ÁLUKA 3
3
Ayí kú Árɔ̄ni
1Ɛ̄nyā wɛ ayí kú Árɔ̄ni mɛ́mla Umósīsi eko nɛ̄ Óndú ā kɛlā lɛ Umósīsi ɛyí ɛfu kú Usáyínāyi ā. 2#Áluk 26.60Árɔ̄ni ma ayí nɔ̄nyilɔ ɛnɛ. Iyē kú uwa wɛ Unádābu nōo wɛ ɔ́kplá ā, Abíhu, Ɛlísa mɛ́mla Utáma 3É le anɔ̄ tū uwā ɛyí klla le abɔ̄ ce uwá ɛyí kéē wɛ ācogwɛ́ɛya, 4#Ulīf 10.1,2; Áluk 26.61Amáŋ, Óndú ā le Unádābu mɛ́mla Abíhu ŋmó, ipú ígbíli eko nēé gwó ɔlá nɛ̄ ó tīihɔ ŋ́ mā lɛ Óndú ā, ipú ígbíli kú Usáyínāyi ā. Abɔ̄ é lɛ ɔyí dúúmā ŋ́ mā, Ɛlísa mɛ́mla Utáma yúklɔ́ kú ācogwɛ́ɛya eko nɛ̄ Árɔ̄ni yēeyī ā.
É le ācɛ Ulífāyi fu kéē wɛ ācogwɛ́ɛya
5Óndú ā da Umósīsi kahíníī, 6“Lɛ ipɔ́ɔma kú Ulífāyi kpó wā ajaajɛ iyɔ̄bu kú Árɔ̄ni kú é lɛ pīya ācɛ nōo í cɛ̄ ɔ̄ ɛhɔ̄. 7É géē yúklɔ́ lɛ ɔ́ mɛ́mla odúúdu ojila kú Ísrɛ̄lu ā ipú Áklɔ̄kpīihɔ ā. 8É géē leyīkwu odúúdu iyó kú Áklɔ̄kpīihɔ ā. Klla í yúklɔ́ kwɛyí ójila kú Ísrɛ̄lu ā ipú Áklɔ̄kpīihɔ ā. 9Úklɔ́ nɛ̄ ācɛ kú Ulífāyi lɛ ā wɛ kéē cɛ̄ Árɔ̄ni mɛ́mla ayí nū ɛhɔ̄. 10A í fu Árɔ̄ni mɛ́mla ayí nū kéē yúklɔ́ kú ɔ̄cogwɛ́ɛya ā. Amáŋ ɔ́dāŋ ka ɔ̄cɛ ɔhá dúúmā gbla uwá yá, é géē je ɔ́ ŋmó.”
11Óndú ā klla da Umósīsi kahíníī, 12#Oyɛb 13.2“N kwú ācɛ kú Ulífāyi ú ŋmá ipú ācɛ kú Ísrɛ̄lu kéē wɛ ákú um, ikɔkɔ ɔ́kplá kú aá dóódu ā, ācɛ Ulífāyi ā géē wɛ ákú um mɛ́ɛ̄ á. 13Ohígbū ka ɔ́kplá dóódu wɛ ákú um, o ŋmá ɛ̄cī nɛ̄ n ŋmó aɔ́kplá kú ācɛ kú Íjīpiti ā, n lɛ aɔ́kplá kú ācɛ Ísrɛ̄lu dóódu, kwu ákú aɛ́bɛ́ kú aá, wɛ ákú um. Ami wɛ Óndú á.”
É le ācɛ Ulífāyi gbaáluka
14Óndú ā da Umósīsi ipú ígbíli kú Usáyínāyi ā kahíníī, 15“Lɛ ayí kú Ulífāyi gbaáluka. Gbɔɔ́ ŋmá iyē kú ádā uwā mɛ́mla ɔlɛ́ uwā mɛ́mla ipɔ́ɔma kú uwā. Ɔ̄cɛnyilɔ kú uwā dóódu nēe wɛ ɔyā éyi gɔbū, a géē gbā ɔ́ áluka.” 16Umósīsi le uwá gbaáluka ɛ́gɛ́nɛ̄ Óndú ā ka lɛ ā. 17Ulífāyi ma ayí ɛtá, Ugɛ́ssɔn, Ukɔ́hāti mɛ́mla Umerári ā 18Ugɛ́ssɔn ma ayí ɛpa, Ulibíni mɛ́mla Ussímēyi. 19Ukɔ́hāti ma ayí ɛnɛ, Ámram, Ísiha, Uhɛ́brɔn mɛ́mla Usíyɛlu. 20Umerári ma ayí ɛpa, Umáhilí mɛ́mla Umússi. É wɛ aádáádā kú aípɔ́ɔma nēe lé iyē kú uwā á.
21Ācɛ kú ipɔ́ɔma kú Ugɛ́ssɔn ā wɛ ayí kú Ulíbini mɛ́mla Ussímēyi. 22Odúúdú ɛwa kú ācɛnyīlɔ kú uwā, gbɔɔ́ ŋmá ɔyā éyi gɔbū ā wɛ úlā igwáahātá ce ofigwó (7,500). 23Ipɔ́ɔma nyaā géē lā ābɔ̄ ɛnɔ̄ɔ̄nɛ̄ igbīhi kú Áklɔ̄kpīihɔ ā. 24Ɛlíyāsafu, ɔyí kú Ulɛ́lu wɛ otrɛ̄yí kú ipɔ́ɔma nyā á. 25Uwá lɛ úklɔ́ kú eyī ō le kwu Áklɔ̄kpīihɔ ā mɛ́mla ukɔ́tin nōo ī klá eyīpú nū mɛ́mla ɛ̄nɛ̄ o ī klá eyɛ̄ɛcɛ kú nū ā, mɛ́mla ukɔ́tin kú ɔwɛ kú nū ā. 26Ukɔ́tin kú eyīpú mɛ́mla eyīyɛ̄cɛ kú nū biílí ā mɛ́mla ɛyí ede, mɛ́mla úklɔ́ dóódu nōo liyē kwu āyā ɔ́ɔmā ā wɛ ákú uwā.
27Ācɛ kú ipɔ́ɔma kú Ukɔ́háti ā wɛ ayí kú Ámram, Ísīha, Uhɛ́brɔn mɛ́mla Usíyɛ̄lu. 28Ɛwa kú odúúdu ācɛnyīlɔ kú uwā nēe wɛ ɔyā éyi gɔbū ā wɛ úlā ofu ce éyi ce ofigwó (8,600). 29Ipɔ́ɔma nyā géē lā ābɔ̄ ɛháajɛ kú Áklɔ̄kpīihɔ ā. 30Ɛlísāfan, ɔyí kú Usíyɛ̄lu wɛ otrɛ̄yí kú ipɔ́ɔma nyā á. 31É lɛ úklɔ́ kú Ikpati kú Ɛka kú Óndú ā, mɛ́mla itébulu, mɛ́mla ɔdā ō lɛ agege ce ɔ́ ā, mɛ́mla aéde ā, mɛ́mla ɔdā nɛ̄ ācogwɛ́ɛya géē bī yúklɔ́ ɛga otīīhɔ ā, mɛ́mla ukɔ́tin kú okómpīinu kú ɛga nōo tīihɔ fíyɛ́ dúú ā. Uwá lɛ úklɔ́ dóódu nōo lɛ iyē kwu āyā ɔ́ɔmā á. 32Ɔ̄cɛ nōo wɛ otrɛ̄yí kú ayí Ulífāyi ā wɛ Ɛlísa, ɔyí kú Árɔ̄ni ɔ̄cogwɛ́ɛya ā. Anú leyīkwu ācɛ nēe gē yúklɔ́ kú ɛga o tīihɔ ā á.
33Ācɛ kú ipɔ́ɔma kú Umérāri ā wɛ ayí kú Umáhili mɛ́mla Umússi. 34Ɛwa kú odúúdu ācɛnyīlɔ kú uwā nēe wɛ ɔyā éyi gɔbū ā wɛ úlā igwɛ́ɛhɔ̄ ce ofigwó (6,200). 35Ipɔ́ɔma nyā géē lā ābɔ̄ ɛhíícō kú Áklɔ̄kpīihɔ ā. Usúrīyɛ̄lu, ɔyí kú Abíhēlu wɛ otrɛ̄yí kú ipɔ́ɔma nyā á. 36Uwá lɛ Úklɔ́ kú ɔcí dóódu kú Áklɔ̄kpīihɔ ā á. Ɔcí ō kwaajɛ, ɔcí ō gba ɔlɛ́, mɛ́mla ɔcí aflá kú nū. Úklɔ́ dóódu nōo lɛ iyē kwu āyā ɛ̄nyā wɛ ákú uwā. 37Uwá lɛ Úklɔ́ kú ɔcí ō kwaajɛ kú Áklɔ̄kpīihɔ mla ogbló, mɛ́mla ɔcí okwaajɛ mɛ́mla ɔ́ŋgbá ō bī gba ɔlɛ́ kú eyīyɛ̄cɛ kú Áklɔ̄kpīihɔ ā á.
38Umósīsi mɛ́mla Árɔ̄ni mɛ́mla ayí nū géē lā iyɔ̄bū kú Áklɔ̄kpīihɔ ā ābɔ̄ ɛnɔ̄ɔ̄cī. É géē yúklɔ́ ɛga otīihɔ ā lɛ ācɛ kú Ísrɛ̄lu. Ɔ̄cɛ dóódu ɔhá nōo dɔɔ̄kā ō gbla uwá yúklɔ́ ā, é cíkā ō kwú ɔ̄ ú ŋmó. 39Odúúdú ɛwa kú ipɔ́ɔma kú Ulífāyi nēe wɛ ɔyā éyi gɔbū nɛ̄ Umósīsi gbaáluka ɛ́gɛ́nɛ̄ Óndú ā ka lɛ ā, wɛ úlā ofɛpa ce úlā igwɛ́ɛhɔ̄ (22,000).
Ayí kú Ulífāyi má kwɛyí ayínɔ̄nyīlɔ aflɛ́yí kú ācɛ Ísrɛ̄lu
40Óndú ā da Umósīsi kahíníī, “Lɛ odúúdu ayínɔ̄nyīlɔ aflɛ́yí kú ācɛ kú Ísrɛ̄lu nēe wɛ ɔyā éyi gɔbū ā, gbaáluka kú ā lɛ iyē kú uwā tá tāajɛ. 41A í je ācɛ kú Ulífāyi gā um, Ami wɛ Óndú á, ikɔkɔ ayí aflɛ́yí kú ācɛ kú Ísrɛ̄lu, mɛ́mla ákú aɛ́bɛ́ kú uwā ā, kwú ācɛ Ulífāyi ú kpó gā um kwɛyí uwā.” 42Umósīsi lɛ uwa gbaáluka ɛ́gɛ́nɛ̄ Óndú ā ka lɛ ā. 43Odúúdú ɛwa kú ayínɔ̄nyīlɔ aflɛ́yí nēe wɛ ɔyā éyi gɔbū ā wɛ úlā ofu ɛpa ce úlā igwɛ́ɛhɔ̄ ce ofu igwɛ́ɛtá ce igwɛ́ɛtá (22,273).
44Óndú ā klla da Umósīsi kahíníī, 45“Kwú ācɛ kú Ulífāyi ā ú kpó gā um kwɛyí ayínɔ̄nyīlɔ aflɛ́yí kú ācɛ kú Ísrɛ̄lu. A klla í kpó ayí aflɛ́yí kú aɛ́bɛ́ kú ācɛ Ulífāyi gā um, cɛ́ɛ́ kóō kwɛyí ayí ɛbɛ́ aflɛ́yí kú ācɛ Ísrɛ̄lu. Ami wɛ Óndú á. 46Ɛ́gɛ́nɛ̄ ɛwa kú ayínɔ̄nyīlɔ aflɛ́yí kú ācɛ kú Ísrɛ̄lu le fíyɛ́ ɛwa kú ācɛ kú Ulífāyi ā, ofu igwɛ́ɛtá ce igwɛ́ɛtá (273) ā, a géē fūla ayínɔ̄nyīlɔ aflɛ́yí ohile ā. 47A géē gbā ije nɛ̄hɛ́ ɛhɔ̄ kwɛ́yí īkpɛ̄yí kú ɔyínɔ̄nyīlɔ aflɛ́yí dóódu. 48Kwú ije nyā ú lɛ Árɔ̄ni mɛ́mla ayí nū. 49Umósīsi cɛ̄ mīyɛ ije ohile kú ayí aflɛ́yí nēe cabá nyā, 50nōo kē wɛ ɛkpa igwɛ́ɛtá ce ofu ɛtá ce ɛhɔ̄ 1,365 kú ije nɛ̄hɛ́ ā ú 51Anɔ́ɔ ó kwú lɛ Árɔ̄ni mɛ́mla ayí nū. Ɛ́gɛ́nɛ̄ nɛ̄ Óndú ā ka lɛ ā.”
Currently Selected:
ÁLUKA 3: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 3
3
Ayí kú Árɔ̄ni
1Ɛ̄nyā wɛ ayí kú Árɔ̄ni mɛ́mla Umósīsi eko nɛ̄ Óndú ā kɛlā lɛ Umósīsi ɛyí ɛfu kú Usáyínāyi ā. 2#Áluk 26.60Árɔ̄ni ma ayí nɔ̄nyilɔ ɛnɛ. Iyē kú uwa wɛ Unádābu nōo wɛ ɔ́kplá ā, Abíhu, Ɛlísa mɛ́mla Utáma 3É le anɔ̄ tū uwā ɛyí klla le abɔ̄ ce uwá ɛyí kéē wɛ ācogwɛ́ɛya, 4#Ulīf 10.1,2; Áluk 26.61Amáŋ, Óndú ā le Unádābu mɛ́mla Abíhu ŋmó, ipú ígbíli eko nēé gwó ɔlá nɛ̄ ó tīihɔ ŋ́ mā lɛ Óndú ā, ipú ígbíli kú Usáyínāyi ā. Abɔ̄ é lɛ ɔyí dúúmā ŋ́ mā, Ɛlísa mɛ́mla Utáma yúklɔ́ kú ācogwɛ́ɛya eko nɛ̄ Árɔ̄ni yēeyī ā.
É le ācɛ Ulífāyi fu kéē wɛ ācogwɛ́ɛya
5Óndú ā da Umósīsi kahíníī, 6“Lɛ ipɔ́ɔma kú Ulífāyi kpó wā ajaajɛ iyɔ̄bu kú Árɔ̄ni kú é lɛ pīya ācɛ nōo í cɛ̄ ɔ̄ ɛhɔ̄. 7É géē yúklɔ́ lɛ ɔ́ mɛ́mla odúúdu ojila kú Ísrɛ̄lu ā ipú Áklɔ̄kpīihɔ ā. 8É géē leyīkwu odúúdu iyó kú Áklɔ̄kpīihɔ ā. Klla í yúklɔ́ kwɛyí ójila kú Ísrɛ̄lu ā ipú Áklɔ̄kpīihɔ ā. 9Úklɔ́ nɛ̄ ācɛ kú Ulífāyi lɛ ā wɛ kéē cɛ̄ Árɔ̄ni mɛ́mla ayí nū ɛhɔ̄. 10A í fu Árɔ̄ni mɛ́mla ayí nū kéē yúklɔ́ kú ɔ̄cogwɛ́ɛya ā. Amáŋ ɔ́dāŋ ka ɔ̄cɛ ɔhá dúúmā gbla uwá yá, é géē je ɔ́ ŋmó.”
11Óndú ā klla da Umósīsi kahíníī, 12#Oyɛb 13.2“N kwú ācɛ kú Ulífāyi ú ŋmá ipú ācɛ kú Ísrɛ̄lu kéē wɛ ákú um, ikɔkɔ ɔ́kplá kú aá dóódu ā, ācɛ Ulífāyi ā géē wɛ ákú um mɛ́ɛ̄ á. 13Ohígbū ka ɔ́kplá dóódu wɛ ákú um, o ŋmá ɛ̄cī nɛ̄ n ŋmó aɔ́kplá kú ācɛ kú Íjīpiti ā, n lɛ aɔ́kplá kú ācɛ Ísrɛ̄lu dóódu, kwu ákú aɛ́bɛ́ kú aá, wɛ ákú um. Ami wɛ Óndú á.”
É le ācɛ Ulífāyi gbaáluka
14Óndú ā da Umósīsi ipú ígbíli kú Usáyínāyi ā kahíníī, 15“Lɛ ayí kú Ulífāyi gbaáluka. Gbɔɔ́ ŋmá iyē kú ádā uwā mɛ́mla ɔlɛ́ uwā mɛ́mla ipɔ́ɔma kú uwā. Ɔ̄cɛnyilɔ kú uwā dóódu nēe wɛ ɔyā éyi gɔbū, a géē gbā ɔ́ áluka.” 16Umósīsi le uwá gbaáluka ɛ́gɛ́nɛ̄ Óndú ā ka lɛ ā. 17Ulífāyi ma ayí ɛtá, Ugɛ́ssɔn, Ukɔ́hāti mɛ́mla Umerári ā 18Ugɛ́ssɔn ma ayí ɛpa, Ulibíni mɛ́mla Ussímēyi. 19Ukɔ́hāti ma ayí ɛnɛ, Ámram, Ísiha, Uhɛ́brɔn mɛ́mla Usíyɛlu. 20Umerári ma ayí ɛpa, Umáhilí mɛ́mla Umússi. É wɛ aádáádā kú aípɔ́ɔma nēe lé iyē kú uwā á.
21Ācɛ kú ipɔ́ɔma kú Ugɛ́ssɔn ā wɛ ayí kú Ulíbini mɛ́mla Ussímēyi. 22Odúúdú ɛwa kú ācɛnyīlɔ kú uwā, gbɔɔ́ ŋmá ɔyā éyi gɔbū ā wɛ úlā igwáahātá ce ofigwó (7,500). 23Ipɔ́ɔma nyaā géē lā ābɔ̄ ɛnɔ̄ɔ̄nɛ̄ igbīhi kú Áklɔ̄kpīihɔ ā. 24Ɛlíyāsafu, ɔyí kú Ulɛ́lu wɛ otrɛ̄yí kú ipɔ́ɔma nyā á. 25Uwá lɛ úklɔ́ kú eyī ō le kwu Áklɔ̄kpīihɔ ā mɛ́mla ukɔ́tin nōo ī klá eyīpú nū mɛ́mla ɛ̄nɛ̄ o ī klá eyɛ̄ɛcɛ kú nū ā, mɛ́mla ukɔ́tin kú ɔwɛ kú nū ā. 26Ukɔ́tin kú eyīpú mɛ́mla eyīyɛ̄cɛ kú nū biílí ā mɛ́mla ɛyí ede, mɛ́mla úklɔ́ dóódu nōo liyē kwu āyā ɔ́ɔmā ā wɛ ákú uwā.
27Ācɛ kú ipɔ́ɔma kú Ukɔ́háti ā wɛ ayí kú Ámram, Ísīha, Uhɛ́brɔn mɛ́mla Usíyɛ̄lu. 28Ɛwa kú odúúdu ācɛnyīlɔ kú uwā nēe wɛ ɔyā éyi gɔbū ā wɛ úlā ofu ce éyi ce ofigwó (8,600). 29Ipɔ́ɔma nyā géē lā ābɔ̄ ɛháajɛ kú Áklɔ̄kpīihɔ ā. 30Ɛlísāfan, ɔyí kú Usíyɛ̄lu wɛ otrɛ̄yí kú ipɔ́ɔma nyā á. 31É lɛ úklɔ́ kú Ikpati kú Ɛka kú Óndú ā, mɛ́mla itébulu, mɛ́mla ɔdā ō lɛ agege ce ɔ́ ā, mɛ́mla aéde ā, mɛ́mla ɔdā nɛ̄ ācogwɛ́ɛya géē bī yúklɔ́ ɛga otīīhɔ ā, mɛ́mla ukɔ́tin kú okómpīinu kú ɛga nōo tīihɔ fíyɛ́ dúú ā. Uwá lɛ úklɔ́ dóódu nōo lɛ iyē kwu āyā ɔ́ɔmā á. 32Ɔ̄cɛ nōo wɛ otrɛ̄yí kú ayí Ulífāyi ā wɛ Ɛlísa, ɔyí kú Árɔ̄ni ɔ̄cogwɛ́ɛya ā. Anú leyīkwu ācɛ nēe gē yúklɔ́ kú ɛga o tīihɔ ā á.
33Ācɛ kú ipɔ́ɔma kú Umérāri ā wɛ ayí kú Umáhili mɛ́mla Umússi. 34Ɛwa kú odúúdu ācɛnyīlɔ kú uwā nēe wɛ ɔyā éyi gɔbū ā wɛ úlā igwɛ́ɛhɔ̄ ce ofigwó (6,200). 35Ipɔ́ɔma nyā géē lā ābɔ̄ ɛhíícō kú Áklɔ̄kpīihɔ ā. Usúrīyɛ̄lu, ɔyí kú Abíhēlu wɛ otrɛ̄yí kú ipɔ́ɔma nyā á. 36Uwá lɛ Úklɔ́ kú ɔcí dóódu kú Áklɔ̄kpīihɔ ā á. Ɔcí ō kwaajɛ, ɔcí ō gba ɔlɛ́, mɛ́mla ɔcí aflá kú nū. Úklɔ́ dóódu nōo lɛ iyē kwu āyā ɛ̄nyā wɛ ákú uwā. 37Uwá lɛ Úklɔ́ kú ɔcí ō kwaajɛ kú Áklɔ̄kpīihɔ mla ogbló, mɛ́mla ɔcí okwaajɛ mɛ́mla ɔ́ŋgbá ō bī gba ɔlɛ́ kú eyīyɛ̄cɛ kú Áklɔ̄kpīihɔ ā á.
38Umósīsi mɛ́mla Árɔ̄ni mɛ́mla ayí nū géē lā iyɔ̄bū kú Áklɔ̄kpīihɔ ā ābɔ̄ ɛnɔ̄ɔ̄cī. É géē yúklɔ́ ɛga otīihɔ ā lɛ ācɛ kú Ísrɛ̄lu. Ɔ̄cɛ dóódu ɔhá nōo dɔɔ̄kā ō gbla uwá yúklɔ́ ā, é cíkā ō kwú ɔ̄ ú ŋmó. 39Odúúdú ɛwa kú ipɔ́ɔma kú Ulífāyi nēe wɛ ɔyā éyi gɔbū nɛ̄ Umósīsi gbaáluka ɛ́gɛ́nɛ̄ Óndú ā ka lɛ ā, wɛ úlā ofɛpa ce úlā igwɛ́ɛhɔ̄ (22,000).
Ayí kú Ulífāyi má kwɛyí ayínɔ̄nyīlɔ aflɛ́yí kú ācɛ Ísrɛ̄lu
40Óndú ā da Umósīsi kahíníī, “Lɛ odúúdu ayínɔ̄nyīlɔ aflɛ́yí kú ācɛ kú Ísrɛ̄lu nēe wɛ ɔyā éyi gɔbū ā, gbaáluka kú ā lɛ iyē kú uwā tá tāajɛ. 41A í je ācɛ kú Ulífāyi gā um, Ami wɛ Óndú á, ikɔkɔ ayí aflɛ́yí kú ācɛ kú Ísrɛ̄lu, mɛ́mla ákú aɛ́bɛ́ kú uwā ā, kwú ācɛ Ulífāyi ú kpó gā um kwɛyí uwā.” 42Umósīsi lɛ uwa gbaáluka ɛ́gɛ́nɛ̄ Óndú ā ka lɛ ā. 43Odúúdú ɛwa kú ayínɔ̄nyīlɔ aflɛ́yí nēe wɛ ɔyā éyi gɔbū ā wɛ úlā ofu ɛpa ce úlā igwɛ́ɛhɔ̄ ce ofu igwɛ́ɛtá ce igwɛ́ɛtá (22,273).
44Óndú ā klla da Umósīsi kahíníī, 45“Kwú ācɛ kú Ulífāyi ā ú kpó gā um kwɛyí ayínɔ̄nyīlɔ aflɛ́yí kú ācɛ kú Ísrɛ̄lu. A klla í kpó ayí aflɛ́yí kú aɛ́bɛ́ kú ācɛ Ulífāyi gā um, cɛ́ɛ́ kóō kwɛyí ayí ɛbɛ́ aflɛ́yí kú ācɛ Ísrɛ̄lu. Ami wɛ Óndú á. 46Ɛ́gɛ́nɛ̄ ɛwa kú ayínɔ̄nyīlɔ aflɛ́yí kú ācɛ kú Ísrɛ̄lu le fíyɛ́ ɛwa kú ācɛ kú Ulífāyi ā, ofu igwɛ́ɛtá ce igwɛ́ɛtá (273) ā, a géē fūla ayínɔ̄nyīlɔ aflɛ́yí ohile ā. 47A géē gbā ije nɛ̄hɛ́ ɛhɔ̄ kwɛ́yí īkpɛ̄yí kú ɔyínɔ̄nyīlɔ aflɛ́yí dóódu. 48Kwú ije nyā ú lɛ Árɔ̄ni mɛ́mla ayí nū. 49Umósīsi cɛ̄ mīyɛ ije ohile kú ayí aflɛ́yí nēe cabá nyā, 50nōo kē wɛ ɛkpa igwɛ́ɛtá ce ofu ɛtá ce ɛhɔ̄ 1,365 kú ije nɛ̄hɛ́ ā ú 51Anɔ́ɔ ó kwú lɛ Árɔ̄ni mɛ́mla ayí nū. Ɛ́gɛ́nɛ̄ nɛ̄ Óndú ā ka lɛ ā.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma