ÁLUKA 2
2
Ɛ́gɛ́nɛ̄ ipɔ́ɔma dóódu géē la lɛ a
1Óndú ā da Umósīsi mɛ́mla Árɔ̄ni kahíníī, 2“Eko dóódu nɛ̄ ācɛ kú Ísrɛ̄lu gaá lā ɛga dúúmā, ɔnyɔɔnyɛ géē lā ipɔ́ɔma kú ɔlɛ́ nū, ɛháajɛ otúta kú ipɔ́ɔma kú ɔlɛ́ nū. É kē í pīyeyīkwu Áklɔ̄kpīihɔ ŋmá ɛga dóódu nēé í lā ā.” 3Ācɛ nēe géē lā ɛnɔ̄ɔ̄cī kú Áklɔ̄kpīihɔ ā wɛ ipɔ́ɔma kú Ujúda. Otrɛ̄yí kú ipɔ́ɔma ā kē wɛ Unássɔn, ɔyí kú Ammínādabu. 4Ɛwa kú uwā wɛ ācɛ úlā ofu ahātá ce úlā ɛhīlī ce ofigwo (74,600). 5Ācɛ nēe í lā gboce uwá ā wɛ ipɔ́ɔma kú Íssāka. Otrɛ̄yí kú ipɔ́ɔma ā wɛ Unatánīyɛlu, ɔyí kú Usúwa. 6Ɛwa kú uwā wɛ úlā ofɛhīlī ce úlā ɛhīlī (54,400). 7Ācɛ nēe géē lā gboce ipɔ́ɔma nyā ā wɛ ipɔ́ɔma kú Usɛ́būlɔn. Otrɛ̄yí kú ipɔ́ɔma nyā wɛ Ɛlíyābu, ɔyí kú Uhɛ́lɔn. 8Ɛwa kú uwā kē wɛ úlā ofu ahāapa ce úlā ɛtá ce ofigwó (57,400). 9Odúúdú áluka kú ígwu kú ipɔ́ɔma kú Ujúda ā wɛ úlā bá ɛga úlā ce úlā ofɛɛtá ce úlā ɛhīlī (186,400). Aɛ́nyā wɛ ācɛ nēe gbɔbū á.
10Ācɛ nēe í lā abɔ̄ ɛháajɛ kú Áklɔ̄kpīihɔ ā wɛ ipɔ́ɔma kú Urúbɛ̄n. Otrɛ̄yí kú ipɔ́ɔma ɔ́ɔmā wɛ Ɛlísu, ɔyí kú Ussidíyu. 11Ɛwa kú uwā wɛ úlā ofɛhɔ̄ ce úlā igwɛ́ɛhīlī ce ofɛhɔ̄ (46,500). 12Ācɛ nēe í lā gboce uwá ā wɛ ipɔ́ɔma kú Usímīyɔni, Otrɛ̄yí kú ipɔ́ɔma ā wɛ Usselúmīyɛlu, ɔyí kú Usúríssadāyi. 13Ɛwa kú uwā wɛ úlā ofu ahāapa ce úlā ahātá ce ofɛhɔ̄ (59,300). 14Ācɛ ɔhá nēe í lā gboce ipɔ́ɔma nyā ā wɛ ipɔ́ɔma kú Ugádi. Otrɛ̄yí kú uwā wɛ Ɛlíyāsafu, ɔyí kú Uréwɛ̄lu. 15Ɛwa kú uwā wɛ úlā ofɛhɔ̄ ce úlā ɛnɛ ce ofɛpa ce igwó (45,650). 16Odúúdú áluka kú ígwu kú ipɔ́ɔma kú Urúbɛ̄n ā wɛ úlā ofu igwáahātá ce igwáahāapa ce ofigwɛ́ɛpa ce igwo (151,450). É géē kwáajɛ gboce ipɔ́ɔma kú Urúbɛ̄n ā.
