2 Ohinọyị 25
25
Ọyị hyẹdụ Ijerusarẹmị
(2 Ịtọ 36.13-21; Ijer 52.3b-11)
1 #
Ijer 21.1-10; 34.1-5; Ezk 24.2 Ịzẹdẹkaya ộ kụ̀ hịrẹ Inebukadineza ohinọyị Ịbabịrọnị. Agụvị avọọ, Inebukadineza kụ́ isoja anị kụ́ ịrẹkụ ne tu Anijerusarẹmị ịnị ẹkụhị ẹẹwụ, ịnị ụhwẹ ẹẹwụ ịnị ịrayị ịhịịna ohinọyị Ịzẹdẹkaya. Ẹnịnị vị ana jị ajẹngụ ẹnịnị tụ́ ịrẹma ẹkụra, dị ẹ̀ kụ́ ezi na hịrẹ ọvọ ẹkụra nị. 2Avọọ ẹnịnị mẹ kụ́ ịrẹkụ ọnọọ ne tu ịrayị ẹẹwụrọnya ọnị Ịzẹdẹkaya sị rị ohinọyị nị. 3Ịnị ẹkụhị ịhịịna ịnị ụhwẹ ọhụna ịnị ịrayị ọnọọ, ụngwẹ odivi vavọọ ngụ ẹkụra, ọnọọ dị aza ẹ yị re ịsa rị nị. 4#Ezk 33.21Dị a chaka ọvọ ana kara ẹkụra, dị isoja nịnị tụ́ jịnẹ hụụnị ịnị ẹkụra ịrahụ. Ẹnịnị vị ana zị oze ịnị ụbazị ohinọyị zị oze ọbanyị ana ya ịnị akakana ọvọ ẹẹva, zwe zi oze eyi Ijodani. Ụmẹ ọnọnị isoja Anibabironi nịnị vị ana yịị kara Ijerusarẹmị. 5Isoja Anibabironi ẹnẹẹ ệ dụ ohinọyị Ịzẹdẹkaya na za ana gụrị Ijeriko. Ụmẹ ọnọọ avaba isoja Ịzẹdẹkaya e kụ́ zwe hụrẹ ẹngụ. 6Dị isoja Anibabironi ẹnẹẹ za ohinọyị Ịzẹdẹkaya na yị ohinọyị Inebukadineza ana ya ẹkụra ana aā hị́ Iribira. Ịzọọ ọ ya kà a ka a na wụ̀ ọ nị. 7#Ezk 12.13Eyi Ịzẹdẹkaya â ya wụ̀ ezi anị, dị Inebukadineza ka a tụ́ ọ eyi, dị a tụ́ ọ ịchẹkẹchẹkẹ, dị a sị ọ nọ́ Ịbabịrọnị nị.
 ahaka irehi Ohomorihi
(Ijer 52.12-23)
8Ịnị ẹkụhị ịhịmba ịnị ụhwẹ ọhụhị ịrayị ẹwụrịhịnna ọnị Inebukadineza rị ohinọyị Ịbabịrọnị, Inebuzaradani ana vị anajuwe anị ọnịrị ohi ịrẹkụ isoja anị ngụ Ijerusarẹmị nị. 9#1 Ohi 9.8Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị. 10Avaba isoja Anikaridi ana ya iruvo ọda ọga isoja ene sere ẹtẹ ẹ chaka ọvọ ana kara Ijerusarẹmị ha nị. 11Di Inebuzaradani ana vi ọdovịdị isoja kụ́ aza ana vọ tụ́ ịnị ẹkụra ne tụ ohinọyị Ịbabịrọnị. Ịnị ẹngụ aza ẹnịnị â nyị anụkọrọ ọnịrị aza ene zwe hụrẹ ẹkụra aa nọ Ịbabịrọnị. 12Ama dị Inebuzaradani navọ onuruwa ẹnyị ẹnẹ ẹ yị nyị ogu ụvọta ẹnịnị ka ẹẹ mẹ̀ ụkọrọ ịnị ụbazị ịvayịnị ọnịrị ịnị aarẹ. 13#1 Ohi 7.15-26; 2 Ịtọ 3.15-17; 1 Ohi 7.23-26; 2 Ịtọ 4.2-5Dị Anibabironi nịnị chaka ọhẹ ana asị enyusẹ ana aā hị́ ibironzi mẹ, ọnịrị ịkẹkẹ ịrẹkụ ana ya ịnị irehi Ẹnẹyịmavara nị. Ệ rẹ chaka uruku enyi ọbanyị ana sị ibironzi mẹ. Dị ẹ kụ́ avaba enyusẹ ẹnẹẹ nọ Ịbabịrọnị nị. 14#1 Ohi 7.45; 2 Ịtọ 4.16Dị ẹ rẹ kụ́ ịchọvịrị ọnịrị ẹnya ana aā sịị kụ́ atịtọ hụrẹ ịrẹsụ ụta ịsọvọ ne beri ẹnya ụkọrọ ene eē sịị tenyi ịrakotupa ọnịrị ẹnya ana aā sị dọ ịsọvọ, ẹnya ana aā sịị rị eturare ịra, beri avaba ẹnya ana vọ ana aā sị mẹ̀ ụkọrọ ịnị irehi Ohomorihi. 