Ịrẹyị Ọzwọzịsa 7
7
Ịrẹyọyẹ ana aa sị mẹ ẹhẹ
1 #
Ụhị 22.1
Ọza ọ rị ịrẹha ọyịza o zoza huna agụ eturare ene zoza nị. Ẹkụhị ọnị ọza sị su o zoza huni ẹkụhị ana a sị ma a nị. 2Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su. 3Ayodu o zoza huni unyi oyi nyị nị, agụvị ka ayodu vị anaā mẹ ọzaa rò ịrẹyị. 4Ọyẹrẹyị oō ro o ka ọzaa su nị, onututu vị eneē rọ ịrẹyị ẹngwọmẹ pooro kẹnẹ. 5Aza ana yẹ ịrẹyị ẹ̀ẹ tụ ọza ohuvọ o zoza hu ka ọnụra nịnị ẹẹ jị ahẹ gono ọza nị. 6Wâ yẹ ka unyi onututu vị ana sị mẹ anka ọchị ikeyi-ikeyi mee che ịnị ịra avọọ. Osusu kẹnẹ ọsọnị rẹ vị nị. 7Ịzẹyịza, ọza ọ̀ọ ka ọnị ọọ yẹ ịrẹyị dị aa mẹ ẹvaya yị ọza nị, ọnụra ọ vị nị. Avọọ ochirerenu mee du ọzaa ha nị. 8Ẹzẹtẹ ịrẹyị ọ nyị ụbanyị huni oyi nyima anị nị. Avọọ usuuru ọyị nyị me zoza huni ka ọza ọọ sị ẹngụ tụ ẹba nị. 9#Ije 1.19Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị. 10Asị ụ re họ̀ use ka: Sị ẹ vẹ dị ahịka ụmẹ ịyẹẹyẹ o zoza hu ụmẹ ọnọnị nị? Ọ ka ẹ yị nyị ịrẹyọyẹ ka ọza ọ̀ vavọọ họ̀ use ịrẹyị. 11Ọza ọ̀ọ yẹ ịrẹyị oo zoza, ọ́ sị mẹẹ anka ogu ana hụrẹ ụvọ yị ọza avọọ nị, aha ọ vị yị aza ana yị yàra nị. 12Ịrẹyọyẹ ọ zụ sere ọza anka ọza mẹẹ sị ẹkẹhị sere ẹngụ anị. Aha ana yà ịnị ka ọza ọ̀ yẹ ịrẹyị ọ vị ka, ọ vaa dọ ọzaa ha hụụnị ẹngụkata nị. 13Zama ụkọrọ Ohomorihi re daa re, ịsị ọnị ọ mẹ ka ọ̀ ràrà, ẹnẹ zụ vọrọ ọ? 14Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ? 15Ọzwọzịsa ka, ịnị ẹhẹ ọnị ọnị vẹ ana ahịka osusu kẹnẹ ọ vị aanị nị, ọnị ọ sị ịsavị-ịsavị re: Ọnịzẹyịza ee su tụ ịnị ịzẹyịza nị, dị aza edivi ee ku orubo tụ ịnị udivi ẹnịnị nị. 16Asị ụ na mẹ ịzẹyịza ọnịrị ịrẹyọyẹ ẹnẹmẹhị, ka ẹyị vavọọ ụ va wụ ẹngụ awụ. 17Ama asị ụ rẹ na chamayị avị ka wa rẹ na mẹ ụra ẹnẹmẹhị. Asị ụ wụ ẹngụ awụ dị ụmẹ awụ o ve tu. 18Asị ụ na mẹ ẹnẹmẹhị ịnị ẹnẹ ẹyịva ẹnẹẹ nị. Wâ hí angwa Ohomorihi, vị o vee zozaa yị wụ nị. 19Ịsị ọza ana yẹ ịrẹyị zụ mẹ, ọdọvịdị ẹẹ gụ ẹẹwụ tụ ịnị ẹkụra ẹ yị zụ mẹ̀ ẹ. 20Ẹ yị nyị ọza ọyịza ịnị ẹhẹ ọnọnị ana mẹ ọyịza pooro dị asị ọ mẹ odivi ẹkụhị ọnya. 21Asị ụ sị ụtọ pe avaba ịrẹyị ana aza aa kà, ẹyị vavọọ, ụ va wụ ka ezi ahụ awụ aa kụ wụ ụhụ. 22Ẹwụ ụvọta ọọ yẹ ụpẹ ya ẹwụ rẹ kụ ọza ụhụ da. 23Ọzwọzịsa ka ọnị ọ raa sị ịrẹyọyẹ zama avaba ọsọnị re, dị ọnị ka, ẹ yị zụ nyị ka ọnị ẹ yị yaa yẹ ịrẹyị nị, ama ịrẹyọyẹ vị ana nị noze rịrị ọnị. 24Ịrẹyị ẹhẹ ọọ nyịnẹ yị ẹyị ọza ẹtẹẹtẹrẹ. Ọza ẹ yị yẹ iruvo anị. 25Ọzwọzịsa ka ọnị ộ sị avaba ẹhẹ anị sị iruvo ka ọnị ọ̀ yẹ iruvo ịsa ọrụrụ-ọrụrụ nị. Ọnị ọ sị yẹ ka ọza anaa chamayị dị aa mẹ̀ ebira kẹnẹ-kẹnẹ vị ọnụra. 26Ọ kà ọnị ọ sị yẹ ka ọnyẹnẹẹ anaā sẹ̀ ịrẹka o divi huni iswọọza nị. Ọ̀ọ ka ọnị oo sì ịrẹyị awụ, ịrẹpa aa vàa zi wụ nị. Ọ̀ọ ha ụvọ kara awụ, vị aa sịị mẹẹ anka aa sị ẹba sụ ọza avọọ nị. Aza anaā mẹ ịsị ọnị Ohomorihi sị kẹnẹ ẹ zụ ha hụrẹ ẹ ụvọ nị, ama ịrẹpa anị vị ana vaa za aza anaā mẹ̀ ebira odivi. 27Ọzwọzịsa ka ọnị ọ raa sị avaba ịrẹyọyẹ anị sì iruvo ka ọnị ọ̀ yẹ ẹhẹ ọnọnị mẹmẹ yà, 28ama vị va ngụ ọyaanị, ọnị ẹ yị va yẹ. Ọnị ọọ yẹ ka àa kụ aza ẹnị akahị gụ a vaa nyị ọnọrụ ikonya ịnị ẹnịnị, ama ọnị ẹ yị re ọnyẹnẹẹ ikonyara. 29Ọ kà ọnị ọ sị yẹ ka Ohomorihi vị ana sị ebira obooro tụ aza vẹ ẹhẹ ama dị ẹ ha tụ oze ẹnịnị.
Currently Selected:
Ịrẹyị Ọzwọzịsa 7: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrẹyị Ọzwọzịsa 7
7
Ịrẹyọyẹ ana aa sị mẹ ẹhẹ
1 #
Ụhị 22.1
Ọza ọ rị ịrẹha ọyịza o zoza huna agụ eturare ene zoza nị. Ẹkụhị ọnị ọza sị su o zoza huni ẹkụhị ana a sị ma a nị. 2Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su. 3Ayodu o zoza huni unyi oyi nyị nị, agụvị ka ayodu vị anaā mẹ ọzaa rò ịrẹyị. 4Ọyẹrẹyị oō ro o ka ọzaa su nị, onututu vị eneē rọ ịrẹyị ẹngwọmẹ pooro kẹnẹ. 5Aza ana yẹ ịrẹyị ẹ̀ẹ tụ ọza ohuvọ o zoza hu ka ọnụra nịnị ẹẹ jị ahẹ gono ọza nị. 6Wâ yẹ ka unyi onututu vị ana sị mẹ anka ọchị ikeyi-ikeyi mee che ịnị ịra avọọ. Osusu kẹnẹ ọsọnị rẹ vị nị. 7Ịzẹyịza, ọza ọ̀ọ ka ọnị ọọ yẹ ịrẹyị dị aa mẹ ẹvaya yị ọza nị, ọnụra ọ vị nị. Avọọ ochirerenu mee du ọzaa ha nị. 8Ẹzẹtẹ ịrẹyị ọ nyị ụbanyị huni oyi nyima anị nị. Avọọ usuuru ọyị nyị me zoza huni ka ọza ọọ sị ẹngụ tụ ẹba nị. 9#Ije 1.19Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị. 10Asị ụ re họ̀ use ka: Sị ẹ vẹ dị ahịka ụmẹ ịyẹẹyẹ o zoza hu ụmẹ ọnọnị nị? Ọ ka ẹ yị nyị ịrẹyọyẹ ka ọza ọ̀ vavọọ họ̀ use ịrẹyị. 11Ọza ọ̀ọ yẹ ịrẹyị oo zoza, ọ́ sị mẹẹ anka ogu ana hụrẹ ụvọ yị ọza avọọ nị, aha ọ vị yị aza ana yị yàra nị. 12Ịrẹyọyẹ ọ zụ sere ọza anka ọza mẹẹ sị ẹkẹhị sere ẹngụ anị. Aha ana yà ịnị ka ọza ọ̀ yẹ ịrẹyị ọ vị ka, ọ vaa dọ ọzaa ha hụụnị ẹngụkata nị. 13Zama ụkọrọ Ohomorihi re daa re, ịsị ọnị ọ mẹ ka ọ̀ ràrà, ẹnẹ zụ vọrọ ọ? 14Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ? 15Ọzwọzịsa ka, ịnị ẹhẹ ọnị ọnị vẹ ana ahịka osusu kẹnẹ ọ vị aanị nị, ọnị ọ sị ịsavị-ịsavị re: Ọnịzẹyịza ee su tụ ịnị ịzẹyịza nị, dị aza edivi ee ku orubo tụ ịnị udivi ẹnịnị nị. 16Asị ụ na mẹ ịzẹyịza ọnịrị ịrẹyọyẹ ẹnẹmẹhị, ka ẹyị vavọọ ụ va wụ ẹngụ awụ. 17Ama asị ụ rẹ na chamayị avị ka wa rẹ na mẹ ụra ẹnẹmẹhị. Asị ụ wụ ẹngụ awụ dị ụmẹ awụ o ve tu. 18Asị ụ na mẹ ẹnẹmẹhị ịnị ẹnẹ ẹyịva ẹnẹẹ nị. Wâ hí angwa Ohomorihi, vị o vee zozaa yị wụ nị. 19Ịsị ọza ana yẹ ịrẹyị zụ mẹ, ọdọvịdị ẹẹ gụ ẹẹwụ tụ ịnị ẹkụra ẹ yị zụ mẹ̀ ẹ. 20Ẹ yị nyị ọza ọyịza ịnị ẹhẹ ọnọnị ana mẹ ọyịza pooro dị asị ọ mẹ odivi ẹkụhị ọnya. 21Asị ụ sị ụtọ pe avaba ịrẹyị ana aza aa kà, ẹyị vavọọ, ụ va wụ ka ezi ahụ awụ aa kụ wụ ụhụ. 22Ẹwụ ụvọta ọọ yẹ ụpẹ ya ẹwụ rẹ kụ ọza ụhụ da. 23Ọzwọzịsa ka ọnị ọ raa sị ịrẹyọyẹ zama avaba ọsọnị re, dị ọnị ka, ẹ yị zụ nyị ka ọnị ẹ yị yaa yẹ ịrẹyị nị, ama ịrẹyọyẹ vị ana nị noze rịrị ọnị. 24Ịrẹyị ẹhẹ ọọ nyịnẹ yị ẹyị ọza ẹtẹẹtẹrẹ. Ọza ẹ yị yẹ iruvo anị. 25Ọzwọzịsa ka ọnị ộ sị avaba ẹhẹ anị sị iruvo ka ọnị ọ̀ yẹ iruvo ịsa ọrụrụ-ọrụrụ nị. Ọnị ọ sị yẹ ka ọza anaa chamayị dị aa mẹ̀ ebira kẹnẹ-kẹnẹ vị ọnụra. 26Ọ kà ọnị ọ sị yẹ ka ọnyẹnẹẹ anaā sẹ̀ ịrẹka o divi huni iswọọza nị. Ọ̀ọ ka ọnị oo sì ịrẹyị awụ, ịrẹpa aa vàa zi wụ nị. Ọ̀ọ ha ụvọ kara awụ, vị aa sịị mẹẹ anka aa sị ẹba sụ ọza avọọ nị. Aza anaā mẹ ịsị ọnị Ohomorihi sị kẹnẹ ẹ zụ ha hụrẹ ẹ ụvọ nị, ama ịrẹpa anị vị ana vaa za aza anaā mẹ̀ ebira odivi. 27Ọzwọzịsa ka ọnị ọ raa sị avaba ịrẹyọyẹ anị sì iruvo ka ọnị ọ̀ yẹ ẹhẹ ọnọnị mẹmẹ yà, 28ama vị va ngụ ọyaanị, ọnị ẹ yị va yẹ. Ọnị ọọ yẹ ka àa kụ aza ẹnị akahị gụ a vaa nyị ọnọrụ ikonya ịnị ẹnịnị, ama ọnị ẹ yị re ọnyẹnẹẹ ikonyara. 29Ọ kà ọnị ọ sị yẹ ka Ohomorihi vị ana sị ebira obooro tụ aza vẹ ẹhẹ ama dị ẹ ha tụ oze ẹnịnị.
Ebira First Bible © Bible Society of Nigeria, 2014.