ÁLUKA 5
5
Ācɛ oblínyī
1Óndú ā da Umósīsi kahíníī, 2“Lɛ ka lɛ ācɛ kú Ísrɛ̄lu kéē lɛ ɔ̄cɛ dóódu nōo lɛ agwú mɛ́mla ɔ̄cɛ dúúmā nōo lɛ ōcē obɔ̄bí kú ɔkpíyē nɛ̄ ifu yɔ̄ gē pɛ́ ŋmá anú, mɛ́mla ɔ̄cɛ dúúmā nōo kwú iyī nū ú tēelihɔ ŋmá lɛ abɔ̄ ō kwu okwū, ú nū ŋmá ipú kú ɛga nɛ̄ aá lā ā. 3Aá kwú ācɛ ɛ́gɔ́ɔmā, kwu ācɛnyā kwu ācɛnyīlɔ ú nū bɛ̄cɛ ŋmá ipú aá, ohígbū nēé géē je ɛga nɛ̄ n lā ipú aá yá tēelihɔ ā.” 4Anɔ́ɔ ācɛ kú Ísrɛ̄lu le yá lɛ ā á. É lɛ uwá kpó nū bɛ̄cɛ ŋmá ipú ɔlɛ́ ā, ɛ́gɛ́nɛ̄ Óndú ā ka lɛ uwá bū okónu kú Umósīsi ā.
Ule ōcílá kú ɔdōbɔ̄bí nɛ̄ ɔ̄cɛ yá ā
5 #
Ulīf 6.1-7
Óndú ā da Umósīsi kahíníī, 6“Ɔ́dāŋ ka ɔ̄cɛ dóódu lɛ ɔdōbɔ̄bí yá ɔ́mpa nū, ohígbū kōó cɛ̄ɛ̄lā Óndú ā ɛ́ɛ́ gɛ ŋ́, ó le ɛpɔ̄bí lé. 7Ó géē ka odúúdu íne nɛ̄ ó bīya ā tɛ́ɛcɛ, klla í cílá ulé kú ɔdōbɔ̄bí nɛ̄ó yá ā dúúdú. Ó klla í cíla úle kú nū, ɛga ofu ŋmá ipú ofɛhɔ̄ fíyɛ́ lɛ ɔ̄cɛ nɛ̄ó yá ɔ̄ ɔdōbɔ̄bí ā. 8Amáŋ, ɔ́dāŋ ka ɔ̄cɛ nɛ̄ó yá ɔ̄ ɔdōbɔ̄bí ā gekwú, nɛ̄ó lɛ ɔmáapú dóódu nēé géē cíla ulé nyā lɛ ɔ́ ŋ́, é géē gbā ulé ā lɛ Óndú ā kóō wɛ ákú ācogwɛ́ɛya. Ulé nɛ̄ó géē gbā nyā í gáā ci omlede nɛ̄ó géē bī le gwɛ́ɛya, kéē lɛ ɔ́ yá yēŋēē ŋmá ɔdōbɔ̄bí nɛ̄ó yá ā ŋ́. 9Odúúdú ɔdā nɛ̄ Ísrɛ̄lu í bī wā í je gwɛ́ɛya ā wɛ ákú ācogwɛ́ɛya nēé gē kpó aɔ́dā ā tū uwā abɔ̄ ā. 10Ɔdā dóódu nēé je lɛ ɔ̄cogwɛ́ɛya dóódu ā géē wɛ ákú nū.”
Ɛlā kú ācɛnyā nɛ̄ aɔ́bá uwa ī kpéyīce uwá kú ajā ō gbo
11Óndú ā da Umósīsi kahíníī, 12“Lɛ ukɔ́ nyā tū ācɛ kú Ísrɛ̄lu lɛyíkwu ɔnyā dúúmā nɛ̄ ó yá ucē okpaakpa lɛyikwu ɔbá nū ŋ́, 13anɔ́ɔ ó gaá le ajā gbo, anɔ́ɔ ɔbá nū gbɔɔ́ ō kpéyīce ɔ́, nááná nɛ̄ó kwú ɔ̄ mla ɔ̄cɛ dúú ŋ́, ɛ́ɛ́ nɛ̄ ɔ̄cɛ dúú ī cījáalí tū ɔ̄ ŋ́ mā. 14Ó kōō wɛ ɔnyā nɛ̄ó gbaajā ŋ́ nááná nɛ̄ ɔbá nū gbɔɔ́ ō kpéyīce ɔ́. 15Ɔ̄cɛnyīlɔ ā géē bī ɔnyā nū ā gé lɛ ɔ̄cogwɛ́ɛya. Ɔ̄cɛnyīlɔ ā géē bī umu okoolo éyi nēé géē bī le gwɛ́ɛya, amáŋ ó gáā pīya anɔ̄ kú ólífu tū ɔ̄ ámāŋ o lɛ ɔtulalī dóódu ce ɔ́ ŋ́, ohígbū ka ó wɛ ɛya nōo ŋmá ɛgiyí ɔbá nōo kpéyīce ɔnyā nū, nēé gwó kóō lɛ ɛlā ɔ̄kwɛ̄yi bī wɛ̄ɛcɛ.”
16Ɔ̄cogwɛ́ɛya ā géē bī ɔnyā ā wā í háyi iyɔbū ede kú Óndú ā. 17Cɛ́ɛ́ ó lɛ éŋkpɔ̄ otīihɔ ā tū aklɛ, cɛ́ɛ́ ó lɛ abɔ̄ fú úmúlá kú ipú Áklɔ̄kpīihɔ kú Óndú ā tū ipú éŋkpɔ̄ ā. Ó í cɛ̄ lɛ éŋkpɔ̄ ā je hɔ́ɔnɔ. 18Ó géē wī ɛyí kú ɔnyā a klla í je iyɛ́ɛya kú umu ā ce ɔ́ abɔ̄, cɛ́ɛ́ ɔ̄cogwɛ́ɛya ā í bī aklɛ kú éŋkpɔ̄ ohɔ́ɔnɔ, nōo géē bī okónu ō tá wā ā, abɔ̄ kú nū. 19Ɔ̄cogwɛ́ɛya ā géē lɛ ɔkpá ce ɔnyā, anɔ́ɔ ó géē hɛ́ ɔhɛ̄nɛ̄ lɛ ɔnyā kahíníī, “Ɔ́dāŋ ka á gbo ajā tá ɔ̄cɛ dúúmā kú ā le iyē kú uwɔ tēelihɔ eko nāa yɔ̄ ɔlɛ́ ɔbá uwɔ ā ŋ́, a géē lé ɛpɔ̄hi kú okónu ō tá nɛ̄ éŋkpɔ̄ ohɔ́ɔnɔ nyā géē bī wā ā. 20Amáŋ, ɔ́dāŋ ka a le iyī uwɔ iyē nyílá, nɛ̄ ɔ̄cɛ ɔhá fíyɛ́ ɔbá uwɔ lɛ ohɛ́ɛwa kú uwɔ má, le gwutá mla uwɔ, eko nɛ̄ a yɔ̄ ɔlɛ́ ɔbá uwɔ ā. 21Ká Óndú ā kóō lɛ iyē kú uwɔ pīya ɔdōbɔ̄bi mɛ́mla ɔdā kú okónu ō tá ɔtāhɛ ācɛ ɔlɛ́ uwɔ. Kóō yá kú agada kú uwɔ kóō gebí tāajɛ, ká ipú kóō le nū ce uwɔ ɔtū. 22Ká éŋkpɔ̄ ohɔ́ɔnɔ nyā kóō tá ipú kú uwɔ, kóō lɛ uwɔ ipú nū cɔtū, kóō yá kú agada kú uwɔ kóō kwú wu tū. Ɔcɛnyā ā í tóohi ka ó lɛ yá lɛ ā.”
Ɛka ō gwá kú ajā ō gbo
23Ɔcogwɛ́ɛya ā géē tá ɛlā kú ɔhɛ̄ɛ̄nɛ̄ ɛka ā tū ɔkpá, cɛ́ɛ́ ó kwú ɔ̄ ú na tū éŋkpɔ̄ ohɔ́ɔnɔ ā. 24Gbɔbū kóō cɛ̄ lɛ ɔnyā ā gwá éŋkpɔ̄ ohɔ́ɔnɔ, nōo lɔfú bī okónu ō tá gē lɛ ɔ́ klla í cɛ̄ lɛ ipúkpánū yá ɔ̄ nɛ̄hi glá ā, 25ɔ̄cogwɛ́ɛya ā í lɛ abɔ̄ fú umu kú ɛya kú īkpɔ̄dā kú eyī ō kpóce ā ŋmá abɔ̄ kú ɔnyā ā. Cɛ́ɛ́ ó kwú gicō, lɛ ɔ́ jíliyē iyɔ̄bu ede kú Óndú ā, cɛ́ɛ́ ó kwú ɔ̄ ú bī wā ɛyí ede ā. 26Anɔ́ɔ ɔ̄cogwɛ́ɛya ā géē lɛ abɔ̄ fú iyɛ́ɛya kú īkpɔ̄dā ā, lɛ ɔ́ yɔlá ɛyí ede, igbīhi ɛ̄nyā ā, ó cɛ̄ lɛ ɔnyā ā lɛ éŋkpɔ̄ ohɔ́ɔnɔ ā gwá.
