Səɓəlari Labar Ata Kəra Kakaɗə Ni
Labar Ata Kəra Kakaɗə Ni
Mda ana kəta abbər Musa an rəbutə kakaɗər Səɓəlari ni. Su na ola akwa kakaɗə ni an səɓəlar mjir Israila akwa mafakur akwa tsəɗi Masar. Kakaɗə ngəni ku ndəkəidzi akwa bwayeri na ol'ola nfwar. Da an
1) Mjir Israila ku msər akwa mafakur akwa tsəɗi Masar.
2) Mjir Israila ku mwari akwa Gar Sinai.
3) Hyel ku mbwi alkawal ka mjirni Israila akwa Sinai. Alkawal na ku paktə ka tsawayeri kamnyar ndzəndzi lapiyakur, ka laku tə mjir Israila ata ndzi dur ka addin na zum ta hwada.
4) Namtər Tent aka MTHLAKU akwa Gar Sinai, ka kariyayeri ar kutambwar vəngkər səli, ka tsawayeri na ata kəra pristayeri, ka laku tə mda ata vəngkər səli aka MTHLAKU.
Thləma Musa an nghyantə kakaɗə ngəni. Musa an mdə tə Hyel carɓəla ka tsa pwar mjir Israila akwa ləɓəla akwa mafakur akwa tsəɗi Masar.
Mdə natə thləmari ku tuwa ta shang akwa kakaɗə ni an Musa. Tsa mdə natə Hyel ku carɓəla ni ka tsa fwaɓəla mjirni kazhar Masar. Pal akwa nca bwayeri na ol'ola tə mda ana ɗangtə an bwar Tsawayeri na Kuma (20:1-17).
Suayeri Na Akwa Kakaɗə ni
Mjir Israila ku msəri akwa mafakur akwa tsəɗi Masar. 1:1-15:21
Ndziyir mafakur akwa tsəɗi Masar 1:1-22
Yaɓəladzər Musa ka ngkyarkurərni 2:1-4:31
Musa ka Haruna ku si akəma kuthlir Masar 5:1-11:10
Kucalər Fəlɓəla Kəi ka Səɓəlar mjir Israila akwa Masar 12:1-15:21
Baɗita akwa Manda Duwathlu ka mwari akwa Gar Sinai 15:22-18:27
Mbwi Alkawal ka tsawayeri na akwa 19:1-24:18
Latər Tentər tsaptədzi kamnyar vəngkər səli aka Hyel 25:1-40:38
Currently Selected:
Səɓəlari Labar Ata Kəra Kakaɗə Ni: KNB
Highlight
Copy
Compare
Share
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.