SAM 87
87
Kora fapate Fakna Hla; Hla.
Jerusalem chawimawina
1A lungphûm chu tlâng thianghlimahte chuan
a awm.
2 Lalpa chuan Zion kulh
kawngkhârte chu Jakob-ho
awmna zawng zawng aiin
a ngaina zâwk a ni.
3Aw Pathian khawpui,
I chungchâng thu ropui takin
an sawi ṭhîn a ni.
(Selah)
4Mi hretute zîngah an tel ve tiin,
Rahab leh Babulon
chungchâng thu ka sawi ang;
Philistia leh Tura hi,
Ethiopia nên hian, en teh u;
He mi hi chuta piang chu a ni.
5A ni, “He mi leh saw mi saw
amaha piang an ni a;
Chungnungbera ngei chuan
amah chu a tinghet ang,” tiin
Zion chungchâng thu chu
an sawi ang
6 Lalpan mi tin hming a ziak
hunah chuan,
“He mi hi chuta piang chu
a ni,” tiin a chhiar ang.
(Selah)
7Hla satuten, a lâmate nên chuan,
“Ka tuihna zawng zawng chu
nangmahah a ni a awm ni,”
an ti ang.
Currently Selected:
SAM 87: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
