2 Ohinọyị 23
23
Ijosaya ộ kụ́ ahẹkẹ ori hụrẹ ẹtẹ Isirẹrị
(2 Ịtọ 34.3-7,29-33)
1Ohinọyị Ijosaya ộ hị́ avaba ọzọkụ ene hi Ijuda ọnịrị Ijerusarẹmị nịnị gụ. 2Dị ohinọyị ọnịrị avaba aza ene hi Ijuda ọnịrị Ijerusarẹmị beri ohirẹsụ irehi Ohomorihi nịnị na vaka ọnịsẹ nịnị dudu nọ ịnị irehi Ẹnẹyịmavara nị. Avaba aza ẹ saasa nọ nị, hi ọza ọbanyị ọnịrị onosiye nịnị. Ịjị ẹ sị gụ, dị ohinọyị za avaba iwe oto ene hee ịnị irehi Ẹnẹyịmavara aanị ịrịka boro-boro zụ̀ wa, dị ọzọza wụ́ nị. 3Ohinọyị ộ jẹẹ pe ọhẹ, di o tenyi eku hị́ ọvịdị Ẹnẹyịmavara kà ọnị vaa sị avaba ayị ọnịrị ivehu anị saasa a ọnịrị avaba ọda anị. Ọnị vaa mẹ avaba ịrẹyị ana chẹrẹ tụ ịnị iwe oto ọnọọ. Dị avaba aza ene hi ịzọọ hị́ eku ka ẹnị rẹ vavọọ vaa saasa a.
Ijosaya ộ saasa ọda Ohomorihi
(2 Ịtọ 34.3-7)
4 #
2 Ohi 21.3; 2 Ịtọ 33.3 Ohinọyị ộ mẹ̀ ọda yị Ihirikaya ọnịrị ohirẹsụ irehi Ohomorihi nịnị anaā gụ ọ ụvọ beri ẹnị oserẹtẹ ana ya oze ụkọrọ ka ẹ kụ́ avaba ẹnya ori Ịbaarị, Asẹra ọnịrị ụzọmị hụụnị irehi Ẹnẹyịmavara. Dị ohinọyị rị wa ịra Ikidironi, dị a kụ́ atịtọ anị nọ Ịbẹtẹrị nị. 5Dị ọ dụ ọnụtụ ori nini ọnị ohinọyị nyị ka ẹẹ mẹ̀ ịsọvọ aha ori ịrẹsụ ataba irenyi-irenyi ini avaba ẹkụra ene hi Ijuda ọnịrị ẹnị ene hi Ijerusarẹmị ana aa rị eturare ịra hi Ịbaarị, ọyị, ọnịrị ne beri ụzọmị nịnị. 6Dị ọ sị ọchị uyi ori Asẹra hụụnị irehi Ẹnẹyịmavara Ohomorihi na ngụ Ikidironi ịrẹma Ijerusarẹmị, dị ọ rị ọ ịra nị. Dị a kụ̀ ọ anka ayị, dị ọ gara atịtọ anị hi ịrẹsụ ukuta aza kẹnẹ ene hi ịzọọ. 7Dị ọ chaka irehi ana kụ́ ọsẹrẹka anọrụ ọnịrị anyẹnẹẹ ana sẹ̀ ịrẹka ini irehi ori Asẹra hi ini irehi Ẹnẹyịmavara Ohomorihi. Anẹẹ ẹnẹẹ eē hí ịta ana aā sị hẹkẹ ori ọnọọ nị. 8Ijosaya ộ hị́ avaba ohirẹsụ irehi Ohomorihi nịnị hụrị avaba ẹkụra ana ya Ijuda vẹ Ijerusarẹmị, di o du ụta ịzị ẹẹ̄ rị eturare ịra ẹngụ hụrị Ịgẹba na ngụ Ịbẹẹsẹba. Di o wu irehi ori ẹnịnị ene hi oze ọbanyị-ọbanyị ana na ngụ oze ọbanyị irehi Ijosuwa, Ịgọvọnọ ẹkụra ana ya eyi ụvọha oze ọbanyị ana ngụ ẹkụra. 