ÁLUKA 1
1
Ācɛ nēé gbaáluka kú eko aflɛ́yí ā
1 #
Áluk 26.1-51
Ipú ɛ̄cī aflɛ́yí kú ɔyā ɔ́mpa kú ipu iháyí ɔ́mpa, nɛ̄ ācɛ kú Ísrɛ̄lu bɛ̄cɛ ŋmá Íjīpiti ā, Óndú ā kɛlā lɛ Umósīsi ipu Áklɔ̄kpīihɔ, ipu ígbíli kú Usáyínāyi ā kahíníī, 2“Awɔ mɛ́mla Árɔ̄ni, aá lɛ odúúdu ācɛ kú Ísrɛ̄lu gbaáluka, ipɔ́ɔma mɛ́mla ipú ɔlɛ́ ipú ɔlɛ́. 3Ācɛnyīlɔ nēe wɛ iháyí ofu gɔbū ā, nēe lɔfú ga ɔgbɛ́fú glá ā, aá lɛ iyē kú uwā tá ígwíígwu. 4Lɛ otrɛ̄yí éyééye fu ŋmá ipɔ́ɔma éyééye kóō tú uwɔ abɔ̄. 5Ācɛ nēe fu ŋmá ipɔ́ɔmā éyééye kéē bá mla uwɔ, cɛ́ɛ́ kéē tú uwɔ abɔ̄ ā bá á. Ɔ̄cɛ nōo géē ŋmá ipɔ́ɔma kú Urúbɛ̄n ā wɛ Ɛlísɔ ɔyí kú Ussɔ́diyu
6Ɔ̄cɛ nōo ŋmá ipɔ́ɔma kú Usímīyɔn ā wɛ Ussɔlumíyɛ̄lu, ɔyí kú Usúríssādayi,
7Ɔ̄cɛ nōo ŋmá ipɔ́ɔma kú Ujúda ā wɛ Unássɔn, ɔyí kú Ammínādabu.
8Ɔ̄cɛ nōo ŋmá ipɔ́ɔma kú Issaka ā wɛ Unɛtánīyɛlu, ɔyí kú Usúwa.
9Ɔ̄cɛ nōo ŋmá ipɔ́ɔma kú Usɛ́būlɔn ā wɛ Ɛlíyābu, ɔyí kú Uhɛ́lɔn.
10Ɔ̄cɛ nōo ŋmá ipɔ́ɔma kú Ɛ́frēm ā wɛ Ɛlíssāma, ɔyí kú Ammíhūdu.
Ɔ̄cɛ nōo ŋmá ipɔ́ɔma kú Umanásɛ ā wɛ Ugamálīyɛ̄lu, ɔyí kú Upɛdásu.
11Ɔ̄cɛ nōo ŋmá ipɔ́ɔma kú Ubɛ́njamīn ā wɛ Abídan, ɔyí kú Ugídón.
12Ɔ̄cɛ nōo ŋmá ipɔ́ɔma kú Udán ā wɛ Ahiyésa, ɔyí kú Ammíssadāyi.
13Ɔ̄cɛ nōo ŋmá ipɔ́ɔma kú Ássa ā wɛ Upagíyɛlu, ɔyí kú Ɔ́ciran.
14Ɔ̄cɛ nōo ŋmá ipɔ́ɔma kú Ugádi ā wɛ Ɛlíyāsafu, ɔyí kú Udɛ́yūwɛlu
15Ɔ̄cɛ nōo ŋmá ipɔ́ɔma kú Unáfutāli ā wɛ Ahíra, ɔyí kú Ɛ́nan. 16Aɛ́nyā wɛ ācɛ nēé fu ŋmá ipú ācɛ kú Ísrɛ̄lu á. Odúúdú uwā wɛ otrɛ̄yí kú ipɔ́ɔma kú ɔlɛ́ uwā. 17O ŋmá o tábɔ̄ kú ācɛ igwɛ́ɛpa nēe bá nyā ā, Umósīsi mɛ́mla Árɔ̄ni, 18le odúúdu ójila kú Ísrɛ̄lu hīīgwú tɔ̄ɔ̄há ɛ̄cī aflɛ́yí kú ɔyā ɔ́mpa kú ipú iháyí ɔ́mpa ŋméeko nēé bɛ̄cɛ ŋmá Íjīpiti ā. Ó le odúúdu iyē kú uwā kpó tá tū ɔkpá lɛ uwá gbaáluka ipɔ́ɔma éyééye. É le iyē kú ācɛnyīlɔ nēe wɛ iháyí ofu gɔbū ā tá tū ɔkpá, le uwá gbaáluka. 19Umósīsi le ācɛ ā gbaáluka le iyē kú uwā tá tū ɔkpá, ɛ́gɛ́nɛ̄ Óndú ā da ɔ́ lɛ ipú ígbíli kú Usáyínāyi ā.
20Ɛjɛ̄ɛ̄jī ayí kú ipɔ́ɔma kú Urúbɛ̄n, ɔyí aflɛ́yí kú Ísrɛ̄lu ā, nēe wɛ iháyí ofu gɔbū ā, nēe kē ga ɔgbɛ́fú glá ɛ́ɛ́ mā wɛ, 21ācɛ úlā ofɛhɔ̄ ce úlā igwɛ́ɛhīlī ce ofɛhɔ̄ (46,500).
22Ɛjɛ̄ɛ̄jī ācɛ ipɔ́ɔma kú Usímīyɔni ā wɛ
23ācɛ úlā ofu ahāapa ce úlā ahātá ce ofɛhɔ̄ (59,300).
24Ācɛ ipɔ́ɔma kú Ugád ā wɛ
25ācɛ úlā ofɛhɔ̄ ce úlā ɛnɛ ce ofigwɛ́ɛpa ce igwó (45,650).
26Ācɛ kú ipɔ́ɔma kú Ujúda ā wɛ
27ācɛ úlā ofu ahātá ce úlā igwɛ́ɛhli ce ofigwó (74,600).
28Ācɛ kú ipɔ́ɔma kú Ísāka ā wɛ
29ācɛ úlā ofɛhīlī ce úlā ɛhīlī (54,400).
30Ipɔ́ɔma kú Usɛ́būlɔn ā wɛ
31ācɛ úlā ofaahāapa ce úlā ɛtá ce ofigwó (57,400).
32Ācɛ ipɔ́ɔma kú Ɛ́frem ā wɛ
33ācɛ úlā ofɛhɔ̄ ce úlā éyi ce ofɛhɔ̄ (40,500).
34Ipɔ́ɔma kú Umanásɛ ā wɛ
35ācɛ úlā ofɛɛnɛ ce ofigwó (32,200).
36Ipɔ́ɔma kú Ubɛ́njamīn ā wɛ
37ācɛ úlā ofɛɛnɛ ce úlā ahātá ce ofigwó (35,400).
38Ipɔ́ɔma kú Udán ā wɛ
39ācɛ úlā ofaahāapa ce úlā igwɛ́ɛhīlī ce ofigwɛ́ɛhɔ̄ (62,700).
40Ipɔ́ɔma kú Ássa ā wɛ
41ācɛ úlā ofɛhɔ̄ ce úlā ɛtá ce ofigwó (41,500).
42Áluka kú ipɔ́ɔma kú Unáfutāli, nēe wɛ iháyí ofu gɔbū nēe kē lɔfú ga ɔgbɛ́fú glá ā wɛ
43ācɛ úlā ofɛhīlī ce úlā ɛtá ce ofigwo (53,400).
44Ācɛ nēe bá nyā wɛ ācɛ nɛ̄ Umósīsi mɛ́mla Árɔ̄ni gbaáluka ŋmá lɛ o tábɔ̄ kú aótrɛ̄yí igwɛ́ɛpa kú aípɔ́ɔma kú Ísrɛ̄lu ā á. 45Odúúdú áluka kú aípɔ́ɔma igwɛ́ɛpa kú ācɛ kú Ísrɛ̄lu ā, ācɛ ɛ̄nɛ̄ e wɛ iháyí ofu gɔbū nēe kē ga ɔgbɛ́fú glá ā wɛ, 46ācɛ úlā bá ɛga úlā ɛtá ce úlā ofɛhɔ̄ ce ɛtá ce ofu igwɛ́ɛpa cigwó (603,550).
É gba ayí kú Ulífāyi ā áluka ŋ́
47Umósīsi í gba ayí kú Ulífāyi áluka mla aípɔ́ɔma ɔhá ā ŋ́. 48Ohígbū ka Óndú ā tɛtɛ da Umósīsi kahíníī, 49“Eko dóódu nāa géē gba ācɛ áluka kú ɛfú ō kpó, ā híī gbo ācɛ kú Ulífāyi áluka tū uwā ŋ́. 50Amáŋ, uwá kéē leyīkwu Áklɔ̄kpīihɔ kú um mɛ́mla odúúdu iyó kú nū. É géē je Áklɔ̄kpīihɔ kú um ā ŋmáajɛ mla odúúdu iyó kú nū, klla í je ɔ́ kwaajɛ, é klla í lā yɛ jīla anú tá. 51Eko dúúmā nɛ̄ aá le cāālɛ́, ayí kú Ulífāyi ā géē je Áklɔ̄kpīihɔ kú um á. É klla í je ɔ́ kwaajɛ ɛga ɛ̄yīpɛ̄ ā. Ɔ̄cɛ ɔhá dóódu nōo túblá anú géē kwú. 52Ācɛ ohile kú Ísrɛ̄lu ā géē gwó ɔlɛ́ uwa ígwíígwu ɛ́gɛ́nɛ̄ ɔfú kú uwā jɛ̄ lɛ ā. 53Amáŋ ayí kú Ulífāyi ā géē lā yɛ jīla Áklɔ̄kpīihɔ kú um ā tá, cɛ́ɛ́ ká ɔ̄cɛ dúúmā kóō túblá anú, ɛ́ɛ́ kéē pūla ɔnū kú Óndú ā klá ayí Ísrɛ̄lu ŋ.” 54Anɔ́ɔ ācɛ kú Ísrɛ̄lu kē lɛ odúúdu ɔdā nɛ̄ Óndú ā ka bū okónu kú Umósīsi ā yá.
Currently Selected:
ÁLUKA 1: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 1
1
Ācɛ nēé gbaáluka kú eko aflɛ́yí ā
1 #
Áluk 26.1-51
Ipú ɛ̄cī aflɛ́yí kú ɔyā ɔ́mpa kú ipu iháyí ɔ́mpa, nɛ̄ ācɛ kú Ísrɛ̄lu bɛ̄cɛ ŋmá Íjīpiti ā, Óndú ā kɛlā lɛ Umósīsi ipu Áklɔ̄kpīihɔ, ipu ígbíli kú Usáyínāyi ā kahíníī, 2“Awɔ mɛ́mla Árɔ̄ni, aá lɛ odúúdu ācɛ kú Ísrɛ̄lu gbaáluka, ipɔ́ɔma mɛ́mla ipú ɔlɛ́ ipú ɔlɛ́. 3Ācɛnyīlɔ nēe wɛ iháyí ofu gɔbū ā, nēe lɔfú ga ɔgbɛ́fú glá ā, aá lɛ iyē kú uwā tá ígwíígwu. 4Lɛ otrɛ̄yí éyééye fu ŋmá ipɔ́ɔma éyééye kóō tú uwɔ abɔ̄. 5Ācɛ nēe fu ŋmá ipɔ́ɔmā éyééye kéē bá mla uwɔ, cɛ́ɛ́ kéē tú uwɔ abɔ̄ ā bá á. Ɔ̄cɛ nōo géē ŋmá ipɔ́ɔma kú Urúbɛ̄n ā wɛ Ɛlísɔ ɔyí kú Ussɔ́diyu
6Ɔ̄cɛ nōo ŋmá ipɔ́ɔma kú Usímīyɔn ā wɛ Ussɔlumíyɛ̄lu, ɔyí kú Usúríssādayi,
7Ɔ̄cɛ nōo ŋmá ipɔ́ɔma kú Ujúda ā wɛ Unássɔn, ɔyí kú Ammínādabu.
8Ɔ̄cɛ nōo ŋmá ipɔ́ɔma kú Issaka ā wɛ Unɛtánīyɛlu, ɔyí kú Usúwa.
9Ɔ̄cɛ nōo ŋmá ipɔ́ɔma kú Usɛ́būlɔn ā wɛ Ɛlíyābu, ɔyí kú Uhɛ́lɔn.
10Ɔ̄cɛ nōo ŋmá ipɔ́ɔma kú Ɛ́frēm ā wɛ Ɛlíssāma, ɔyí kú Ammíhūdu.
Ɔ̄cɛ nōo ŋmá ipɔ́ɔma kú Umanásɛ ā wɛ Ugamálīyɛ̄lu, ɔyí kú Upɛdásu.
11Ɔ̄cɛ nōo ŋmá ipɔ́ɔma kú Ubɛ́njamīn ā wɛ Abídan, ɔyí kú Ugídón.
12Ɔ̄cɛ nōo ŋmá ipɔ́ɔma kú Udán ā wɛ Ahiyésa, ɔyí kú Ammíssadāyi.
13Ɔ̄cɛ nōo ŋmá ipɔ́ɔma kú Ássa ā wɛ Upagíyɛlu, ɔyí kú Ɔ́ciran.
14Ɔ̄cɛ nōo ŋmá ipɔ́ɔma kú Ugádi ā wɛ Ɛlíyāsafu, ɔyí kú Udɛ́yūwɛlu
15Ɔ̄cɛ nōo ŋmá ipɔ́ɔma kú Unáfutāli ā wɛ Ahíra, ɔyí kú Ɛ́nan. 16Aɛ́nyā wɛ ācɛ nēé fu ŋmá ipú ācɛ kú Ísrɛ̄lu á. Odúúdú uwā wɛ otrɛ̄yí kú ipɔ́ɔma kú ɔlɛ́ uwā. 17O ŋmá o tábɔ̄ kú ācɛ igwɛ́ɛpa nēe bá nyā ā, Umósīsi mɛ́mla Árɔ̄ni, 18le odúúdu ójila kú Ísrɛ̄lu hīīgwú tɔ̄ɔ̄há ɛ̄cī aflɛ́yí kú ɔyā ɔ́mpa kú ipú iháyí ɔ́mpa ŋméeko nēé bɛ̄cɛ ŋmá Íjīpiti ā. Ó le odúúdu iyē kú uwā kpó tá tū ɔkpá lɛ uwá gbaáluka ipɔ́ɔma éyééye. É le iyē kú ācɛnyīlɔ nēe wɛ iháyí ofu gɔbū ā tá tū ɔkpá, le uwá gbaáluka. 19Umósīsi le ācɛ ā gbaáluka le iyē kú uwā tá tū ɔkpá, ɛ́gɛ́nɛ̄ Óndú ā da ɔ́ lɛ ipú ígbíli kú Usáyínāyi ā.
20Ɛjɛ̄ɛ̄jī ayí kú ipɔ́ɔma kú Urúbɛ̄n, ɔyí aflɛ́yí kú Ísrɛ̄lu ā, nēe wɛ iháyí ofu gɔbū ā, nēe kē ga ɔgbɛ́fú glá ɛ́ɛ́ mā wɛ, 21ācɛ úlā ofɛhɔ̄ ce úlā igwɛ́ɛhīlī ce ofɛhɔ̄ (46,500).
22Ɛjɛ̄ɛ̄jī ācɛ ipɔ́ɔma kú Usímīyɔni ā wɛ
23ācɛ úlā ofu ahāapa ce úlā ahātá ce ofɛhɔ̄ (59,300).
24Ācɛ ipɔ́ɔma kú Ugád ā wɛ
25ācɛ úlā ofɛhɔ̄ ce úlā ɛnɛ ce ofigwɛ́ɛpa ce igwó (45,650).
26Ācɛ kú ipɔ́ɔma kú Ujúda ā wɛ
27ācɛ úlā ofu ahātá ce úlā igwɛ́ɛhli ce ofigwó (74,600).
28Ācɛ kú ipɔ́ɔma kú Ísāka ā wɛ
29ācɛ úlā ofɛhīlī ce úlā ɛhīlī (54,400).
30Ipɔ́ɔma kú Usɛ́būlɔn ā wɛ
31ācɛ úlā ofaahāapa ce úlā ɛtá ce ofigwó (57,400).
32Ācɛ ipɔ́ɔma kú Ɛ́frem ā wɛ
33ācɛ úlā ofɛhɔ̄ ce úlā éyi ce ofɛhɔ̄ (40,500).
34Ipɔ́ɔma kú Umanásɛ ā wɛ
35ācɛ úlā ofɛɛnɛ ce ofigwó (32,200).
36Ipɔ́ɔma kú Ubɛ́njamīn ā wɛ
37ācɛ úlā ofɛɛnɛ ce úlā ahātá ce ofigwó (35,400).
38Ipɔ́ɔma kú Udán ā wɛ
39ācɛ úlā ofaahāapa ce úlā igwɛ́ɛhīlī ce ofigwɛ́ɛhɔ̄ (62,700).
40Ipɔ́ɔma kú Ássa ā wɛ
41ācɛ úlā ofɛhɔ̄ ce úlā ɛtá ce ofigwó (41,500).
42Áluka kú ipɔ́ɔma kú Unáfutāli, nēe wɛ iháyí ofu gɔbū nēe kē lɔfú ga ɔgbɛ́fú glá ā wɛ
43ācɛ úlā ofɛhīlī ce úlā ɛtá ce ofigwo (53,400).
44Ācɛ nēe bá nyā wɛ ācɛ nɛ̄ Umósīsi mɛ́mla Árɔ̄ni gbaáluka ŋmá lɛ o tábɔ̄ kú aótrɛ̄yí igwɛ́ɛpa kú aípɔ́ɔma kú Ísrɛ̄lu ā á. 45Odúúdú áluka kú aípɔ́ɔma igwɛ́ɛpa kú ācɛ kú Ísrɛ̄lu ā, ācɛ ɛ̄nɛ̄ e wɛ iháyí ofu gɔbū nēe kē ga ɔgbɛ́fú glá ā wɛ, 46ācɛ úlā bá ɛga úlā ɛtá ce úlā ofɛhɔ̄ ce ɛtá ce ofu igwɛ́ɛpa cigwó (603,550).
É gba ayí kú Ulífāyi ā áluka ŋ́
47Umósīsi í gba ayí kú Ulífāyi áluka mla aípɔ́ɔma ɔhá ā ŋ́. 48Ohígbū ka Óndú ā tɛtɛ da Umósīsi kahíníī, 49“Eko dóódu nāa géē gba ācɛ áluka kú ɛfú ō kpó, ā híī gbo ācɛ kú Ulífāyi áluka tū uwā ŋ́. 50Amáŋ, uwá kéē leyīkwu Áklɔ̄kpīihɔ kú um mɛ́mla odúúdu iyó kú nū. É géē je Áklɔ̄kpīihɔ kú um ā ŋmáajɛ mla odúúdu iyó kú nū, klla í je ɔ́ kwaajɛ, é klla í lā yɛ jīla anú tá. 51Eko dúúmā nɛ̄ aá le cāālɛ́, ayí kú Ulífāyi ā géē je Áklɔ̄kpīihɔ kú um á. É klla í je ɔ́ kwaajɛ ɛga ɛ̄yīpɛ̄ ā. Ɔ̄cɛ ɔhá dóódu nōo túblá anú géē kwú. 52Ācɛ ohile kú Ísrɛ̄lu ā géē gwó ɔlɛ́ uwa ígwíígwu ɛ́gɛ́nɛ̄ ɔfú kú uwā jɛ̄ lɛ ā. 53Amáŋ ayí kú Ulífāyi ā géē lā yɛ jīla Áklɔ̄kpīihɔ kú um ā tá, cɛ́ɛ́ ká ɔ̄cɛ dúúmā kóō túblá anú, ɛ́ɛ́ kéē pūla ɔnū kú Óndú ā klá ayí Ísrɛ̄lu ŋ.” 54Anɔ́ɔ ācɛ kú Ísrɛ̄lu kē lɛ odúúdu ɔdā nɛ̄ Óndú ā ka bū okónu kú Umósīsi ā yá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma