OŌYƐBƐ̄CƐ 31

Ācɛ o yúklɔ́ abɔ̄ kú Áklɔ̄kpīihɔ ā

1Óndú ā da Umósīsi kahíníī, 2“N le Ubɛsálélu, ɔyí kú Úri, ɔyí kú Uhɔ́ɔ, ŋmá ipɔ́ɔma kú Ujúda ā fu ɛɛ́. 3N kwú ɔfú kú um ú lɛ ɔ́ dúúdú ɛɛ́. #31.3 ɔfú, ámāŋ alelékwū ihɔ N le íjééyī, ɛyí kú ɔdā ō jé mla ɔdā ímlɛ́ ō yá kpó lɛ ɔ́, cɛ́ɛ́ kóō yá ɛdɔ kú úklɔ́ ímlɛ́ dóódu glá. 4Ká ō miya úklɔ́ ímlɛ́ lɔɔlɔhi cɛ́ɛ́ kóō bī ugóolu (oje ɔdɔ), oje nɛ̄hɛ́ mɛ́mla oje udɔ lɛ yúklɔ́. 5N kwú íjééyī kú ɛcɔ̄ ɔ̄gbɔɔ́lá ō gbā, ɔcí ō gbā, mɛ́mla ɛ́dɔ úklɔ́ ímlɛ́ dóódu ú lɛ ɔ́ dúú. 6Ɔ̄cɛ ɔhá nɛ̄ n fu blla anú iye a wɛ Oholíyābu, ɔyí kú Ahísāmaki, ŋmá ipɔ́ɔma kú Udán kóō yúklɔ́ mla anú. N kē klla le íjééyī nɛ̄ɛ̄nɛ̄hi kpó lɛ odúúdú ācɛ o yúklɔ́ ímlɛ́ ā ɛɛ́, cɛ́ɛ́ kéē lɔfú yá ɔdā dóódu nɛ̄ n mafú gā uwɔ ā. 7É géē gwó Áklɔ̄kpīihɔ ā, mɛ́mla ɛga ocīce kú eyīnyinyi kú nū ā. É klla í yá ɔdā ocīce mɛ́mla aɔ́dā ō yá Áklɔ̄kpīihɔ ā ifa. 8É í gbā utébulu mɛ́mla odúúdú iyo kú ɛyí nū, ɔdā ō le agege ce ɔ̄ mɛ́mla odúúdú iyo kú nū mɛ́mla ede kú ɔtulalī ā. 9É í yá ede nēé gē gwɛ́ɛya ɛyí nū ā mɛ́mla odúúdú iyó kú nū. É klla í yá ogbanjɛ̄ ā mɛ́mla ɔkwu kú nū, nēé gē lɛ ɔ́ ce ā. 10É í gɔ́ īlī olɔhi nɛ̄hi, īlī otīihɔ kú ɔ̄cogwɛ́ɛya kú Árɔ̄ni mɛ́mla ayínɔ̄nyīlɔ kú nū. 11É í yá anɔ̄ otīihɔ ā, mɛ́mla ɔtulalī umuumu ōkpóocu kú ɛga Otīihɔ ā. É géē yá odúúdú aɔ́dā nēe bá nyā, ɛ́gɛ́nɛ̄ nɛ̄ n tū uwɔ ukɔ́ lɛ ā.”

Usábāti, ɛ̄cī kú Omlɛ́nyɔ́

12Óndú ā da Umósīsi kahíníī, 13“Lɛ ka lɛ ācɛ kú Ísrɛ̄lu kahíníī, ‘Aá lɛ ɛ̄cī nɛ̄ um ka aá cíkā ō yúklɔ́ ŋ́ mā tū. Ohígbū kaó wɛ ojumɛlá kú aá mɛ́mla ami jāā gbéeko téeko piyóó, ka ami nōo wɛ Óndú ā, lɛ aá yá ācɛ ɔlɛ́ um. 14Aá í lɛ ɛ̄cī nɛ̄ um ka aá cíká ō yúklɔ́ ŋ́ mā tū piíí, ohígbū ka ó wɛ ɛ̄cī kú um. Ɔ̄cɛ dóódu nōo lɛ ɔ́ nyílá, lɛ úklɔ́ yá ɛ̄cī ɔ́ɔmā, é géē ŋmó ɔ̄cɛ ɔ́ɔmā. 15#Oyɛb 20.8-11; 23.12; 34.21; 35.2; Ulīf 23.3; Obla 5.12-14Ɛ̄cī ɛhīlī nɛ̄ aá géē yúklɔ́ á. Amáŋ, ɛ̄cī ɔ́mahāapa ā wɛ ɛ̄cī nɛ̄ aá cíká ō yúklɔ́ ŋ, nɛ̄ aá í le tū lɛ Óndú á. Ɔ̄cɛ dóódu nōo lɛ úklɔ́ dúúmā yá ɛ̄cī ɔ́ɔmā, é géē ŋmó ɔ́ 16Ācɛ kú Ísrɛ̄lu géē lɛ ɛ̄cī Usábāti ā tū kóō wɛ ojumɛlá kú ɛka kú uwā mla um. 17#Oyɛb 20.11Ó wɛ ojumɛlá opiyóó kú ācɛ kú Ísrɛ̄lu mla um, ohígbū ka ami nōo wɛ Óndú ā yá ɔkpáncō mɛ́mla ɛcɛ ipú ɛ̄cī ɛhīlī, anɔ́ɔ ɛ̄cī ɔ́mahāapa ā n mā uklɔ́ ō yá tá, anɔ́ɔ n le mulɛ́nyɔ́ á.”

18Eko nɛ̄ Ɔwɔicō le ɛlā ka mla Umósīsi kwɛyí ɛfu kú Usínāyi ā, ó kwú usiléti kú ɛcɔ̄ ɛpa nɛ̄ Ɔwɔicō abɔ̄yīnū tá íne igwó tū ɔ̄ ā ú lɛ ɔ́.

Currently Selected:

OŌYƐBƐ̄CƐ 31: IFBCL

Highlight

Copy

Compare