15Anibabironi nịnị vị ana kụ́ avaba ẹnya ana a sị igooru ọnịrị isiriva mẹ̀ vaka ẹnya eweyi-eweyi ọnịrị ịpanụ ana aā sịị ka akịna. 16Ẹnya enyusẹ ọnị ohinọyị Isoromọnị raà mẹ̀ tụ́ ịnị irehi Ẹnẹyịmavara ẹ vị ọhẹ ẹẹva, ịkẹkẹ nịnị, ọnịrị uruku enyi ẹbanyị-ẹbanyị ana nyayịnẹ rata ẹtẹẹtẹrẹ. 17Ọhẹ ẹẹva ẹnẹẹ vị ene vene ẹngụ, dị ikonyi ikonya anị nẹba ẹhụ ahụ ohurẹẹwụ tụra ịhịịna. Avaba ojesi kara ohinẹ-ohinẹ vị ana a sị enyusẹ sị tụ́ ẹtụtụ ipomagiranati ana a sị mẹ̀ wa ọvị.
Aa kụ́ aza ene hi Ijuda nọ ẹtẹ Ịbabịrọnị
(Ijer 52.24-27)
18Ịrẹma ịsa ẹnẹnị, Inebuzaradani, ohi ịrẹkụ ộ kụ́ Iseraya, ohirẹsụ ọbanyị irehi Ohomorihi ohirẹsụ, Ịzẹhwanaya ohirẹsụ irehi Ohomorihi ana sị irenu tụra a, ọnịrị aza ọkọọka ẹẹta ịnị irehi Ohomorihi ọrịhị ịrẹkụ nọ Ịbabịrọnị. 19Avọọ ẹ mẹ rẹ za ọga isoja ọnịrị anajuwe ohinọyị ẹẹhị beri atụra ọga isoja ene si eyi pe ẹnya ọnịrị aza ọkọọka ẹbẹẹta. 20Inebuzaradani kụ́ wa ne tu ohinọyị Ịbabịrọnị ana ya ohi-ẹtẹ ẹkụra ana a hị́ Iribira. 21Ohinọyị Ịbabịrọnị ộ mẹ̀ ka a wụ̀ wa Iribira ini ẹtẹ Ihamati. Avọọ a mẹmẹ za aza ọrịhị hụrẹ Ijuda na ngụ ẹkụra ọsa nị.
Igidarịya ộ mẹ̀ Ịgọvọnọ Ijuda
(Ijer 40.7-9; 41.1-3)
22 #
Ijer 40.7-9
Ohinọyị Inebukadineza Ịbabịrọnị ộ mẹ̀ Igidarịya Ịgọvọnọ Ijuda. Igidarịya vị ozi Ahikami, ozi Isahwani nị. Ọnị ọ nyị ka o si eyi pe avaba aza ana vọ tụ́ ẹkụra ọnị ẹ yị nọ Ịbabịrọnị nị. 23Ịjị ọdọvịdị Anịjuda ọnịrị isoja ẹnẹ ẹ yị va ẹnya ịrẹkụ hi ẹtẹ wụ́ ka ohinọyị Ịbabịrọnị ọ raà sị Igidarịya mẹ̀ Ịgọvọnọ, dị ẹnịnị va ụvọ beri ọ Imizipa nị. Ọdọvịdị ẹnẹẹ ẹ vị Isimẹrị ozi Inetanaya, Ijohananị ozi Ikareya, Iseraya ozi Itanihumẹtị hụrẹ ẹkụra Inetohwa, ọnịrị Ijaazanaya ozi Imaaka. 24Igidarịya ộ ka yị wa ka, yị nyị ka ọzọnyịzọnyị o hí angwa ọdọvịdị Anibabironi nịnị. Ọzọza ọ vayị nẹtẹ, dị ọ ra ịzọọ, dị ọ hẹkẹ ohinọyị Ịbabịrọnị. Ẹ yị vaa nyị ịrẹyị. 25#Ijer 41.1-3Ama ịnị ụhwẹ ọhụhị ịrayị ọnọọ, Isimẹrị ozi Inetaniya, ozi Erisama, ana vị ọnya ịnị ovwoovu ohinọyị nọ Imizipa beri anọrụ ẹẹwụ ne tu Igidarịya dị ẹ wụ̀ ọ nị. Dị ọ wụ̀ Anisirẹrị ọnịrị Anibabironi nịnị ana ya pe ịzọọ. 26#Ijer 43.5-7Ịjị ọ maanị sị mẹ̀, dị avaba Anisirẹrị nịnị, hi ọzọbanyị ọnịrị onosiye beri ohi isoja nịnị kụ́ ẹnya, di e zwe nọ Ijipiti agụvị ka angwa Ikaridi nịnị ee hí wa.
