ÁLUKA 4
4
Úklɔ́ kú Ulífāyi, kú ipɔ́ɔma kú Ukɔ́hāti
1Óndú da Umósīsi kahíníī, 2“Lɛ ayí kú Ukɔ́hāti ā gbaáluka. Gbɔɔ́ ŋmá ipɔ́ɔnū ɔlɛ́ uwā mɛ́mla inu kú ádā uwā. 3Ācɛ nēe ŋmá iháyí ofu ce igwó ga iháyí ofɛpa ce igwó ā, nēe géē ga ipu Áklɔ̄kpīihɔ kú ɛga ō yɔ̄ kú Óndú ā gaá yúklɔ́ glá ā. 4Ɛ̄nyā wɛ Úklɔ́ kú ayí kú Ukɔ́hāti ipú Áklɔ̄kpīihɔ ā mɛ́mla ɔdā otīihɔ fíyɛ́ dúú ā.”
5Eko nɛ̄ aá gáā cālɛ́, Árɔ̄ni mɛ́mla ayí nū géē ga ipú Áklɔ̄kpīihɔ ā. Kwú ukɔ́tin kú iyɔ̄bū kú Ikpati kú Ɛka kú Óndú ā ú wā ajɛ, klla kwú ɔ̄ ú pīya klla ikpati ā. 6É géē pīya īlī nɛ̄hɛ́, ɔkpɛ́ɛwu mɛ́mla īlī odufā ā klá anú, kwú ogbló ō lɛ bī ikpati ā ú wu áklō kú nū. 7É í pīya īlī odufā ā klá itébulu kú igbō nēé je gwɛ́ɛya lɛ Óndú ā, klla í kpó ocíbú mɛ́mla ógo kú ɔtulāli ā, mla ógo nēé gē bī lɛ gwɛ́ɛya ā, mɛ́mla ɔjá kú ejé kú ɛya ā kpó ce ɛyí itébulu ā. Igbō ā géē cɛyí itébulu ā eko dóódu. 8É géē pīya īlī nɔ̄wá ā klá odúúdu ɔdā nēe bá nyā, klla í pīya ɔkpɛ́ɛwu ā klá anú, klla í je ɔcí ō le bī ɔ̄ ā ú wu ɔ́. 9É géē pīya īlī odufā ā klá ɔdā ō lɛ agege ce ɔ́ āa mɛ́mla agege kú nū ā, mla alápā ō bī je ahɔ̄lá mɛ́mla aóflēnjē mɛ́mla oli kú anɔ̄ kú ólīfu. 10É géē gbo odúúdu nū mɛ́mla iyó kú nū mɛ́mla ɔkpɛ́ɛwū olɔhi, cɛ́ɛ́ é kwú ɔ̄ í ce ɔcí ō le bī ɔ̄ ā. 11É géē je īlī odufā ā pīya klá ede kú oje ɔdɔ ā, klla í je ɔkpɛ́ɛwū olɔhi ā í pīya klá anú, klla í je ɔcí ō le bī ɔ̄ ā wu ɔ́. 12É géē kpó aɔ́dā dóódu nēé gē bī le yúklɔ́ ipú Áklɔ̄kpīihɔ ā gbō ipú īlī odufā ā klla í je ɔkpɛ́ɛwū ā pīya klá anú, cɛ́ɛ́ é kwú ɔ̄ ú ce ɛyi ɔcí ō le bī ɔ̄ ā. 13É géē kla ewo kú anāānɔ̄ ā ŋmá ede ā, klla í kpó īlī odufā ā pīya klá anú. 14É í kpó iyó dóódu nēé gē bī le yúklɔ́ abɔ́ɔ ā, ákánjɔ̄ ō bī fɔ́ɔlá, okoolo ō bī ŋmó odée ɔlá, oje o bī tá ɛbɛ́ ŋmá ɔlá, ussɔ́bɛ̄lu, agá mɛ́mla ɔgbanjɛ̄ tū ipú īlī ā. Anɔ́ɔ é géē pīya ɔkpɛ́ɛwū olɔhi klá ɔ́, cɛ́ɛ́ é kwú aógbló ō lɛ bī ɔ̄ ā ú kpó wu ɔ́. 15Eko nɛ̄ eko ocālɛ́ kú aá le yá, ipɔ́ɔma kú Ukɔ́hāti ā géē wā í kpó iyó otīihɔ nyā, eko nɛ̄ Árɔ̄ni mɛ́mla ayí nū le iyó ā gwótū le ɔ̄ gbō kwɛyí. Amáŋ, ayí kú Ukɔ́hāti kéē híī lɛ abɔ̄ kwu ɔdā nēe bá nyā ŋ́, ohígbū nēé í kwú. Ɛ̄nyā wɛ úklɔ́ kú ipɔ́ɔma kú Ukɔ́hāti, eko dóódu nɛ̄ aá gáā fu Áklɔ̄kpīihɔ ā ŋmá ajɛ á. 16Ɛlísaa, ɔyí kú Árɔ̄ni, ɔ̄cogwɛ́ɛya ā, géē leyīkwu odúúdú Áklɔ̄kpīihɔ ā, mɛ́mla anɔ̄ kú agege kú nū, ɔtulāli mɛ́mla ɛya kú īkpɔ̄da, mɛ́mla anɔ̄ ō tū ɛyí mɛ́mla ɔdɔ̄há dóódu nēé le tīihɔ lɛ́ Óndú ā. 17Óndú ā da Umósīsi mɛ́mla Árɔ̄ni kahíníī, 18“Aá cɛ̄ lɛ ipɔ́ɔma kú Ukɔ́hāti ā 19je kpó yíífi ŋmá ipɔ́ɔma kú ayí kú Ulífāyi, o ŋmá lɛ o túbla aɔ́dā o tīihɔ nēe bá nyā ŋ́. O yá ɛ́ɛ́ kéē híī kwú ŋ́ mā, Árɔ̄ni mɛ́mla ayí nū géē ga ipú Áklɔ̄kpīihɔ ā gaá je ɔdā nɛ̄ ɔnyɔɔnyɛ kú uwā í bī ā lɛ ɔ́. 20Amáŋ ɔ́dāŋ ka ācɛ kú ipɔ́ɔma kú Ukɔ́hāti ā le tá ipú Áklɔ̄kpīihɔ ā gaá lɛ ɔdā otīihɔ nyā má, eko nɛ̄ ācogwɛ́ɛya ā bá ī tū uwā tū, kéē cālɛ́ ā, é géē kwú.”
Úklɔ́ kú ayí Ulífāyi nēe ŋmá ipɔ́ɔma kú Ugɛ́ssɔn
21Óndú a da Umósīsi kahíníī, 22“Lɛ ācɛ kú Ulífāyi, ipɔ́ɔma kú Ugɛ́ssɔn ā gbaáluka gbɔɔ́ ŋmá ipɔ́ɔnū ɔlɛ́ uwā mɛ́mla inu kú aádáádā uwā. 23Lɛ odúúdu ācɛ nēe wɛ iháyí ofu ce igwó gɔbū ga ofɛpa ce nēe lɔfú yúklɔ́ ipú Áklɔ̄kpīihɔ ā glá ā gbaáluka. 24É géē lɛ úklɔ́ kú iyó nēe bá nyā ō bī. 25Áklɔ̄kpīihɔ ā mɛ́mla ukɔ́tin kú nū, mla ɔkpɛ́ɛwū olɔhi nōo klá icō kú nū ā, mɛ́mla ukɔ́tin kú ɔwɛ kú Áklɔ̄kpīihɔ ā. 26Mɛ́mla ukɔ́tin mla ɔ́ŋgbá kú eyīyɛ̄cɛ bīílí kú Áklɔ̄kpīihɔ ā mɛ́mla ɔdā dóódu nēé géē bī le je Áklɔ̄kpīihɔ ā kwu ajɛ ā. Úklɔ́ ɔhá dóódu nōo lɛ iyē kwu āyā nyā ā, uwá gáā yá ɔ̄ á. 27Umósīsi mla Árɔ̄ni í má ka, ipɔ́ɔma kú Ugɛ́ssɔn ā lɛ odúúdú úklɔ́ kú uwā yá, kéē klla bī ɔdā dóódu nɛ̄ Árɔ̄ni mɛ́mla ayí nū je lɛ uwá ā. 28Ɛ̄nyā wɛ úklɔ́ kú ipɔ́ɔma kú Ugɛ́ssɔn ipú Áklɔ̄kpīihɔ ā. É géē yúklɔ́ kú uwā ā ɛháajɛ kú Utáma ɔyí kú Árɔ̄ni, ɔ̄cogwɛ́ɛya ā.”
Úklɔ́ kú ayí kú Umerári
29Óndú ā da Umósīsi kahíníī, “Lɛ ayí Ulífāyi kú ipɔ́ɔma kú Umerári gbaáluka, gbɔɔ́ ŋmá ipɔ́ɔnū kú ɔlɛ́ uwā mɛ́mla inu kú aádáádā uwā. 30Lɛ ācɛ nēe wɛ iháyí ofu ce igwó ga iháyí ofɛpa ce igwó kú uwā, nēe lɔfú yúklɔ́ ipú Áklɔ̄kpīihɔ ā glá ā gbaáluka. 31É géē le úklɔ́ kú o bi ákanaba ō bī gwó Áklɔ̄kpīihɔ ā, ɔcí o kwu ajɛ, ɔcí aflá, mɛ́mla ígbóoje-otáajɛ kú nū. 32Ogbló, ɔcí ō kwu ajɛ, ígbóoje-otáajɛ, ápíyɛ́kɛ̄ mɛ́mla ɔ́ŋgbá mɛ́mla aɔ́dā ohile dóódu ā. A géē mafú iyó nɛ̄ ɔnyɔɔnyɛ géē bī ā fú lɛ ɔ́. 33Ɛ̄nyā wɛ úklɔ́ kú Ulífāyi, ipɔ́ɔma kú Umerári ipú Áklɔ̄kpīihɔ ā á. É géē yúklɔ́ kú uwā ā ɛháajɛ kú Utáma, ɔyí kú Árɔ̄ni, ɔ̄cogwɛ́ɛya ā.”
Ogbaáluka kú ācɛ kú Ulífāyi
34Umósīsi mɛ́mla Árɔ̄ni mɛ́mla aótrɛ̄yí kú ójīla kú ācɛ Ísrɛ̄lu ā, lɛ ayí kú ipɔ́ɔma kú Ukɔ́hāti ā gbaáluka. 35Ācɛ ɛ̄nɛ̄ e wɛ iháyí ofu ce igwo ga iháyí ofɛpa ce igwó, nēe lɔfú yúklɔ́ lɛ Óndú ā ipú Áklɔ̄kpīihɔ glá ā wɛ, 36úlā ɛhīlī ce ofigwɛ́ɛhɔ̄ ce ofɛpa ce igwó (2,750). 37Ɛ̄nyā wɛ áluka kú ipɔ́ɔma kú Ukɔ́hāti nēe géē yúklɔ́ ipú Áklɔ̄kpīihɔ glá, nɛ̄ Umósīsi mɛ́mla Árɔ̄ni gbaáluka ā.
38Áluka kú ayí kú ipɔ́ɔma mɛ́mla ipɔ́ɔnū kú Ugɛ́ssɔn, 39nēe wɛ iháyí ofu ce igwó ga iháyí ofɛpa ce igwó, nēe yúklɔ́ ipú Áklɔ̄kpīihɔ kú Óndú ā glá ā yɔ̄ á. 40É wɛ úlā ɛhīlī ce ofigwóléyi ce igwó (2,630). 41Ɛ̄nyā wɛ áluka kú ayí kú ipɔ́ɔma kú Ugɛ́ssɔn nēe wɛ iháyí ofu ce igwó gɔbū, nēe géē yúklɔ́ ipu Áklɔ̄kpīihɔ ā glá ā.
