ỊMATIYU 1
1
Ego Ogbegbe nya Adịda Igogo nya IJisọsị
(iLuku 3:23-38)
1Ọlẹ ri ego nya ọmama nya iJisọsị ịKịrayịsị. IJisọsị bwu imwawụ nya iDevidi ọnyị nya Ebiraham. 2Ebiraham ma Ayịsiki. Ayịsiki ma iJekọbụ. IJekọbụ ma iJuda bala anyị alẹng ịkịla. 3IJuda ma ịPẹrẹsị bala iSera. Ẹnyị nya ịnaa ri ịTamaa. ỊPẹrẹsị ma iHesirọn. IHesirọn ma Aram. 4Aram ma Aminadabụ. Aminadabụ ma ịNasọn. ỊNasọn ma ịSalịmọn. 5ỊSalịmọn ma iBowasị. Ịnịna nya iBowasị ri iRehabụ. IBowasị ma Obẹdị ọlẹ ká ịnamwụ ri iRutu. Obẹdị ma iJesi.
6IJesi ma Adịrahụ iDevidi. IDevidi ma iSolomọn. Ịnịna nya iSolomọn a ri ahụ nya Uriya ọlẹ ká iDevidi nu ye lẹ. 7ISolomọn ma iRehobowam. IRehobowam ma Abija. Abija ma Asa. 8Asa ma iJehosafatị. IJehosafatị ma iJoram. IJoram ma Usiya. 9Usiya ma iJotam. IJotam ma Ehasị. Ehasị ma iHesekaya. 10IHesekaya ma ịManasẹ. ỊManasẹ ma Emọsị. Emọsị ma iJosaya. 11IJosaya ma iJekonaya. IJosaya myịmyị ma anyị alẹng ịkịla ịnyịnyị, lụka ọlẹ kị wu ala Isirẹlụ kpa rụ bwu ẹwụ kele ka ọpyị nya ịBabilọn.
12Ụka kị wu ala Isirẹlụ kpa rụ ka ịBabilọn kpá, iJekonaya ma iSiyalitẹlụ. ISiyalitẹlụ ma iSerubabẹlụ. 13ISerubabẹlụ ma Abiyudu. Abiyudu ma Eliyakim. Eliyakim ma Asọọ. 14Asọọ ma ịSadọkọ. ỊSadọkọ ma Achim. Achim ma Eliyudu. 15Eliyudu ma Eliyesa. Eliyesaa ma ịMatan. ỊMatan ma iJekọbụ. 16IJekọbụ ma iJosẹfụ. IJosẹfụ ọọwa a ye iMeri ọlẹ kọ ri ịnịna nya iJisọsị ọlẹ kị wụrụ ịKịrayịsị lẹ. Etu nya ịKịrayịsị ri ọngọlẹ ká Ohe Oluhye chụ, ya ida nyamwụ wụ.
17Adịda igogo nya iJisọsị bwu ụka nya Ebiraham gbee pwụ ụka nya iDevidi la adịda igogo angị iwo kụrụ ine. Adịda igogo nya iJisọsị bwu ụka nya iDevidi gbee pwụ ụka ọlẹ kị wu ala Isirẹlụ kpa rụ bwu ẹwụ kele ka ịBabilọn la adịda igogo angị iwo kụrụ ine ịnyịnyị. Adịda igogo nya iJisọsị bwu ụka nya ẹwụ nya ala ịBabilọn ọọwa gbee pwụ ụka nya ọmama nya ịKịrayịsị ayịdang myịmyị la adịda igogo iwo kụrụ ine.
Ego nya Ọmama nya IJisọsị ỊKịrayịsị
(iLuku 2:1-7)
18Ịịlẹ, ọmama nya iJisọsị ịKịrayịsị a la lẹ: Ụka ọọwa, iJosẹfụ juwa ya ẹla nyọka ye iMeri ye. Ma, ene kị ka tụ iMeri da wẹ ẹpwa nya iJosẹfụ kpá lẹ, iMeri juwa la ẹnyị bwula ọngịrị nya Olegu Ịgọgọ lẹ. 19IJosẹfụ ri ọngọ họ ang ọnyịịla lẹ, ọ chị eje nyọka da awụlẹ oyeye nyamwụ bala iMeri yi ịbaa-ịbaa, chajị kọ ka chị oyoyi ju iMeri u-ugbọdọda ka. 20Ụka ká iJosẹfụ juwa kpa irya nya ẹla ọọwa me ẹ-ẹpwụ nyamwụ wẹẹ lẹ, olegu-ẹrụ nya Ọngọlahị ọhẹ a kele ka ẹga nya iJosẹfụ ẹ-ẹpwụ nya ụlaa kaka byọọ yẹkẹẹ, “IJosẹfụ, ọnyị nya iDevidi ee, wo mẹ. A ju uhi chajị nyọka ye iMeri ye nya ahụ nyang o-oluhye nya ẹnyị ọwẹ kọ kpa wẹ ka. Chajị, ẹnyị ọjẹjẹ nya iMeri ahụ nyang ọwẹ bwula ọngịrị nya Olegu Ịgọgọ. 21Ọnyị ọlẹng, iMeri a ka ma lẹ. A ka wụrụ ẹnyị nyamwụ iJisọsị#1:21 Etu nya ẹnyị ọlẹ ri Ọngọchịda Chajị, ọwa ka chị angịnyị nyamwụ da bwu ẹpwụ nya ịhọbịrị ịhọhọ nyaa wuu lẹlẹ.”
22Ẹlẹwẹ ri ọ-họ jịra nya ẹla ọlẹ ká Ọngọlahị ya bwu ọnụ nya ọlọmwụ nyamwụ onyogo yẹkẹẹ,
23“Anụ wo mẹ, ọnyị onjwo ịyang ọlẹ kọ jẹ́ ọlẹng ẹnẹnẹhẹ lẹka, ka jẹnyị.
Ọ ka ma ọnyị ọlẹng.
Ị ka wụrụ ẹnyị nya ọnyị ọọwa, Ịmanẹlụ,
ọlẹ ká etu nya Ịmanẹlụ ri Ohe Oluhye jam ẹ-ẹpwarịrị nyahị.”
24Ụka ká iJosẹfụ chị ahi-une, ọ họ jaabwọ ká olegu-ẹrụ nya Ọngọlahị byọọ ụ-ụlaa. Ịnyị, iJosẹfụ a ye iMeri nya ahụ nyamwụ ịnyịlẹhị lẹlẹ. 25Ma, iJosẹfụ á tị nọ ta iMeri ahụ nyamwụ ka, gbee kọ ya ẹnyị nya ọgbanyẹ nyamwụ ọọwa ma ọnyị ọlẹng. Ọọwa lẹ, iJosẹfụ a wụrụ ẹnyị nya ọnyị ọọwa, iJisọsị lẹlẹ.
Currently Selected:
ỊMATIYU 1: IBNO
Highlight
Share
Copy
Want to have your highlights saved across all your devices? Sign up or sign in
Igede Bible © The Bible Society of Nigeria, 2019.