9Ọza ẹ yị navọ ka ẹnị ohirẹsụ irehi Ohomorihi ẹnẹẹ ẹ nyị tụ́ ịnị ụkọrọ ịnị irehi Ẹnẹyịmavara ana ya Ijerusarẹmị ama ẹnịnị ẹ zụ rị ịsa ohirẹsụ irehi Ohomorihi ẹnẹ ẹ yị nyị owu. 10#Ijer 7.31; 19.1-6; 32.35; Ire 18.21Ohinọyị Ijosaya ô du aha ori ana ya ịnozi Ihinọmị ana aā hị́ Itohwẹtị ẹngụ. Ộ vavọọ mẹ̀ agụvị asị ọza kụkụ sị ozi ọnọrụ a vị ọnẹẹ anị na mẹ̀ ịsọvọ anaā rị ịra yị ori Imorẹkị ịzọọ. 11Ộ kụ umaata ọnị ohinọyị Ijuda kụ́ hì ini ohweje irehi Ẹnẹyịmavara ana gụrị oze ọbanyị eyi ịzị irehi Ịnatanị-Ịmẹrẹhị ya. Umaata ẹnịnị vị ọnị kụ́ hi ẹtẹ ka aa sị mẹ̀ ịsọvọ hẹkẹ ọyị. Avọọ ọ mẹ rẹ rị avaba ịkẹkẹ ịrẹkụ ori ẹnẹẹ ịra nị. 12#2 Ohi 21.5; 2 Ịtọ 33.5Ohinọyị Ijosaya ô wu avaba ụta ẹnị ohinọyị Ijuda nịnị vịdị hi tụ ẹbẹẹba ịrẹsụ irehi Ohinọyị Ahazi ne beri ụta ọnị Ohinọyị Ịmanasẹ hi tụ ịnị ohweje ẹẹva ịnị irehi Ẹnẹyịmavara. Avaba ụta ọnị ó wu vị ọnị ọ kụ na va ha ịnozi Ikidironi. 13#1 Ohi 11.7Avọọ Ohinọyị Ijosaya mẹ rẹ du aha ori irenyi-irenyi ọnị Isoromọnị dà hi ịrẹsụ ataba ene hi eyi ịzị ọyịị̄ vẹ Ijerusarẹmị akẹtẹ ataba Orivi. Ịrẹsụ ataba ẹnẹẹ a yaa hẹkẹ Asịtọrẹtị, ori ọnẹẹ Anịsayịdọnị ọnịrị Ichemosi, ori Animowabi ne beri Imorẹkị, ori Anamọnị nịnị. 14Ộ chaka ịrẹta ori Asẹra rugu-rugu, dị ọ ma ọchị ana a sị mẹ uyi anị jẹẹ nị, dị ọ kụ́ ẹchụkụ aza ana wụ̀ ene hi ịzọọ nị. 15#1 Ohi 12.33Ụta ori ana ya Ịbẹtẹrị ọnị Ijerobowami ozi Inebati da tụ́ aha ọnẹba vị ọnị Ijosaya wu va ha. Ori ọnọọ ọ kụ́ Anisirẹrị nịnị na mẹ̀ ebira odivi nị. Ịrẹta ori Asẹra ọnọọ vị ọnị ọ kwọ nyẹrẹ-nyẹrẹ anka edudu avọọ, dị ọ rị ọchị uyi ọnọọ ịra. 16#1 Ohi 13.2Ijosaya mẹẹ kana eyi kara ẹngụ, dị o re ukuta ene hi ịrẹsụ ataba ịzọọ, dị ọ kà a wà ẹchụkụ oku ene ne hi ịzọọ, dị ọ rị wa ịra ịrẹsụ ụta. Avọọ o mee du ọ ẹngụ anka Ẹnẹyịmavara kà yị ọnịsẹ ana vịdị kà a ịnị ụmẹ ọnị Ijerobowami sị jẹẹ akaha ụta ẹkụhị eche. Ohinọyị Ijosaya ô kana eyi, di o re ukuta ọnịsẹ ana vavọọ ka ịsẹ ọnọọ nị. 17#1 Ohi 13.30-32O me re e, dị ọ họ̀ use ka ẹnẹ nyị ukuta ọnọọ nị? Dị anẹkụra ọnọọ kà a yọ ka ukuta ọnịsẹ ana vẹ Ijuda dị ọ kà a ịsị e vee tụ́ Ịbẹtẹrị ọnị ụ va mẹ aanị nị. 18Ijosaya ộ mẹ̀ ọda yị wa ka asị ẹ kanyị ukuta anị. Agụvị avọọ, ọza ẹ yị kanyị ẹchụkụ anị ọnịrị ukuta ọnịsẹ ana vọ ana hụrị Isamariya vẹ. 19Anka ịsị ọ mẹ Ịbẹtẹrị, Ijosaya ộ kụ́ avaba irehi ori ene hi ịrẹsụ ataba ọnị ohinọyị Isirẹrị nịnị da hị́ avaba ẹkụra ene hi ịnị ẹtẹ Ịsamarịya ana raà mẹ ayị kụ́ Ohomorihi. 20Ijosaya ộ wụ̀ avaba ọnụtụ ori ịrẹsụ ụta ẹnịnị, dị ọ rị ẹchụkụ aza ịra tụra wa ịrẹsụ nị. Ịjị ọ sị mẹ ta, dị ọ varẹma vẹ Ijerusarẹmị nị.
Ijosaya ọnịrị Anijuda nịnị ệ rị eche ọyịparahu
(2 Ịtọ 35.1-19)
21Ohinọyị Ijosaya ộ mẹ̀ ọda yị aza ka ẹ rị eche ọyịparahu dị ẹ sị sị ụbanyị yị Ẹnẹyịmavara Ohomorihi ẹnịnị anka a mẹ chẹrẹ tụ́ ịnị iwe oto. 22Ẹ yị nyị eche ọyịparahu ọnị Ohinọyị Isirẹrị ọnịrị Ohinọyị Ijuda ana maanị rị hụụnị ụmẹ ọnị ọdọvịdị nịnị a sị mẹ ịjọva tụra Isirẹrị ịrẹsụ. 23Ịnị ịrayị ana tụ́ ịrayị ẹwụrịhịnta ọnị Ijosaya rị ohinọyị, a va zụ eche ọyịparahu ịnị Ijerusarẹmị nị.
Ịsa ana vọ ọnị Ijosaya mẹ
24Dị a zụ sị ọda ana chẹrẹ tụ ịnị iwe ọnị Ihirikaya ohirẹsụ irehi Ẹnẹyịmavara ọbanyị re mẹ̀ ụkọrọ, Ohinọyị Ijosaya kụ́ ẹnẹbẹ nịnị, ọhẹva nịnị, ọnịrị ori ana dọ tụ ịnị eehi, ori ne beri avaba ịsa enyisi ene hi ini ẹtẹ Ijuda ọnịrị Ijerusarẹmị hụrẹ ẹtẹ nị. 25Ẹ yị vịdị nyị ohinọyị ana ya anka ọnị, dị ẹ rẹ vana nyị ẹngụ anị ịrẹma anị nị. Ộ hẹkẹ Ẹnẹyịmavara, dị ọ sị avaba ayị anị ọnịrị ụhwẹ anị beri ụkata anị saasa ọda Imosiisi nị. 26Ayị Ẹnẹyịmavara vị ana nyayịnẹ du hi Ijuda dị ọ yị va agụvị ebira ọnị Ịmanasẹ mẹ ene dụ ọ ayị. 27Ẹnẹyịmavara kà ọnị vaa mẹ Ijuda ịsị ọnị ọnị mẹ Isirẹrị. Ọ kà ọnị vaa dụ Anịjuda nini hụrẹ ọvịdị anị, dị ọnị yi Ijerusarẹmị ọnị ọnị nyị yị ẹngụ anị ọnịrị irehi anị ịzị ọnị ka aa ya hẹkẹ ọnị.
Ijosaya ô su eyi ịrẹkụ
(2 Ịtọ 35.20—36.1)
28Avaba ịsa ọnị Ohinọyị Ijosaya mẹ vị ana a chẹrẹ tụ́ ịnị iwe ịtọpa ohinọyị Ijuda nịnị. 29Ịnị ụmẹ ọnị Ijosaya sị vị ohinọyị gẹdẹ-gẹdẹ, Ineko Ohinọyị Ijipiti sị kụ́ isoja anị nọ irehu Iyuhwuretisi na gụ Ohinọyị Asiriya ụvọ nị. Ohinọyị Ijosaya ộ sị vụrị ka ọnị ọ za isoja Anijipiti jẹẹ Imegido, dị a wụ̀ ọ eyi ịrẹkụ nị. 30O me wusu, di ezi ahụ anị sị ịkẹkẹ ịrẹkụ sị oku anị varẹma vẹ Ijerusarẹmị ịzị e ne e ịzị eē ne ohinọyị nịnị tụ́. Dị Anijuda nịnị sị ozi anị Ijehowahazi, dị ẹ ka angwẹ hi ọ ịrẹsụ, dị ẹ sị ọ rị ohinọyị tụ́ udi ada anị nị.
Ijowahazi ộ vị ohinọyị Ijuda
(2 Ịtọ 36.2-4)
31Ijowahazi vị ịrayị ohurẹẹta, dị ọ rị ohinọyị Ijuda. Ụhwẹ ẹẹta kẹnẹ ộ rị ohinọyị Ijerusarẹmị di o su nị. Ịrẹha ọnyị anị ọ rị Ihamutari ana vị ozi Ijeremaya ana vị Anẹkụra Iribina nị. 32Ijowahazi vị ana mẹ̀ ebira odivi anka ohiku anị nini, di o du Ẹnẹyịmavara ayị nị. 33Ohinọyị Ineko vana za a, dị ọ jị ọ ẹngwa tụ́ Iribira ịnị ẹtẹ Ihamati, dị ọ mẹ ka Anijuda ẹẹ sị isiriva ikirogirami ọ jị akata ha ịnị akawụ-akawụ oze ẹẹva ọnịrị igooru ikirogirami ohurẹẹwụ tụra ẹẹna vaa yị ọnị. 34#Ijer 22.11,12Ohinọyị Ineko ộ mẹ̀ Eriyakimi ozi Ohinọyị Ijosaya ohinọyị tụ́ udi ada anị, dị ọ vara ịrẹha anị tụ ịnị Ijehoyakimi. Ama dị ọ sị Ijehowahazi na Ijipiti ịzị ọ ne su tụ́ nị. 35Ohinọyị Ijehoyakimi ộ dọ ẹkẹhị irehi hụụnị aza anka ẹnịnị mẹmẹ nyị ẹkẹhị agụvị dị ọ nyẹngụ re ẹhụ ọpa ẹkẹhị ọnị Ineko Ohinọyị Ijipiti da yọ ka o si.
Ijehoyakimi ohinọyị Ijuda
(2 Ịtọ 36.5-8)
36 #
Ijer 22.18,19; 26.1-6; 35.1-19 Ijehoyakimi vị ịrayị ohurẹẹhị dị ọ rị ohinọyị Ijuda, dị ộ mẹ̀ ẹ ịrayị ẹwụrọnya Ijerusarẹmị nị. Ịrẹha ọnyị anị ọ rị Izebuda, ozi Ipedaya ana vị Anẹkụra Iruma. 37Ộ mẹ̀ ebira odivi eyi Ẹnẹyịmavara anka ohiku anị nini mẹ vịdị mẹ̀.
Currently Selected:
2 Ohinọyị 23: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ohinọyị 23
23
Ijosaya ộ kụ́ ahẹkẹ ori hụrẹ ẹtẹ Isirẹrị
(2 Ịtọ 34.3-7,29-33)
1Ohinọyị Ijosaya ộ hị́ avaba ọzọkụ ene hi Ijuda ọnịrị Ijerusarẹmị nịnị gụ. 2Dị ohinọyị ọnịrị avaba aza ene hi Ijuda ọnịrị Ijerusarẹmị beri ohirẹsụ irehi Ohomorihi nịnị na vaka ọnịsẹ nịnị dudu nọ ịnị irehi Ẹnẹyịmavara nị. Avaba aza ẹ saasa nọ nị, hi ọza ọbanyị ọnịrị onosiye nịnị. Ịjị ẹ sị gụ, dị ohinọyị za avaba iwe oto ene hee ịnị irehi Ẹnẹyịmavara aanị ịrịka boro-boro zụ̀ wa, dị ọzọza wụ́ nị. 3Ohinọyị ộ jẹẹ pe ọhẹ, di o tenyi eku hị́ ọvịdị Ẹnẹyịmavara kà ọnị vaa sị avaba ayị ọnịrị ivehu anị saasa a ọnịrị avaba ọda anị. Ọnị vaa mẹ avaba ịrẹyị ana chẹrẹ tụ ịnị iwe oto ọnọọ. Dị avaba aza ene hi ịzọọ hị́ eku ka ẹnị rẹ vavọọ vaa saasa a.
Ijosaya ộ saasa ọda Ohomorihi
(2 Ịtọ 34.3-7)
4 #
2 Ohi 21.3; 2 Ịtọ 33.3 Ohinọyị ộ mẹ̀ ọda yị Ihirikaya ọnịrị ohirẹsụ irehi Ohomorihi nịnị anaā gụ ọ ụvọ beri ẹnị oserẹtẹ ana ya oze ụkọrọ ka ẹ kụ́ avaba ẹnya ori Ịbaarị, Asẹra ọnịrị ụzọmị hụụnị irehi Ẹnẹyịmavara. Dị ohinọyị rị wa ịra Ikidironi, dị a kụ́ atịtọ anị nọ Ịbẹtẹrị nị. 5Dị ọ dụ ọnụtụ ori nini ọnị ohinọyị nyị ka ẹẹ mẹ̀ ịsọvọ aha ori ịrẹsụ ataba irenyi-irenyi ini avaba ẹkụra ene hi Ijuda ọnịrị ẹnị ene hi Ijerusarẹmị ana aa rị eturare ịra hi Ịbaarị, ọyị, ọnịrị ne beri ụzọmị nịnị. 6Dị ọ sị ọchị uyi ori Asẹra hụụnị irehi Ẹnẹyịmavara Ohomorihi na ngụ Ikidironi ịrẹma Ijerusarẹmị, dị ọ rị ọ ịra nị. Dị a kụ̀ ọ anka ayị, dị ọ gara atịtọ anị hi ịrẹsụ ukuta aza kẹnẹ ene hi ịzọọ. 7Dị ọ chaka irehi ana kụ́ ọsẹrẹka anọrụ ọnịrị anyẹnẹẹ ana sẹ̀ ịrẹka ini irehi ori Asẹra hi ini irehi Ẹnẹyịmavara Ohomorihi. Anẹẹ ẹnẹẹ eē hí ịta ana aā sị hẹkẹ ori ọnọọ nị. 8Ijosaya ộ hị́ avaba ohirẹsụ irehi Ohomorihi nịnị hụrị avaba ẹkụra ana ya Ijuda vẹ Ijerusarẹmị, di o du ụta ịzị ẹẹ̄ rị eturare ịra ẹngụ hụrị Ịgẹba na ngụ Ịbẹẹsẹba. Di o wu irehi ori ẹnịnị ene hi oze ọbanyị-ọbanyị ana na ngụ oze ọbanyị irehi Ijosuwa, Ịgọvọnọ ẹkụra ana ya eyi ụvọha oze ọbanyị ana ngụ ẹkụra. 9Ọza ẹ yị navọ ka ẹnị ohirẹsụ irehi Ohomorihi ẹnẹẹ ẹ nyị tụ́ ịnị ụkọrọ ịnị irehi Ẹnẹyịmavara ana ya Ijerusarẹmị ama ẹnịnị ẹ zụ rị ịsa ohirẹsụ irehi Ohomorihi ẹnẹ ẹ yị nyị owu. 10#Ijer 7.31; 19.1-6; 32.35; Ire 18.21Ohinọyị Ijosaya ô du aha ori ana ya ịnozi Ihinọmị ana aā hị́ Itohwẹtị ẹngụ. Ộ vavọọ mẹ̀ agụvị asị ọza kụkụ sị ozi ọnọrụ a vị ọnẹẹ anị na mẹ̀ ịsọvọ anaā rị ịra yị ori Imorẹkị ịzọọ. 11Ộ kụ umaata ọnị ohinọyị Ijuda kụ́ hì ini ohweje irehi Ẹnẹyịmavara ana gụrị oze ọbanyị eyi ịzị irehi Ịnatanị-Ịmẹrẹhị ya. Umaata ẹnịnị vị ọnị kụ́ hi ẹtẹ ka aa sị mẹ̀ ịsọvọ hẹkẹ ọyị. Avọọ ọ mẹ rẹ rị avaba ịkẹkẹ ịrẹkụ ori ẹnẹẹ ịra nị. 12#2 Ohi 21.5; 2 Ịtọ 33.5Ohinọyị Ijosaya ô wu avaba ụta ẹnị ohinọyị Ijuda nịnị vịdị hi tụ ẹbẹẹba ịrẹsụ irehi Ohinọyị Ahazi ne beri ụta ọnị Ohinọyị Ịmanasẹ hi tụ ịnị ohweje ẹẹva ịnị irehi Ẹnẹyịmavara. Avaba ụta ọnị ó wu vị ọnị ọ kụ na va ha ịnozi Ikidironi. 13#1 Ohi 11.7Avọọ Ohinọyị Ijosaya mẹ rẹ du aha ori irenyi-irenyi ọnị Isoromọnị dà hi ịrẹsụ ataba ene hi eyi ịzị ọyịị̄ vẹ Ijerusarẹmị akẹtẹ ataba Orivi. Ịrẹsụ ataba ẹnẹẹ a yaa hẹkẹ Asịtọrẹtị, ori ọnẹẹ Anịsayịdọnị ọnịrị Ichemosi, ori Animowabi ne beri Imorẹkị, ori Anamọnị nịnị. 14Ộ chaka ịrẹta ori Asẹra rugu-rugu, dị ọ ma ọchị ana a sị mẹ uyi anị jẹẹ nị, dị ọ kụ́ ẹchụkụ aza ana wụ̀ ene hi ịzọọ nị. 15#1 Ohi 12.33Ụta ori ana ya Ịbẹtẹrị ọnị Ijerobowami ozi Inebati da tụ́ aha ọnẹba vị ọnị Ijosaya wu va ha. Ori ọnọọ ọ kụ́ Anisirẹrị nịnị na mẹ̀ ebira odivi nị. Ịrẹta ori Asẹra ọnọọ vị ọnị ọ kwọ nyẹrẹ-nyẹrẹ anka edudu avọọ, dị ọ rị ọchị uyi ọnọọ ịra. 16#1 Ohi 13.2Ijosaya mẹẹ kana eyi kara ẹngụ, dị o re ukuta ene hi ịrẹsụ ataba ịzọọ, dị ọ kà a wà ẹchụkụ oku ene ne hi ịzọọ, dị ọ rị wa ịra ịrẹsụ ụta. Avọọ o mee du ọ ẹngụ anka Ẹnẹyịmavara kà yị ọnịsẹ ana vịdị kà a ịnị ụmẹ ọnị Ijerobowami sị jẹẹ akaha