Anihiburu ỌYỊSỊZỤ
ỌYỊSỊZỤ
Iwe Anihiburu ọnọnị vị ana a chẹrẹ tụ́ hi ogu ọnya aanị ini evere Ikirisiti nịnị ene hi ẹtẹ Anihiburu. Ogu ọnọnị vị ana aza aa kwẹẹtẹ tùu, di eyee si ka ẹnị ẹ vaa hụụnị ẹdọwụ ẹnịnị. Ọza ana chẹrẹ iwe ọnọnị ộ tụ́ wa ọtụtụrụma ka ẹ̀ sị ayị tụra Ohomorihi. Ộ sị zụ wa ka Ijeesu Ikirisiti ọ vị ọnịzẹyịza ọdịrẹma ana sị Ohomorihi zụ̀ nị. Ô hú ịrẹyị ịzẹyịza ẹẹta ụvọ ọ̀yịsị maanị sị zụ wa: Ịpaapa, Ọ kà Ijeesu ọ vị ozi Ohomorihi pooro zịna-zịna ana sị ịrẹsụ ọkahi zụ ịnị ụyarị ọnị ọ sị ẹngụ dọ. Anka Ozi Ohomorihi, Ijeesu ô huna ọnịsẹ oto ọkụkụ nịnị, ô huna anggẹẹrị nịnị ọnịrị Imosiisi ụvọta. Ọhụva, Ohomorihi ọ sị ọ kà a ka Ijeesu vị ohirẹsụ irehi Ohomorihi pooro zịna-zịna. Ọnị o huna ohirẹsụ irehi Ohomorihi nịnị ini oto ọkụkụ nị. Ọhụta, Ijeesu ọ mẹ ka ọdọwụ nịnị ẹ ha hụụnị ịvị ọnịrị angwahi beri Iswọọza. Ijeesu anka Ohirẹsụ ọbanyị irehi Ohomorihi ọọ̄ dọ azaa ha anị. Avaba ido ọnịrị ịsọvọ ana aā sị ịsụpaa mẹ ịnị ahẹkẹ Aniju nịnị vị ụ̀mọ̀mọ́ ịsị Ijeesu va mẹ. Ọza ana chẹrẹ iwe ọnọnị ộ hị́ aza ene eyi yẹ ịnị ịtọpa Aniju nịnị ana sị ayị tụra Ohomorihi, (ịrẹsụ 11). Ộ da ịpẹ yị aza anaa kà iwe ọnọnị ka ẹ̀yịị sị ayịị tụra Ohomorihi pooro. Ộ kà a yị aza ana àaa kà iwe ọnọnị ka ẹ̀ sị ayị tụra Ohomorihi ne tu ẹzẹtẹ. Ọ kà ẹnịnị ee re Ijeesu, dị ẹ sị ẹngụ dọ ụya tụra ụya ana àa kụ́ tu wa. Ọ maa za iwe ọnọnị ịrẹsụ ộ sị ajuwe yị wa, dị ọ rẹ kà wa ọ̀nọ̀ nị.
Eyi Ịrẹyị
Ọyịsịzụ: Ikirisiti ọ sị zụ̀ saka-saka Ohomorihi mẹ̀ ya nị 1.1-3
Ikirisiti mẹmẹ huna anggẹẹrị nịnị 1.4—2.18
Ikirisiti mẹmẹ huna Imosiisi ọnịrị Ijosuwa 3.1—4.13
Ikirisiti anka Ohirẹsụ irehi Ohomorihi o hu nị 4.14—7.28
Óto oni Ohomorihi wo yi aza ịnị ịpa Ijeesu meme hu 8.1—9.28
Ị́sọvọ ana a sị Ikirisiti mẹ meme hu 10.1-39
Ẹdọwụ ọ vị ọọnyị nị 11.1—12.29
Aa mẹ ịsị ene ze Ohomorihi eyi 13.1-19
Aduwa ọnị ọ sị za ịrẹyị anị ịrẹsụ 13.20-21
Ịrẹyị ọdịrẹma 13.22-25
Currently Selected:
Anihiburu ỌYỊSỊZỤ: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.