1 Ịtọpa 7

Evere Iisaka

1Ọnọrụ ana aā hị́ Iisaka ộ ma ezi ọnọrụ ẹẹna. Ịrẹha ẹnịnị ọ rị Itora, Ipuwa, Ijasubi ọnịrị Isimironi nị. 2Itora ộ ma ezi ọnọrụ ịhịnọnyị ana aā hị́ Uzi, Irehwaya, Ijeriyẹrị, Ijamayi, Ibisami, ọnịrị Ịsẹmụwẹrị. Ẹnị ẹ vị ohirẹsụ Ovwoovu-ovwoovu ezi Itora nị. Isoja ana ngụrẹyị ẹnịnị vị nị. Ụmẹ ọnị Idevidi sị vị ohinọyị, ezi ẹnịnị ệ gụ akawụ-akawụ oze ẹwụrọnya tụra akata (22,600). 3Uzi ộ ma ozi ọnọrụ ọnya ana aā hị́ Izirahiya. Dị Izirahiya ộ ma ezi ọnọrụ ẹẹna ana aā hị́ Ịmayịkẹẹrị, Ọbadaya, Ijowẹrị, ọnịrị Isihiya nị. Ọnịrị ezi anị ẹnẹnị ẹ vị ohirẹsụ ovwoovu ẹnịnị nị. 4Ẹnịnị ệ nyị anẹẹ gigirigi, dị ẹ ma ezi va gwẹtẹ nị. Ezi ẹnịnị kẹnẹ ệ gụ akawụ-akawụ oze ẹwụrịhịnta (36,000) ana aa mẹ̀ ụkọrọ isoja ụmẹ ọnọọ. 5Á mẹ chẹrẹ Ovwoovu-ovwoovu ezi Iisaka, aza ẹnị akawụ-akawụ oze ẹbẹẹva tụra ẹẹta rị ẹchẹhị (87,000) ẹ yà ịnị ụkọrọ isoja ịnị ẹnịnị nị.

Evere Ịbẹnjamịnị ọnịrị Ịdaanị

6Ịbẹnjamịnị ộ ma ezi ọnọrụ ẹẹta. Ẹnị aā hị́ Ibera, Ibekeri, ọnịrị Ijediyayeri nị. 7Ibera ộ ma ezi ọnọrụ ẹẹhị ana aā hị́ Eziboni, Uzi, Uziyẹrị, Ijerimoti, ọnịrị Iiri. Ẹnị ẹ vị ohirẹsụ Ovwoovu-ovwoovu ịnị ịrẹsụ ẹnịnị nị. Avaba ẹnịnị vị isoja ana ngụrẹyị. Ezi ẹnịnị vị ẹnị akawụ-akawụ oze ẹwụrọnya tụra ọ jị ẹẹna ha ịnị ẹbẹẹva (22,034) ana yà ịnị ụkọrọ isoja ụmẹ ọnọọ. 8Ibekeri ộ ma ezi ọnọrụ ịhịịna. Ẹnị aā hị́ Ịzẹmịra, Ijowasi, Eriyaza, Eriyoyenayi, Omiri, Ijeremoti, Abija, Anatọtị, ọnịrị Aremeti. 9Á mẹ̀ chẹrẹ ezi ẹnịnị hi ẹtẹ Ovwoovu-ovwoovu, ẹnị akawụ-akawụ oze ẹẹwụ tụra ịrẹka (20,200) e hi ịnị isoja nị. 10Ijadayẹrị ộ ma ozi ọnọrụ ọnya; ọnị ọ rị Ibirihani nị. Dị Ibirihani ọnị ma ezi ọnọrụ ịhịmba nị. Ẹnị aā hị́ Ijewusi, Ịbẹnjamịnị, Ehudi Ichenaana, Izetanị, Itasisi, ọnịrị Ahisaha nị. 11Ẹnị ọ vị ohirẹsụ Ovwoovu-ovwoovu ịnị ịrẹsụ ẹnịnị nị, dị avaba ẹnịnị vị isoja ọkọọka nị. Ezi ẹnịnị vị ẹnị akahị-akahị oze ẹwụrịhịmba tụra ịrẹka (17,200) ene hi ịnị isoja. 12Â nyị ọnọrụ ẹẹva ana aā hị́ Isupimi ọnịrị Ihupimi. Anẹkụra ẹnẹnị ẹnị rẹ vị nị. Ịdaanị vị ana ma ozi ọnọrụ ọnya. Ịrẹha anị ọ rị Ihusimi nị.

Evere Inahwitari

13Inahwitari ộ ma ezi ọnọrụ ẹẹna; ẹnị aā hị́ Ijaziyeri, Iguni, Ijezeri, ọnịrị Isarumi nị. (Ẹnịnị ẹ vị evere ezi Ibiriha nị.)

Evere Ịmanasẹ

14Onyeehi Ịmanasẹ ana vị Anaaramu ộ ma ezi ọnọrụ ẹẹva ana aā hị́ Asịrịyẹrị, ọnịrị Imakiri. Imakiri ọ vị ada Igiriyadi nị. 15Imakiri ộ nyị ọnẹẹ ọnya yị Ihupimi, dị ọ́ rẹ nyị ọnya yị Isupimi nị. Ịrẹha onyeyiza anị ọ rị Imaaka nị. Ozi ọnọrụ Imakiri ọhụva ọ rị Izerohwehadi nị, dị ahịka ozi ọnẹẹ ikonyara ọ ma nị. 16Imaaka, ose Imakiri ộ ma ezi ọnọrụ ẹẹva, dị ẹ sị ịrẹha yị wa ka ẹnị ẹ rị Ịpẹrẹsị, ọnịrị Ịsẹrẹsị nị. Ịpẹrẹsị ộ ma ezi ọnọrụ ẹẹva ana aā hị́ Urami, ọnịrị Ịrakẹmị. 17Urami ộ ma ozi ọnọrụ ọnya ana aā hị́ Ibedani. Avaba aza ẹnẹnị vị evere ezi Igiriyadi, ana vị ozi Imakiri, dị ada anị ọbanyị vị Ịmanasẹ. 18Â nyị onyeyiza Anigiriyadi ana aā hị́ Ihamorecheti. Ộ ma ezi ọnọrụ ẹẹta. Ịrẹha ẹnịnị ọ rị Isihọdị, Abiyezeri, ọnịrị Imahira nị. 19Â nyị ọnọrụ ana aā hị́ Ịsẹmịda. Ộ ma ezi ọnọrụ ẹẹna ana aā hị́ Ahiyanị, Ịsẹkẹmị, Iriki, ọnịrị Aniyami.

Evere Ehwireemi

20Ezi Ehwireemi hụrị ịrẹma-ịrẹma vẹ yị: Isutera, Ịbẹrẹdị, Itahati, Eriyada, Itahati, 21Izabadi, ọnịrị Isutera. Ehwireemi ộ ma ezi ọnọrụ ẹẹva ọsa ịrẹma Isutera. Ịrẹha ẹnịnị ọ rị Ezeri ọnịrị Eriyada nị. Ịsụpa Anịgaatị nịnị ẹ ka ẹnị è ne yi dị a wụ̀ wa nị. 22Ehwireemi, ada ẹnịnị ộ zị ẹngụ ẹnịnị gọdọ, dị anda ẹnịnị va sị ọ ayị nẹtẹ nị. 23Ộ vana nọ ịdị ose anị, dị ose anị zyẹẹ, dị ọ ma ozi ọnọrụ nị. Ịrẹha ẹnẹ sị yị ozi ọnọọ ọ rị Ịbẹrịya nị. Ẹngụkata ene tu ovwoovu ẹnịnị ọ mẹ̀ ka ẹ̀ sị ịrẹha ọnọọ yọ nị. 24Ehwireemi ộ ma ozi ọnẹẹ ọnya. Ịrẹha ọnị ọ rị Ịsẹra nị. Ọnị ọ dà ẹkụra ene hi eyi ẹbẹẹba ọnịrị eyi-ụvẹtẹ ịzị aā hị́ Ịbẹtị-Ihoroni nị, dị ọ rẹ dà ịzị aā hị́ Uzeni-Ịsẹẹra nị. 25Ehwireemi ộ rẹ ma ozi ọnọrụ ọsa ana aā hị́ Irehwa. Ọnị ọ ma ezi ẹnẹnị ana aā hị́ Ịrẹsẹhwị, Ịtẹra, Ịtahanị, Ịradanị, Amihudi, Erisaama, 26Ịradanị, Amihudi, Erisaama, 27Inuni, ọnịrị Ijosuwa. 28Ẹhwị ẹtẹ Ịbẹtẹrị ọnịrị ẹkụra-ẹkụra ana kara a ẹnịnị dọ dị ẹ ra ịnị anị nị. Ẹ́nịnị ệ ra huuu na ngụ ịzị aā hị́ ịnaaranị eyi ọnị ọyịị̄ zịị hụrẹẹ vẹ; dị ẹ rẹ vavọọ ra huuu na ngụ ịzị aā hị́ Ịgẹzẹrị, ọnịrị ẹkụra-ẹkụra ana kara a eyi ọnị ọyịị̄ zịị naa ngụ ẹtẹ nị. Ẹnịnị ẹ rẹ ra hi ẹkụra ẹbanyị-ẹbanyị ana aā hị́ Ịsẹkẹmị ọnịrị Aya, beri ẹkụra-ẹkụra ana kara wa nị. 29Ezi Ịmanasẹ ẹ sị ụvọ za ẹkụra ẹbanyị-ẹbanyị ana aā hị́ Ịbẹtị-Ịsanị, Ịtaanakị. Imegido, ọnịrị Ịdọọ, beri ẹkụra-ẹkụra ana kara wa nị. Avaba aha ẹnẹnị ezi Ijosẹẹhụ ra nị. Ijosẹẹhụ vị ozi Ijekọvụ.

