1 Ịtọpa 4

Evere Ijuda

1Ẹnyị ịnị ezi ọnị Ijuda ma yị: Ịpẹrẹzị, Ihezironi, Ikarimi, Ihuuri ọ ọnịrị Isobari. 2Isobari ọ vị ada Ireyaya nị; dị Ireyaya vị ada Ijahati nị. Ijahati ọ vị ada Ahumayi ọnịrị Irahadi nị. Avaba aza ẹnẹnị vị Anizora nị. 3Â nyị ọnọrụ ana aā hị́ Ẹẹtamị. Ọnị ọ ma ezi ẹnẹnị nị: Ijezirẹẹrị, Isimịya, ọnịrị Idibasi; Ịrẹha onyeyiza ẹnịnị ọ rị Ihazereriponi. 4Â nyị ọnọrụ ana aā hị́ Ịpẹnụwẹrị. Ọnị ọ vị ada Ịgẹẹdọ, ọnịrị Ezeri ada Ihusahi nị. Ezi ẹnị Ihuuri ọ ma yị: ozi ịpaapa anị ọ rị Ehwirati, ada Ịbẹtịrẹhẹmị nị. 5Â nyị ọnọrụ ana aā hị́ Asihuri. Ọnị ọ vị ada Itekowa nị. Ộ nyị ọnẹẹ ẹẹva ana aā hị́ Ịhẹra ọnịrị Inaara: 6Inaara ộ ma Ahuzami, Ihehwa, Itemeni, ọnịrị Ihaahasitari. 7Dị Ịhẹra ọnị ma ezi ẹnẹnị nị: Ịzẹrẹtị, Iziha, ọnịrị Ẹtịnanị nị. 8Â nyị ọnọrụ ana aā hị́ Ikoozi. Ọnị ọ vị ada Anubi, Izobeba, ọnịrị Ovwoovu Aharẹrị ana vị ozi Iharumi nị. 9Â nyị ọnọrụ ana aā hị́ Ijabezi. Â sị ụbanyị yọ huna anda ẹnịnị ana vọ ẹtẹẹtẹrẹ. Ọnyị anị ọ yị̀ ọ ịrẹha ka ọnị ọ rị Ijabezi nị; agụvị ka ọ́ raà rị ụya baaba dị ọ va ma a. 10Ama Ijabezi ộ mẹ̀ aduwa hi Ohomorihi Anisirẹrị, dị ọ ka, kwogwo, ọ̀ navọ ọ̀ mẹ ka ò zé yị ọnị, dị ọ̀ dà ẹtẹ gana yị ọnị de. Ọ kà Ohomorihi ọ̀ navọ ọ̀ yà ọnị ịrẹma, dị ò sere ọnị, asị ọ zẹ̀ẹ ka odivi ọnyọọnyị ọ kụ́ ẹngụkata tu ọnị. Ịzẹyịza dị Ohomorihi mẹ̀ ịsa o họ̀ use anịị yọ nị.

Ovwoovu irenyi-irenyi ana vọ

11Ịkarẹbị ọyịnyara Isuha ộ ma ozi ọnọrụ ọnya ana aā hị́ Imehiri. Imehiri ọ vị ada Esitoni nị. 12Esitoni ộ ma ozi ọnọrụ ẹẹta ana aā hị́ Ịbẹtịrahwa, Ipaseya, ọnịrị Itehina. Itehina ọ vị ọnịpaapa nị ra ẹkụra ana aā hí Inahasi nị. Ezi aza ẹnẹnị ẹ ra hi ẹtẹ Ireka nị. 13Â nyị ọnọrụ ana aā hị́ Ịkẹnazị. Ộ ma ezi ọnọrụ ẹẹva ana aā hị́ Ọtịnẹrị ọnịrị Iseraya. Ọtịnẹrị ọnị ọ rẹ ma ezi ọnọrụ ẹẹva. Ẹnị aā hị́ Ịhatati ọnịrị Imewonotayi nị. 14Imewonotayi ọ vị ada Ọhwịra nị. Iseraya ọ ma Ijowabi nị. Ijowabi ọnọnị ọ vị ọnịpaapa na ra ínozi ịzị aza anaā mẹ̀ ụkọrọ ụvọ nịnị hi nị. 15Ịkarẹbị ana vị ozi Ijẹhụnẹ ộ ma ezi ọnọrụ ẹẹta ana aā hị́: Irk, Eera, ọnịrị Ịnaamị nị. Dị Eera ọnị vị ada Ịkẹnazị nị. 16Â nyị ọnọrụ ana aā hị́ Ijeharereri. Ộ ma ezi ọnọrụ ẹẹna ana aā hị́ Izihwi, Izihwa, Itiriya, ọnịrị Asarẹrị. 17Â nyị ọnọrụ ọsa ana aā hị́ Ẹzịra. Ọnị ọ rẹ ma ezi ọnọrụ ana aā hị́ Ijeteri, Ịmẹrẹdị, Ehwẹrị, ọnịrị Ijaroni nị. Ịmẹrẹdị ộ nyị ozi ohinọyị Ijipiti ọnya ana aā hị́ Ibitiya, dị ẹnịnị ma ozi ọnẹẹ ọnya nị. Ịrẹha ozi ọnọọ ọ rị Imiriyami nị. Ẹnịnị ẹ rẹ ma ozi ọnọrụ ẹẹva ana aā hị́ Isamayi ọnịrị Isiba. Isiba ọnọnị ọ vị ọnịpaapa na ra ẹkụra anaa aā hị́ Esitemowa nị. 18Ịmẹrẹdị ọ rẹ nyị ọnẹẹ ọsa ana vị Anijuda. Dị ẹnịnị ma ezi ọnọrụ ẹẹta nị. Ịrẹha ẹnịnị ẹ rị Ịjẹrẹdị, ana vị ọnịpaapa na ra ẹkụra ana aā hị́ Ịgẹdọ; Ịhẹberi, ana vị ọnịpaapa na ra ẹkụra ana aā hị́ Isoko, ọnịrị Ijekutiyẹrị, ana vị ọnịpaapa na ra ẹkụra ana aā hị́ Izanowa nị. 19Â nyị ọnọrụ ọnya ana aā hị́ Ihodiya. Ộ nyị ọnẹẹ ọnya ana vị onyeyiza Ịnahamị. Ezi ẹnịnị ẹ vị ohiku ịrẹsụ Igarimi. Ẹkụra ana aā hị́ Ikeyira ẹ́ ra hi nị. Ẹnị ẹ rẹ vị ohiku Animaaka nị, ana ra hi ẹkụra Esitemowa nị. 20Â rẹ nyị ọnọrụ ọnya ana aā hị́ Isihimoni. Ộ ma ezi ọnọrụ ẹẹna ana aā hị́: Amọnị, Irina, Ịbẹnịhananị, ọnịrị Itironi. Ọnọrụ ana aā hị́ Isihi ọnị ộ ma ezi ọnọrụ ẹẹva ana aā hị́ Izohẹtị ọnịrị Ịbẹnịzoheti.

Evere Ịsẹra

21Â nyị ọnọrụ ọnya ana aā hị́ Isera ana vị ọnya ini ezi Ijuda. Ozi Ijuda ọsa ọ vị Eri ana vị ada anẹkụra ana aā hị́ Ireka nị. Ọsa ọ vị Iraada, ada anẹkụra ana aā hị́ Imaresa. Evere anị ọ̀ rẹ vị ịrẹsụ eneē hị́ ịta ụ́ba ana ra hí Ịbẹtị Asibeya nị; 22Ijokimi ọnịrị aza ana ra hi ẹkụra ana aā hị́ Ikozeba, Ijowasi ọnịrị Isarahwi ana nyị ọnẹẹ hụrị Imowabi dị ẹ ra hi Ịbẹtịrẹhẹmị (Aanị a mẹ chẹrẹ ịsa ẹnẹnị tịtẹ hụrị ụmọrụmọ nị). 23Aza ẹnẹnị vị ọjụnọkọ, dị ẹ ra Inetayimi ọnịrị Igedera nị. Ẹnịnị vị ana aa mẹ̀ ụkọrọ yị Ohinọyị.

