2 Ohinọyị 24
24
Ijuda ộ nyị ẹbẹẹba ọnịvị ẹnịnị
1 #
Ijer 25.1-38; Ịda 1.1,2 Ịnị ụmẹ ọnị Ijehoyakimi vị ohinọyị, Inebukadineza ohinọyị Ịbabịrọnị ộ kụ́ ịrẹkụ na rị ẹtẹ Ijuda, dị Ijehoyakimi ọnịrị aza anị ya ahụ anị ịrayị ẹẹta dị ọ va mẹ akamawụ hi ọ nị. 2Ẹnẹyịmavara ộ tụ́ isoja Ikaridi, Aramị, Imowabi, ọnịrị Amọnị nịnị ka ẹ kụ́ ịrẹkụ tụ́ Ijuda di e vu wa ẹtẹ anka Ẹnẹyịmavara mẹ vịdị raà tụ́ ọnịsẹ anị ka ọnị va mẹ̀. 3Ẹnẹyịmavara ộ mẹ̀ ọda ka a vavọọ mẹ agụvị dị ọnị ọ kụ́ Anịjuda hụrẹ ọvịdị anị agụvị ebira odivi ọnị ohinọyị Ịmanasẹ raà mẹ̀. 4Ẹnẹyịmavara ộ yị vagu ọ agụvị ka ọ raà wụ̀ aza ẹnị ẹ yị nyị ịsị e mẹ̀ ẹ va ha. Anya aza ẹnẹẹ vi ene hi yị avaba Ijerusarẹmị. 5Avaba ịsa ọnị Ijehoyakimi mẹ̀ vị ana a chẹrẹ tụ́ ini iwe ohinọyị Ijuda nịnị. 6Ijehoyakimi me su, di ozi anị Ijehoyakini rị ohinọyị dọ ọ ịrẹsụ nị. 7Ohinọyị Ijipiti ọnịrị isoja anị nịnị ẹ yị vana jịnẹ hụrẹ ẹkụra tụ́ ẹhẹ agụvị ka ohinọyị Ịbabịrọnị ộ raa dọ ẹtẹ anị hụrị irehu Iyuhwuretisi na ngụ irehu Ijipiti.
Ụmẹ ohinọyị Ijehoyakini
(2 Ịtọ 36.9-10)
8Ijehoyakini vị ịrayị ẹwụrịhịnta dị ọ rị ohinọyị Ijuda, dị ọ ya Ijerusarẹmị mẹ̀ ịjọva anị ụhwẹ ẹẹta. Ịrẹha ọnyị anị ọ rị Inehusita ana vị ozi Erinatani Ijerusarẹmị nị. 9Ộ mẹ̀ ebira odivi anka ada anị mẹ vịdị mẹ̀ eyi Ẹnẹyịmavara 10Ịnị ụmẹ ọnọọ, ezi ahụ Inebukadineza ohinọyị Ịbabịrọnị ệ kụ́ ịrẹkụ ne tù Ijerusarẹmị, dị kara wa hi nị. 11Inebukadineza ohinọyị Ịbabịrọnị ụvọta ộ vẹ ịnị ẹkụra ọnọọ ezi ahụ anị maa kara wa hi. 12#Ijer 22.24-30; 24.1-10; 29.1,2Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị. 13Inebukadineza ộ kụ́ avaba ogu ene hi ini irehi Ẹnẹyịmavara ọnịrị ini irehi ohinọyị. Ộ chaka ẹnya ana a sị igooru mẹ̀ ọnị Isoromọnị ohinọyị Isirẹrị mẹ̀ anka Ẹnẹyịmavara vịdị ka tịtẹ. 14Ộ kụ́ avaba Ijerusarẹmị nọ ẹkụra ọsa. Ộ kụ́ avaba ọdọvịdị nịnị, isoja nini ọnịrị avaba ọnụkọrọ ụvọ nịnị beri anịngẹrẹ nịnị. Avaba aza ọnị ọ kụ vị akawụ-akawụ oze ẹẹhị. Aza ọnị ọ navọ hi ẹtẹ kẹnẹ vị onuruwa nini. 15#Ezk 17.12Inebukadineza ộ za ohinọyị Ijehoyakini ọrịhị nọ Ịbabịrọnị. Ộ kụ́ ọnyị anị, ese anị, ọdọvịdị ẹkụra ọnịrị aza ọkọọka hụrẹ Ijerusarẹmị saasa a. 16Ohinọyị Ịbabịrọnị ộ kụ́ avaba isoja akawụ-akawụ oze ẹẹta tụra akahị ana kata ana hwọ kụ̀ ịrẹkụ ọnịrị anụkọrọ irenyi-irenyi beri Anịngẹrẹ nịnị akahị nọ Ịbabịrọnị. Avaba ẹnịnị ẹ zụ kụ́ ịrẹkụ. 17#Ijer 37.1; Ezk 17.13Inebukadineza ộ mẹ̀ Imataniya ana vị ọyịnyara ada Ijohayakini ohinọyị Ijuda, dị ọ vara ịrẹha anị tụ́ ịnị Ịzẹdẹkaya nị.
Ịzẹdẹkaya ộ vị ohinọyị Ijuda
(2 Ịtọ 36.11-12; Ijer 52.1-3a)
18 #
Ijer 27.1-22; 28.1-17 Ịzẹdẹkaya vị ịrayị ohurọnya ịnị ụmẹ ọnị ọ sị rị ohinọyị. Ộ mẹ̀ ẹ ịrayị ẹẹwụrọnya Ijerusarẹmị. Ịrẹha ọnyị anị ọ rị Ihamutari ozi Ijeremaya. Iribina ọ vị ẹkụra nị. 19Ộ mẹ̀ ebira odivi anka ada anị Ijehoyakimi mẹ vịdị mẹ̀ eyi Ẹnẹyịmavara. 20#Ezk 17.15Ẹnẹyịmavara ô du ayị ẹtẹẹtẹrẹ agụvị avaba ịsa ọnị aza ene hi Ijerusarẹmị ọnịrị Ijuda mẹ̀, dị ọ dụ wa hụrẹ ọvịdị anị nị.
Currently Selected:
2 Ohinọyị 24: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ohinọyị 24
24
Ijuda ộ nyị ẹbẹẹba ọnịvị ẹnịnị
1 #
Ijer 25.1-38; Ịda 1.1,2 Ịnị ụmẹ ọnị Ijehoyakimi vị ohinọyị, Inebukadineza ohinọyị Ịbabịrọnị ộ kụ́ ịrẹkụ na rị ẹtẹ Ijuda, dị Ijehoyakimi ọnịrị aza anị ya ahụ anị ịrayị ẹẹta dị ọ va mẹ akamawụ hi ọ nị. 2Ẹnẹyịmavara ộ tụ́ isoja Ikaridi, Aramị, Imowabi, ọnịrị Amọnị nịnị ka ẹ kụ́ ịrẹkụ tụ́ Ijuda di e vu wa ẹtẹ anka Ẹnẹyịmavara mẹ vịdị raà tụ́ ọnịsẹ anị ka ọnị va mẹ̀. 3Ẹnẹyịmavara ộ mẹ̀ ọda ka a vavọọ mẹ agụvị dị ọnị ọ kụ́ Anịjuda hụrẹ ọvịdị anị agụvị ebira odivi ọnị ohinọyị Ịmanasẹ raà mẹ̀. 4Ẹnẹyịmavara ộ yị vagu ọ agụvị ka ọ raà wụ̀ aza ẹnị ẹ yị nyị ịsị e mẹ̀ ẹ va ha. Anya aza ẹnẹẹ vi ene hi yị avaba Ijerusarẹmị. 5Avaba ịsa ọnị Ijehoyakimi mẹ̀ vị ana a chẹrẹ tụ́ ini iwe ohinọyị Ijuda nịnị. 6Ijehoyakimi me su, di ozi anị Ijehoyakini rị ohinọyị dọ ọ ịrẹsụ nị. 7Ohinọyị Ijipiti ọnịrị isoja anị nịnị ẹ yị vana jịnẹ hụrẹ ẹkụra tụ́ ẹhẹ agụvị ka ohinọyị Ịbabịrọnị ộ raa dọ ẹtẹ anị hụrị irehu Iyuhwuretisi na ngụ irehu Ijipiti.
Ụmẹ ohinọyị Ijehoyakini
(2 Ịtọ 36.9-10)
8Ijehoyakini vị ịrayị ẹwụrịhịnta dị ọ rị ohinọyị Ijuda, dị ọ ya Ijerusarẹmị mẹ̀ ịjọva anị ụhwẹ ẹẹta. Ịrẹha ọnyị anị ọ rị Inehusita ana vị ozi Erinatani Ijerusarẹmị nị. 9Ộ mẹ̀ ebira odivi anka ada anị mẹ vịdị mẹ̀ eyi Ẹnẹyịmavara 10Ịnị ụmẹ ọnọọ, ezi ahụ Inebukadineza ohinọyị Ịbabịrọnị ệ kụ́ ịrẹkụ ne tù Ijerusarẹmị, dị kara wa hi nị. 11Inebukadineza ohinọyị Ịbabịrọnị ụvọta ộ vẹ ịnị ẹkụra ọnọọ ezi ahụ anị maa kara wa hi. 12#Ijer 22.24-30; 24.1-10; 29.1,2Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị. 13Inebukadineza ộ kụ́ avaba ogu ene hi ini irehi Ẹnẹyịmavara ọnịrị ini irehi ohinọyị. Ộ chaka ẹnya ana a sị igooru mẹ̀ ọnị Isoromọnị ohinọyị Isirẹrị mẹ̀ anka Ẹnẹyịmavara vịdị ka tịtẹ. 14Ộ kụ́ avaba Ijerusarẹmị nọ ẹkụra ọsa. Ộ kụ́ avaba ọdọvịdị nịnị, isoja nini ọnịrị avaba ọnụkọrọ ụvọ nịnị beri anịngẹrẹ nịnị. Avaba aza ọnị ọ kụ vị akawụ-akawụ oze ẹẹhị. Aza ọnị ọ navọ hi ẹtẹ kẹnẹ vị onuruwa nini. 15#Ezk 17.12Inebukadineza ộ za ohinọyị Ijehoyakini ọrịhị nọ Ịbabịrọnị. Ộ kụ́ ọnyị anị, ese anị, ọdọvịdị ẹkụra ọnịrị aza ọkọọka hụrẹ Ijerusarẹmị saasa a. 16Ohinọyị Ịbabịrọnị ộ kụ́ avaba isoja akawụ-akawụ oze ẹẹta tụra akahị ana kata ana hwọ kụ̀ ịrẹkụ ọnịrị anụkọrọ irenyi-irenyi beri Anịngẹrẹ nịnị akahị nọ Ịbabịrọnị. Avaba ẹnịnị ẹ zụ kụ́ ịrẹkụ. 17#Ijer 37.1; Ezk 17.13Inebukadineza ộ mẹ̀ Imataniya ana vị ọyịnyara ada Ijohayakini ohinọyị Ijuda, dị ọ vara ịrẹha anị tụ́ ịnị Ịzẹdẹkaya nị.
Ịzẹdẹkaya ộ vị ohinọyị Ijuda
(2 Ịtọ 36.11-12; Ijer 52.1-3a)
18 #
Ijer 27.1-22; 28.1-17 Ịzẹdẹkaya vị ịrayị ohurọnya ịnị ụmẹ ọnị ọ sị rị ohinọyị. Ộ mẹ̀ ẹ ịrayị ẹẹwụrọnya Ijerusarẹmị. Ịrẹha ọnyị anị ọ rị Ihamutari ozi Ijeremaya. Iribina ọ vị ẹkụra nị. 19Ộ mẹ̀ ebira odivi anka ada anị Ijehoyakimi mẹ vịdị mẹ̀ eyi Ẹnẹyịmavara. 20#Ezk 17.15Ẹnẹyịmavara ô du ayị ẹtẹẹtẹrẹ agụvị avaba ịsa ọnị aza ene hi Ijerusarẹmị ọnịrị Ijuda mẹ̀, dị ọ dụ wa hụrẹ ọvịdị anị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.