42Áluka kú ayí kú ipɔ́ɔma kú Umɛrári, 43ācɛ ɛ̄nɛ̄ e wɛ iháyí ofu ce igwó ga iháyí ofu ɛpa ce igwo, nēe géē yúklɔ́ ipú Áklɔ̄kpīihɔ glá ā wɛ, 44úlā ahātá (3,200). 45Aɛ́nyā wɛ ācɛ nɛ̄ Umósīsi mɛ́mla Árɔ̄ni gbaáluka ipɔ́ɔma kú Umɛrári ɛ́gɛ́nɛ̄ “Óndú ā ka lɛ ā á.
46Odúúdú ācɛ nɛ̄ Umósīsi mɛ́mla Árɔ̄ni mɛ́mla aótrɛ̄yí kú ācɛ kú Ísrɛ̄lu gbaáluka á. É gbɔɔ́ ŋmá ācɛ kú ipɔ́ɔnū mɛ́mla inu kú aádáádā uwā, 47nēe wɛ iháyí ofu ce igwó ga iháyí ofɛpa ce igwó nēe géē ga ipú Áklɔ̄kpīihɔ kú Óndú ā gaá yúklɔ́ glá ā. 48É wɛ úlā ofu ce éyi, ce ofu ahāanɛ (8,580). 49Ɛ́gɛ́nɛ̄ Óndú ā je íne bū okónu kú Umósīsi lɛ ā, é le uwá fu kwu úklɔ́ kú uwā, ipú Áklɔ̄kpīihɔ ā. É klla le uwá gbaáluka ɛ́gɛ́nɛ̄ Óndú ā ka lɛ ā.
Currently Selected:
ÁLUKA 4: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 4
4
Úklɔ́ kú Ulífāyi, kú ipɔ́ɔma kú Ukɔ́hāti
1Óndú da Umósīsi kahíníī, 2“Lɛ ayí kú Ukɔ́hāti ā gbaáluka. Gbɔɔ́ ŋmá ipɔ́ɔnū ɔlɛ́ uwā mɛ́mla inu kú ádā uwā. 3Ācɛ nēe ŋmá iháyí ofu ce igwó ga iháyí ofɛpa ce igwó ā, nēe géē ga ipu Áklɔ̄kpīihɔ kú ɛga ō yɔ̄ kú Óndú ā gaá yúklɔ́ glá ā. 4Ɛ̄nyā wɛ Úklɔ́ kú ayí kú Ukɔ́hāti ipú Áklɔ̄kpīihɔ ā mɛ́mla ɔdā otīihɔ fíyɛ́ dúú ā.”
5Eko nɛ̄ aá gáā cālɛ́, Árɔ̄ni mɛ́mla ayí nū géē ga ipú Áklɔ̄kpīihɔ ā. Kwú ukɔ́tin kú iyɔ̄bū kú Ikpati kú Ɛka kú Óndú ā ú wā ajɛ, klla kwú ɔ̄ ú pīya klla ikpati ā. 6É géē pīya īlī nɛ̄hɛ́, ɔkpɛ́ɛwu mɛ́mla īlī odufā ā klá anú, kwú ogbló ō lɛ bī ikpati ā ú wu áklō kú nū. 7É í pīya īlī odufā ā klá itébulu kú igbō nēé je gwɛ́ɛya lɛ Óndú ā, klla í kpó ocíbú mɛ́mla ógo kú ɔtulāli ā, mla ógo nēé gē bī lɛ gwɛ́ɛya ā, mɛ́mla ɔjá kú ejé kú ɛya ā kpó ce ɛyí itébulu ā. Igbō ā géē cɛyí itébulu ā eko dóódu. 8É géē pīya īlī nɔ̄wá ā klá odúúdu ɔdā nēe bá nyā, klla í pīya ɔkpɛ́ɛwu ā klá anú, klla í je ɔcí ō le bī ɔ̄ ā ú wu ɔ́. 9É géē pīya īlī odufā ā klá ɔdā ō lɛ agege ce ɔ́ āa mɛ́mla agege kú nū ā, mla alápā ō bī je ahɔ̄lá mɛ́mla aóflēnjē mɛ́mla oli kú anɔ̄ kú ólīfu. 10É géē gbo odúúdu nū mɛ́mla iyó kú nū mɛ́mla ɔkpɛ́ɛwū olɔhi, cɛ́ɛ́ é kwú ɔ̄ í ce ɔcí ō le bī ɔ̄ ā. 11É géē je īlī odufā ā pīya klá ede kú oje ɔdɔ ā, klla í je ɔkpɛ́ɛwū olɔhi ā í pīya klá anú, klla í je ɔcí ō le bī ɔ̄ ā wu ɔ́. 12É géē kpó aɔ́dā dóódu nēé gē bī le yúklɔ́ ipú Áklɔ̄kpīihɔ ā gbō ipú īlī odufā ā klla í je ɔkpɛ́ɛwū ā pīya klá anú, cɛ́ɛ́ é kwú ɔ̄ ú ce ɛyi ɔcí ō le bī ɔ̄ ā. 13É géē kla ewo kú anāānɔ̄ ā ŋmá ede ā, klla í kpó īlī odufā ā pīya klá anú. 14É í kpó iyó dóódu nēé gē bī le yúklɔ́ abɔ́ɔ ā, ákánjɔ̄ ō bī fɔ́ɔlá, okoolo ō bī ŋmó odée ɔlá, oje o bī tá ɛbɛ́ ŋmá ɔlá, ussɔ́bɛ̄lu, agá mɛ́mla ɔgbanjɛ̄ tū ipú īlī ā. Anɔ́ɔ é géē pīya ɔkpɛ́ɛwū olɔhi klá ɔ́, cɛ́ɛ́ é kwú aógbló ō lɛ bī ɔ̄ ā ú kpó wu ɔ́. 15Eko nɛ̄ eko ocālɛ́ kú aá le yá, ipɔ́ɔma kú Ukɔ́hāti ā géē wā í kpó iyó otīihɔ nyā, eko nɛ̄ Árɔ̄ni mɛ́mla ayí nū le iyó ā gwótū le ɔ̄ gbō kwɛyí. Amáŋ, ayí kú Ukɔ́hāti kéē híī lɛ abɔ̄ kwu ɔdā nēe bá nyā ŋ́, ohígbū nēé í kwú. Ɛ̄nyā wɛ úklɔ́ kú ipɔ́ɔma kú Ukɔ́hāti, eko dóódu nɛ̄ aá gáā fu Áklɔ̄kpīihɔ ā ŋmá ajɛ á. 16Ɛlísaa, ɔyí kú Árɔ̄ni, ɔ̄cogwɛ́ɛya ā, géē leyīkwu odúúdú Áklɔ̄kpīihɔ ā, mɛ́mla anɔ̄ kú agege kú nū, ɔtulāli mɛ́mla ɛya kú īkpɔ̄da, mɛ́mla anɔ̄ ō tū ɛyí mɛ́mla ɔdɔ̄há dóódu nēé le tīihɔ lɛ́ Óndú ā. 17Óndú ā da Umósīsi mɛ́mla Árɔ̄ni kahíníī, 18“Aá cɛ̄ lɛ ipɔ́ɔma kú Ukɔ́hāti ā 19je kpó yíífi ŋmá ipɔ́ɔma kú ayí kú Ulífāyi, o ŋmá lɛ o túbla aɔ́dā o tīihɔ nēe bá nyā ŋ́. O yá ɛ́ɛ́ kéē híī kwú ŋ́ mā, Árɔ̄ni mɛ́mla ayí nū géē ga ipú Áklɔ̄kpīihɔ ā gaá je ɔdā nɛ̄ ɔnyɔɔnyɛ kú uwā í bī ā lɛ ɔ́. 20Amáŋ ɔ́dāŋ ka ācɛ kú ipɔ́ɔma kú Ukɔ́hāti ā le tá ipú Áklɔ̄kpīihɔ ā gaá lɛ ɔdā otīihɔ nyā má, eko nɛ̄ ācogwɛ́ɛya ā bá ī tū uwā tū, kéē cālɛ́ ā, é géē kwú.”
