ÁLUKA 33
33
Iyāwu kú uwā ŋmá Íjīpiti ga Umówābu
1Ɛ̄nyā wɛ ɔ̄kā lɛyíkwu iyē kú ɛga nɛ̄ ayí kú Ísrɛ̄lu lā ŋmá eko nɛ̄ Umósīsi mɛ́mla Árɔ̄ni kpó uwā trɛ̄yí ŋmá Íjípiti ā. 2Ɛ́gɛ́nɛ̄ Óndú ā da Umósīsi lɛ ā, Umósīsi le iyē kú ɛga éyééye nɛ̄ māháyi cē áklɔ̄kpɛ ce lā kpɛ́ɛ́m ā tá tāajɛ. 3Ācɛ kú Ísrɛ̄lu nyɛ̄ɛ̄ ŋmá Urámēsisi, ɔlɛ́ kú Íjīpiti ā, ɛ̄cī igwɛ́ɛhɔ̄ kú ɔyā aflɛ́yí ā, igbīhi ucɛ kú onyatá kú aflɛ́yí ipéyī kú odúúdú ācɛ kú Íjīpiti. 4É bá ī nyi okwū kú aɔ́kplá kú uwā nɛ̄ Óndú ā kpó ŋmó ā. Oŋmá lɛ ɔdā nɛ̄ Óndú ā yá nyā, ó le mafú lɛ uwá ka anúɔ lɔfú fíyɛ́ aɔ́wɔ dóódu kú ācɛ kú Íjīpiti á. 5Ācɛ kú Ísrɛ̄lu gbɔɔ́ ŋmá Uramɛ́sisi gaá lā Usúkɔ̄tu. 6É nyɛ̄ɛ̄ ŋmá Usúkɔ̄tu klla gaá lā Étam, nōo yɔ̄ ogwu kú ígbíli ā. 7É gbɔɔ́ ŋmá Étam, le cīgbīhi wā Upihahírɔ̄tu, nōo yɔ̄ ɛnɔ̄ɔ̄cī kú Ubaal-séfɔn ā gaá lā kwu Umígidɔlu ajaajɛ. 8É nyɛ̄ɛ̄ ŋmá Upihahírɔ̄tu bū ɔtāhɛ̄ kú ísu ā gā ipú ígbíli kú Ussɔ́ru ā eko nēé le iyāwu yɛ ɛ̄cī ɛtá ā, é gaá lā Umára. 9É le fu ajɛ ŋmá Umára, gā Ɛ́lim. É má lā ajɛ kú Ɛlím ā ohígbū ka njɔlɔ kú éŋkpɔ̄ igwɛ́pa bá abɔ́ɔ mɛ́mla ɔcí kú alī ofɛɛtá ce igwó.
10É nyɛ̄ɛ̄ ŋmá Ɛ́lim gaá lā okónu ísu igwɛ̄bɛ́ ā. 11É nyɛ̄ɛ̄ ŋmá okónu ísu igwɛ̄bɛ́ ā gaā lā ígbíli kú Usíni. 12É ŋmá ígbíli kú Usíni ā gaá lā Udɔ́fka. 13É nyɛ̄ɛ̄ klla gaá lā Alússi. 14É nyɛ̄ɛ̄ ŋmá Alússi gaá lā Urefidím, ɛga nɛ̄ ācɛ ā í má éŋkpɔ̄ gwá ŋ́ mā. 15É gbɔɔ́ ŋmá Urefidím gaá lā ígbíli kú Usáyínāyi ā. 16É nyɛ̄ɛ̄ ŋmá ígbíli kú Usáyínāyi gaá bá Ukíbrɔ̄tu hataáfa. 17É nyɛ̄ɛ̄ ŋmá abɔ́ɔ gaá lā Uhásɛ̄rɔtu. 18É klla nyɛ̄ɛ̄ ŋmá abɔ́ɔ gaá lā Urítma. 19É ŋmá Urítma, gaá lā Urimɔn-perɛ́si. 20É nyɛ̄ɛ̄ ŋmá abɔ́ɔ gaá lā Ulíbna. 21É nyɛ̄ɛ̄ ŋmá abɔ́ɔ gaá lā Urissa. 22Oŋmá Uríssa ā, é gaá lā Ukeheláta. 23E nyɛ̄ɛ̄ Ukɛhɛláta gaá lā ɛfu kú Ussɛ́fa. 24Oŋmá ɛfu kú Ussɛ́fa ā, é gaá lā Uharáda. 25É nyɛ̄ɛ̄ ŋmá Uharáda gaá lā Umakélɔ̄tu. 26E ŋmá Umakélɔ̄tu gaá lā Utáhati. 27É nyɛ̄ɛ̄ ŋmá Utáhati gaá lā Utɛ́ra. 28É nyɛ̄ɛ̄ ŋmá Utɛ́ra gaá lā Umítīka. 29É ŋmá Umítīka ā, é gaá lā Uhassmóna. 30É nyɛ̄ɛ̄ ŋmá abɔ́ɔ gaá lā Umósɛ̄rɔtu. 31Oŋmá Umósɛ̄rɔtu ā, é gaá lā Ubɛne-jaákan. 32É ŋmá Ubɛne-jaákan gaá lā Uhɔ-haggidgādi. 33É nyɛ̄ɛ̄ ŋmá abɔ́ɔ gaá lā Ujɔtibáta. 34É klla nyɛ̄ɛ̄ ŋmá Ujɔtibáta gaá lā Abróna. 35Oŋmá Abróna ā, é gaá lā Ɛ́siyɔngɛ́ba. 36É nyɛ̄ɛ̄ ŋmá abɔ́ɔ gaá lā ígbíli kú Usíni, nōo wɛ Ukádɛssi ā. 37É nyɛ̄ɛ̄ ŋmá Ukádɛssi gaá lā ɛfu kú Uhɔ́ru kwu okónu ogwu kú Ɛ́dɔm ajaajɛ. 38#Áluk 20.22-28; Obla 10.6; 32.50Anɔ́ɔ Árɔ̄ni, ɔ̄cogwɛ́ɛya ā le tá ɛyí ɛfu kú Uhɔ́ru, ɛ́gɛ́nɛ̄ Óndú ā ka ā. Anɔ́ɔ ó gekwú abɔ́ɔ, ɛ̄cī aflɛ́yí kú ɔyā ɛhɔ̄ kú iháyí ɔ́mofɛɛpa nɛ̄ ācɛ kú Ísrɛ̄lu bɛ̄ɛcɛ ŋmá Íjīpiti 39Árɔ̄ni wɛ iháyí ofɛhīlī ce ɛtá ɛ́ɛ́ nɛ̄ ó kwú, ɛyí ɛfu kú Uhɔ́ru á. 40#Áluk 21.1Ɔcɛ́ kú Árādi nēe yɔ̄ ɛháajɛ kú ajɛ kú Ukénan ā le pó ka ayí Ísrɛ̄lu ɛ́ɛ bá ī wā.
41Anɔ́ɔ é gbɔɔ́ ŋmá ɛyí ɛfu kú Uhɔ́ru gā ɔpɛ́ kú Umówābu ā. Ācɛ kú Ísrɛ̄lu gaá lā Usalumóna. 42Oŋmá abɔ́ɔ ā, é gaá lā Upúnɔn. 43É nyɛ̄ɛ̄ ŋmá Upúnɔn ā, é gaá lā Óbōtu. 44É ŋmá Óbōtu gaá lā Iye-abárim, ajɛ kú Umówābu. 45É nyɛ̄ɛ̄ ŋmá Iye-abárim gaá lā Udíbɔn-gádi. 46É nyɛ̄ɛ̄ ŋmá Udíbɔn-gádi gaá lā Álmɔn-deblatém. 47Oŋmá Álmon-deblatém ā, é gaá lā ɛyí ɛfu kú Abarím. 48É nyɛ̄ɛ̄ ŋmá ɛfu kú Abarím ā gaá lā ɔpɛ́ kú Umówābu kwu Ujɔ́dan ajaajɛ, lɛyíkwu Ujɛ́rīko ā. 49É klla gaá lā pīyē Ujɔ́dan oŋmá Ubɛti-jessímɔ̄tu jāā ga Abɛlissitím ɔpɛ kú Umówābu ā.
Ukɔ́ nēé tū gbɔbū kú é bēhé Ujɔ́dan ā
50Anɔ́ɔ Óndú ā da Umósīsi ipú ɔpɛ́ kú Umówābu pī Ujɔ́dan, ŋmá Ujɛ́rīko ā kahíníī, 51“Le ka lɛ ācɛ kú Ísrɛ̄lu ka, eko nɛ̄ aá le bēhé ísu kú Ujɔ́dan ga ajɛ kú Ukénan, 52aá lɛ ācɛ nēe lā ajɛ ā nū bɛ̄cɛ ŋmá anú, cɛ́ɛ́ ká aá lɛ ɛjɛ̄ɛ̄jī ɛcɔ̄ kú icɛ̄bɔ̄ mɛ́mla íkpékwīja kú uwā ā ca tāajɛ, klla lɛ ikpɛ́cí kú uwā wúla tāajɛ. 53Aá géē mīyɛ ajɛ ā dúúdú ká aá lā anú. Ohígbū ka n kwú ajɛ ā ú lɛ aá kóō wɛ ákú aá piyóó. 54#Áluk 26.54-56Aá lɛ ajɛ ā kɔ̄ ipɔ́ɔma, ipɔ́ɔma, oŋmá lɛ o tá ūlī. Ipɔ́ɔma nɛ̄hi ā kéē lɛ ajɛ nɛ̄hi fíyɛ́, ipɔ́ɔma nɛ̄ŋcɛ́ ā kéē lɛ ajɛ nɛ̄ŋcɛ́ Ɛga dúú nɛ̄ ūlī gaá lɛ ɔ̄cɛ dúú kwú, abɔ́ɔ wɛ ajɛ kú nū á. 55Amáŋ ɔ́dāŋ ka aá nū ācɛ nēe lā ipú ajɛ ā bɛ̄cɛ dúúdú ŋ́, ācɛ nēe géē hile ipú ajɛ ā géē wɛ ɛpɛ̄ ō bū tū aá eyī klla géē wɛ ujē ō kwu aá áklō. É géē je unwalu lɛ aá ɛga dúú nɛ̄ aá lā ā. 56Ó lɛ ā, n géē yá aá, ɔdā nɛ̄ n gbɛlá ō yá ācɛ nēe bá abɔ́ɔ ā.”
Currently Selected:
ÁLUKA 33: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma