2 Ịtọpa 17
17
Ijehosahwati ô rị ohinọyị
1Ijehosahwati ộ rị ohinọyị vatụra ada anị Asa. Ịjị ọ raà nyị ahụ hi ẹtẹ udi ohinọyị anị, dị ọ sị ka Anisirẹrị nịnị ụhwẹ nị. 2Ộ kụ́ isoja hi ẹkụra-ẹkụra ana jị ọvọ kara ịnị ẹtẹ Ijuda, dị ọ kụ́ ọba ẹnyị vị ọnị ọ kụ́ tụ́ Ijuda, dị ọ ga ẹnyị hi ẹkụra ene hi ịnị ẹtẹ Ehwireemi ọnị ada anị Asa vịdị dọ. 3Ẹnẹyịmavara ộ mẹ̀ ka o zee yi Ijehosahwati agụvị ka ộ hama ebira ọnị ada anị vịdị mẹ ịjịjọọ. Ama ẹ yị hẹkẹ ori Ịbaarị. 4Ộ hẹkẹ Ohomorihi ada anị, dị ọ saasa ọda Ohomorihi, dị ẹ yị hama ohinọyị Anisirẹrị nịnị mẹ̀ ịsa ẹnẹ mẹ nị. 5Dị Ẹnẹyịmavara mẹ ka Ijehosahwati ọ kara aza ene hi Ijuda nị. Avaba Anijuda nịnị kụ́ ịsa va mẹ̀ ẹ ẹyịza ana mẹ ka ọ nyị ogu ẹtẹẹtẹrẹ dị a sị ụbanyị yọ nị. 6Ộ jị ẹngụ ngụ avaba ịrẹyị Ẹnẹyịmavara nị. Ô wú avaba ịzị aā hẹkẹ ori ha, di o che avaba ọchị ana a sị jẹẹ yị ori ọnẹẹ ana aā hị́ Asẹra. 7Ịnị ịrayị ọhụta ọnị Ijehosahwati rị ohinọyị, ộ tụ́ ọdọvịdị anụkọrọ anị ka ẹ na zụ aza ịsa ịnị avaba ẹkụra ene hi Ijuda. Aza ẹnẹẹ ẹ vị Ịbẹnị-Ihari, Ọbadaya, Ịzakaraya, Inetaneri ọnịrị Imikaya. 8Anireevi ọnị ọ tụ́ saasa wa ẹ vị Ịsẹmaya, Ịnẹtanịya, Izebadiya, Asahẹrị, Isemiramọtị, Ijehonatanị, Adonija, Itobija ọnịrị Itobi-Adonija. Ohirẹsụ Irehi Ohomorihi ana rẹ saasa wa ẹ vị Erisama ọnịrị Ijehorami. 9Ọzọza vị ana sị iwe ọda Ẹnẹyịmavara za ọnị o sị na zụ́ aza ịsa ịnị avaba ẹkụra ene hi Ijuda.
Ụbanyị Ijehosahwati
10Dị Ẹnẹyịmavara tụ́ anẹkụra ana kara Ijuda angwahi, dị ẹnịnị ẹ yị nyayịnẹ beri wa kụ́ ịrẹkụ nị. 11Aza ẹnyị Anihwirisiti nịnị ệ kụ́ igooru ọnịrị isiriva vá mẹ Ijehosahwati ẹyịza, dị Anarabi ẹnị rẹ kụ́ ịdẹba 12Ogu ẹnẹnị ộ mẹ̀ ka Ijehosahwati ộ nyị ụkata hu avọọ. Ộ dà irehi aha ọyịtẹ̀ ngụ ẹkụra zịịzị, dị ọ rẹ dà ẹkụra irenyi-irenyi hi ẹtẹ Ijuda. 13Ịzị ộ kụ́ ogu ẹbanyị-ẹbanyị anị hi nị. Ộ kú isoja ọkarị-ọkarị hi Ijerusarẹmị. 14Isoja anị vị ana a ga ịrẹsụ-ịrẹsụ. Ẹnị ana hụrẹ ẹtẹ Ijuda vị́ dị Adina vị ọga ọbanyị tụra wa ịrẹsụ nị. Dị a ga wa akawụ-akawụ hi ini uche ọnyọọnya nị. 15Ijehohananị ana sị irenu tụra Adina vị ana si eyi pè isoja 280,000. 16Ọza ana vatụra a ọ vị Amasịya ozi Izikiri ana vị ọga isoja Ộ hụrẹ ẹngụ anị ụvọ yị ụkọrọ Ẹnẹyịmavara. 17Isoja ana hụrẹ ẹtẹ Ịbẹnjamịnị vị ẹnị. Ẹnịnị ệ kụ́ ọkịta ọnịrị ogonto, dị ahịka Eriyada ana vị ọka ịrẹkụ ọ vị ọga ẹnịnị nị. 18Ijehozabadi ana sị irenu tụra a vị ọga isoja 180,000 19Avaba isoja ẹnẹnị e hi Ijerusarẹmị ana ya ahụ ohinọyị ịrẹma ẹnị ọnị Ijehosahwati sị tụ́ ẹkụra-ẹkụra ana a jị ọvọ kara ene hi ini avaba ẹtẹ Ijuda.
Currently Selected:
2 Ịtọpa 17: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
