Ịrẹyị Ọzwọzịsa 1
1
Ẹhẹ vị osusu
1Â nyị ọnọrụ ọnya aanị ana vị ọzwọzịsa, ozi Idevidi ọ vị nị, dị ọ vị ohinọyị tụ Ijerusarẹmị nị. Ọnị ọ kà ịrẹyị ẹnẹnị nị. Ọ kà, 2O! ẹ yị nyị ịsị ẹhẹ ọnọnị vị ọ. Ọzwọzịsa ka, avaba ẹhẹ vị osusu bemi-bemi. 3Ọ kà, ọgụ sị ọza vanaa rị ịnị avaba ụkọrọ ọnị ọzaa mẹ dị eyi anị ee vị tụ ọ? Ọgụ sị ọzaa rị ịnị avaba ịsa ọzaa mẹ ịnị ẹhẹ dị ẹ yị nyị eyi tụ́ ụhwọ́ kẹ? 4Aza maa vẹ ẹhẹ, avọọ aza mee sú nị, ama ẹhẹ ẹ yị vị vara. 5Ọyị ọọ kwẹẹtẹ dị ọ rẹ na ngụ ẹtẹ, dị ọ sị eyiha-eyiha varẹma na ngụ ịzị ọ kwẹẹtẹ hụrẹ. 6Ahị ọọ tụ́ vachi vahịrẹ, dị o jesi kara ẹtẹ varẹma na ngụ udi anị. 7Avaba okuha oō si na ngụ ịnị oku nị ama oku ẹ yị me hí. Ịzị okuha nịnị sì hụrẹ e reē sìi varẹma na ngụ nị. 8Ẹhẹ ọ sị du ọza eyi, irenu ẹ yị zụ ka a. Eyi ọza e yi re ẹtẹ pooro di ọ̀ ka a ka ọ sị ọnị tụ. Ọza ẹ yị wụ́ ịrẹyị pooro dị ọ̀ ka a ka ụtọ anị o sị hí. 9Ịsa anaa mẹ booro aanị ọ vịdị sị mẹ da. Ịsị ana mẹ booro aanị, á rẹ vanaa mẹ nị. Ẹ yị nyị ịsị ẹ vị ọwọọwa ịnị ẹhẹ ọnọnị. 10Áá nyị ịsị ọza zụ ka a ka è re ka ọsọnị vị ọwọọwa kẹ? Ịsị yee re ọ yaanị, aa vịdị sị o re da dị a vaa yẹ ka aa ma ayị. 11Ọza ẹ ma zụ tamayị avaba ịsị ana mẹ ịyẹẹyẹ, avọọ aza anaa tụra ayịị vẹ ẹnị ẹ̀ yị mẹ rẹ va zụụ tamayị avaba ịsị ọnị yaa mẹ ụhwọọ nị.
Ịrẹyọyẹ ọza vị osusu
12Ọ kà ọnị ọzwọzịsa ộ vị ohinọyị Anisirẹrị, dị ọnị ya Ijerusarẹmị nị. 13Ọnị ộ sị ụmẹ tịtẹ ọyịkọsẹ ịrẹyọyẹ, dị ọnị sị ịrẹyọyẹ zama avaba ịsị azaa mẹ ịnị ẹhẹ re nị. Dị ọnị ne tu ka ụya kẹnẹ Ohomorihi kụ aza hi ịnị anị ịnị ẹhẹ nị. 14Ọ kà ọnị o si o re ka avaba ịsị aza ana aa mẹ ịnị ẹhẹ ọnọnị vị osusu. Vị ọ sị mẹẹ anka ọza òo rere aa dụ ahị avọọ nị. 15Ịsa ana sị rara ọza ẹ ị kụkụ zụ vọrọ ọ, ịsa ẹnẹ ẹ̀ yị yà ịzọọ ọza ẹ ị kụkụ zụ za ịrịka. 16#1 Ohi 4.29-31Dị ọnị va ka ẹ yị ẹngụ anị ka, ọnị ọ sị vịra dị ọnị nyị ịrẹyọyẹ huna avaba ohinọyị ana rị tụ Ijerusarẹmị dị ọnị va rị nị. Ọnị o ree re ịsị aa hị́ ịrẹyọyẹ, dị ọnị rẹ yẹ ịsa ọrụrụ-ọrụrụ nị. 17Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị. 18Ka ịjị ọza aa yẹ ịrẹyị hu avọọ, dị ayodu anị aa banyị hu avọọ nị. Ọza aa yẹ ịsaa hu avọọ vị ọọ mẹ ka ịrẹyị ọọ zị ọ ẹngụ nị.
Currently Selected:
Ịrẹyị Ọzwọzịsa 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrẹyị Ọzwọzịsa 1
1
Ẹhẹ vị osusu
1Â nyị ọnọrụ ọnya aanị ana vị ọzwọzịsa, ozi Idevidi ọ vị nị, dị ọ vị ohinọyị tụ Ijerusarẹmị nị. Ọnị ọ kà ịrẹyị ẹnẹnị nị. Ọ kà, 2O! ẹ yị nyị ịsị ẹhẹ ọnọnị vị ọ. Ọzwọzịsa ka, avaba ẹhẹ vị osusu bemi-bemi. 3Ọ kà, ọgụ sị ọza vanaa rị ịnị avaba ụkọrọ ọnị ọzaa mẹ dị eyi anị ee vị tụ ọ? Ọgụ sị ọzaa rị ịnị avaba ịsa ọzaa mẹ ịnị ẹhẹ dị ẹ yị nyị eyi tụ́ ụhwọ́ kẹ? 4Aza maa vẹ ẹhẹ, avọọ aza mee sú nị, ama ẹhẹ ẹ yị vị vara. 5Ọyị ọọ kwẹẹtẹ dị ọ rẹ na ngụ ẹtẹ, dị ọ sị eyiha-eyiha varẹma na ngụ ịzị ọ kwẹẹtẹ hụrẹ. 6Ahị ọọ tụ́ vachi vahịrẹ, dị o jesi kara ẹtẹ varẹma na ngụ udi anị. 7Avaba okuha oō si na ngụ ịnị oku nị ama oku ẹ yị me hí. Ịzị okuha nịnị sì hụrẹ e reē sìi varẹma na ngụ nị. 8Ẹhẹ ọ sị du ọza eyi, irenu ẹ yị zụ ka a. Eyi ọza e yi re ẹtẹ pooro di ọ̀ ka a ka ọ sị ọnị tụ. Ọza ẹ yị wụ́ ịrẹyị pooro dị ọ̀ ka a ka ụtọ anị o sị hí. 9Ịsa anaa mẹ booro aanị ọ vịdị sị mẹ da. Ịsị ana mẹ booro aanị, á rẹ vanaa mẹ nị. Ẹ yị nyị ịsị ẹ vị ọwọọwa ịnị ẹhẹ ọnọnị. 10Áá nyị ịsị ọza zụ ka a ka è re ka ọsọnị vị ọwọọwa kẹ? Ịsị yee re ọ yaanị, aa vịdị sị o re da dị a vaa yẹ ka aa ma ayị. 11Ọza ẹ ma zụ tamayị avaba ịsị ana mẹ ịyẹẹyẹ, avọọ aza anaa tụra ayịị vẹ ẹnị ẹ̀ yị mẹ rẹ va zụụ tamayị avaba ịsị ọnị yaa mẹ ụhwọọ nị.
Ịrẹyọyẹ ọza vị osusu
12Ọ kà ọnị ọzwọzịsa ộ vị ohinọyị Anisirẹrị, dị ọnị ya Ijerusarẹmị nị. 13Ọnị ộ sị ụmẹ tịtẹ ọyịkọsẹ ịrẹyọyẹ, dị ọnị sị ịrẹyọyẹ zama avaba ịsị azaa mẹ ịnị ẹhẹ re nị. Dị ọnị ne tu ka ụya kẹnẹ Ohomorihi kụ aza hi ịnị anị ịnị ẹhẹ nị. 14Ọ kà ọnị o si o re ka avaba ịsị aza ana aa mẹ ịnị ẹhẹ ọnọnị vị osusu. Vị ọ sị mẹẹ anka ọza òo rere aa dụ ahị avọọ nị. 15Ịsa ana sị rara ọza ẹ ị kụkụ zụ vọrọ ọ, ịsa ẹnẹ ẹ̀ yị yà ịzọọ ọza ẹ ị kụkụ zụ za ịrịka. 16#1 Ohi 4.29-31Dị ọnị va ka ẹ yị ẹngụ anị ka, ọnị ọ sị vịra dị ọnị nyị ịrẹyọyẹ huna avaba ohinọyị ana rị tụ Ijerusarẹmị dị ọnị va rị nị. Ọnị o ree re ịsị aa hị́ ịrẹyọyẹ, dị ọnị rẹ yẹ ịsa ọrụrụ-ọrụrụ nị. 17Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị. 18Ka ịjị ọza aa yẹ ịrẹyị hu avọọ, dị ayodu anị aa banyị hu avọọ nị. Ọza aa yẹ ịsaa hu avọọ vị ọọ mẹ ka ịrẹyị ọọ zị ọ ẹngụ nị.
Ebira First Bible © Bible Society of Nigeria, 2014.