Evere Isimiyọnị

24Â nyị ọnọrụ ana aā hị́ Isimiyọnị. Ộ ma ezi ọnọrụ ẹẹhị ana aā hị́: Inemuwẹrị, Ijamini, Ijaribi, Ịzẹra, ọnịrị Ịsọọrụ. 25Ịsọọrụ ộ ma ozi ana aā hị́ Isarumi, dị Imibisami vị aazị anị nị. Imisima ọnị vị ẹmaazị anị. 26Imisima ọnị ọ rẹ ma ezi ẹnẹnị nị: Ịhamụwẹrị, Izaku, ọnịrị Isimeyi. 27Isimeyi ộ ma ezi ọnọrụ ẹwụrịhịnọnyị beri ezi anẹẹ ịhịnọnyị; ama anda ẹnịnị ẹ yị vavọọ ma ozi rụrụ, dị evere Isimiyọnị ẹ yị vavọọ yara anka evere Ijuda nị. 28#Ijos 19.2-8Pooro dị Idevidi rị ohinọyị, aza Isimiyọnị ẹnẹnị vị ana ra hi ẹkụra ana aā hị́: Ịbẹẹsẹba, Imorada, Ihazari-Isuwari, 29Ibiriha, Ezemi, Itoradi, 30Ịbẹtụwẹrị, Ịhọma, Izikiragi, 31Ịbẹtị-Imakaboti, Ihazari-Isusimi, Ịbẹtị-Ibiri, ọnịrị Ịsaarayimi. Avaba ẹkụra ẹnịnị vị ẹẹnịnị pooro dị Idevidi va rị ohinọyị. 32Â nyị ẹkụra ẹẹhị ọsa ẹnẹ ẹnịnị rẹ ra hi ana aā hị́ Ẹtamị, Ayini, Irimoni, Ịtọkẹnị, ọnịrị Asani 33dị ẹnịnị rẹ ra hi ẹkụra eweyi-eweyi ana kara wa huuu na ngụ eyi ụvẹtẹ ịzị ọyị naa ngụ ẹtẹ, ẹkụra ana aā hị́ Ibaarati nị. Â maanị chẹrẹ ẹ tịtẹ, ẹnịnị mẹ̀ yà Ovwoovu-ovwoovu ọnịrị ịzị ẹ ra. 34Imesobabi, Ijamileki, Ijosa ozi Amaziya 35Ijowẹrị, Ijehu ozi Ijosibaya, ozi Iseraya ana vị ozi Asiyẹrị. 36Eriyoyenayi, Ijaakoba, Ijesohaya, ọnịrị Asaya, Adiyẹrị, Ijesimiyẹrị, Ịbẹnaya, 37Iziza ozi Isihwi, ozi Arọnị, ana vị ozi Ijedaya, ozi Isimiri, ozi Ịsẹmaya. 38Aza ẹnẹnị ana maanị hị́ aanị vị ohirẹsụ ịrẹsụ ẹnịnị. Dị ovwoovu ẹnịnị nyayịnẹ yárá ẹtẹẹtẹrẹ nị. 39Ẹnịnị ệ ra zịịzị na ngụ oze ana aā zịị ngụ ẹkụra ana aā hị́ Ịgẹdọ. Dị ẹyaa kụ́ ịsụpa ẹnịnị na rị avị eyi ọnị ọyịị̄ zịị hụrẹẹ vẹ inozi. 40Avị ozoza-ozoza vị ene hi ịzọọ. Ẹtẹ ọnọọ ộ gana ẹtẹẹtẹrẹ dị ọ vị aha hẹẹ nị. Ộ rẹ nyị ẹngwọọrọ ẹtẹẹtẹrẹ. Evere Ịhaamị ẹ vịdị ra ịzọọ nị. 41Ụmẹ ọnị Ihezekaya sị vị ohinọyị Ijuda aza ana maanị hị́ ịrẹha aanị sị nọ ẹtẹ Ịgẹdọ dị é wụ́ ajẹngụ aza ene hi ịzọọ nị. Ẹnịnị ệ dụ aza ana vịdị ra ịzọọ, dị ẹnịnị kụkụ ra ịzọọ pooro nị, agụvị ka â nyị avị ozoza-ozoza ịzọọ ọnị ịsụpa ẹnịnị nyẹngụ rị. 42Aza ẹnị akava rị ẹchẹhị hụụ ịrẹsụ Isimiyọnị ệ nọ eyi ịzị ọyịị̄ zịị vẹ ẹkụra ịnị ataba Ịsẹyị ịnị ẹtẹ Anedomi. Aza ẹnẹnị ẹ dọ ọvịdị ẹnịnị nị: Ịpẹratịya, Ineraya, Irehwaya, ọnịrị Uziyẹrị. Iisi ọ vị ada ẹnịnị nị. 43Avaba Anamarẹkị ana vọ hi ịzọọ vị ẹnẹ ẹnịnị wụ̀ va ha, dị ẹnịnị kụkụ ra ịzọọ hụrị ụmẹ avọọ nị.

Currently Selected:

1 Ịtọpa 4: EBTP

Highlight

Copy

Compare