Úklɔ́ kú ayí Ulífāyi nēe ŋmá ipɔ́ɔma kú Ugɛ́ssɔn
21Óndú a da Umósīsi kahíníī, 22“Lɛ ācɛ kú Ulífāyi, ipɔ́ɔma kú Ugɛ́ssɔn ā gbaáluka gbɔɔ́ ŋmá ipɔ́ɔnū ɔlɛ́ uwā mɛ́mla inu kú aádáádā uwā. 23Lɛ odúúdu ācɛ nēe wɛ iháyí ofu ce igwó gɔbū ga ofɛpa ce nēe lɔfú yúklɔ́ ipú Áklɔ̄kpīihɔ ā glá ā gbaáluka. 24É géē lɛ úklɔ́ kú iyó nēe bá nyā ō bī. 25Áklɔ̄kpīihɔ ā mɛ́mla ukɔ́tin kú nū, mla ɔkpɛ́ɛwū olɔhi nōo klá icō kú nū ā, mɛ́mla ukɔ́tin kú ɔwɛ kú Áklɔ̄kpīihɔ ā. 26Mɛ́mla ukɔ́tin mla ɔ́ŋgbá kú eyīyɛ̄cɛ bīílí kú Áklɔ̄kpīihɔ ā mɛ́mla ɔdā dóódu nēé géē bī le je Áklɔ̄kpīihɔ ā kwu ajɛ ā. Úklɔ́ ɔhá dóódu nōo lɛ iyē kwu āyā nyā ā, uwá gáā yá ɔ̄ á. 27Umósīsi mla Árɔ̄ni í má ka, ipɔ́ɔma kú Ugɛ́ssɔn ā lɛ odúúdú úklɔ́ kú uwā yá, kéē klla bī ɔdā dóódu nɛ̄ Árɔ̄ni mɛ́mla ayí nū je lɛ uwá ā. 28Ɛ̄nyā wɛ úklɔ́ kú ipɔ́ɔma kú Ugɛ́ssɔn ipú Áklɔ̄kpīihɔ ā. É géē yúklɔ́ kú uwā ā ɛháajɛ kú Utáma ɔyí kú Árɔ̄ni, ɔ̄cogwɛ́ɛya ā.”
Úklɔ́ kú ayí kú Umerári
29Óndú ā da Umósīsi kahíníī, “Lɛ ayí Ulífāyi kú ipɔ́ɔma kú Umerári gbaáluka, gbɔɔ́ ŋmá ipɔ́ɔnū kú ɔlɛ́ uwā mɛ́mla inu kú aádáádā uwā. 30Lɛ ācɛ nēe wɛ iháyí ofu ce igwó ga iháyí ofɛpa ce igwó kú uwā, nēe lɔfú yúklɔ́ ipú Áklɔ̄kpīihɔ ā glá ā gbaáluka. 31É géē le úklɔ́ kú o bi ákanaba ō bī gwó Áklɔ̄kpīihɔ ā, ɔcí o kwu ajɛ, ɔcí aflá, mɛ́mla ígbóoje-otáajɛ kú nū. 32Ogbló, ɔcí ō kwu ajɛ, ígbóoje-otáajɛ, ápíyɛ́kɛ̄ mɛ́mla ɔ́ŋgbá mɛ́mla aɔ́dā ohile dóódu ā. A géē mafú iyó nɛ̄ ɔnyɔɔnyɛ géē bī ā fú lɛ ɔ́. 33Ɛ̄nyā wɛ úklɔ́ kú Ulífāyi, ipɔ́ɔma kú Umerári ipú Áklɔ̄kpīihɔ ā á. É géē yúklɔ́ kú uwā ā ɛháajɛ kú Utáma, ɔyí kú Árɔ̄ni, ɔ̄cogwɛ́ɛya ā.”
