Ịrẹyị Ọzwọzịsa 9
9
Sị ẹngụ dọ enee tụ́ wụ
1Ọzwọzịsa ka ọnị ô ro avaba ịrẹyị ọnọnị, dị ọnị zama wa re nị. Ọnị ô re ka ọza ọyịza ọnịrị ọyẹrẹyị beri avaba ụkọrọ ẹnịnị vị ana ya ịnị ụvọ Ohomorihi. Ẹ yị nyị ọza ana yẹ ịsa ana vẹ ụhwọọ. À vị e vee sì ịrẹyị anị nị o, a vị ka vị a vaa nyị ịhyẹrẹ anị nị. Avaba ịsa vị osusu eyi ẹyị ọza. 2Ịsị ọnyọọnya ọ vaa za ẹhẹ avaba ọza ẹtẹ nị. Ẹ yị nyị ọba irenyi yị ọnịrẹyịzẹyịza ọnịrị ọza odivi, ọza ọyịza ọnịrị ọza ọhịmị, ọza ọnịnị ọnịrị ọnịdọtị, ọza anaa mẹ ahẹkẹ ọnịrị ọza ẹnẹ ẹ yị mẹ ahẹkẹ. Ọ mẹ ya yị ọza ọyịza, avọọ ọ mẹ ya ọza odivi nị. Ọ mẹ ya yị aza ana hị́ eku, avọọ ọ mẹ ya yị aza ẹnẹ ẹ yị nyayịnẹ hị́ eku nị. 3Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su. 4Ọza ana yara ọọ nyị ọyịtura eyi nị, agụvị ka irezi ana yara ọ dahi huni idu ene wu usu nị. 5Ịzẹyịza ọza ana yara ọọ yẹ ka ọnị vee su, ama ẹ yị nyị ịsị oku ene wu usu kụkụ yẹ. Ẹ yị nyị ọgụ sẹ kụkụ zụ rị; aza ẹ ma vana kụkụ tamayị ẹnịnị. 6Aza ene wu usu ẹnịrị ịrẹyị ọza oyisì ẹnịnị, ọyị nyị ịhyẹrẹ ọza ẹnịnị beri ụhị ọyị kụ ẹnịnị e su nị. Ẹnịnị ẹ ma vana bẹ ụvọ tụ ịnị ịsị anaa na ịnị ẹhẹ pàá. 7Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ. 8Wee hine ayị nịnị dị waa jẹ ịrajẹ nịnị pooro kẹnẹ. 9Ọpa ụmẹ ọnị Ohomorihi ọ̀ọ sị yị wụ ka wa mẹ ịnị ẹhẹ osusu ọnọnị, ẹwụrị ose wu ọnị u sì ịrẹyị anị ọọ mẹ ẹhẹ dị wa mẹrị ẹngụ nịnị, ka ọnị Ohomorihi gà tu wu ịnị ẹhẹ ọnịrị ịnị ụkọrọ ọnị waa mẹ ọ vị ọnọọ nị. 10Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị. 11Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ. 12Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.
Ịrẹyọyẹ o huni Ụ̀ra nị
13Ọzwọzịsa ka ọnị ô re ịrẹyọyẹ ọsa ịnị ẹhẹ ọnọnị ana wụ rị ọza kọsẹ. Oo zee ọnị eyi ẹtẹẹtẹrẹ. 14Â nyị ẹkụra ọnyara kiiki aanị, aza chee anị ẹ ra ịnị anị nị. Dị a nyị ohinọyị ọnya aanị ana nyị ụkata ẹtẹẹtẹrẹ ana kụ́ ịrẹkụ ve tu ọ nị. Dị ẹ ta kara a eyi ụvọnị-ụvọnị, dị ẹ kụ ịsa kara a okiri-okiri nị. 15Ama â nyị onosiye ọnya aanị ana ya ịnị ẹkụra ọnọọ, ọyẹrẹyị ọ vị nị. Dị ọ sị ịrẹyọyẹ dọ ẹkụra ọnọọ ha nị. Ama ẹ yị nyị ọza ana tamayị anị. 16Ọnị ọ mẹ ka ọnị ọ̀ ka a ka ịrẹyọyẹ o huni ụkata nị, ọ̀ọ daka vị ka aa sị eyi wụ ịrẹyọyẹ onosiye ọnọnị dị aza ẹ yị kụkụ hị́ ịrẹyị anị ịrẹyị nị. 17Ọza ọ̀ọ saasa ịrẹyị ọnị ọyẹrẹyị tangwa kà, ọ gụ yị ọza hu owu ọnị ohinọyị ọnụra nịnị aa na nị. 18Ọza ọ̀ọ nyị ịrẹyọyẹ, oo huna ẹnya ịrẹkụ, ama ọza odivi ọnyara ọ zụ du ịsa ọyịza ọrụrụ-ọrụrụ ha.
Currently Selected:
Ịrẹyị Ọzwọzịsa 9: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrẹyị Ọzwọzịsa 9
9
Sị ẹngụ dọ enee tụ́ wụ
1Ọzwọzịsa ka ọnị ô ro avaba ịrẹyị ọnọnị, dị ọnị zama wa re nị. Ọnị ô re ka ọza ọyịza ọnịrị ọyẹrẹyị beri avaba ụkọrọ ẹnịnị vị ana ya ịnị ụvọ Ohomorihi. Ẹ yị nyị ọza ana yẹ ịsa ana vẹ ụhwọọ. À vị e vee sì ịrẹyị anị nị o, a vị ka vị a vaa nyị ịhyẹrẹ anị nị. Avaba ịsa vị osusu eyi ẹyị ọza. 2Ịsị ọnyọọnya ọ vaa za ẹhẹ avaba ọza ẹtẹ nị. Ẹ yị nyị ọba irenyi yị ọnịrẹyịzẹyịza ọnịrị ọza odivi, ọza ọyịza ọnịrị ọza ọhịmị, ọza ọnịnị ọnịrị ọnịdọtị, ọza anaa mẹ ahẹkẹ ọnịrị ọza ẹnẹ ẹ yị mẹ ahẹkẹ. Ọ mẹ ya yị ọza ọyịza, avọọ ọ mẹ ya ọza odivi nị. Ọ mẹ ya yị aza ana hị́ eku, avọọ ọ mẹ ya yị aza ẹnẹ ẹ yị nyayịnẹ hị́ eku nị. 3Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su. 4Ọza ana yara ọọ nyị ọyịtura eyi nị, agụvị ka irezi ana yara ọ dahi huni idu ene wu usu nị. 5Ịzẹyịza ọza ana yara ọọ yẹ ka ọnị vee su, ama ẹ yị nyị ịsị oku ene wu usu kụkụ yẹ. Ẹ yị nyị ọgụ sẹ kụkụ zụ rị; aza ẹ ma vana kụkụ tamayị ẹnịnị. 6Aza ene wu usu ẹnịrị ịrẹyị ọza oyisì ẹnịnị, ọyị nyị ịhyẹrẹ ọza ẹnịnị beri ụhị ọyị kụ ẹnịnị e su nị. Ẹnịnị ẹ ma vana bẹ ụvọ tụ ịnị ịsị anaa na ịnị ẹhẹ pàá. 7Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ. 8Wee hine ayị nịnị dị waa jẹ ịrajẹ nịnị pooro kẹnẹ. 9Ọpa ụmẹ ọnị Ohomorihi ọ̀ọ sị yị wụ ka wa mẹ ịnị ẹhẹ osusu ọnọnị, ẹwụrị ose wu ọnị u sì ịrẹyị anị ọọ mẹ ẹhẹ dị wa mẹrị ẹngụ nịnị, ka ọnị Ohomorihi gà tu wu ịnị ẹhẹ ọnịrị ịnị ụkọrọ ọnị waa mẹ ọ vị ọnọọ nị. 10Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị. 11Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ. 12Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.
Ịrẹyọyẹ o huni Ụ̀ra nị
13Ọzwọzịsa ka ọnị ô re ịrẹyọyẹ ọsa ịnị ẹhẹ ọnọnị ana wụ rị ọza kọsẹ. Oo zee ọnị eyi ẹtẹẹtẹrẹ. 14Â nyị ẹkụra ọnyara kiiki aanị, aza chee anị ẹ ra ịnị anị nị. Dị a nyị ohinọyị ọnya aanị ana nyị ụkata ẹtẹẹtẹrẹ ana kụ́ ịrẹkụ ve tu ọ nị. Dị ẹ ta kara a eyi ụvọnị-ụvọnị, dị ẹ kụ ịsa kara a okiri-okiri nị. 15Ama â nyị onosiye ọnya aanị ana ya ịnị ẹkụra ọnọọ, ọyẹrẹyị ọ vị nị. Dị ọ sị ịrẹyọyẹ dọ ẹkụra ọnọọ ha nị. Ama ẹ yị nyị ọza ana tamayị anị. 16Ọnị ọ mẹ ka ọnị ọ̀ ka a ka ịrẹyọyẹ o huni ụkata nị, ọ̀ọ daka vị ka aa sị eyi wụ ịrẹyọyẹ onosiye ọnọnị dị aza ẹ yị kụkụ hị́ ịrẹyị anị ịrẹyị nị. 17Ọza ọ̀ọ saasa ịrẹyị ọnị ọyẹrẹyị tangwa kà, ọ gụ yị ọza hu owu ọnị ohinọyị ọnụra nịnị aa na nị. 18Ọza ọ̀ọ nyị ịrẹyọyẹ, oo huna ẹnya ịrẹkụ, ama ọza odivi ọnyara ọ zụ du ịsa ọyịza ọrụrụ-ọrụrụ ha.
Ebira First Bible © Bible Society of Nigeria, 2014.