SAM 83
83
Hla, Asapha Fakna Hla.
Israel hmêlma tlâwm nâna dîlna
1Aw Pathian, ṭawng lovin awm suh ang che;
Aw Pathian, ngawi reng suh la,
awm hle hle lul suh ang che.
2Ngai teh, nangmah dotute chu
an sa mur mur a;
Nangmah hawtute chu
an dâk hraw hraw a.
3I mite hi vervêk takin an phiar a,
I mi thuhrûkte chungah hian
a chhe lamin an inrâwn hlawm a.
4“Hawh u, an hnam hloh
khawpin i tiboral ang u!
Israel-ho hming rêng rêng
hi hriat renga a awm tawh
lohna tûrin,” an ti a.
5Thu khat vuain an inrâwn a;
I chungah a chhe lama
ti tûrin thu an intiam hlawm a.
6Edom-ho leh Ismael-ho puan inte,
Moab-ho leh Hagar-hote;
7Gebal-ho leh Amon-ho leh
Amalek-hote;
Philistia-ho Tura khuaa
awmte nên;
8Assuria-ho pawh an lamah
an ṭang ve a;
Lota thlahte chu an ṭanpui a.
(Selah)
9Anniho chu Midian-ho chunga
i tih ang te,
Kison luia Sisera chunga
i tih ang te,
Jabina chunga i tih ang te khân
ti ve ang che;#Ro 4.6-22; 7.1-23
10Chu mite chu En-dor khuaah
an boral a;
Lei tân êkdûr ang mai
an lo nih tâk kha.
11An mi liante chu Oreba leh
Zeeba ang khân siam la,
A ni, an lal zawng zawngte chu
Zeba leh Zalmuna ang khân
siam ang che.#Ro 7.25; 8.12
12Chu mite chuan,
“Pathian awmnate chu
I luahsak ang u,” an tih kha.
13Aw ka Pathian, anniho chu
vaivut vir chung chung ang
hian siam ang che;
Buh sisawp thli chhêm lên ur
ur ang mai hian.
14Ram kângtu mei ang leh,
Tlâng kângtu mei alh
ang hian;
15Anni chu i thlipuiin ûm la,
I thli na takin tihlau ang che.
16Aw Lalpa, i hming an zawn
theih nân An hmêl chu
zahnain tikhat ang che.
17Kumkhuain mualpho leh
mangang takin awm sela;
A ni, tihzaha awmin boral
rawh se;
18Nangmah chauh hi JEHOVA
hming pu,
Leilung zawng zawng chunga
Chungnungber i nih an
hriat theih nân.
Currently Selected:
SAM 83: MIZOVBSI
Highlight
Copy
Compare
Share
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