Ogbaáluka kú ācɛ kú Ulífāyi
34Umósīsi mɛ́mla Árɔ̄ni mɛ́mla aótrɛ̄yí kú ójīla kú ācɛ Ísrɛ̄lu ā, lɛ ayí kú ipɔ́ɔma kú Ukɔ́hāti ā gbaáluka. 35Ācɛ ɛ̄nɛ̄ e wɛ iháyí ofu ce igwo ga iháyí ofɛpa ce igwó, nēe lɔfú yúklɔ́ lɛ Óndú ā ipú Áklɔ̄kpīihɔ glá ā wɛ, 36úlā ɛhīlī ce ofigwɛ́ɛhɔ̄ ce ofɛpa ce igwó (2,750). 37Ɛ̄nyā wɛ áluka kú ipɔ́ɔma kú Ukɔ́hāti nēe géē yúklɔ́ ipú Áklɔ̄kpīihɔ glá, nɛ̄ Umósīsi mɛ́mla Árɔ̄ni gbaáluka ā.
38Áluka kú ayí kú ipɔ́ɔma mɛ́mla ipɔ́ɔnū kú Ugɛ́ssɔn, 39nēe wɛ iháyí ofu ce igwó ga iháyí ofɛpa ce igwó, nēe yúklɔ́ ipú Áklɔ̄kpīihɔ kú Óndú ā glá ā yɔ̄ á. 40É wɛ úlā ɛhīlī ce ofigwóléyi ce igwó (2,630). 41Ɛ̄nyā wɛ áluka kú ayí kú ipɔ́ɔma kú Ugɛ́ssɔn nēe wɛ iháyí ofu ce igwó gɔbū, nēe géē yúklɔ́ ipu Áklɔ̄kpīihɔ ā glá ā.
42Áluka kú ayí kú ipɔ́ɔma kú Umɛrári, 43ācɛ ɛ̄nɛ̄ e wɛ iháyí ofu ce igwó ga iháyí ofu ɛpa ce igwo, nēe géē yúklɔ́ ipú Áklɔ̄kpīihɔ glá ā wɛ, 44úlā ahātá (3,200). 45Aɛ́nyā wɛ ācɛ nɛ̄ Umósīsi mɛ́mla Árɔ̄ni gbaáluka ipɔ́ɔma kú Umɛrári ɛ́gɛ́nɛ̄ “Óndú ā ka lɛ ā á.
46Odúúdú ācɛ nɛ̄ Umósīsi mɛ́mla Árɔ̄ni mɛ́mla aótrɛ̄yí kú ācɛ kú Ísrɛ̄lu gbaáluka á. É gbɔɔ́ ŋmá ācɛ kú ipɔ́ɔnū mɛ́mla inu kú aádáádā uwā, 47nēe wɛ iháyí ofu ce igwó ga iháyí ofɛpa ce igwó nēe géē ga ipú Áklɔ̄kpīihɔ kú Óndú ā gaá yúklɔ́ glá ā. 48É wɛ úlā ofu ce éyi, ce ofu ahāanɛ (8,580). 49Ɛ́gɛ́nɛ̄ Óndú ā je íne bū okónu kú Umósīsi lɛ ā, é le uwá fu kwu úklɔ́ kú uwā, ipú Áklɔ̄kpīihɔ ā. É klla le uwá gbaáluka ɛ́gɛ́nɛ̄ Óndú ā ka lɛ ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma