1 Ịtọpa 24

Ụkọrọ ana a sị yị ohirẹsụ irehi Ohomorihi nịnị

1Aanị a mẹ gà evere ezi Eerọnị ogu-ogu nị Eerọnị ộ ma ezi ọnọrụ ẹẹna. Ịrẹha ẹnịnị ọ rị: Inadavu, Avihu, Eriyaza, ọnịrị Ịtama nị. 2#Ire 10.1,2Inadavu ọnịrị Avihu e vịdị sú tụ́ ada ẹnịnị nị. Ẹnịnị ẹ yị ma ozi di e su, agụvị avọọ dị ahịka ẹyịnyara ẹnịnị, Eriyaza ọnịrị Ịtama ẹ vana vị ohirẹsụ Ohomorihi. 3Ohinọyị Idevidi ộ gà evere Eerọnị ogu-ogu, dị ọ sị ụkọrọ ọzọza yị wa nị. Ịzadọkị ana vị evere Eriyaza, ọnịrị Ahimẹrẹkị ana vị evere Ịtama ẹ gụ Idevidi ụvọ dị ọ zụ ga wa nị. 4Evere Eriyaza vị ana a gà hi oze ẹwụrịhịnọnyị dị a gà evere Ịtama hi oze ịhịnta nị; agụvị ka ịnị ịpa Eriyaza e re anọrụ rụrụ hụrẹ ana vị ohirẹsụ ịrẹsụ-ịrẹsụ nị. 5Ka â nyị aza ini evere Eriyaza ọnịrị ịnị evere Ịtama ana vị ọdọvịdị ọnụkọrọ irehi Ohomorihi, dị ẹnyị vị ọdọvịdị ahẹkẹ; â zama ẹtẹ tụ ọ dị a va ga ụkọrọ yị wa. Evere Eriyaza ọnịrị evere Ịtama vị anaā vẹ tu ẹngụ tu ẹngụ vaa zama ẹtẹ. 6Â nyị ọnọrụ ọnya ana aā hị́ isemaya ozi Inetaneri. Ọnị ọ vị ọchẹrịsa Anireevi nịnị nị. Ọnị ọ chẹrẹ ịrẹha ẹnịnị eyi ohinọyị, ọnịrị ọdọvịdị ana vọ anka: Ịzadọkị ohirẹsụ irehi Ohomorihi, Ahimẹrẹkị ozi Aviyata, ọnịrị ẹnị ohirẹsụ ovwoovu ẹnị ohirẹsụ irehi Ohomorihi nịnị, ọnịrị ovwoovu Anireevi nịnị. Àa sị ovwoovu ọnya hụụ ịdị aza Eriyaza, dị a rẹ sị ọnya hụụ ịdị aza Ịtama. 7Aanị a mẹmẹ nyị wa tụra ẹngụ tụra ẹngụ nị. Ijehoyaribi, Ijedaya 8Iharimi Iseyorimi 9Ịmakija Imijamini 10Ihakozi, Abija 11Ijesuwa, Isekaniya 12Eriyasibi, Ijakimi 13Ihupa, Ijesebibi 14Ibiriga, Imt 15Iheziri, Ihapizeezi 16Ipetahiya, Ijehezikeri 17Ijakini, Igamuri 18Ideraya, Imaazaya 19Â chẹrẹ ịrẹha aza ẹnẹnị tịtẹ beri ụkọrọ ana a sị yị wa, ka ẹẹ nọ ini irehi Ohomorihi naa mẹ̀ ụkọrọ ẹnịnị anka ohiku ẹnịnị Eerọnị mẹ vịdị kà a tịtẹ yị wa. Avọọ Ẹnẹyịmavara, Ohomorihi Anisirẹrị mẹmẹ mẹ̀ ẹ ọda yị Eerọnị nị.

Ịrẹha Anireevi nịnị ana a chẹrẹ tịtẹ

20Aza ẹnẹnị ẹ vị ohirẹsụ ovwoovu-ovwoovu Anireevi nịnị nị. Ijedeya vị ọnya ịnị ezi Amịramị Isubayẹrị ọ ma a nị. 21Â nyị ọnọrụ ana aā hị́ Isiya, ọnya ịnị ezi Irehabiya ọ vị nị. 22Ijahati vị ọnya ini ezi Aniziha ọnị Iseromoti ma. 23Ijeriya, Amarịya, Ijehaziyeri, ọnịrị Ijekameyami vị ezi Ihebirọnị. Ẹ́ mẹmẹ vị ọzọkụ yị ẹngụ a chẹrẹ ịrẹha ẹnịnị aanị nị. 24Isamiri vị ọnya ini ezi Uziyẹrị, Imika ọ mà a nị. 25Ịzakaraya rẹ vị ọnya ịnị ezi Uziyẹrị, dị ahịka ọyịnyara Imika ana aā hị́ Isiya ọ ma a nị. 26Imahiri, Imusi, ọnịrị Ịjaazịya, ẹnị vị ezi Imerari. 27Ijaaziya ộ ma ezi ọnọrụ ẹẹta ana aā hị́: Isohami, Izaku, ọnịrị Ibiri. 28Imahiri ộ ma ezi ọnọrụ ẹẹva: Eriyaza ọnịrị Ikisi. Eriyaza ẹ yị ma ozi ọnọrụ vụrụ-vụrụ. 29Ikisi ọnị ộ ma ozi ọnọrụ ọnya. Ịrẹha anị ọ rị Ijerahimẹẹrị nị. 30Imusi ộ ma ezi ọnọrụ ẹẹta: Imahiri, Ederi, ọnịrị Ijeremoti. Ovwoovu-ovwoovu Anireevi nịnị yị. 31Ohirẹsụ ovwoovu ikonyi-ikonya ọnịrị ọyịnyara anị ana vị ozweyi ọnya ọ naa zama ẹtẹ ụvị ụkọrọ ẹnịnị nị. Avọọ anda ẹnịnị evere Eerọnị, ẹnị ana vị ohirẹsụ irehi Ohomorihi ẹnị mẹ̀ rẹẹ mẹ nị. Eyi ohinọyị Idevidi ọnịrị Ịzadọkị beri Ahimẹrẹkị ọnịrị azọkụ-azọkụ ovwoovu ohirẹsụ irehi Ohomorihi nịnị ọnịrị ovwoovu Anireevi nịnị ọ vị nị.

Currently Selected:

1 Ịtọpa 24: EBTP

Highlight

Copy

Compare