1 Ịtọpa 1

Evere Adamị ne tu Abụrahamị

(Oyn 5.1-32; 10.10-26)

1Adamị ọ vị ada Ịsẹtị nị, dị Ịsẹtị ọnị vị ada Enosi nị, Enosi ọ vị ada Ikenani nị. 2Ikenani vị ada Imahareri, dị Imahareri ọnị vị ada Ịjarẹdị nị. 3Ịjarẹdị vị ada Enọkị, dị Enọkị ọnị vị ada Imetusẹra nị. Imetusẹra ọ vị ada Irameki nị, 4dị Irameki ọnị vị ada Inowa nị. Inowa ộ ma ozi ọnọrụ ẹẹta ana aā hị́ Isemi, Ịhaamị, ọnịrị Ịjahwẹtị. 5Ezi ọnọrụ ọnị Ịjahwẹtị ma â hị́: Igoma, Ịmagọgị, Ịmadayị, Ijavani, Itubari, Imeseki, ọnịrị Itirasi nị. Ẹnịnị ẹ vị ohiku aza ana aā rị ịrẹha ẹnịnị nị. 6Evere Igoma ẹ vị aza Asikenazi, Irihwati, ọnịrị Ịtọgama nị. 7Evere Ijavani ẹ vị aza Erisa, anẹkụra ana aā hị́ Isipeni, Ịsayịpụrọsị, ọnịrị Irodesi nị. 8Evere Ịhaamị ẹ vị Ikusi, Ijipiti, Iribiya, ọnịrị Ikanaani nị. Ẹnị ẹ vị ohiku avaba aza ana aa rị ịrẹha ẹnịnị aanị nị. 9Evere Ikusi ẹ vị anị Ịsẹba, Ihavira, Isabita, Ịraama, ọnịrị Isabiteka nịnị nị. Evere Iraama ẹ vị Anisẹba ọnịrị Anidedani nịnị nị. 10Ikusi ộ ma ozi ọnọrụ ọnya ana aā hị́ Inimirodi ọnị ọ vị ọnịpaapa ana nyị ehuna avaba ẹhẹ nị. 11Evere Ijipiti ẹ vị Aniridiya, Anami, Irehabi, Inahwituhi, 12ipatirusi, Ikasiruhimi, ọnịrị Anikereti nịnị (ịpa ẹnịị Anihwirisiti nịnị chị hụrẹ nị). 13Ozi ọnọrụ ọzọkụ Ikanaani ọ vị Ịsịdọnị, dị ozi anị ọsa vị Ịhẹẹtị. Ẹnị ẹ vị ohiku aza ana aa rị ịrẹha ẹnịnị aanị nị. 14Ikenani ọ rẹ vị ohiku Anijebusi nịnị, Anaamori nịnị Anigirigasi nịnị nị. 15Ọnị ọ vị ohiku Anihivi nịnị, Anaakị nịnị, Anisini nịnị, 16dị ọ rẹ vị ohiku Anavadi nịnị, Anizema nịnị ọnị Anihamati nịnị. 17Ezi anọrụ Isemi ẹ vị Erami, Asịhọ̀, Aripakisadi, Irudi, Aramị, Uzi, Ihuuri, Ịgẹtẹrị, ọnịrị Imeseki nị. Ẹnịnị ẹ vị ohiku ana aa sị ịrẹha ẹnịnịị hị́ aanị nị. 18Aripakisadi ọ vị ada Ịsẹẹra, ana vị ada Ẹba nị. 19Ẹba ộ ma ezi anọrụ ẹẹva ọnya â hị́ Ịpẹrẹgị nị, agụvị ka ụmẹ anị anẹhẹ sị ga nị. Ọsa aā hị́ Ijokitani nị. 20Evere Ijokitani ẹ vị Anarimodadi, Anịsẹrẹhwị, Anihazarimaveti, Anịjẹra, 21Ihadoramị, Uzari, Idikira, 22Ẹba, Abimayẹrị, Ịsẹba 23Ohwiri, Ihavira ọnịrị Ijowabi nị. 24Aanị a mẹ̀ yà ovwoovu-ovwoovu hụụ ịrẹsụ Isemi ne tu Abụrahamị nị. Ịsẹmị, Aripakisadi, Ịsẹẹra 25Ẹba, Ịpẹrẹgị, Irewu 26Iserugu, Ịnahọ̀, Ịtẹra 27ọnị Abụramị (ana a raa hị́ Abụrahamị).

Ezi Isimẹrị

(Oyn 25.12-16)

28Abụrahamị ộ ma ezi ẹẹva ana aā hị́ Ayiziiki ọnịrị Isimẹrị. 29Ezi Isimẹrị ệ vana vị ohi ịrẹsụ abara ẹwụrẹva. Ẹnịnị ẹ vị Inebayoti ozi ọzọkụ Isimẹrị, Ikeda, Adibeeri, Imibisami, 30Imisima, Iduma, Imasa, Ihadadi, Ịtẹma, 31Ijeturi, Inahwisi ọnịrị Ịkẹdẹma nị. 32Abụrahamị ộ nyị onyeehi ọnya ana aā hị́ Iketura, Iketura ọnọnị ộ ma ezi ịhịnọnyị yị Abụrahamị. Ezi ẹnẹẹ aā hị́ Izimirani, Ijokisanị, Imedani, Imidiyani, Isibaki, ọnịrị Isuwa. Ijokisanị ộ ma ezi ẹẹva. Ẹnị aā hị́ Ịsẹba ọnịrị Idedani nị. 33Imidiyani ộ ma ezi ẹẹhị ana aā hị́ Ehwa, Ehwẹrị, Ịhanọkị, Abida, ọnịrị Eridaa.

