Ịrẹyị Ọzwọzịsa 11

Ebira ọza ana yẹ ịrẹyị

1Waa mẹ ẹyịza ụmẹzụ-ụmẹzụ, óo kukuku ẹyịza awụ vaa va ụhị vàa ka awụ vẹ. 2Re ka waa gà ẹyịza awụ tu aza ọrụrụ-ọrụrụ agụvị ka we yị yẹ ịrẹyị odivi anaa vẹ ọvịdị. 3Orihi òo ka eyi vị ọọ zụ̀ nị. 4Wàa jẹ ee zi ụmẹ ene zoza hu, ẹ yị yaa nyị ịsị waa mẹ. 5Ohomorihi ọọ mẹ avaba ịsa nị, ọza ẹ yị zụ yẹ iruvo Anị anka ọza ẹ̀ yị mẹ zụ yẹ ụparị ana ahịị vàa tụra à vị ozi mẹ mẹẹ vịra ịnị ịnẹ ọnyẹnẹẹ avọọ. 6Waa sị avaba ụmẹẹ chire ịsa irenyi-irenyi agụvị ka wẹ yị yẹ ana vaa mẹ. Wẹ yị yẹ avị avaba anị ọ vaa mẹ ẹtẹẹrẹ nị à vị ẹnyị ọ vaa mẹẹ huna ọsa nị.

Ajuwe ana a sị yị ọpa ezweyi

7Etohweyi oo zoza ọza òo zụ re e. 8Navọ ọpa ẹkụhị ọnị ọza ọ̀ọ nyị ọ̀ yị mẹ ịnị ẹhẹ oo hine ẹngụ anị ayị, ọ̀ọ daka ku orubo pooro. Ama ọ̀ tamayị ka ẹkụhị iswọọza aa vẹ, ọ vaa gọdọ. Avaba ịsị aa vẹ vị osusu kẹnẹ. 9Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi. 10Avọọ, hụụnị ariro, dị asị ụ re du ẹngụ awụ ayị; ka ụmẹ ozweyi ọza ọnịrị ẹnẹnẹ ẹhẹ ọza vị vị osusu kẹnẹ.

Currently Selected:

Ịrẹyị Ọzwọzịsa 11: EBTP

Highlight

Copy

Compare