ụta ẹkụhị eche. Ohinọyị Ijosaya ô kana eyi, di o re ukuta ọnịsẹ ana vavọọ ka ịsẹ ọnọọ nị. 17#1 Ohi 13.30-32O me re e, dị ọ họ̀ use ka ẹnẹ nyị ukuta ọnọọ nị? Dị anẹkụra ọnọọ kà a yọ ka ukuta ọnịsẹ ana vẹ Ijuda dị ọ kà a ịsị e vee tụ́ Ịbẹtẹrị ọnị ụ va mẹ aanị nị. 18Ijosaya ộ mẹ̀ ọda yị wa ka asị ẹ kanyị ukuta anị. Agụvị avọọ, ọza ẹ yị kanyị ẹchụkụ anị ọnịrị ukuta ọnịsẹ ana vọ ana hụrị Isamariya vẹ. 19Anka ịsị ọ mẹ Ịbẹtẹrị, Ijosaya ộ kụ́ avaba irehi ori ene hi ịrẹsụ ataba ọnị ohinọyị Isirẹrị nịnị da hị́ avaba ẹkụra ene hi ịnị ẹtẹ Ịsamarịya ana raà mẹ ayị kụ́ Ohomorihi. 20Ijosaya ộ wụ̀ avaba ọnụtụ ori ịrẹsụ ụta ẹnịnị, dị ọ rị ẹchụkụ aza ịra tụra wa ịrẹsụ nị. Ịjị ọ sị mẹ ta, dị ọ varẹma vẹ Ijerusarẹmị nị.
Ijosaya ọnịrị Anijuda nịnị ệ rị eche ọyịparahu
(2 Ịtọ 35.1-19)
21Ohinọyị Ijosaya ộ mẹ̀ ọda yị aza ka ẹ rị eche ọyịparahu dị ẹ sị sị ụbanyị yị Ẹnẹyịmavara Ohomorihi ẹnịnị anka a mẹ chẹrẹ tụ́ ịnị iwe oto. 22Ẹ yị nyị eche ọyịparahu ọnị Ohinọyị Isirẹrị ọnịrị Ohinọyị Ijuda ana maanị rị hụụnị ụmẹ ọnị ọdọvịdị nịnị a sị mẹ ịjọva tụra Isirẹrị ịrẹsụ. 23Ịnị ịrayị ana tụ́ ịrayị ẹwụrịhịnta ọnị Ijosaya rị ohinọyị, a va zụ eche ọyịparahu ịnị Ijerusarẹmị nị.
Ịsa ana vọ ọnị Ijosaya mẹ
24Dị a zụ sị ọda ana chẹrẹ tụ ịnị iwe ọnị Ihirikaya ohirẹsụ irehi Ẹnẹyịmavara ọbanyị re mẹ̀ ụkọrọ, Ohinọyị Ijosaya kụ́ ẹnẹbẹ nịnị, ọhẹva nịnị, ọnịrị ori ana dọ tụ ịnị eehi, ori ne beri avaba ịsa enyisi ene hi ini ẹtẹ Ijuda ọnịrị Ijerusarẹmị hụrẹ ẹtẹ nị. 25Ẹ yị vịdị nyị ohinọyị ana ya anka ọnị, dị ẹ rẹ vana nyị ẹngụ anị ịrẹma anị nị. Ộ hẹkẹ Ẹnẹyịmavara, dị ọ sị avaba ayị anị ọnịrị ụhwẹ anị beri ụkata anị saasa ọda Imosiisi nị. 26Ayị Ẹnẹyịmavara vị ana nyayịnẹ du hi Ijuda dị ọ yị va agụvị ebira ọnị Ịmanasẹ mẹ ene dụ ọ ayị. 27Ẹnẹyịmavara kà ọnị vaa mẹ Ijuda ịsị ọnị ọnị mẹ Isirẹrị. Ọ kà ọnị vaa dụ Anịjuda nini hụrẹ ọvịdị anị, dị ọnị yi Ijerusarẹmị ọnị ọnị nyị yị ẹngụ anị ọnịrị irehi anị ịzị ọnị ka aa ya hẹkẹ ọnị.
Ijosaya ô su eyi ịrẹkụ
(2 Ịtọ 35.20—36.1)
28Avaba ịsa ọnị Ohinọyị Ijosaya mẹ vị ana a chẹrẹ tụ́ ịnị iwe ịtọpa ohinọyị Ijuda nịnị. 29Ịnị ụmẹ ọnị Ijosaya sị vị ohinọyị gẹdẹ-gẹdẹ, Ineko Ohinọyị Ijipiti sị kụ́ isoja anị nọ irehu Iyuhwuretisi na gụ Ohinọyị Asiriya ụvọ nị. Ohinọyị Ijosaya ộ sị vụrị ka ọnị ọ za isoja Anijipiti jẹẹ Imegido, dị a wụ̀ ọ eyi ịrẹkụ nị. 30O me wusu, di ezi ahụ anị sị ịkẹkẹ ịrẹkụ sị oku anị varẹma vẹ Ijerusarẹmị ịzị e ne e ịzị eē ne ohinọyị nịnị tụ́. Dị Anijuda nịnị sị ozi anị Ijehowahazi, dị ẹ ka angwẹ hi ọ ịrẹsụ, dị ẹ sị ọ rị ohinọyị tụ́ udi ada anị nị.
Ijowahazi ộ vị ohinọyị Ijuda
(2 Ịtọ 36.2-4)
31Ijowahazi vị ịrayị ohurẹẹta, dị ọ rị ohinọyị Ijuda. Ụhwẹ ẹẹta kẹnẹ ộ rị ohinọyị Ijerusarẹmị di o su nị. Ịrẹha ọnyị anị ọ rị Ihamutari ana vị ozi Ijeremaya ana vị Anẹkụra Iribina nị. 32Ijowahazi vị ana mẹ̀ ebira odivi anka ohiku anị nini, di o du Ẹnẹyịmavara ayị nị. 33Ohinọyị Ineko vana za a, dị ọ jị ọ ẹngwa tụ́ Iribira ịnị ẹtẹ Ihamati, dị ọ mẹ ka Anijuda ẹẹ sị isiriva ikirogirami ọ jị akata ha ịnị akawụ-akawụ oze ẹẹva ọnịrị igooru ikirogirami ohurẹẹwụ tụra ẹẹna vaa yị ọnị. 34#Ijer 22.11,12Ohinọyị Ineko ộ mẹ̀ Eriyakimi ozi Ohinọyị Ijosaya ohinọyị tụ́ udi ada anị, dị ọ vara ịrẹha anị tụ ịnị Ijehoyakimi. Ama dị ọ sị Ijehowahazi na Ijipiti ịzị ọ ne su tụ́ nị. 35Ohinọyị Ijehoyakimi ộ dọ ẹkẹhị irehi hụụnị aza anka ẹnịnị mẹmẹ nyị ẹkẹhị agụvị dị ọ nyẹngụ re ẹhụ ọpa ẹkẹhị ọnị Ineko Ohinọyị Ijipiti da yọ ka o si.
Ijehoyakimi ohinọyị Ijuda
(2 Ịtọ 36.5-8)
36 #
Ijer 22.18,19; 26.1-6; 35.1-19 Ijehoyakimi vị ịrayị ohurẹẹhị dị ọ rị ohinọyị Ijuda, dị ộ mẹ̀ ẹ ịrayị ẹwụrọnya Ijerusarẹmị nị. Ịrẹha ọnyị anị ọ rị Izebuda, ozi Ipedaya ana vị Anẹkụra Iruma. 37Ộ mẹ̀ ebira odivi eyi Ẹnẹyịmavara anka ohiku anị nini mẹ vịdị mẹ̀.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.