vị ọnị ọ vaa garaa ha. Avaba aza ana ka ẹnị ẹ yị saasa a vị ọnị ọ vaa wụ̀ vaa ha.
29Avaba ẹwụ nịnị ana na hẹkẹ ọdụ ọnịrị ịsa ana mẹ hi ịnị ụbazị vaa sị ụmayịyẹ. Ụ mẹ ka ịnị ụbazị ayị awụ nịnị kụkụ yà aanị nị, ụhị ọ vaa nyị wụ nịnị nị. 30Vị ụ vaa sị mẹẹ anka ọchị ene su dị avị anị sị wọrọ avọọ nị. Mị ka vị ụ vaa yà anka ịsa ene hi ini ụbazị ọnị ọza ọ̀ yị ká enyi hi avọọ nị. 31Aza awụ nịnị ana nyị ụkata vị ana vaa sị mẹẹ anka avị ana sị wụ avọọ. Ogu ọnị ọ kụ́ gụ vị ana vaa sị mẹẹ anka ịra avọọ. Dị ẹnị ẹyịva rị ịra va ha, dị ẹ yị nyị ọza ene zụ mi ọ.
Ebira First Bible © Bible Society of Nigeria, 2014.