 hụrẹ Ijehoyakini ụvọ hụụnị ẹngwa
(Ijer 52.31-34)
27Ịnị Ịrayị ana tụ́ ọ ịrayị ohurẹẹwụ tụra ịhịmba ọnị a sị za Ijehoyakimi ohinọyị Ijuda ọrịhị, Evirimerodaki sị vị ohinọyị Ịbabịrọnị nị. Ịnị ẹkụhị ohurịhịmba ịnị ụhwẹ ẹwụrẹva anị Ijehoyakimi hụrẹ ẹ hụụnị ẹngwa nị. 28Evirimerodaki ộ sị ẹngwọọrọ pe Ijehoyakimi ka ịrẹyị, dị ọ sị ọ tụ́ ode ohinọyị ene huna ohinọyị ana vọ ana ya pe e Ịbabịrọnị nị. 29Evirimerodaki ô sị oze yọ ka ọ ngwa awuru ẹngwa anị tịtẹ, dị ọ kụ́ ẹnya ọsa hi ẹngụ, dị ọọ rị ịsa ịrẹsụ iteburu ohinọyị hụrị ụmẹ avọọ. 30Eyinị-eyinị ohinọyị aa sị sị ẹkẹhị yị Ijehoyakimi pooro dị ọ mẹ̀ ẹhẹ anị nị.
Currently Selected:
2 Ohinọyị 25: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ohinọyị 25
25
Ọyị hyẹdụ Ijerusarẹmị
(2 Ịtọ 36.13-21; Ijer 52.3b-11)
1 #
Ijer 21.1-10; 34.1-5; Ezk 24.2 Ịzẹdẹkaya ộ kụ̀ hịrẹ Inebukadineza ohinọyị Ịbabịrọnị. Agụvị avọọ, Inebukadineza kụ́ isoja anị kụ́ ịrẹkụ ne tu Anijerusarẹmị ịnị ẹkụhị ẹẹwụ, ịnị ụhwẹ ẹẹwụ ịnị ịrayị ịhịịna ohinọyị Ịzẹdẹkaya. Ẹnịnị vị ana jị ajẹngụ ẹnịnị tụ́ ịrẹma ẹkụra, dị ẹ̀ kụ́ ezi na hịrẹ ọvọ ẹkụra nị. 2Avọọ ẹnịnị mẹ kụ́ ịrẹkụ ọnọọ ne tu ịrayị ẹẹwụrọnya ọnị Ịzẹdẹkaya sị rị ohinọyị nị. 3Ịnị ẹkụhị ịhịịna ịnị ụhwẹ ọhụna ịnị ịrayị ọnọọ, ụngwẹ odivi vavọọ ngụ ẹkụra, ọnọọ dị aza ẹ yị re ịsa rị nị. 4#Ezk 33.21Dị a chaka ọvọ ana kara ẹkụra, dị isoja nịnị tụ́ jịnẹ hụụnị ịnị ẹkụra ịrahụ. Ẹnịnị vị ana zị oze ịnị ụbazị ohinọyị zị oze ọbanyị ana ya ịnị akakana ọvọ ẹẹva, zwe zi oze eyi Ijodani. Ụmẹ ọnọnị isoja Anibabironi nịnị vị ana yịị kara Ijerusarẹmị. 5Isoja Anibabironi ẹnẹẹ ệ dụ ohinọyị Ịzẹdẹkaya na za ana gụrị Ijeriko. Ụmẹ ọnọọ avaba isoja Ịzẹdẹkaya e kụ́ zwe hụrẹ ẹngụ. 6Dị isoja Anibabironi ẹnẹẹ za ohinọyị Ịzẹdẹkaya na yị ohinọyị Inebukadineza ana ya ẹkụra ana aā hị́ Iribira. Ịzọọ ọ ya kà a ka a na wụ̀ ọ nị. 7#Ezk 12.13Eyi Ịzẹdẹkaya â ya wụ̀ ezi anị, dị Inebukadineza ka a tụ́ ọ eyi, dị a tụ́ ọ ịchẹkẹchẹkẹ, dị a sị ọ nọ́ Ịbabịrọnị nị.
 ahaka irehi Ohomorihi
(Ijer 52.12-23)
8Ịnị ẹkụhị ịhịmba ịnị ụhwẹ ọhụhị ịrayị ẹwụrịhịnna ọnị Inebukadineza rị ohinọyị Ịbabịrọnị, Inebuzaradani ana vị anajuwe anị ọnịrị ohi ịrẹkụ isoja anị ngụ Ijerusarẹmị nị. 9#1 Ohi 9.8Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị. 10Avaba isoja Anikaridi ana ya iruvo ọda ọga isoja ene sere ẹtẹ ẹ chaka ọvọ ana kara Ijerusarẹmị ha nị. 11Di Inebuzaradani ana vi ọdovịdị isoja kụ́ aza ana vọ tụ́ ịnị ẹkụra ne tụ ohinọyị Ịbabịrọnị. Ịnị ẹngụ aza ẹnịnị â nyị anụkọrọ ọnịrị aza ene zwe hụrẹ ẹkụra aa nọ Ịbabịrọnị. 12Ama dị Inebuzaradani navọ onuruwa ẹnyị ẹnẹ ẹ yị nyị ogu ụvọta ẹnịnị ka ẹẹ mẹ̀ ụkọrọ ịnị ụbazị ịvayịnị ọnịrị ịnị aarẹ. 13#1 Ohi 7.15-26; 2 Ịtọ 3.15-17; 1 Ohi 7.23-26; 2 Ịtọ 4.2-5Dị Anibabironi nịnị chaka ọhẹ ana asị enyusẹ ana aā hị́ ibironzi mẹ, ọnịrị ịkẹkẹ ịrẹkụ ana ya ịnị irehi Ẹnẹyịmavara nị. Ệ rẹ chaka uruku enyi ọbanyị ana sị ibironzi mẹ. Dị ẹ kụ́ avaba enyusẹ ẹnẹẹ nọ Ịbabịrọnị nị. 14#1 Ohi 7.45; 2 Ịtọ 4.16Dị ẹ rẹ kụ́ ịchọvịrị ọnịrị ẹnya ana aā sịị kụ́ atịtọ hụrẹ ịrẹsụ ụta ịsọvọ ne beri ẹnya ụkọrọ ene eē sịị tenyi ịrakotupa ọnịrị ẹnya ana aā sị dọ ịsọvọ, ẹnya ana aā sịị rị eturare ịra, beri avaba ẹnya ana vọ ana aā sị mẹ̀ ụkọrọ ịnị irehi Ohomorihi. 15Anibabironi nịnị vị ana kụ́ avaba ẹnya ana a sị igooru ọnịrị isiriva mẹ̀ vaka ẹnya eweyi-eweyi ọnịrị ịpanụ ana aā sịị ka akịna. 16Ẹnya enyusẹ ọnị ohinọyị Isoromọnị raà mẹ̀ tụ́ ịnị irehi Ẹnẹyịmavara ẹ vị ọhẹ ẹẹva, ịkẹkẹ nịnị, ọnịrị uruku enyi ẹbanyị-ẹbanyị ana nyayịnẹ rata ẹtẹẹtẹrẹ. 17Ọhẹ ẹẹva ẹnẹẹ vị ene vene ẹngụ, dị ikonyi ikonya anị nẹba ẹhụ ahụ ohurẹẹwụ tụra ịhịịna. Avaba ojesi kara ohinẹ-ohinẹ vị ana a sị enyusẹ sị tụ́ ẹtụtụ ipomagiranati ana a sị mẹ̀ wa ọvị.
