Ịrẹyị Ọzwọzịsa 2
2
Ẹngwọmẹ aza vị osusu
1Ọzwọzịsa ka ọnị o roo ka ọnị aa zama ẹngwọmẹ re, dị ọnị ò yẹ ọ mẹmẹ hine. Ama dị ọnị re ka osusu kẹnẹ ọnọọ rẹ vị̀ nị. 2Ọnị ọ sị yẹ ka unyi o yi nyị pooro kẹnẹ vị ụra, Ẹ yị nyị ọgụ ịsị ẹ ya ịnị ẹngwọmẹ ọyị dụ pooro kẹnẹ. 3Dị ọnị re ve ro o ka ọnị ò hí eche dị ọnị ọ sị hine ẹngụ anị ayị nị. Ọnị ka ọnị ọ̀ daba mẹ ụra chee daa re ama dị ayị anị aa yịị sị ịrẹyọyẹ zụ ọnị nị. Ọnị ee si ka ọnị ọ̀ yẹ ịsị ẹ vana wụra ọza mẹ ịnị ụmẹ chee ọnị ọ nyị ịnị ẹhẹ ọnọnị. 4#1 Ohi 10.23-27; 2 Ịtọ 9.22-27Ọnị ộ mẹ̀ ụkọrọ ẹbanyị-ẹbanyị; ọnị ộ dà irehi ọrụrụ-ọrụrụ yị ẹngụ anị, dị ọnị da ẹtẹ ọnị ọnị chire ọchị ozoza-ozoza hi nị. 5Ọnị ộ dà ụbazị ọnịrị ịzị aza yaa tụ́ ụhwọ́, dị ọnị chire ọchị irenyi-irenyi anaā tụ́ ẹtụtụ hi ịnị ẹnịnị nị. 6Ọnị ộ mẹ̀ aha ana banyị ịzị aa dà enyi tụ, ọnị ọnị aa káa hi ọchị ọyịza-ọyịza ọnị ọnị chire. 7#1 Ohi 4.23Ọnị ộ hị́ ọrịhị ọnọrụ ọnịrị anẹẹ beri ọrịhị ana vọ ana ma ịnị eehi anị. Dị ọnị rẹ pa ụnọ ọnịrị atẹmẹ ọrụrụ-ọrụrụ huna avaba ohinọyị ana vịdị ra Ijerusarẹmị dị o ve tu ọnị nị. 8#1 Ohi 10.10,14-22Ọ kà ọnị ộ kụ ẹkẹhị ọnịrị igooru gụ yị ẹngụ anị, dị ọnị kụ ogu ohinọyị nịnị ọnịrị ẹtẹ ẹnịnị nị. Ọnị ộ dọ anọrụ ọnịrị anẹẹ anaā jị ahẹ zụ ọnị, dị ọnị nyị onyeehi ozoza-ozoza tatarata nị. Avaba ịsị wèe ro ka ọza ọ nyẹngụ nyị kẹnẹ vị ọnị ọnị nyị. 9#1 Ịtọ 29.25Ịzẹyịza dị ọnị nyị ụbanyị huni avaba (ohinọyị) ana ra Ijerusarẹmị da nị. Ọnị yị vị ọnịrị ịrẹyọyẹ anị. 10Ọ kà ọnị ẹ yị zụ mẹ ka ịsị eyi anị oo re kẹnẹ ọnị ẹ yị nyị ọ. Ẹ yị nyị ụmẹ ọnị ọnị sị yii ka ọnị ẹ ị mẹ ẹngwọmẹ ọnyọọnyị. Avaba ụkọrọ ọnị ọnị raa mẹ vana nyayịnẹ hine ọnị. Ọsọnị ọ vị ọgụ ọnị ọnị rị ịnị avaba ụkọrọ ọnị ọnị sị ẹhị ẹngụ anị mẹ nị. 11Ama ọnị o ve re avaba ịsị ọnị sị ẹhị ẹngụ anị mẹ ka avaba anị vị osusu. Ọ́ sị mẹẹ anka ọza oo rere aa dụ ahị avọọ nị. Ẹ yị nyị ịsị ọza aa dụ ịnị ẹhẹ ọnọnị ana nyị ọgụ vụrụ-vụrụ.
