Ịrẹyị Ọzwọzịsa 3
3
Ịsa ọzọza ọọ nyị ụmẹ Anị
1Avaba ịsavị-ịsavị ene hi ịnị ẹhẹ ọnọnị ọ nyị ụmẹ anị. Ịrẹyị ọzọza ọ nyị ụmẹ anị.
2Aa nyị ụmẹ ọnị aa sịị ma ọza vẹ ịnị ẹhẹ, dị ọ nyị ụmẹ ọnị ọza sii su nị.
Aa nyị ụmẹ ene e sii chire ịsa, dị a nyị ụmẹ ana a sịị há a nị.
3Aa nyị ụmẹ ana a sịị wụ̀ ọza, dị a nyị ụmẹ ana a sịị mẹ ọza ụkụ nị.
Aa nyị ụmẹ ene e sii wú irehi hi ẹtẹ, dị a nyị ụmẹ ana a sịị tenyi ọ tụra nị.
4Aa nyị ụmẹ ene e sịị sụ ùnè, dị a nyị ụmẹ ene e sii nyinyi nị.
Aa nyị ụmẹ ana a sịị và ẹngụ hi, dị a nyị ụmẹ ana a sịị nyị ẹzẹ nị.
5Aa nyị ụmẹ ọnị ọnọrụ ọnịrị ọnẹẹ sịị sì ẹngụ, dị a nyị ụmẹ ọnị ẹ sịị kana yị ẹngụ nị.
Aa nyị ụmẹ ana a sịị za ẹngụ ku ayị, dị a nyị ụmẹ ana a sịị ha ẹngụ hi nị.
6Aa nyị ụmẹ ene e sii hèe ịsa, dị a nyị ụmẹ ọnị ịsa sii vu nị.
Aa nyị ụmẹ ana a sịị sị ịsa tẹ, dị a nyị ụmẹ ene e sii ne ịsaa ta nị.
7Aa nyị ụmẹ ana a sịị na ịsa, dị a nyị ụmẹ ana a sịị gẹ ịsa nị.
Aa nyị ụmẹ ana a sịị sị irenu kwoku, dị a nyị ụmẹ ana sịị kà ịrẹyị nị.
8Aa nyị ụmẹ ene e sii sì ịrẹyị ọza, dị a nyị ụmẹ ana a sịị nyị ịhyẹrẹ ọza nị.
Aa nyị ụmẹ ịrẹkụ, dị a nyị ụmẹ ẹngwọọrọ nị.
Amẹrị ana ya ịnị ẹhẹ
9Ọgụ sị ọza vị ana vaa rị ịnị avaba ụkọrọ anaa mẹ dị ẹ̀ yị nyị eyi tụ́ ụhwọ́ kẹ? 10Ọ kà ọnị ọ sị yẹ ka ẹnya ọrata kẹnẹ Ohomorihi kune tụra ẹyị ọza nị. 11Ohomorihi ọ raa mẹ avaba ịsa ka ẹ̀ vị ọyịza-ọyịza ịnị ụmẹ ọnị ọ jị yị wa. Dị ọ rẹ raa mẹ ka aza èe ro ịrẹyị ẹkụhị ọnị ọza ẹ yị yẹ za ịrịka nị. Ama ẹ yị nyị ọza ana va zụ yẹ ịsa ọnị Ohomorihi mẹ hụụnị oyinyima na ngụ ẹzẹtẹ. 12Ọnị ọ sị yẹ ka ẹ yị nyị ịsị ẹyị ọza nyẹngụ mẹ huni ka, yaa yị yà ịnị ụhwẹ, yaa jẹ dị yaa mẹ ọyịza. 13Ọzwọzịsa ka, ẹyịza Ohomorihi kẹnẹ ọọ mẹ ka ọza ọ̀ zụ re ịsa rị, dị oo hu, dị ọ zụ nyị ayohine tụ ịnị ụkọrọ anaa mẹ dị ẹ yị nyị eyi tụ́ ụhwọ́ nị. 14Ọ kà ọnị ọ yẹ́ ka ịsị Ohomorihi ọ̀ọ mẹ vị ana vaa jẹẹ pooro. Ọza ọ yị zụ dà tụ ọ, dị ọza ẹ yị rẹ zụ dà hụụnị anị nị. Ohomorihi ọọ vavọọ mẹ agụvị dị aza ee hí angwa anị. 15Ẹ yị nyị ịsị ẹ̀ vaa mẹ ẹnẹ ẹ̀ yị vị dị mẹ da ịnị ẹhẹ ọnọnị. Ịsị ẹ vịdị mẹ tụ ịrẹma Ẹnẹyịmavara hị́ varẹma vẹ nị. 16Ọzwọzịsa ọnọnị ka ọnị o re ré ịsa ọnya ịnị ẹhẹ ọnọnị ka ịzị a vọrọ ka à yaa mẹ ịzẹyịza ọnịrị ịsa ana vọrọ hị́ aza, vị ana yà aa chamayị yị ẹngụ. 17Ọ kà dị ọnị kà a yị ẹngụ anị ka Ohomorihi vaa mẹ̀ ọkarẹyị avaba ịsa ọzọza aa mẹ, ọ̀ọ vị ọyịza, ọ̀ọ vị odivi ịjị ụmẹ anị oo tu. 18Dị ọnị rẹ kà a yị ẹngụ anị ka Ohomorihi vị ana aa zama ẹyị ọzaa re ka ọnị ọ̀ sị zụ yị ka vị ị sị mẹẹ anka ịsụpa avọọ nị. 19Ọ kà ịsị ọnyọọnya o vee tu ọza ọnịrị ịsụpa. Ọnya mee su, avọọ ọ sa me vee su nị. Ụhwẹ ọnyọọnya ẹnị ẹyịva aa tụ nị, ọza ẹ yị dahi huni ịsụpa. Avaba anị vị osusu. 20Ọza ọnịrị ịsụpa vị ana vaa và nọ ịnị eteesu ọnyọọnya ẹnẹ hụrẹ vẹ. 21Ẹnẹ ka ọnị ọọ yẹ, aa vị ụhwẹ ọza vaa và hịrẹ nọ ẹbẹẹba, dị ụhwẹ ịsụpa ọnị aa vàa chi nọ ịnị eteesu nị? 22Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.
Currently Selected:
Ịrẹyị Ọzwọzịsa 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrẹyị Ọzwọzịsa 3
3
Ịsa ọzọza ọọ nyị ụmẹ Anị
1Avaba ịsavị-ịsavị ene hi ịnị ẹhẹ ọnọnị ọ nyị ụmẹ anị. Ịrẹyị ọzọza ọ nyị ụmẹ anị.
2Aa nyị ụmẹ ọnị aa sịị ma ọza vẹ ịnị ẹhẹ, dị ọ nyị ụmẹ ọnị ọza sii su nị.
Aa nyị ụmẹ ene e sii chire ịsa, dị a nyị ụmẹ ana a sịị há a nị.
3Aa nyị ụmẹ ana a sịị wụ̀ ọza, dị a nyị ụmẹ ana a sịị mẹ ọza ụkụ nị.
Aa nyị ụmẹ ene e sii wú irehi hi ẹtẹ, dị a nyị ụmẹ ana a sịị tenyi ọ tụra nị.
4Aa nyị ụmẹ ene e sịị sụ ùnè, dị a nyị ụmẹ ene e sii nyinyi nị.
Aa nyị ụmẹ ana a sịị và ẹngụ hi, dị a nyị ụmẹ ana a sịị nyị ẹzẹ nị.
5Aa nyị ụmẹ ọnị ọnọrụ ọnịrị ọnẹẹ sịị sì ẹngụ, dị a nyị ụmẹ ọnị ẹ sịị kana yị ẹngụ nị.
Aa nyị ụmẹ ana a sịị za ẹngụ ku ayị, dị a nyị ụmẹ ana a sịị ha ẹngụ hi nị.
6Aa nyị ụmẹ ene e sii hèe ịsa, dị a nyị ụmẹ ọnị ịsa sii vu nị.
Aa nyị ụmẹ ana a sịị sị ịsa tẹ, dị a nyị ụmẹ ene e sii ne ịsaa ta nị.
7Aa nyị ụmẹ ana a sịị na ịsa, dị a nyị ụmẹ ana a sịị gẹ ịsa nị.
Aa nyị ụmẹ ana a sịị sị irenu kwoku, dị a nyị ụmẹ ana sịị kà ịrẹyị nị.
