2 Ịtọpa ỌYỊSỊZỤ
ỌYỊSỊZỤ
Iwe Ịtọpa ịpaapa ọnịrị Iwe Ịtọpa ọhụva vịdị vị iwe ọnyara vabẹ. Iwe ẹyịva ẹnẹnị ệ pa ịtọpa aza Ohomorihi hụụnị ụmẹ Adamị na ngụ ịnị ụmẹ ọnị Anisirẹrị nịnị sị va hụrẹ ẹtẹ Ịbabịrọnị vavẹ eehi ẹnịnị ịnị ịrayị 538 dị a va ma Ijeesu. Ịrẹyọyẹ ọnị ọza nyẹngụ sị hụụnị ịtọpa iwe ọnọnị ọ vị ka ụmẹ ọ̀ọ daka vara ama Ẹnẹyịmavara vị ana yịị jẹẹ pe aza anị. Avọọ o me tenyi ẹngụ ka ọnị aa gụ wa ụvọ ụmẹ tụra ụmẹ nị. Iwe Ịtọpa ọhụva ọnọnị vị ana kà a a mẹmẹ mẹ̀ ahẹkẹ obooro ọnịrị oto ọnị aza ọnịrị Ohomorihi wo yị ẹngụ. Ịtọpa anị ve ne nyima hụrị ụmẹ ọnị Isoromọnị sị vị ohinọyị na ngụ ụmẹ ọnị o su. Ịrẹma ọnị o wusu kwooze, ẹtẹ Isirẹrị va ga hi oze ẹẹva nị. Ijerobowami ộ kụ aza ene hi eyi ẹbẹẹba Isirẹrị ku ịrẹma va eyi ka Irehobowami ozi Isoromọnị ana dọ ada anị ịrẹsụ ode ohinọyị. Ijerobowami ộ vị ohinọyị aneyi ẹbẹẹba dị Irehobowami ọnị vị ohinọyị aneyi ụvẹtẹ nị. Ịtọpa aneyi ụvẹtẹ ọ dẹngụ tụ ịnị iwe ọnọnị na ngụ ụmẹ ọnị Anibabironi nịnị va sị ịrẹkụ kụ wa na Ịbabịrọnị.
Eyi Ịrẹyị
Ụmẹ ohinọyị Isoromọnị 1.1—9.31
a. Ịjịjọọ Ohinọyị Isoromọnị 1.1-17
b. Isoromọnị ộ dà irehi yi Ohomorihi 2.1—7.10
c. Ụmẹ ọdịrẹma Ohinọyị Isoromọnị 7.11—9.31
Ịrẹsụ-ịrẹsụ ene hi eyi ẹbẹẹba ệ jị hụrẹ ẹngụ Anụvẹtẹ 10.1-19
Aza ana rị ohinọyị ẹtẹ Ijuda 11.1—36.12
Ọyị hyẹdụ Ijerusarẹmị 38.13-23
Currently Selected:
2 Ịtọpa ỌYỊSỊZỤ: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.