Ọyẹrẹyị ọnịrị onututu
12Ọzwọzịsa ka ọnị rẹ va ka ọnị ò ro nọ ịnị ịpa ịrẹyọyẹ ọnịrị ebira kẹnẹ-kẹnẹ ọyị mẹ nị. Ohinọyị ẹnyị ọ̀ọ dọ ọsa ịrẹsụ, sị ọ zụ mẹ huni ịsị a vịdị sị mẹ da? 13Ọnị ô re ka anka ẹtohweyi me zoza huni etohozi, avọọ ịrẹyọyẹ me zoza huni ututu ọyị mẹ nị. 14Ọyẹrẹyịị re ịzị aa nọ ama onututu ẹ yị nyẹngụ re ịzị aa nọ. Ọzwọzịsa ka ọnị ọọ yẹ ka ịsị e tu ọyẹrẹyị o re vee tu onututu nị. 15Dị ọnị ve ro o ka ịsị e tu onututu o re vee tu ọnị nyẹmba nị; agụvị avọọ, sị ẹ va vị ọgụ avaba ịrẹyọyẹ anị kẹ? Dị ọnị ve rè e ka ọsọnị bẹẹ rẹ vị osusu. 16Ka isu ana sị ọyẹrẹyị ọnị ọọ̄ sị ọnụra nị òo nee kù chee dị ayị ẹnịnị hi. 17Avọọ ẹhẹ ọnọnị ộ nyị ọnị ịhyẹrẹ agụvị ka ọnị oo re avaba ịsị aa mẹ ịnị ẹhẹ, ẹngụkata kẹnẹ ẹ kụ tu ọnị nị. Avaba anị vị osusu, vị ọza aa dụ ahị kẹnẹ nị. 18Ọ kà avaba ịsị ọnị ọnị mẹ ịnị ẹhẹ dị ọnị e yi nyị eyi tụ́ ụhwọ́ ộ nyị ọnị ịhyẹrẹ. Agụvị ka ọnị vaa para wa hu tịtẹ yị anịrẹma anaa vẹ nị. 19Ẹnẹ yẹ ọza ana vẹ ọ̀ọ vaa yẹ ịrẹyị à vị onututu ọ vaa vị nị? Ọza tụra ọza ọnị ọ̀ọ na vị, ọnị ọ vaa mẹ ọda tụra avaba ịsa ọnị ọnị ka ẹhị mi tụra ịrẹsụ beri ịrẹyọyẹ anị ọnị ọnị sị mẹ. Dị ọnị ka ọsọnị bẹẹ rẹ vị osusu. 20Agụvị avọọ dị ọnị aa sụ ụmayịyẹ tụ ịrẹsụ avaba ụkọrọ ọnị ọnị sị ẹhị ẹngụ anị mẹ dị ọnị ẹ yị nyị eyi tụ́ ụhwọ́ ịnị ẹhẹ nị. 21Ọza ọ zụ sị ịrẹyọyẹ ọnịrị ọbọ mẹ avaba ụkọrọ anị, dị ọ vị vaa para avaba ịsị ọ nyị hu. Dị ahịka ọza ẹnẹẹ yị yẹ ọ mẹmẹ wa ọ vaa sịị mẹ ẹhẹ nị. Ọsọnị ọnị rẹ vị osusu, dị ọ rẹ vị ịrẹyị odivi ọbanyị ọnya nị. 22Ọ kà, ọgụ sị ọza vana vaa rị ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́ ịnị ẹhẹ da? Ọgụ sị ọza aa rị ịnị avaba ịsị ọza maanị aa mẹ akanya anị kẹ? 23#Ijov 5.7; 14.1Ọ ka ụkọrọ ọnị ọza sị avaba ẹhẹ anị mẹ vị ẹngụkata ọnịrị ayodu yọ. Ịrahụ bẹẹ ẹ yị zụ sụ̀ ara, ọsọnị rẹ vị osusu. 24#Ọzw 3.13; 5.18; 9.7; Ayị 56.12; Irk 12.19; 1 Ịkọ 15.32Sị ọza kụkụ vaa mẹ huni ka ọọ rị, dị òo hú, di òo hine ẹngụ anị ịnị ẹhẹ, dịị ịsị ọza aa mẹ, ọ̀ mẹẹ hine ẹngụ anị ẹtẹẹtẹrẹ. Dị ọnị re ve ree ka Ohomorihi kẹnẹ ọọ mẹ ọsọnị yị ọza nị; 25ka ẹ̀ yị vị Ohomorihi, ene zụ re ịsa rị avị ene zụ hine ẹngụ anị ayị? 26#Ijov 32.8; Ụhị 2.6Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.
