ỊMALAKAYỊ 4
4
Ẹnụtụrụ nya Amkpaa juwa Wẹ
1Amkpaa nya ubwẹwụ yẹkẹẹ, Anụ wo mẹ, ẹnụtụrụ ọhẹ juwa warị. Ẹnụ ọọwa angị hi ọbọọchẹ bala alabwẹla onyobyi wuu ka rụ ila lala amẹ. Ịwa wuu ka rụ ila kpobyi kure-kure. 2Ma, anụ angịlẹ wuu kanụ myị jum ihi wẹ lẹ, anụ ka yẹ ọngịrị ọchịda nyam am Ohe Oluhye. Ọngịrị ọọwa ka ya ahịgboo hanụ lala ẹnụ. Ọ ka họnụ uda. Ọọwa, anụ ka dagba bala ọ-chị ọkẹkẹnị lala agba nya ịna ịlẹ kị yi ori da bwu ẹga kị taa ju ube ene-ene lẹlẹ. 3Ẹnụ kam Amkpaa ka wẹ wẹẹ, anụ angịnyị nyam ka kụrụ alabwẹla onyobyi chẹẹchẹẹ. Anụ ka jẹdịyẹ bwu ụhyẹ nyaa jaabwọ kánụ-ụ jẹ bwu uhye nya ekuruwa.
4“Anụ deeri nya ehile ịle ká iMosisi ọnchẹ nyam mẹjẹẹnụ koko. Anụ ka kpịtịya nya ehile ịlẹ wuu kam ya họọ ọ-ọgbọdọ nya ịSayịnayị kpa wanụ anụ ala Isirẹlụ wuu kanụ ka kpa. 5‘Anụ tị wo mẹ, ene ka ẹnụtụrụ ọtụka oluhi uhi ọlẹ kam Amkpaa ka kpa wẹ ka pwụ eji, m ka du Ịlayịja ọlọmwụ wẹ ẹga nyanụ. 6Ọ ka họ ká adịda bala anyị nyaa ka họ okpunyi lawụlẹ. Ó-ri kọ lịnyị ka aalẹ, m ka ta ọpyị nyanụ ayịreji ụka kam wẹ.’ ”
Currently Selected:
ỊMALAKAYỊ 4: IBNO
Highlight
Share
Copy
Want to have your highlights saved across all your devices? Sign up or sign in
Igede Bible © The Bible Society of Nigeria, 2019.