17Ayí kú Ulífāyi géē bī Aklɔ̄kpīihɔ-nɛ̄hi ā bá ī yɛ ɔtāhɛ̄ ígwu ɛpa kú aflɛ́yí ā mɛ́mla ígwu ɔ́mpa ā. Ígwu éyééye géē yɛ ɔwɛ ékpónú ɔ́ɔmā dúú ɛháajɛ otúta kú ipɔ́ɔma kú uwā. 18Ācɛ nēe í lā abɔ̄ ɛnɔ̄ɔ̄nɛ̄ kú Áklɔ̄kpīihɔ ā wɛ ipɔ́ɔma kú Ɛ́frem. Otrɛ̄yí kú ipɔ́ɔma nyā wɛ Ɛlíssāma, ɔyí kú Ammíhūdu. 19Ɛwa kú uwā wɛ úlā ofɛhɔ̄ ce úlā ce ofɛhɔ̄ (40,500). 20Ācɛ nēe í lā gboce uwá ā wɛ ipɔ́ɔma kú Umanásɛ. Otrɛ̄yí kú ipɔ́ɔma ā wɛ Ugamálīyɛ̄lu, ɔyí kú Upɛdásɔ. 21Ɛwa kú uwā wɛ úlā ofɛnɛ ce ofigwó (32,200). 22Ipɔ́ɔma ɔhá nōo í lā gboce ipɔ́ɔma nyā wɛ ipɔ́ɔma kú Ubɛ́njamīn, otrɛ̄yí kú ipɔ́ɔma ā wɛ Abídan, ɔyí kú Ugídiyɔn. 23Ɛwa kú uwā wɛ úlā ofɛɛnɛ ce úlā ahāapa ce ofigwo (35,400). 24Odúúdú ɛwa kú ígwu kú ipɔ́ɔma kú Ɛ́frēm ā wɛ úlā ofigwɛ́ɛtá ce úlā igwó ce ofigwo (108,100). É géē wɛ ígwu ɔ́mɛɛtá nēe bɛ̄cɛ ā.
25Ācɛ nēe í lā ābɔ̄ ɛhíícō kú Áklɔ̄kpīihɔ ā wɛ ipɔ́ɔma kú Udán. Otrɛ̄yí kú ipɔ́ɔma ā wɛ Ahíyēsa, ɔyí kú Ammíssādayi. 26Ɛwa kú uwā wɛ úlā ofahāapa ce úlā igwɛ́ɛhīlī ce ofigwɛ́ɛhɔ̄ (62,700). 27Ācɛ nēe lā gboce ipɔ́ɔma nyā ā wɛ ipɔ́ɔma kú Ássa. Otrɛ̄yí kú ipɔ́ɔma ā wɛ Upagíyɛ̄lu, ɔyí kú Ɔ́kran. 28Ɛwa kú uwā wɛ úlā ofɛhɔ̄ ce úlā ɛtá ce ofigwɛ́ɛhɔ̄ (41,500). 29Ipɔ́ɔma ɔhá nēe lā gboce ipɔ́ɔma nyā ā wɛ ipɔ́ɔma kú Unáfutāli. Otrɛ̄yí kú ipɔ́ɔma ā wɛ Ahíra, ɔyí kú Ɛ́nan. 30Ɛwa kú ipɔ́ɔma ā wɛ úlā ofɛɛhīlī ce úlā ɛtá ce ofigwó (53,400). 31Odúúdú ɛwa kú ígwu kú ipɔ́ɔma kú Udán ā wɛ úlā ofigwáahāanɛ ce úlā igwɛ́ɛtá ce ofigáahātá (157,600).
32Odúúdú ɛwa kú aípɔ́ɔma kú Ísrɛ̄lu nēé tá iyē kú uwā klla gbo uwá áluka ígwíígwu ā wɛ úlā bá ɛga úlā ɛtá, ce úlā ofu cɛɛtá ce ofigwáahāapa ce igwó (603,550). 33Amáŋ, é gba ācɛ kú Ulífāyi áluka tū ācɛ kú Ísrɛ̄lu ā ŋ́, ɛ́gɛ́nɛ̄ Óndú ā je ɔ́da lɛ Umósīsi lɛ ā. 34Anɔ́ɔ ācɛ kú Ísrɛ̄lu le yá ɛ́gɛ́nɛ̄ Óndú ā ka lɛ uwá bū okónu kú Umósīsi ā. Ɔnyɔɔnyɛ lā ipɔ́ɔma mɛ́mla ígwu kú ipɔ́ɔma kú ɔlɛ́ nū. É kē yɛ ɛ́gɛ́nɛ̄ ipɔ́ɔma kú uwā lɛ ā.
Currently Selected:
ÁLUKA 2: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 2
2
Ɛ́gɛ́nɛ̄ ipɔ́ɔma dóódu géē la lɛ a
1Óndú ā da Umósīsi mɛ́mla Árɔ̄ni kahíníī, 2“Eko dóódu nɛ̄ ācɛ kú Ísrɛ̄lu gaá lā ɛga dúúmā, ɔnyɔɔnyɛ géē lā ipɔ́ɔma kú ɔlɛ́ nū, ɛháajɛ otúta kú ipɔ́ɔma kú ɔlɛ́ nū. É kē í pīyeyīkwu Áklɔ̄kpīihɔ ŋmá ɛga dóódu nēé í lā ā.” 3Ācɛ nēe géē lā ɛnɔ̄ɔ̄cī kú Áklɔ̄kpīihɔ ā wɛ ipɔ́ɔma kú Ujúda. Otrɛ̄yí kú ipɔ́ɔma ā kē wɛ Unássɔn, ɔyí kú Ammínādabu. 4Ɛwa kú uwā wɛ ācɛ úlā ofu ahātá ce úlā ɛhīlī ce ofigwo (74,600). 5Ācɛ nēe í lā gboce uwá ā wɛ ipɔ́ɔma kú Íssāka. Otrɛ̄yí kú ipɔ́ɔma ā wɛ Unatánīyɛlu, ɔyí kú Usúwa. 6Ɛwa kú uwā wɛ úlā ofɛhīlī ce úlā ɛhīlī (54,400). 7Ācɛ nēe géē lā gboce ipɔ́ɔma nyā ā wɛ ipɔ́ɔma kú Usɛ́būlɔn. Otrɛ̄yí kú ipɔ́ɔma nyā wɛ Ɛlíyābu, ɔyí kú Uhɛ́lɔn. 8Ɛwa kú uwā kē wɛ úlā ofu ahāapa ce úlā ɛtá ce ofigwó (57,400). 9Odúúdú áluka kú ígwu kú ipɔ́ɔma kú Ujúda ā wɛ úlā bá ɛga úlā ce úlā ofɛɛtá ce úlā ɛhīlī (186,400). Aɛ́nyā wɛ ācɛ nēe gbɔbū á.
10Ācɛ nēe í lā abɔ̄ ɛháajɛ kú Áklɔ̄kpīihɔ ā wɛ ipɔ́ɔma kú Urúbɛ̄n. Otrɛ̄yí kú ipɔ́ɔma ɔ́ɔmā wɛ Ɛlísu, ɔyí kú Ussidíyu. 11Ɛwa kú uwā wɛ úlā ofɛhɔ̄ ce úlā igwɛ́ɛhīlī ce ofɛhɔ̄ (46,500). 12Ācɛ nēe í lā gboce uwá ā wɛ ipɔ́ɔma kú Usímīyɔni, Otrɛ̄yí kú ipɔ́ɔma ā wɛ Usselúmīyɛlu, ɔyí kú Usúríssadāyi. 13Ɛwa kú uwā wɛ úlā ofu ahāapa ce úlā ahātá ce ofɛhɔ̄ (59,300). 14Ācɛ ɔhá nēe í lā gboce ipɔ́ɔma nyā ā wɛ ipɔ́ɔma kú Ugádi. Otrɛ̄yí kú uwā wɛ Ɛlíyāsafu, ɔyí kú Uréwɛ̄lu. 15Ɛwa kú uwā wɛ úlā ofɛhɔ̄ ce úlā ɛnɛ ce ofɛpa ce igwó (45,650). 16Odúúdú áluka kú ígwu kú ipɔ́ɔma kú Urúbɛ̄n ā wɛ úlā ofu igwáahātá ce igwáahāapa ce ofigwɛ́ɛpa ce igwo (151,450). É géē kwáajɛ gboce ipɔ́ɔma kú Urúbɛ̄n ā.
17Ayí kú Ulífāyi géē bī Aklɔ̄kpīihɔ-nɛ̄hi ā bá ī yɛ ɔtāhɛ̄ ígwu ɛpa kú aflɛ́yí ā mɛ́mla ígwu ɔ́mpa ā. Ígwu éyééye géē yɛ ɔwɛ ékpónú ɔ́ɔmā dúú ɛháajɛ otúta kú ipɔ́ɔma kú uwā. 18Ācɛ nēe í lā abɔ̄ ɛnɔ̄ɔ̄nɛ̄ kú Áklɔ̄kpīihɔ ā wɛ ipɔ́ɔma kú Ɛ́frem. Otrɛ̄yí kú ipɔ́ɔma nyā wɛ Ɛlíssāma, ɔyí kú Ammíhūdu. 19Ɛwa kú uwā wɛ úlā ofɛhɔ̄ ce úlā ce ofɛhɔ̄ (40,500). 20Ācɛ nēe í lā gboce uwá ā wɛ ipɔ́ɔma kú Umanásɛ. Otrɛ̄yí kú ipɔ́ɔma ā wɛ Ugamálīyɛ̄lu, ɔyí kú Upɛdásɔ. 21Ɛwa kú uwā wɛ úlā ofɛnɛ ce ofigwó (32,200). 22Ipɔ́ɔma ɔhá nōo í lā gboce ipɔ́ɔma nyā wɛ ipɔ́ɔma kú Ubɛ́njamīn, otrɛ̄yí kú ipɔ́ɔma ā wɛ Abídan, ɔyí kú Ugídiyɔn. 23Ɛwa kú uwā wɛ úlā ofɛɛnɛ ce úlā ahāapa ce ofigwo (35,400). 24Odúúdú ɛwa kú ígwu kú ipɔ́ɔma kú Ɛ́frēm ā wɛ úlā ofigwɛ́ɛtá ce úlā igwó ce ofigwo (108,100). É géē wɛ ígwu ɔ́mɛɛtá nēe bɛ̄cɛ ā.
25Ācɛ nēe í lā ābɔ̄ ɛhíícō kú Áklɔ̄kpīihɔ ā wɛ ipɔ́ɔma kú Udán. Otrɛ̄yí kú ipɔ́ɔma ā wɛ Ahíyēsa, ɔyí kú Ammíssādayi. 26Ɛwa kú uwā wɛ úlā ofahāapa ce úlā igwɛ́ɛhīlī ce ofigwɛ́ɛhɔ̄ (62,700). 27Ācɛ nēe lā gboce ipɔ́ɔma nyā ā wɛ ipɔ́ɔma kú Ássa. Otrɛ̄yí kú ipɔ́ɔma ā wɛ Upagíyɛ̄lu, ɔyí kú Ɔ́kran. 28Ɛwa kú uwā wɛ úlā ofɛhɔ̄ ce úlā ɛtá ce ofigwɛ́ɛhɔ̄ (41,500). 29Ipɔ́ɔma ɔhá nēe lā gboce ipɔ́ɔma nyā ā wɛ ipɔ́ɔma kú Unáfutāli. Otrɛ̄yí kú ipɔ́ɔma ā wɛ Ahíra, ɔyí kú Ɛ́nan. 30Ɛwa kú ipɔ́ɔma ā wɛ úlā ofɛɛhīlī ce úlā ɛtá ce ofigwó (53,400). 31Odúúdú ɛwa kú ígwu kú ipɔ́ɔma kú Udán ā wɛ úlā ofigwáahāanɛ ce úlā igwɛ́ɛtá ce ofigáahātá (157,600).
32Odúúdú ɛwa kú aípɔ́ɔma kú Ísrɛ̄lu nēé tá iyē kú uwā klla gbo uwá áluka ígwíígwu ā wɛ úlā bá ɛga úlā ɛtá, ce úlā ofu cɛɛtá ce ofigwáahāapa ce igwó (603,550). 33Amáŋ, é gba ācɛ kú Ulífāyi áluka tū ācɛ kú Ísrɛ̄lu ā ŋ́, ɛ́gɛ́nɛ̄ Óndú ā je ɔ́da lɛ Umósīsi lɛ ā. 34Anɔ́ɔ ācɛ kú Ísrɛ̄lu le yá ɛ́gɛ́nɛ̄ Óndú ā ka lɛ uwá bū okónu kú Umósīsi ā. Ɔnyɔɔnyɛ lā ipɔ́ɔma mɛ́mla ígwu kú ipɔ́ɔma kú ɔlɛ́ nū. É kē yɛ ɛ́gɛ́nɛ̄ ipɔ́ɔma kú uwā lɛ ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma