Kəth Apos 24

Mjir Yahudi Ku Burkatə Bulus

1Aghəla vir ntəfu antə Hananiya prist na ol ni mwari ahar Kaisariya, ka mji ol'ol laga, ka lauya laga ka thləmari Tartullus. Antə da mwari akəma gwamna Feliks ka gariyir ɗa ar burkatə Bulus ni. 2Sakatə mdə kəgambwa Bulus, antə Tartullus ku baɗitə səntə ndərər burkatə Bulus ni akwa pəla,

“Bundi, ka barkar nga, gwamna Feliks! Akwa sakar nga antə yeru nggatə msərakur lapiyakur ndzəndziyir yeru na ku ɗarndzi. Tsuwa awa sakar nga antə suayeri ləkwa namtədzi akwa tsəɗi ni kamnyar ga ana wul su na akəma. 3Apani akwa kəlara bwa akwa tsəɗi ni mjir yeru akwa usar nga hang ka duna. 4Amma ta I asə shamta ala gə sakar nga, I akwa kiɗə barkar nga abbər ka gə dlar yeru ka gə psi thləm ala yeru raka. 5Yeru wutə abbər mdə ngəni ni mdər ti bwari, natə tədəku tsa akwa nthləi mpa akwa nca mjir Yahudi akwa kəlara bwa akwa duniya ni. Tsuwa tsa an olər mji tə mda ana kəga ɗa mjir Nazaren ni, watau mjir nu Yesu. 6Har ma tsa akwa bara ka tsa diɓərantə mbwar vəngkər səli, amma yeru ku ngkəi ni.#24:6 Bwadukwa kakaɗayeri na waci tə mdə rəbutə ka tsi jakəngkər ka pəla, yeru akwa bara ka yeru hara alari shariya apatə tsawur yeru thlamta. 7 Amma Lisiyas na olər sojayeri si ka dlutsə ni akəla yeru ka dwali, ka tsawa ala yeru na akwa burkatə ni ni abbər ka yeru si akəma ga. 8Ma gə yu ni, gə ka kəra ga, ata mzhi nggaɓəla akəlari shanga suayeri tə yeru akwa burkatə ata kər ni.”

9Antə mjir Yahudi paktə mnya kəga da akwa pəla shanga suayeri ngəni an jiri.

Bulus Ku Mbuli Kərni Akəma Gwamna Feliks

10Sakatə gwamna ku hara seɗa aka Bulus abbər ka tsa gari, antə Bulus pəla,

“Apatə I ka səndari abbər ga ku hara məvayeri hang akwa ndzi alkali akwa tsəɗi ngəni, I ka kucali kamnyar kəi mbuli kərna akəma ga. 11Apatə ga ata mzhi nggaɓəlari, ga ata wuta abbər ashina aɗi təramta ka vir kumnya suɗa ka mwarərna ahar Urushalima kamnyar vəngkər səli aka Hyel wa. 12Tsuwa da aɗi wutə akwa beɗi ka mda, wala akwa ti bwari wala akwa mbwar Hyel, wala akwa mbwar vəngkər səli wa, wala akwa kuta di wa. 13Tsuwa da amzhi hamta ala gə seɗar su tə da akwa burkatə ra kamnyar ni wa. 14Su pal antə I ku kələngkər abbər jiri, abbər I ana vəngkər səli aka Hyelər kəkayeri ar mburu atar nu Laku ni, natə mji ngəni akwa pəla aɗi jiri wa ni. Tsuwa I ana hamta jiri aka kəlara su na ku rəbutədzi akwa tsawur Musa, ka kakaɗayeri ar naɓiyayeri. 15I akwa hamta jiri aka Hyel, tsu apatə mji ngəni akwa hamta jiri, abbər mji na pwa, ka mji na ɗimi, ata sə thlata akwa mtəmta. 16An su na hara tə I akwa kəɗarari tədəku, abbər ka daɓwa yeru ka Hyel, ka tsuwa daɓwa yeru ka mji, ndzi kəcəkəcari lapiya.

17“Aghəla məvayeri laga antə I ngka akwa Urushalima kamnyar kəi hamta cautayeri aka mjir bwani, ka hamta sur hamta arna. #Kəth Apos 21:17-18 18I akwa hara akwa suayeri antə da si ka wutə ra akwa mbwar Hyel. Sakanda I ku kuri kəcimta kərna akwa, tsuwa mji aɗi adzə ra wa, zhar ka mdə pəla abbər I akwa thlentə hangkala mji wa. 19Amma mjir Yahudi laga aɗi na thlata akwa tsəɗi Asiya anda, da antə kalkal ka da si akəma ga ka da burkatə ra, ma da an ka damitədzi laga ata kəri. 20Wala tsuwa ka mji ngəni kə kərɗa, pəla su na ɗimi tə da wuta adzə ra sakatə I athləthlata akəma majalisa ni, 21sai dai nuhum gari ngəni duku tə I hara sakatə I athləthlata akəma ɗa ni, tə I haptə kuraku ka pəla, ‘Kamnyar hamta jiri tə I kəgari akwa thlata akwa mtəmta antə mda akwa hara ali shariya ngəni ni.’ ” #Kəth Apos 23:6

Mdə Ku Ngkəi Bulus

22Amma təng tə Feliks ka səndər su karkar ata kəra Laku ni, antə tsa thlatəmta ka shariya ni, akwa pəla, “Ma sakatə Lisiyas na olər sojayeri ni ku si, I ata thlamta ala giri su na ma aɗi.” 23Antə tsa tsawa aka olər soja ni abbər ka tsa gadi Bulus, amma ka tsa zhar ni ka tsa hara suayeri laga tə kərari kari, tsuwa tsa aɗiya ngkatə pazhayeri arni na ata si adzə ni kamnyar dlar ni wa.

Bulus Akəma Feliks Ka Durusilla

24Aghəla virayeri laga antə Feliks si ka mwalankiɗa Durusilla, ngkwar mjir Yahudi. Antə tsa thlenta abbər ka Bulus si, antə tsa ku nggatə su ata kəra hamta jiri akwa Kristi Yesu. 25Amma sakatə Bulus ləkəma ka gari ala ɗa ata kəra jirkur, mbwiɗəffu, mbwiɗəffu, ka vir shariya na akəmazi, antə Feliks thlivər ka pəla, “Təra, ku hara apani kulini. Ma I ku wutə saka, I ata jaktə kəga nga.” 26Tsuwa tsa akwa dzama akwa ɗəffari abbər nuhum Bulus ahamta alari kwaba. Apani antə tsa ana thlenta alari tədəku abbər ka tsa si ka da gari.

27Aghəla tə məva suɗə ku təramta, antə Porkiyus Festus ndzi gwamna ka dlu tsiya Feliks. Antə kamnyar tə Feliks akwa bara hara ɓɗakkur aka mjir Yahudi, antə tsa zhar Bulus tsu akwa pərsəna.

Currently Selected:

Kəth Apos 24: KNB

Highlight

Copy

Compare