UMÁTIYU 19
19
Ujísɔ̄si nwɛ̄lā lɛyíkwu ɔnyā ō tá
(Umák 10.1-12; Ulúk 16.18)
1Anɔ́ɔ eko nɛ̄ Ujísɔ̄si lɛ ɛlā nēe bá ā ka kwɛyí ā, ó nyɛ̄ɛ̄ ŋmá Ugálīli. Anɔ́ɔ ó le tá ajɛ kú Ujudíya, ogbeé ɔhá kú Ujɔ́dan ā á. 2Ɛwa nɛ̄hi yɛce ɔ́, anɔ́ɔ ó le uwá nyatá ŋmá ōcē abɔ́ɔ á.
3Ācɛ Ufárisīi ōhī wā ɛgiyí nū gaá já ɔ̄ má kahíníī, “Íne kú alɔ jɛga lɛ ɔ̄cɛ kóō lɛ abɔ̄ bá ɔdā dúúmā tá ɔnyā nū ū?” 4#Ohút 1.27; 5.2Anɔ́ɔ ó tá ohi kahíníī, “Aá jé ŋmá ipú ɔkpá ɛlɔ̄ɔwɔicō ka, o gbɔɔ́ ŋmá ajɛ ā Ɔwɔicō yá ɔ̄cɛ ɔ̄cɛnyīlɔ mɛ́mla ɔ̄cɛnyā ŋ́ nɛɛ? 5#Ohút 2.24Anɔ́ɔ Ɔwɔicō kahíníī, ‘Ohígbū ɛ̄nyā ɔ̄cɛnyīlɔ géē nyɛ̄ɛ̄ ŋmá ɛgiyí ádā nū mɛ́mla ɛ́nɛ́ nū kóō gaá bɔ́há mɛ́mla ɔnyā nū, ká uwá ɛplɛ́ɛpa kéē le pīya ɔkpíye ékpó.’ 6Ohígbū ɔ́ɔmā é wɛ ɛpa gɛ ŋ́, amáŋ ɔkpíyē ékpó. Ohígbū ɔ́ɔmā ɔdā nɛ̄ Ɔwɔicō le gbō bɔ́há, ɔ̄cɛ dúú kóō fō uwā ŋ́.” 7#Obla 24.1-4; Umát 5.31Ācɛ Ufárisīi da ɔ́ kahíníī, “Ɔdíyá nɛ̄ Umósīsi kē je íne kú ɔ̄cɛ kóō lɛ ɔkpá tá lɛ ɔnyā nū, cɛ́ɛ́ kóō tá ɔ̄ āa?” 8Ó da uwá kahíníī, “Ohígbū ɔtū ōlɔfú kú aá nɛ̄ Umósīsi je íkwu lɛ aá kú aá tá anyā aá. Amáŋ ó lɛ ā ŋmá uhútu ā ŋ́. 9#Umát 5.32; 1 Ukɔ́r 7.10,11Amáŋ n̄ da aá ka, ɔ́dāŋ ka ɔ̄cɛ dúúmā tá ɔnyā nū, ń táafú ŋ́ ayíka ohígbū ajā nōó gbo, nōó lɛ ɔnyā ɔhá lɛ, ayíka ɔ̄cɛ o cikpó ɔnyā ɔhá nōó wɛ á.”
10Ayíkpó kú nū da ɔ́ kahíníī, “Ɔ́dāŋ ka ɛ́gɛ́nyā nōó lɛ lɛ ɔbá mɛ́mla ɔnyā nū á nɛɛ, ayíka ó lɔhi fíyɛ́ kú ɔ̄cɛ kóō lɛ ɔnyā dɛ̄ɛ̄ ŋ́.” 11“Ujísɔ̄si tóohi kahíníī, “Ó wɛ odúúdú ācɛ lɔfú mīyɛ ɛlā nyā cɛ̄ gllá ā ŋ́, amáŋ ó wɛ ákú ācɛ nɛ̄ Ɔwɔicō je lɛ uwá ofōōfūwā nɛ n. 12Ohígbū ka ācɛ okwápī ōhī bá lɛ ā ŋmá eko nēé ma uwá. Ācɛ okwápī ōhī nēé bá uwā udá kē bá. Ācɛ ōhī bá nēé kē lɛ ɔnyā ŋ́ ohígbū ajɔ̄ɔ̄cɛ́ kú ɔkpáncō. Ɔ̄cɛ nōo lɔfú mīyɛ ɛlā nyā glá kóō mīyɛ.”
Ujísɔ̄si hɔ́hā ce ayípɛ̄ nɛ̄ŋ́cɛ́
(Umák 10.13-16; Ulúk 18.15-17)
13Anɔ́ɔ é lɛ ayípɛ̄ nɛ̄ŋ́cɛ́ bī gé lɛ ɔ́ kóō lɛ abɔ̄ ce uwá ɛyí kóō lɛ gbɔ̄ɔkɔ lɛ Ɔwɔicō lɛyíkwu uwá. Amáŋ ayíkpó kú nū le ɛgba dɛ̄ tū ācɛ nēe kpó ayípɛ̄ ā wā ā. 14Anɔ́ɔ Ujísɔ̄si kahíníī, “Aá habɔ̄ ayípɛ̄ nɛ̄ŋ́cɛ́ tá kéē wā ɛgiyí um, aá híīī nū uwá ŋ́, ohígbū ka ajɔ̄ɔ̄cɛ́ kú ɔkpáncō wɛ ákú ācɛ nēe lɛbɛ̄ɛka ayípɛ̄ ɛ́gɛ́nyā nɛ.” 15Igbīhi nōó lɛ abɔ̄ ce ayípɛ̄ ā ɛyí le ɔhá hɛ́ ce uwá kwɛyí ā, ó nyɛ̄ɛ̄ ŋmá abɔ́ɔ.
Ɔyípoklóbīya o lɛ agbénú ā
(Umák 10.17-22; Ulúk 18.18-23)
16Ɛ̄cī éyi, ɔ̄cɛ éyi wā ɛgiyí Ujísɔ̄si. Anɔ́ɔ ó da ɔ́ ɔ̄kā kahíníī, “Itíca, ɔdā olɔhi nyá nɛ̄ n géē yá ká n̄ lɛ oyēeyī opiyóó lɛ āa?” 17Amáŋ Ujísɔ̄si da ɔ́ kahíníī, “Ɔdíyá nɛ̄ a ī da um ɔ̄kā lɛyíkwu ɔdā olɔhi nɛ̄ a cíkā ō yá ā. Ɔ̄cɛ ékpónú ōfōōfūnū lɔhi á. Anú kē wɛ Ɔ̄wɔicō á. Ɔ́dāŋ ka a tíne ká ā lɛ oyēeyī opiyóó, lɛyítáajɛ lɛ aíne kú nū ā.” 18#Oyɛb 20.13; Obla 5.17; Oyɛb 20.14; Obla 5.18; Oyɛb 20.15; Obla 5.19; Oyɛb 20.16; Obla 5.20Ɔnyīlɔ ā dɔɔ̄kā kahíníī, “Aíne nyá ā?” Anɔ́ɔ Ujísɔ̄si tá ɔ̄ ohi kahíníī, “Ā híīī ŋmó ɔ̄cɛ ŋ́. Ā híīī cikpɔ́nyā ɔhá ŋ́. Ā híīī wūwī ŋ́. Ā híīī cībéenú ɛ̄kɛ̄mgbɛ̄ ŋ́. 19#Oyɛb 20.12; Obla 5.16; Ulīf 19.18Lɛ ojīlīmā ce ádā uwɔ mɛ́mla ɛ́nɛ́ uwɔ. Yíhɔtū tū oladóogbe kú uwɔ bɛ̄ɛka īyī uwɔ ā.” 20Anɔ́ɔ oklóbīya ɔ́ɔmā da ɔ́ kahíníī, “N lɛyítáajɛ lɛ odúúdú aɔ́dā nēe bá abɔ́ɔ ā kpɛ́ɛ́m ɛɛ́. Ɔdí ɔhá klla cɛgbá nɛ̄ n gē yá ā ɛ́ɛ́ gɛ?” 21Ujísɔ̄si da ɔ́ kahíníī, “Ɔ́dāŋ́ ka a tíne ká ā háyi kpaakpa, nyɔ̄ gaá kwú ɔdā dóódu nɛ̄ a lɛ ā ú kpó lá, ká ā lɛ ije nū kɔ̄ lɛ aógbɛhá. Ɔ́ɔmā ā géē yá ká ā lɛ agbénú ɔkpáncō. Cɛ́ɛ́ a wā ká ā gaá yɛce um.”
22Eko nɛ̄ ɔyípōklóbīya ā lɛ ɛlā nyā pó ā, ó nyɛ̄ɛ̄ mla ɔtūnōbí, ohígbū koó lɛ agbénú nɛ̄hi.
23Anɔ́ɔ Ujísɔ̄si da ayíkpó kú nū kahíníī, “Ɔkwɛ̄yi, n̄ da aá ka, ó lɔnɔ lɛ olagbénú kóō ga ajɔ̄ɔ̄cɛ́ kú ɔkpáncō. 24N da aá kpɔ́ ka, ó tɔ́ɔtɛ lɛ inyankwūlūmī kóō bū ɔ̄gīinyilá fíyɛ́ olagbénú kóō je pīya ɔ̄cɛ ajɔ̄ɔ̄cɛ́ kú Ɔwɔicō.”
25Eko nɛ̄ ayíkpó ā le pó ā, ó hɛ́ uwā idáagó fíyábɔ̄. Anɔ́ɔ é dɔ̄ɔkā kahíníī, “Ɔ̄nyɛ kē í nyatá mɛ́ɛ̄ ā?”
26Amáŋ Ujísɔ̄si leyīkwu uwá, anɔ́ɔ ó da uwá kahíníī, “Ɛgiyí ɔlɛɛcɛ ɛ̄nyā wɛ ɔdā nōó tū ō yá ŋ́. Amáŋ ɔdā dóódu tɔ́ɔtɛ́ ō yá lɛ Ɔwɔicō.”
27Anɔ́ɔ Upíta tóohi kahíníī, “Mɔ́ɔ̄, alɔ habɔ̄ ɔdā dóódu tá gbɔɔ́ ō yɛce uwɔ ɛɛ́. Ɔdí nɛ̄ alɔ kē í lɛ mɛ́ɛ̄ ā?”
28 #
Umát 25.31;
Ulúk 22.30
Ujísɔ̄si da uwá kahíníī, “Ɔkwɛ̄yi, n̄ da aá ka, ipú ɛcɛ ɛ̄yīpɛ̄ ā, eko nɛ̄ Ɔyínɔ̄nyīlɔ kú Ɔ̄cɛ géē yāajɛ akpa ɔcɛ́ kú nū nōo tū ɛgahi nɛ̄hi ā, aá nēe kē yɛce um ā géē yāajɛ ɛyí akpa ɔcɛ́ igwɛ́ɛpa ká aá kɛpɔ̄ tū aípɔ́ɔma igwɛ́ɛpa kú Ísrɛ̄lu ā. 29Ɔ̄cɛ dúúmā nōo habɔ̄ ɔlɛ́ nū tá, ámāŋ ayínɛ́ nū nɔ̄nyīlɔ mɛ́mla ayínɛ́ nū nɔ̄nyā, ámāŋ ádā nū, ámāŋ ɛ́nɛ́ nū, ámāŋ ayí nū, ámāŋ ajɛ ohígbū um, géē lɛ uwá fíyɛ́ igbo ofɛhɔ ce iyi uwā. Ó klla géē lɛ oyēeyī opiyóó. 30#Umát 20.16; Ulúk 13.30Amáŋ ācɛ alɛwa nēe gbɔbū ā abālɔbányā ā, géē gaá tíigbīhi. Ācɛ nēe kē tíigbīhi ā, géē gaá gbɔbū.”
The Bible Society of Nigeria
Learn More About Ubáyíbu kú Idɔma