Evere Aseri

30Evere ezi Aseri yị. Aseri ộ ma ezi ọnọrụ ẹẹna. Ịrẹha ẹnịnị ọ rị: Ịmịna, Ịsịịva, Ịsịịvị, ọnịrị Iberiya. Ộ ma ozi ọnẹẹ ọnya ana aā hị́ Ịsẹra. 31Iberiya ộ ma ezi ọnọrụ ẹẹva. Ịrẹha ẹnịnị ọ rị Iheberi, ọnịrị Imarikẹrị nị. Imarikẹrị ọ vị ọnịpaapa na ra ẹkụra ana aā hị́ Ibizayiti nị. 32Iheberi ộ ma ezi ọnọrụ ẹẹta. Ẹnị ẹ rị Ịjahwụrẹtị, Isomeri, ọnịrị Ihotami nị. Ộ ma ozi ọnẹẹ ọnya vaka wa; ịrẹha anị ọ rị Ịsụwa nị. 33Ịjahwụrẹtị ọnị ọ́ rẹ ma ezi ọnọrụ ẹẹta ana aā hị́ Ịpasakị, Ibimihari, ọnịrị Asivati. 34Ọyịnyara Ịjahwụrẹtị ana aā hị́ Isomeri ộ ma ezi ọnọrụ ẹẹta. Ịrẹha ẹnịnị ọ rị Iroga, Ijehuba, ọnịrị Aramị nị. 35Ihotami, ọyịnyara anị ọsa ộ ma ezi ọnọrụ ẹẹna ana aā hị́ Izohwa, Imina, Iseresi, ọnịrị Amarị. 36Evere ezi Izohwa ẹ vị Ịsụwa, Ihanehweri, Isuwari, Ibeeri, Imira, 37Ibezeri, Ihodi, Isama, Isirisa, Itirani, ọnịrị Ibeera nị. 38Â nyị ọnọrụ ọnya ana aā hị́ Ijeteri. Ezi anị ẹ vị Ijehwụnẹ, Ipisipa, ọnịrị Aara nị. 39Dị ọnọrụ ọnya ana aā hị́ Uura ọnị ma ezi ẹnẹnị nị: Aara, Ihaniyẹrị, ọnịrị Iriziya. 40Avaba aza ẹnẹnị vị evere ezi Aseri. Ẹnịnị ẹ vị ohirẹsụ-ohirẹsụ Ovwoovu-ovwoovu ẹnịnị nị; dị ẹ vị isoja ọkọọka nị. Ọdọvịdị obooro-obooro ẹ vị nị. Ịnị ẹnị ezi Aseri, ẹnị akawụ-akawụ oze ẹwụrẹta ẹ yà ịnị isoja nị.

Currently Selected:

1 Ịtọpa 7: EBTP

Highlight

Copy

Compare