Ezi Iisọ

(Oyn 36.1-19)

34Ozi Abụrahamị ana aā hị́ Ayiziiki ộ ma ezi ọnọrụ ẹẹva. Ẹnị aā hị́ Iisọ ọnịrị Ijekọvụ nị. 35Ezi Iisọ aā hị́ Erihwazi, Ireweri, Ijewusi, Ijaramị, ọnịrị Ikoora nị. 36Erihwazi ọ vana vị ohiku ịrẹsụ ana aā hị́ Itemani, Ọma, Izehwọ, Igatami, Ịkẹnazị, Igimina, ọnịrị Amarẹkị nị. 37Irehweri ọ vị ohiku ịrẹsụ ana aā hị́ Inahati, Ịzẹra, Isaama, ọnịrị Imizahi nị.

Aza ana ra hi ẹtẹ Edomi ịpaapa

(Oyn 36.20-30)

38Ezi ọnọrụ ana aā hị́ Ịsẹyị: Irotani, Isobari, Izibeyọnị Aana, Idisoni, Ezeri, ọnịrị Idisani. 39Ezi Irotani ẹ vị: Ihori, ọnịrị Ihorimanị nị; Irotani ộ nyị ọyịnyara ọnẹẹ ana aā hị́ Itimina. 40Ezi Isobari ẹ vị: Ariyanị, Imanahati, Ẹba, Ịsẹhwị, ọnịrị Onami nị. Ezi Izibeyọnị ẹ vị: Aya ọnịrị Aana nị. 41Aana ộ ma ozi ana aā hị́ Idisihoni nị. Idisihoni ọ ma ezi ana aā hị́ Ihamiranị, Esibani, Itihiranị, ọnịrị Ịchẹranị nị. 42Ezeri ọ ma ezi ana aā hị́ Ibirihani, Ịzaavanị, ọnịrị Ijaakanị nị. Dị Idisoni ọnị ma Uzi ọnịrị Arani nị.

Ẹnị ohinọyị Edomi nịnị

(Oyn 36.31-43)

43Ohinọyị ẹnẹnị ẹ vịdị rị tụra ẹngụ tụra ẹngụ ẹtẹ Edomi dị Anisirẹrị nịnị va yẹ ka ẹnịnị nyị ohinọyị ọnyọọnyị nị. Ibera ozi Ịbẹyọ; ẹkụra anị aā hị́ Idinihaba nị. 44Ịjị Ibera wusu, dị a sị Ijowabi ozi Ịzẹra rị ohinọyị tụ udi anị nị. Anẹkụra ana aā hi Ibozira ọ vị nị. 45Ịjị Ijowabi wusu, dị a sị Ihusihamị ana vị anẹkụra Itemani rị ohinọyị ana dọ ọ ịrẹsụ nị. 46Ị́rẹma Ihusihamị, dị Ihadadi ozi ọnọrụ ana aā hị́ Ibedadi rị ohinọyị dọ ọ ịrẹsụ nị. Ihadadi ọnọnị ọnịrị Animidiya nịnị kụ̀ ịrẹkụ ẹtẹ Imowabi dị o huna wa nị. Ẹkụra anị aā hị́ Aviti nị. 47Ịjị Ihadadi wusu, dị a hịka Isamiraana vị anẹkụra ana aā hị́ Imasireka ọ rị ohinọyị dọ ọ ịrẹsụ nị. 48Ịjị Isamira wusu, dị Ịsọọrụ ana vị anẹkụra ana aā hị́ Irehoboti ịnị ẹtẹ Iyuhwuretisi rị ohinọyị tụ́ udi anị nị. 49Ịrẹma Ịsọọrụ, dị Ịbaarị-Ịhananị ozi ọnọrụ ana aā hị́ Akibọ rị ohinọyị ana dọ ọ ịrẹsụ nị. 50Ịjị Ịbaarị-Ịhananị wusu, dị Ihadadi dọ ọ ịrẹsụ nị. Ẹkụra anị aā hị́ Ipawu nị; dị ose anị rị Imehetaberi nị. Ozi ọnẹẹ ana aā hị́ Imatiredi ọ vị nị. Ịrẹha ọnyị Imatiredi ọ rị Imezahabi nị. 51Dị Ihadadi ọnị re sú nị. Aza ẹnẹnị ẹ vị ohi-ohi Anedomi nịnị nị. Itimina, Ariva, Ijetiteti, 52Ohoribama, Eera, Ipinoni 53Ikenazi, Itemani, Imibiza 54Imagidẹrị ọnịrị Irami. Aanị ẹ mẹ yà vị ohi-ohi ẹtẹ Edomi nị.

Currently Selected:

1 Ịtọpa 1: EBTP

Highlight

Copy

Compare