Ịrẹyị Ọzwọzịsa 8
8
Sị ịrẹsụ yị ohinọyị agụvị ẹhẹ ọ rọ wụ ẹngụ.
1Ẹnẹ ya anka ọyẹrẹyị kẹ? Ẹnẹ yara mẹ ẹhahi ịrẹyị da? Ịrẹyọyẹ vị anaā sịị eyi ọzaa nẹtẹ. Ẹ́ ma zẹẹ ka ọza ọọ vara eyi hì. 2Waa saasa ọda ohinọyị agụvị ka wa sị eku hị́ ọvịdị Ohomorihi ka ụ vaa saasa a. 3We zwe we e re ka ohinọyị aa kụ ayị, asị ụ jẹẹ zi ọ agụvị ka ọ zụ mẹ ụ ịsị ee zee eyi. 4Ohinọyị ọọ nyị ụkata ọnị ọ sịị mẹ ọda. Ẹnẹ zụ họ̀ ọ ka sị ẹ vẹ dị ọ maanị mẹ? 5Ọza anaa saasa ọda ohinọyị vaa nyị ẹngwọọrọ. Ọza anaa yẹ ịrẹyị vaa yẹ ụmẹ ana vọrọ ka ọnị ọ sị mẹ ịsị ọnị ohinọyị ka. Ọ rẹ vaa yẹ a mẹmẹ vọrọ ka ọnị ọ̀ mẹ̀ ẹ. 6Ịsị ọzọza ọọ nyị ụmẹ anị, dị a rẹ nyị a mẹmẹ vọrọ ka aa mẹ avaba ịsa nị. Yaa yẹ de ka ẹngụkata ọzọza vị ene chi wa ẹngụ hi ẹtẹ. 7Ẹ yị nyị ọza ayị ana ka ọnị ọọ yẹ ịsị aa vẹ ụhwọọ, dị ẹ yị rẹ nyị ọza ana zụ ka ẹ yị nị. 8Ẹ yị nyị ọza ana zụ za ụhwẹ anị jẹẹ isu ọọ vẹ, dị ẹ̀ yị rẹ nyị ọza ana zụ vara ẹkụhị isu anị nị. Ịrẹkụ ọnị ọza ọnyọọnyị ẹ yị zụ ha hụụnị anị ọ vị ọnọọ nị. Ebira odivi ọnị ọza aa mẹ̀ ẹ yị zụ dọ ọ ha isu ọọ vẹ.
Ọza odivi ọnịrị Ọza odivi
9Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị. 10Ọ kà dị ọnị re ree bẹẹ ka ọza odivi oo su dị e ne e nị. Ọza odivi ọnọnị vị ana nọ ịnị irehi Ohomorihi ụmẹ tụra ụmẹ. Ịjị e sị ọ ne dị ẹ yaa vàa vẹ dị aza e gono o ịnị ẹkụra ọnị ọ ya mẹ̀ ebira odivi anị nị. Dị ọnị ka ọsọnị rẹ vị osusu bẹẹ. 11Dị ọnị ka agụvị ka aza anaa mẹ̀ ịsa odivi ẹ ma hụra rị ụya anị ọ mẹ ka aza ẹẹ mẹ̀ ẹ hu avọ nị. 12Ọ̀ọ daka vị ka ọza odivi mẹ̀ ebira odivi ụpẹ ẹchẹẹhị dị o ki ku orubo, ọnị ọọ yẹ ka ọza ene hí angwa Ohomorihi o vee zozaa yị hu nị. 13Ama ẹ yị vee zozaa yị aza edivi nịnị agụvị ka ẹnịnị ẹ yị sị ụbanyị yị Ohomorihi. Ẹhẹ ẹnịnị vị ana sị mẹ anka ụmọmọ avọọ. Ẹnịnị ẹ yị vaa ra gọdọ. 14Ịsị ọsa ana raa mẹ ịnị ẹhẹ ana mẹ ka ẹhẹ ọnọnị ọ vị osusu ọ vị ka: ọza ọyịza ọnị ịrẹyị ee tù anka ọza odivi avọọ, ọnịrị ọza odivi ana rị aha anka ọza ọyịza avọọ. Dị ọnị ka, ọnọnị bẹẹ rẹ vị osusu. 15Ọ kà, ọsọnị ọ va mẹ ka ọnị ọ kà a ka ịsị ọzọza ọọ nyị ọ̀ sịị mẹ ayohine nị, ka ẹ yị nyị ịsị ọza zụ mẹ ịnị ẹhẹ ọnọnị huni ka ọza ọọ rị, dị oo hú, dị oo hine ayị. Àa vị ọnọnị ọ̀ daba sị ụvọ zaa ịnị ụkọrọ ọnị Ohomorihi zẹẹ ka ọ̀ mẹ ịnị ẹhẹ ọnọnị. 16Ọzwọzịsa ka, ịjị ọnị ee si ka ọnị ọ̀ yẹ ịrẹyị, dị ọnị tangwa ee re avaba ịsị aa na ịnị ẹhẹ nị. Ọnị oo re ka ọza ọ zụ jị areyi ọọdụ ọnịrị ịrahụ, 17dị ẹ yị rẹ va zụ yẹ ịsị ọnị Ohomorihi aa mẹ, ọ̀ọ daka mẹ asịvụrị pooro. Ọyẹrẹyị nịnị ẹ zụ ka a ka ẹnị ẹẹ yẹ ịsị Ohomorihi aa mẹ ama ẹnịnị ẹ yị yẹ.
Currently Selected:
Ịrẹyị Ọzwọzịsa 8: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrẹyị Ọzwọzịsa 8
8
Sị ịrẹsụ yị ohinọyị agụvị ẹhẹ ọ rọ wụ ẹngụ.
1Ẹnẹ ya anka ọyẹrẹyị kẹ? Ẹnẹ yara mẹ ẹhahi ịrẹyị da? Ịrẹyọyẹ vị anaā sịị eyi ọzaa nẹtẹ. Ẹ́ ma zẹẹ ka ọza ọọ vara eyi hì. 2Waa saasa ọda ohinọyị agụvị ka wa sị eku hị́ ọvịdị Ohomorihi ka ụ vaa saasa a. 3We zwe we e re ka ohinọyị aa kụ ayị, asị ụ jẹẹ zi ọ agụvị ka ọ zụ mẹ ụ ịsị ee zee eyi. 4Ohinọyị ọọ nyị ụkata ọnị ọ sịị mẹ ọda. Ẹnẹ zụ họ̀ ọ ka sị ẹ vẹ dị ọ maanị mẹ? 5Ọza anaa saasa ọda ohinọyị vaa nyị ẹngwọọrọ. Ọza anaa yẹ ịrẹyị vaa yẹ ụmẹ ana vọrọ ka ọnị ọ sị mẹ ịsị ọnị ohinọyị ka. Ọ rẹ vaa yẹ a mẹmẹ vọrọ ka ọnị ọ̀ mẹ̀ ẹ. 6Ịsị ọzọza ọọ nyị ụmẹ anị, dị a rẹ nyị a mẹmẹ vọrọ ka aa mẹ avaba ịsa nị. Yaa yẹ de ka ẹngụkata ọzọza vị ene chi wa ẹngụ hi ẹtẹ. 7Ẹ yị nyị ọza ayị ana ka ọnị ọọ yẹ ịsị aa vẹ ụhwọọ, dị ẹ yị rẹ nyị ọza ana zụ ka ẹ yị nị. 8Ẹ yị nyị ọza ana zụ za ụhwẹ anị jẹẹ isu ọọ vẹ, dị ẹ̀ yị rẹ nyị ọza ana zụ vara ẹkụhị isu anị nị. Ịrẹkụ ọnị ọza ọnyọọnyị ẹ yị zụ ha hụụnị anị ọ vị ọnọọ nị. Ebira odivi ọnị ọza aa mẹ̀ ẹ yị zụ dọ ọ ha isu ọọ vẹ.
Ọza odivi ọnịrị Ọza odivi
9Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị. 10Ọ kà dị ọnị re ree bẹẹ ka ọza odivi oo su dị e ne e nị. Ọza odivi ọnọnị vị ana nọ ịnị irehi Ohomorihi ụmẹ tụra ụmẹ. Ịjị e sị ọ ne dị ẹ yaa vàa vẹ dị aza e gono o ịnị ẹkụra ọnị ọ ya mẹ̀ ebira odivi anị nị. Dị ọnị ka ọsọnị rẹ vị osusu bẹẹ. 11Dị ọnị ka agụvị ka aza anaa mẹ̀ ịsa odivi ẹ ma hụra rị ụya anị ọ mẹ ka aza ẹẹ mẹ̀ ẹ hu avọ nị. 12Ọ̀ọ daka vị ka ọza odivi mẹ̀ ebira odivi ụpẹ ẹchẹẹhị dị o ki ku orubo, ọnị ọọ yẹ ka ọza ene hí angwa Ohomorihi o vee zozaa yị hu nị. 13Ama ẹ yị vee zozaa yị aza edivi nịnị agụvị ka ẹnịnị ẹ yị sị ụbanyị yị Ohomorihi. Ẹhẹ ẹnịnị vị ana sị mẹ anka ụmọmọ avọọ. Ẹnịnị ẹ yị vaa ra gọdọ. 14Ịsị ọsa ana raa mẹ ịnị ẹhẹ ana mẹ ka ẹhẹ ọnọnị ọ vị osusu ọ vị ka: ọza ọyịza ọnị ịrẹyị ee tù anka ọza odivi avọọ, ọnịrị ọza odivi ana rị aha anka ọza ọyịza avọọ. Dị ọnị ka, ọnọnị bẹẹ rẹ vị osusu. 15Ọ kà, ọsọnị ọ va mẹ ka ọnị ọ kà a ka ịsị ọzọza ọọ nyị ọ̀ sịị mẹ ayohine nị, ka ẹ yị nyị ịsị ọza zụ mẹ ịnị ẹhẹ ọnọnị huni ka ọza ọọ rị, dị oo hú, dị oo hine ayị. Àa vị ọnọnị ọ̀ daba sị ụvọ zaa ịnị ụkọrọ ọnị Ohomorihi zẹẹ ka ọ̀ mẹ ịnị ẹhẹ ọnọnị. 16Ọzwọzịsa ka, ịjị ọnị ee si ka ọnị ọ̀ yẹ ịrẹyị, dị ọnị tangwa ee re avaba ịsị aa na ịnị ẹhẹ nị. Ọnị oo re ka ọza ọ zụ jị areyi ọọdụ ọnịrị ịrahụ, 17dị ẹ yị rẹ va zụ yẹ ịsị ọnị Ohomorihi aa mẹ, ọ̀ọ daka mẹ asịvụrị pooro. Ọyẹrẹyị nịnị ẹ zụ ka a ka ẹnị ẹẹ yẹ ịsị Ohomorihi aa mẹ ama ẹnịnị ẹ yị yẹ.
Ebira First Bible © Bible Society of Nigeria, 2014.