Aa kụ́ aza ene hi Ijuda nọ ẹtẹ Ịbabịrọnị
(Ijer 52.24-27)
18Ịrẹma ịsa ẹnẹnị, Inebuzaradani, ohi ịrẹkụ ộ kụ́ Iseraya, ohirẹsụ ọbanyị irehi Ohomorihi ohirẹsụ, Ịzẹhwanaya ohirẹsụ irehi Ohomorihi ana sị irenu tụra a, ọnịrị aza ọkọọka ẹẹta ịnị irehi Ohomorihi ọrịhị ịrẹkụ nọ Ịbabịrọnị. 19Avọọ ẹ mẹ rẹ za ọga isoja ọnịrị anajuwe ohinọyị ẹẹhị beri atụra ọga isoja ene si eyi pe ẹnya ọnịrị aza ọkọọka ẹbẹẹta. 20Inebuzaradani kụ́ wa ne tu ohinọyị Ịbabịrọnị ana ya ohi-ẹtẹ ẹkụra ana a hị́ Iribira. 21Ohinọyị Ịbabịrọnị ộ mẹ̀ ka a wụ̀ wa Iribira ini ẹtẹ Ihamati. Avọọ a mẹmẹ za aza ọrịhị hụrẹ Ijuda na ngụ ẹkụra ọsa nị.
Igidarịya ộ mẹ̀ Ịgọvọnọ Ijuda
(Ijer 40.7-9; 41.1-3)
22 #
Ijer 40.7-9
Ohinọyị Inebukadineza Ịbabịrọnị ộ mẹ̀ Igidarịya Ịgọvọnọ Ijuda. Igidarịya vị ozi Ahikami, ozi Isahwani nị. Ọnị ọ nyị ka o si eyi pe avaba aza ana vọ tụ́ ẹkụra ọnị ẹ yị nọ Ịbabịrọnị nị. 23Ịjị ọdọvịdị Anịjuda ọnịrị isoja ẹnẹ ẹ yị va ẹnya ịrẹkụ hi ẹtẹ wụ́ ka ohinọyị Ịbabịrọnị ọ raà sị Igidarịya mẹ̀ Ịgọvọnọ, dị ẹnịnị va ụvọ beri ọ Imizipa nị. Ọdọvịdị ẹnẹẹ ẹ vị Isimẹrị ozi Inetanaya, Ijohananị ozi Ikareya, Iseraya ozi Itanihumẹtị hụrẹ ẹkụra Inetohwa, ọnịrị Ijaazanaya ozi Imaaka. 24Igidarịya ộ ka yị wa ka, yị nyị ka ọzọnyịzọnyị o hí angwa ọdọvịdị Anibabironi nịnị. Ọzọza ọ vayị nẹtẹ, dị ọ ra ịzọọ, dị ọ hẹkẹ ohinọyị Ịbabịrọnị. Ẹ yị vaa nyị ịrẹyị. 25#Ijer 41.1-3Ama ịnị ụhwẹ ọhụhị ịrayị ọnọọ, Isimẹrị ozi Inetaniya, ozi Erisama, ana vị ọnya ịnị ovwoovu ohinọyị nọ Imizipa beri anọrụ ẹẹwụ ne tu Igidarịya dị ẹ wụ̀ ọ nị. Dị ọ wụ̀ Anisirẹrị ọnịrị Anibabironi nịnị ana ya pe ịzọọ. 26#Ijer 43.5-7Ịjị ọ maanị sị mẹ̀, dị avaba Anisirẹrị nịnị, hi ọzọbanyị ọnịrị onosiye beri ohi isoja nịnị kụ́ ẹnya, di e zwe nọ Ijipiti agụvị ka angwa Ikaridi nịnị ee hí wa.
 hụrẹ Ijehoyakini ụvọ hụụnị ẹngwa
(Ijer 52.31-34)
27Ịnị Ịrayị ana tụ́ ọ ịrayị ohurẹẹwụ tụra ịhịmba ọnị a sị za Ijehoyakimi ohinọyị Ijuda ọrịhị, Evirimerodaki sị vị ohinọyị Ịbabịrọnị nị. Ịnị ẹkụhị ohurịhịmba ịnị ụhwẹ ẹwụrẹva anị Ijehoyakimi hụrẹ ẹ hụụnị ẹngwa nị. 28Evirimerodaki ộ sị ẹngwọọrọ pe Ijehoyakimi ka ịrẹyị, dị ọ sị ọ tụ́ ode ohinọyị ene huna ohinọyị ana vọ ana ya pe e Ịbabịrọnị nị. 29Evirimerodaki ô sị oze yọ ka ọ ngwa awuru ẹngwa anị tịtẹ, dị ọ kụ́ ẹnya ọsa hi ẹngụ, dị ọọ rị ịsa ịrẹsụ iteburu ohinọyị hụrị ụmẹ avọọ. 30Eyinị-eyinị ohinọyị aa sị sị ẹkẹhị yị Ijehoyakimi pooro dị ọ mẹ̀ ẹhẹ anị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.