27Eko nɛ̄ó cɛ̄ lɛ ɔnyā ā lɛ éŋkpɔ̄ ōhɔ́ɔnɔ ā gwá, ɔ́dāŋ kaó lɛ ajā gbo, le iyī nū iyē tēelihɔ, éŋkpɔ̄ ohɔ́ɔnɔ nōo ga ɔ́ ipú ā géē cɛ̄ lɛ ipúkpánū yá ɔ̄ nɛ̄ɛ̄nɛ̄hi. Iyē kú nū géē je mi, ipú klla géē nū ce ɔ́ ɔtū. Agada kú nū í je wútū. Ɔnyā ā í je pīya ɔdā nɛ̄ ācɛ géē bī le kwiitá. 28Amáŋ, ɔ́dāŋ nɛ̄ ɔnyā ā í gbajā kóō je iyī nū tēelihɔ ŋ́, nɛ̄ abɔ̄ kú nū lɛ yēŋēē, ɛka í gáā kwú ɔ̄ ŋ́. Ó géē lɔfú yīipu klla ma ɔyí glá.
29Ɛ̄nyā wɛ íne kú eko nɛ̄ ɔ̄cɛnyīlɔ gbɔɔ́ ō kpéyīce ɔnyā nū ka ɔ́ɔ le ajā gbo tá ɔ̄cɛ ɔhá, anɔ́ɔ ó le iyī nū iyē tēelihɔ eko nɛ̄ó yɔ̄ ɔlɛ́ ɔbá nū. 30Ɔ̄cogwɛ́ɛya ā géē cɛ̄ lɛ ɔnyā háyi iyɔ̄bū ede, iyɔ̄bū Óndú ā kóō gwá ɔkpá nɛ̄ ɔ̄cogwɛ́ɛya ā géē yá uculo kú nū nyā. 31Ɔ̄cɛnyīlɔ ā géē lé ɛpɔ̄hi, ɔ́dāŋ ka ɔnyā ā le ajā gbo, amáŋ ɔnyā ā géē móōwē kú íne nɛ̄ ó bīya ā.
Currently Selected:
ÁLUKA 5: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 5
5
Ācɛ oblínyī
1Óndú ā da Umósīsi kahíníī, 2“Lɛ ka lɛ ācɛ kú Ísrɛ̄lu kéē lɛ ɔ̄cɛ dóódu nōo lɛ agwú mɛ́mla ɔ̄cɛ dúúmā nōo lɛ ōcē obɔ̄bí kú ɔkpíyē nɛ̄ ifu yɔ̄ gē pɛ́ ŋmá anú, mɛ́mla ɔ̄cɛ dúúmā nōo kwú iyī nū ú tēelihɔ ŋmá lɛ abɔ̄ ō kwu okwū, ú nū ŋmá ipú kú ɛga nɛ̄ aá lā ā. 3Aá kwú ācɛ ɛ́gɔ́ɔmā, kwu ācɛnyā kwu ācɛnyīlɔ ú nū bɛ̄cɛ ŋmá ipú aá, ohígbū nēé géē je ɛga nɛ̄ n lā ipú aá yá tēelihɔ ā.” 4Anɔ́ɔ ācɛ kú Ísrɛ̄lu le yá lɛ ā á. É lɛ uwá kpó nū bɛ̄cɛ ŋmá ipú ɔlɛ́ ā, ɛ́gɛ́nɛ̄ Óndú ā ka lɛ uwá bū okónu kú Umósīsi ā.