Currently Selected:
Ịrẹyị Ọzwọzịsa 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrẹyị Ọzwọzịsa 2
2
Ẹngwọmẹ aza vị osusu
1Ọzwọzịsa ka ọnị o roo ka ọnị aa zama ẹngwọmẹ re, dị ọnị ò yẹ ọ mẹmẹ hine. Ama dị ọnị re ka osusu kẹnẹ ọnọọ rẹ vị̀ nị. 2Ọnị ọ sị yẹ ka unyi o yi nyị pooro kẹnẹ vị ụra, Ẹ yị nyị ọgụ ịsị ẹ ya ịnị ẹngwọmẹ ọyị dụ pooro kẹnẹ. 3Dị ọnị re ve ro o ka ọnị ò hí eche dị ọnị ọ sị hine ẹngụ anị ayị nị. Ọnị ka ọnị ọ̀ daba mẹ ụra chee daa re ama dị ayị anị aa yịị sị ịrẹyọyẹ zụ ọnị nị. Ọnị ee si ka ọnị ọ̀ yẹ ịsị ẹ vana wụra ọza mẹ ịnị ụmẹ chee ọnị ọ nyị ịnị ẹhẹ ọnọnị. 4#1 Ohi 10.23-27; 2 Ịtọ 9.22-27Ọnị ộ mẹ̀ ụkọrọ ẹbanyị-ẹbanyị; ọnị ộ dà irehi ọrụrụ-ọrụrụ yị ẹngụ anị, dị ọnị da ẹtẹ ọnị ọnị chire ọchị ozoza-ozoza hi nị. 5Ọnị ộ dà ụbazị ọnịrị ịzị aza yaa tụ́ ụhwọ́, dị ọnị chire ọchị irenyi-irenyi anaā tụ́ ẹtụtụ hi ịnị ẹnịnị nị. 6Ọnị ộ mẹ̀ aha ana banyị ịzị aa dà enyi tụ, ọnị ọnị aa káa hi ọchị ọyịza-ọyịza ọnị ọnị chire. 7#1 Ohi 4.23Ọnị ộ hị́ ọrịhị ọnọrụ ọnịrị anẹẹ beri ọrịhị ana vọ ana ma ịnị eehi anị. Dị ọnị rẹ pa ụnọ ọnịrị atẹmẹ ọrụrụ-ọrụrụ huna avaba ohinọyị ana vịdị ra Ijerusarẹmị dị o ve tu ọnị nị. 8#1 Ohi 10.10,14-22Ọ kà ọnị ộ kụ ẹkẹhị ọnịrị igooru gụ yị ẹngụ anị, dị ọnị kụ ogu ohinọyị nịnị ọnịrị ẹtẹ ẹnịnị nị. Ọnị ộ dọ anọrụ ọnịrị anẹẹ anaā jị ahẹ zụ ọnị, dị ọnị nyị onyeehi ozoza-ozoza tatarata nị. Avaba ịsị wèe ro ka ọza ọ nyẹngụ nyị kẹnẹ vị ọnị ọnị nyị. 9#1 Ịtọ 29.25Ịzẹyịza dị ọnị nyị ụbanyị huni avaba (ohinọyị) ana ra Ijerusarẹmị da nị. Ọnị yị vị ọnịrị ịrẹyọyẹ anị. 10Ọ kà ọnị ẹ yị zụ mẹ ka ịsị eyi anị oo re kẹnẹ ọnị ẹ yị nyị ọ. Ẹ yị nyị ụmẹ ọnị ọnị sị yii ka ọnị ẹ ị mẹ ẹngwọmẹ ọnyọọnyị. Avaba ụkọrọ ọnị ọnị raa mẹ vana nyayịnẹ hine ọnị. Ọsọnị ọ vị ọgụ ọnị ọnị rị ịnị avaba ụkọrọ ọnị ọnị sị ẹhị ẹngụ anị mẹ nị. 11Ama ọnị o ve re avaba ịsị ọnị sị ẹhị ẹngụ anị mẹ ka avaba anị vị osusu. Ọ́ sị mẹẹ anka ọza oo rere aa dụ ahị avọọ nị. Ẹ yị nyị ịsị ọza aa dụ ịnị ẹhẹ ọnọnị ana nyị ọgụ vụrụ-vụrụ.
Ọyẹrẹyị ọnịrị onututu
12Ọzwọzịsa ka ọnị rẹ va ka ọnị ò ro nọ ịnị ịpa ịrẹyọyẹ ọnịrị ebira kẹnẹ-kẹnẹ ọyị mẹ nị. Ohinọyị ẹnyị ọ̀ọ dọ ọsa ịrẹsụ, sị ọ zụ mẹ huni ịsị a vịdị sị mẹ da? 13Ọnị ô re ka anka ẹtohweyi me zoza huni etohozi, avọọ ịrẹyọyẹ me zoza huni ututu ọyị mẹ nị. 14Ọyẹrẹyịị re ịzị aa nọ ama onututu ẹ yị nyẹngụ re ịzị aa nọ. Ọzwọzịsa ka ọnị ọọ yẹ ka ịsị e tu ọyẹrẹyị o re vee tu onututu nị. 15Dị ọnị ve ro o ka ịsị e tu onututu o re vee tu ọnị nyẹmba nị; agụvị avọọ, sị ẹ va vị ọgụ avaba ịrẹyọyẹ anị kẹ? Dị ọnị ve rè e ka ọsọnị bẹẹ rẹ vị osusu. 16Ka isu ana sị ọyẹrẹyị ọnị ọọ̄ sị ọnụra nị òo nee kù chee dị ayị ẹnịnị hi. 17Avọọ ẹhẹ ọnọnị ộ nyị ọnị ịhyẹrẹ agụvị ka ọnị oo re avaba ịsị aa mẹ ịnị ẹhẹ, ẹngụkata kẹnẹ ẹ kụ tu ọnị nị. Avaba anị vị osusu, vị ọza aa dụ ahị kẹnẹ nị. 18Ọ kà avaba ịsị ọnị ọnị mẹ ịnị ẹhẹ dị ọnị e yi nyị eyi tụ́ ụhwọ́ ộ nyị ọnị ịhyẹrẹ. Agụvị ka ọnị vaa para wa hu tịtẹ yị anịrẹma anaa vẹ nị. 19Ẹnẹ yẹ ọza ana vẹ ọ̀ọ vaa yẹ ịrẹyị à vị onututu ọ vaa vị nị? Ọza tụra ọza ọnị ọ̀ọ na vị, ọnị ọ vaa mẹ ọda tụra avaba ịsa ọnị ọnị ka ẹhị mi tụra ịrẹsụ beri ịrẹyọyẹ anị ọnị ọnị sị mẹ. Dị ọnị ka ọsọnị bẹẹ rẹ vị osusu. 20Agụvị avọọ dị ọnị aa sụ ụmayịyẹ tụ ịrẹsụ avaba ụkọrọ ọnị ọnị sị ẹhị ẹngụ anị mẹ dị ọnị ẹ yị nyị eyi tụ́ ụhwọ́ ịnị ẹhẹ nị. 21Ọza ọ zụ sị ịrẹyọyẹ ọnịrị ọbọ mẹ avaba ụkọrọ anị, dị ọ vị vaa para avaba ịsị ọ nyị hu. Dị ahịka ọza ẹnẹẹ yị yẹ ọ mẹmẹ wa ọ vaa sịị mẹ ẹhẹ nị. Ọsọnị ọnị rẹ vị osusu, dị ọ rẹ vị ịrẹyị odivi ọbanyị ọnya nị. 22Ọ kà, ọgụ sị ọza vana vaa rị ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́ ịnị ẹhẹ da? Ọgụ sị ọza aa rị ịnị avaba ịsị ọza maanị aa mẹ akanya anị kẹ? 23#Ijov 5.7; 14.1Ọ ka ụkọrọ ọnị ọza sị avaba ẹhẹ anị mẹ vị ẹngụkata ọnịrị ayodu yọ. Ịrahụ bẹẹ ẹ yị zụ sụ̀ ara, ọsọnị rẹ vị osusu. 24#Ọzw 3.13; 5.18; 9.7; Ayị 56.12; Irk 12.19; 1 Ịkọ 15.32Sị ọza kụkụ vaa mẹ huni ka ọọ rị, dị òo hú, di òo hine ẹngụ anị ịnị ẹhẹ, dịị ịsị ọza aa mẹ, ọ̀ mẹẹ hine ẹngụ anị ẹtẹẹtẹrẹ. Dị ọnị re ve ree ka Ohomorihi kẹnẹ ọọ mẹ ọsọnị yị ọza nị; 25ka ẹ̀ yị vị Ohomorihi, ene zụ re ịsa rị avị ene zụ hine ẹngụ anị ayị? 26#Ijov 32.8; Ụhị 2.6Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.
Ebira First Bible © Bible Society of Nigeria, 2014.