8Aa nyị ụmẹ ene e sii sì ịrẹyị ọza, dị a nyị ụmẹ ana a sịị nyị ịhyẹrẹ ọza nị.
Aa nyị ụmẹ ịrẹkụ, dị a nyị ụmẹ ẹngwọọrọ nị.
Amẹrị ana ya ịnị ẹhẹ
9Ọgụ sị ọza vị ana vaa rị ịnị avaba ụkọrọ anaa mẹ dị ẹ̀ yị nyị eyi tụ́ ụhwọ́ kẹ? 10Ọ kà ọnị ọ sị yẹ ka ẹnya ọrata kẹnẹ Ohomorihi kune tụra ẹyị ọza nị. 11Ohomorihi ọ raa mẹ avaba ịsa ka ẹ̀ vị ọyịza-ọyịza ịnị ụmẹ ọnị ọ jị yị wa. Dị ọ rẹ raa mẹ ka aza èe ro ịrẹyị ẹkụhị ọnị ọza ẹ yị yẹ za ịrịka nị. Ama ẹ yị nyị ọza ana va zụ yẹ ịsa ọnị Ohomorihi mẹ hụụnị oyinyima na ngụ ẹzẹtẹ. 12Ọnị ọ sị yẹ ka ẹ yị nyị ịsị ẹyị ọza nyẹngụ mẹ huni ka, yaa yị yà ịnị ụhwẹ, yaa jẹ dị yaa mẹ ọyịza. 13Ọzwọzịsa ka, ẹyịza Ohomorihi kẹnẹ ọọ mẹ ka ọza ọ̀ zụ re ịsa rị, dị oo hu, dị ọ zụ nyị ayohine tụ ịnị ụkọrọ anaa mẹ dị ẹ yị nyị eyi tụ́ ụhwọ́ nị. 14Ọ kà ọnị ọ yẹ́ ka ịsị Ohomorihi ọ̀ọ mẹ vị ana vaa jẹẹ pooro. Ọza ọ yị zụ dà tụ ọ, dị ọza ẹ yị rẹ zụ dà hụụnị anị nị. Ohomorihi ọọ vavọọ mẹ agụvị dị aza ee hí angwa anị. 15Ẹ yị nyị ịsị ẹ̀ vaa mẹ ẹnẹ ẹ̀ yị vị dị mẹ da ịnị ẹhẹ ọnọnị. Ịsị ẹ vịdị mẹ tụ ịrẹma Ẹnẹyịmavara hị́ varẹma vẹ nị. 16Ọzwọzịsa ọnọnị ka ọnị o re ré ịsa ọnya ịnị ẹhẹ ọnọnị ka ịzị a vọrọ ka à yaa mẹ ịzẹyịza ọnịrị ịsa ana vọrọ hị́ aza, vị ana yà aa chamayị yị ẹngụ. 17Ọ kà dị ọnị kà a yị ẹngụ anị ka Ohomorihi vaa mẹ̀ ọkarẹyị avaba ịsa ọzọza aa mẹ, ọ̀ọ vị ọyịza, ọ̀ọ vị odivi ịjị ụmẹ anị oo tu. 18Dị ọnị rẹ kà a yị ẹngụ anị ka Ohomorihi vị ana aa zama ẹyị ọzaa re ka ọnị ọ̀ sị zụ yị ka vị ị sị mẹẹ anka ịsụpa avọọ nị. 19Ọ kà ịsị ọnyọọnya o vee tu ọza ọnịrị ịsụpa. Ọnya mee su, avọọ ọ sa me vee su nị. Ụhwẹ ọnyọọnya ẹnị ẹyịva aa tụ nị, ọza ẹ yị dahi huni ịsụpa. Avaba anị vị osusu. 20Ọza ọnịrị ịsụpa vị ana vaa và nọ ịnị eteesu ọnyọọnya ẹnẹ hụrẹ vẹ. 21Ẹnẹ ka ọnị ọọ yẹ, aa vị ụhwẹ ọza vaa và hịrẹ nọ ẹbẹẹba, dị ụhwẹ ịsụpa ọnị aa vàa chi nọ ịnị eteesu nị? 22Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.
Ebira First Bible © Bible Society of Nigeria, 2014.