Ule ōcílá kú ɔdōbɔ̄bí nɛ̄ ɔ̄cɛ yá ā
5 #
Ulīf 6.1-7
Óndú ā da Umósīsi kahíníī, 6“Ɔ́dāŋ ka ɔ̄cɛ dóódu lɛ ɔdōbɔ̄bí yá ɔ́mpa nū, ohígbū kōó cɛ̄ɛ̄lā Óndú ā ɛ́ɛ́ gɛ ŋ́, ó le ɛpɔ̄bí lé. 7Ó géē ka odúúdu íne nɛ̄ ó bīya ā tɛ́ɛcɛ, klla í cílá ulé kú ɔdōbɔ̄bí nɛ̄ó yá ā dúúdú. Ó klla í cíla úle kú nū, ɛga ofu ŋmá ipú ofɛhɔ̄ fíyɛ́ lɛ ɔ̄cɛ nɛ̄ó yá ɔ̄ ɔdōbɔ̄bí ā. 8Amáŋ, ɔ́dāŋ ka ɔ̄cɛ nɛ̄ó yá ɔ̄ ɔdōbɔ̄bí ā gekwú, nɛ̄ó lɛ ɔmáapú dóódu nēé géē cíla ulé nyā lɛ ɔ́ ŋ́, é géē gbā ulé ā lɛ Óndú ā kóō wɛ ákú ācogwɛ́ɛya. Ulé nɛ̄ó géē gbā nyā í gáā ci omlede nɛ̄ó géē bī le gwɛ́ɛya, kéē lɛ ɔ́ yá yēŋēē ŋmá ɔdōbɔ̄bí nɛ̄ó yá ā ŋ́. 9Odúúdú ɔdā nɛ̄ Ísrɛ̄lu í bī wā í je gwɛ́ɛya ā wɛ ákú ācogwɛ́ɛya nēé gē kpó aɔ́dā ā tū uwā abɔ̄ ā. 10Ɔdā dóódu nēé je lɛ ɔ̄cogwɛ́ɛya dóódu ā géē wɛ ákú nū.”
Ɛlā kú ācɛnyā nɛ̄ aɔ́bá uwa ī kpéyīce uwá kú ajā ō gbo
11Óndú ā da Umósīsi kahíníī, 12“Lɛ ukɔ́ nyā tū ācɛ kú Ísrɛ̄lu lɛyíkwu ɔnyā dúúmā nɛ̄ ó yá ucē okpaakpa lɛyikwu ɔbá nū ŋ́, 13anɔ́ɔ ó gaá le ajā gbo, anɔ́ɔ ɔbá nū gbɔɔ́ ō kpéyīce ɔ́, nááná nɛ̄ó kwú ɔ̄ mla ɔ̄cɛ dúú ŋ́, ɛ́ɛ́ nɛ̄ ɔ̄cɛ dúú ī cījáalí tū ɔ̄ ŋ́ mā. 14Ó kōō wɛ ɔnyā nɛ̄ó gbaajā ŋ́ nááná nɛ̄ ɔbá nū gbɔɔ́ ō kpéyīce ɔ́. 15Ɔ̄cɛnyīlɔ ā géē bī ɔnyā nū ā gé lɛ ɔ̄cogwɛ́ɛya. Ɔ̄cɛnyīlɔ ā géē bī umu okoolo éyi nēé géē bī le gwɛ́ɛya, amáŋ ó gáā pīya anɔ̄ kú ólífu tū ɔ̄ ámāŋ o lɛ ɔtulalī dóódu ce ɔ́ ŋ́, ohígbū ka ó wɛ ɛya nōo ŋmá ɛgiyí ɔbá nōo kpéyīce ɔnyā nū, nēé gwó kóō lɛ ɛlā ɔ̄kwɛ̄yi bī wɛ̄ɛcɛ.”
16Ɔ̄cogwɛ́ɛya ā géē bī ɔnyā ā wā í háyi iyɔbū ede kú Óndú ā. 17Cɛ́ɛ́ ó lɛ éŋkpɔ̄ otīihɔ ā tū aklɛ, cɛ́ɛ́ ó lɛ abɔ̄ fú úmúlá kú ipú Áklɔ̄kpīihɔ kú Óndú ā tū ipú éŋkpɔ̄ ā. Ó í cɛ̄ lɛ éŋkpɔ̄ ā je hɔ́ɔnɔ. 18Ó géē wī ɛyí kú ɔnyā a klla í je iyɛ́ɛya kú umu ā ce ɔ́ abɔ̄, cɛ́ɛ́ ɔ̄cogwɛ́ɛya ā í bī aklɛ kú éŋkpɔ̄ ohɔ́ɔnɔ, nōo géē bī okónu ō tá wā ā, abɔ̄ kú nū. 19Ɔ̄cogwɛ́ɛya ā géē lɛ ɔkpá ce ɔnyā, anɔ́ɔ ó géē hɛ́ ɔhɛ̄nɛ̄ lɛ ɔnyā kahíníī, “Ɔ́dāŋ ka á gbo ajā tá ɔ̄cɛ dúúmā kú ā le iyē kú uwɔ tēelihɔ eko nāa yɔ̄ ɔlɛ́ ɔbá uwɔ ā ŋ́, a géē lé ɛpɔ̄hi kú okónu ō tá nɛ̄ éŋkpɔ̄ ohɔ́ɔnɔ nyā géē bī wā ā. 20Amáŋ, ɔ́dāŋ ka a le iyī uwɔ iyē nyílá, nɛ̄ ɔ̄cɛ ɔhá fíyɛ́ ɔbá uwɔ lɛ ohɛ́ɛwa kú uwɔ má, le gwutá mla uwɔ, eko nɛ̄ a yɔ̄ ɔlɛ́ ɔbá uwɔ ā. 21Ká Óndú ā kóō lɛ iyē kú uwɔ pīya ɔdōbɔ̄bi mɛ́mla ɔdā kú okónu ō tá ɔtāhɛ ācɛ ɔlɛ́ uwɔ. Kóō yá kú agada kú uwɔ kóō gebí tāajɛ, ká ipú kóō le nū ce uwɔ ɔtū. 22Ká éŋkpɔ̄ ohɔ́ɔnɔ nyā kóō tá ipú kú uwɔ, kóō lɛ uwɔ ipú nū cɔtū, kóō yá kú agada kú uwɔ kóō kwú wu tū. Ɔcɛnyā ā í tóohi ka ó lɛ yá lɛ ā.”
Ɛka ō gwá kú ajā ō gbo
23Ɔcogwɛ́ɛya ā géē tá ɛlā kú ɔhɛ̄ɛ̄nɛ̄ ɛka ā tū ɔkpá, cɛ́ɛ́ ó kwú ɔ̄ ú na tū éŋkpɔ̄ ohɔ́ɔnɔ ā. 24Gbɔbū kóō cɛ̄ lɛ ɔnyā ā gwá éŋkpɔ̄ ohɔ́ɔnɔ, nōo lɔfú bī okónu ō tá gē lɛ ɔ́ klla í cɛ̄ lɛ ipúkpánū yá ɔ̄ nɛ̄hi glá ā, 25ɔ̄cogwɛ́ɛya ā í lɛ abɔ̄ fú umu kú ɛya kú īkpɔ̄dā kú eyī ō kpóce ā ŋmá abɔ̄ kú ɔnyā ā. Cɛ́ɛ́ ó kwú gicō, lɛ ɔ́ jíliyē iyɔ̄bu ede kú Óndú ā, cɛ́ɛ́ ó kwú ɔ̄ ú bī wā ɛyí ede ā. 26Anɔ́ɔ ɔ̄cogwɛ́ɛya ā géē lɛ abɔ̄ fú iyɛ́ɛya kú īkpɔ̄dā ā, lɛ ɔ́ yɔlá ɛyí ede, igbīhi ɛ̄nyā ā, ó cɛ̄ lɛ ɔnyā ā lɛ éŋkpɔ̄ ohɔ́ɔnɔ ā gwá.
27Eko nɛ̄ó cɛ̄ lɛ ɔnyā ā lɛ éŋkpɔ̄ ōhɔ́ɔnɔ ā gwá, ɔ́dāŋ kaó lɛ ajā gbo, le iyī nū iyē tēelihɔ, éŋkpɔ̄ ohɔ́ɔnɔ nōo ga ɔ́ ipú ā géē cɛ̄ lɛ ipúkpánū yá ɔ̄ nɛ̄ɛ̄nɛ̄hi. Iyē kú nū géē je mi, ipú klla géē nū ce ɔ́ ɔtū. Agada kú nū í je wútū. Ɔnyā ā í je pīya ɔdā nɛ̄ ācɛ géē bī le kwiitá. 28Amáŋ, ɔ́dāŋ nɛ̄ ɔnyā ā í gbajā kóō je iyī nū tēelihɔ ŋ́, nɛ̄ abɔ̄ kú nū lɛ yēŋēē, ɛka í gáā kwú ɔ̄ ŋ́. Ó géē lɔfú yīipu klla ma ɔyí glá.
29Ɛ̄nyā wɛ íne kú eko nɛ̄ ɔ̄cɛnyīlɔ gbɔɔ́ ō kpéyīce ɔnyā nū ka ɔ́ɔ le ajā gbo tá ɔ̄cɛ ɔhá, anɔ́ɔ ó le iyī nū iyē tēelihɔ eko nɛ̄ó yɔ̄ ɔlɛ́ ɔbá nū. 30Ɔ̄cogwɛ́ɛya ā géē cɛ̄ lɛ ɔnyā háyi iyɔ̄bū ede, iyɔ̄bū Óndú ā kóō gwá ɔkpá nɛ̄ ɔ̄cogwɛ́ɛya ā géē yá uculo kú nū nyā. 31Ɔ̄cɛnyīlɔ ā géē lé ɛpɔ̄hi, ɔ́dāŋ ka ɔnyā ā le ajā gbo, amáŋ ɔnyā ā géē móōwē kú íne nɛ̄ ó bīya ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma