Pristayeri 3
3
Saɗakar Shwalatədzi
1Ma ga ata hamta saɗakar jakə mwardzi, tar ka tsa ndzi gyal wala mbəkəl na kula nangka. 2Mwantə ni akwa nyarmbwar ləkwa tentər tsaptədzi, ka gə pungkər tsiya ga ata kərari ka gə tsi ni. Antə pristayeri ata pshitə shanga tenga bagaɗi ni ka mamshari. 3Ga ata mbamta bwadukwa saɗakar jakə mwardzi ni: Da an shanga mal na hartə dza kari kuta, 4ka kulshayeri na suɗa, ka mal na hartə dza ɗa, ka bwa na ɓɗakta shang ar mir. 5Antə pristayeri ata mbamta shanga su nayeri ni ata kəma duku kəga saɗaka mbamba ata bagaɗi. Tsa an saɗaka mbamba swakti ka shiwur na msəra natə I ata dluwari ka kucali.
6Ma ga ata kəɓəla təma wala kwi akwa ciɓər nga kamnyar hamta saɗakar jakə mwardzi, tar ka tsa ndzi gam, wala nciwa, wala mbəkəl na kula nangka. 7Ma ga ata hamta ɓzər təma, kara hamta ni tsu akwa nyarmbwar ləkwa tentər tsaptədzi. 8Ga ata pungkər tsiya ga ata kəra thlar saɗaka mbamba ni, antə I ata dlu saɗaka ni apa sur kəcimta ala gə bikər nga Antə pristayeri ata pshitə mamshir mwaɓi ni ata shanga tenga bagaɗi ni. 9Ga ata hamta bwadukwa saɗakar jakə mwardzi nayeri ni apa sur hamta ar susəma: Da an mal ar kurari, ka kurari ni zwai, ka shanga mal na hartə dza kari kutari, 10ka kulshayeri na suɗa, ka mal na hartə ɗa, ka bwa na ɓɗakta shang ar mir. 11Antə prist ata mbamta ɗa shang ata bagaɗi apa susəma mbamba ali. 12“Ma saɗaka tə ga ata hamta ali an kwi, 13antə tar ka gə mwantə ni akwa nyarmbwar tentər tsaptədzi ka gə pungkər tsiya ga ata kərari ka gə tsi ni akəma tent ni. Antə pristayeri ata pungkər mamshari ata shanga tenga bagaɗi ni. 14Ga ata mbamta saɗaka ka bwa nayeri ni apa sur hamta ali. Da an shanga mal na hartə kari kuta, 15ka kulshayeri na suɗa, ka mal na hartə ɗa, ka bwa na ɓɗakta shang ar mir. 16Antə prist ni ata mbamta ɗa shang ata bagaɗi, antə shiwur na msəra ar susəmər saɗaka ni ata ndzi msəra ali. Shanga mal an arna. 17Tsawu ngəni ata ndzi aka shanga zamanayeri ar giri. Akwa shanga vəyayeri tə giri ata ndzəndzi akwa, giri aɗi ata səm mal wala mamshi wa.”
Currently Selected:
Pristayeri 3: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
